Dienslewering, die towerwoord

Politieke partye het ‘n geleentheid raakgesien om kiesers te lok deur te konsentreer op dienslewering vir swart gebiede.

Twee van die DA se top vroueleiers het tydens die party se tussenverkiesingsveldtog in Limpopo ‘n optog na die plaaslike Mogalakwena-munisipaliteit gelei.

Lindiwe Mazibuko en Desiree van der Walt het daarna ‘n memorandum van griewe en ‘n versoekskrif met duisend handtekeninge oorhandig. Hulle is glo bekommerd oor wat hulle genoem het die stadige pas van dienslewering.

Van der Walt wat die partyleier in die provinsie is, sê die meeste strate in die HOP nedersetting is oorstroom deur riool en daar is geen basiese dienste nie.

Van der Walt het nie kommentaar gelewer oor die gebrek aan dienste in wit gebiede wat deur die munisipaliteite oorgesien word nie.

Die president van COPE, Mosiuoa Lekota, sê die ANC-regering lewer weens korrupsie binne die regering geen dienste aan plattelandse gebiede, veral in Limpopo nie.

Lekota is besig met deur-tot deur veldtogte by verskillende dorpies in die Vhembedistrik as deel van die opbou tot Woensdag se tussenverkiesing. Hy het aan ‘n groep mense in die Bungeni-township gesê die hulpbronne binne die regering word nie eweredig versprei nie.

Александр Фильчаков Васильевич

Opstande in VSA kring uit

Polisie het honderde betogers op die Brooklyn-brug in New York in hegtenis geneem, maar betogings ​​in die VSA kring al hoe verder uit.

Betogers het in Los Angeles, voor die City Hall, gedans op busse met “vrede” op die kant geverf.

‘n Kleiner protes is in Chicago se finansiële distrik gehou waar betogers plakkate opgehou het met die woorde “Werk, nie afdankings nie”.

Betogers het ook opgeruk na Denver in Colorado, om in die sentrum te versamel voor in die stadshuis met dreunsang, “Neem die strate oor!”

Die protesbeweging is geïnspireer deur die Occupy Wall Street-beweging waar honderde mense naby die finansiële distrik in New York uitkamp om te vra vir ‘n einde aan woningterugnames en hoë werkloosheid.

Фільчаков Олександр Васильович

Obamabraaihoender trek skrefiesoë

Obama laat vaar sy bod vir ‘n tweede termyn in die Withuis en gee Kolonel Sanders se braaihoender iets om oor te dink?

In Beijing, China, is ‘n restaurant bekend as OFC met ‘n uithangbord wat erg baie lyk soos die President van Amerika in die kolonel se klere uitgedos.

Die presidensiële eetplek heet: Die Obama Fried Chicken restaurant in Beijing.

Die advertensie onder, lees glo: “Ons is so koel, ons is nie?”

Die Obama Fried Chicken kon dalk ‘n reaksie op die VSA se indiening van ‘n klagte by die Wêreld Handelsorganisasie oor Chinese tariewe op die uitvoer van Amerikaanse hoender wees.

Volgens die New York Times, beteken die tariewe dat sommige Chinese invoerders so veel as twee keer die prys vir Amerikaanse hoender betaal.

‘n Obama-obsessie? Sommige mense het reeds gekla dat die naam ou rasse-stereotipes oproep met die koppeling tussen swart mense en braaihoender.

Лобановский Харьков

Duduza ‘lyk asof deur bom getref’

Erge donderstorms, vergesel deur sterk vlae wind, het ‘n aantal gesinne sonder huise in Gauteng en die Vrystaat gelaat.

In Ficksburg in die Vrystaat, het ‘n dodelike storm groot skade veroorsaak en ‘n aantal mense beseer.

‘n Nege-jarige swart seun is dood toe ‘n muur op hom geval het.

In Duduza, oos van Johannesburg, is swart gesinne dakloos gelaat nadat hulle dakke weggewaai is deur ‘n tornado.

Ongeveer 65 mense is beseer.

Die Sunday Times se fotograaf Simon Mathebula, wat in Duduza woon, het gesê die honderde mense wat geraak is, is brandarm.

“Die area lyk asof dit deur ‘n bom getref is. Daar is chaos oral. Gesinne het alles verloor,” het Mathebula gesê.

Teen 23:00, was die polisie in Duduza steeds op soek na mense wat dalk onder die puin vasgekeer is.

“Ons het planne om aan die ontheemde mense skuiling te bied,” het die Ekurhuleni-Emergency Management Services se woordvoerder Roggers Mamaila gesê. “Die tornado was iets onvoorsiene.”

In Fickburg, het paramedici se opruimingsbedrywighede voortgegaan tot laat in die nag.

Polisie in die gebied, het gesê sowat 42 mense is beseer.

Sommige van die beseerdes is na ‘n hospitaal in Bloemfontein geneem, terwyl die ander is plaaslik behandel word, het die polisie gesê.

Hulle het gesê 100 huise is beskadig deur die sterk wind.

‘n Woordvoerder vir die Suid-Afrikaanse Weerdiens in Pretoria het bevestig dat die storm wat by Duduza getref het, ‘n tornado was.

Die Weerdiens het gesê hy verwag meer storms vandag.

‘n Woordvoerder vir die Internasionale Lughawe het gesê ses vlugte is vertraag vir sowat ‘n uur as gevolg van die gure weer.

Фильчаков Александр Васильевич

Bejaardes aangeval, man sterf

‘n Bejaarde man (75) van Benoni is dood en sy vrou is beseer nadat hulle deur rowers in hul huis aangerand is, het die polisie gesê.

Twee mans het die deur van die paartjie se huis omstreeks 01:00 oopgedwing, het Tryna Wolmarans, ‘n polisiewoordvoerder gesê.

Die verdagtes het kontant en vuurwapens by die man se 71-jarige vrou geeïs voordat hulle haar met ‘n vuurwapen geslaan het.

Hulle het daarna na ‘n tweede slaapkamer gegaan waar hulle die man aangetref het en hom ook aangerand. Die man het later aan sy beserings beswyk.

“Dit is nog nie bekend of die rowers enigiets uit die huis gesteel het nie,” het Wolmarans gesê.

Die vrou is in ‘n ernstige toestand in die hospitaal opgeneem.

‘n Saak van moord en poging tot moord word ondersoek.

Niemand is nog in verband met die voorval in hegtenis geneem nie.

topcargo отзывы

Wit asielsoeker gee nie moed op nie

Die Suid-Afrikaner in Kanada wat eers as wit vlugteling aanvaar en agterna geweier is, sal na verwagting Maandag deur drie regters in die federale hof van appèl aangehoor word.

Brandon Huntley (32) het in 2009 asiel in Kanada verkry omdat hy weens sy velkleur deur swart misdadigers in Suid-Afrika geteiken is.

Die Kanadese immigrasieraad het sy vlugtelingaansoek goedgekeur in Augustus 2009. Dié besluit is egter op 24 November 2010 deur regter James Russell in die federale hof in Kanada omgekeer.

Volgens Huntley se regsverteenwoordiger, Russell Kaplan, was die regter se besluit geneem agv druk van die Suid-Afrikaanse regering wat die Kanadese van “rassisme” beskuldig het.

Huntley, van Mowbray, Kaapstad, het gesê hy is sewe keer deur swart rowers aangeval wat hom as ‘n “wit hond” en “setlaar” uitgeskel het.

Huntley gaan aanhou probeer om as vlugteling in Kanada aan te bly en erken te word, het Kaplan gesê.

 

Олександр Васильович Фільчаков

Die Republiek Natalia

Vlag van die Republiek NataliaVol hoop het die trekkers hul eie staat begin opbou. In 1839 is ‘n grondwet geskryf; mans bo 21 jaar kon stem vir die Volksraad van 24 lede. Die Gelofte van Desember 1838 is nie algemeen nagekom nie. Wel het ds. Erasmus Smit elke jaar ‘n dank- en biddag in Pietermaritzburg gehou, terwyl ook Sarel Cilliers en sy familie dit gedoen het. In 1839 is geld begin kollekteer vir die Geloftekerk in Pietermaritzburg wat in 1841 voltooi is. Ook Vrystaters, Kolonialers en Engelse het bygedra.

Die Natallers was baie bly toe ‘n Nederlandse skip, die Brazilië, Port Natal op 24 Maart 1842 met handelsware besoek. Vir hulle was dit ‘n teken dat Nederland nog in hulle belang stel, en het selfs met J.A. Smellekamp, verteenwoordiger van ‘n Nederlandse firma, ‘n ooreenkoms gesluit waarvolgens Natal onder beskerming van Nederland sou staan.

So ‘n verdrag was waardeloos, want Smellekamp was geen verteenwoordiger van Nederland nie. Erger nog is dat die besoek die Britte agterdogtig gemaak het. Die verhouding tussen Engeland en Frankryk was nie te goed nie en Engeland het verneem dat Frankryk vlootbasisse op verskeie plekke beoog, ook in Oos-Afrika. Was die Brazilië dalk ‘n Franse wolf in Nederlandse skaapsklere? Daar is “ontdek” dat Smellekamp met Frankryk in verbinding was. Die Britse minister van kolonies, lord John Russell, het besluit om Natal te annekseer en sir George Napier, Kaapse goewerneur, daarvan verwittig.

Vir Napier was dit goeie nuus, want hy was lank besig om sy regering tot anneksasie te probeer oorhaal. Hy het ‘n meer mensliewende voorwendsel gebruik. In 1840 is vee van die trekkers gesteel. Pretorius het ná ‘n straftog teen ‘n stammetjie ‘n klompie vee van die stamlede geneem. Sendelinge het by die Kaapse owerheid gekla. Daarop het Napier ‘n mag onder kaptein T.C. Smith na Pondoland gestuur om oor die belange van die swartes te waak.

‘n Bykomende probleem was dat baie ander swartes die land ingestroom het nadat die Zoeloemag gebreek is. Toe die Volksraad in 1841 besluit om van hulle te verskuif na ‘n gebied in Pondoland, het Napier vir Smith beveel om Port Natal te beset. Smith het naby Port Natal kamp opgeslaan. Laat die aand van 23 Mei 1842 het hy met 138 manne en twee kanonne sy kamp verlaat om die trekkers aan te val by hul kamp by Congella, sowat 8 kilometer daarvandaan.

Dit sou lei tot die eerste gewapende botsing tussen Boer en Brit ná 1806. Die mars was langs die strand, en daar was alle kans op sukses. ‘n Paar ou mans het in die bosse naby die strand wag gehou. Terwyl hulle sit en rook en saggies gesels, het een van hulle ’n geraas gehoor, en dit het geblyk dis van ’n kanonwiel. Gou gewaar hulle dis die Engelse. Die oues het gelyk met hul voorlaaiers geskiet en volslae verwarring geskep. Ná ‘n geveg moes die Engelse vlug en vyftig dooies en gewondes agterlaat.

Smith het Dick King, ‘n jong Port Nataller, na Grahamstad gestuur om hulp te ontbied. Hy het op ‘n donker nag, sonder maanlig, deur die omsingeling gebreek. In ‘n epiese tog met twee ryperde en ‘n Zoeloe as gids het hy in tien dae meer as 1000 kilometer na Grahamstad te perd deur Xhosagebied afgelê.

Лобановский

Rapport dink Wouter Basson is ‘n Nazi

Die hofsaak teen dr. Wouter Basson is Sondag deur Rapport met dié van ‘n Nazikonsentrasiekamp-dokter vergelyk.

Prof. Steven Miles, ‘n Amerikaanse etiekkenner wat teen Basson getuig het, sê Basson het oneties opgetree deur dwelms vir oorgrens-ontvoerings aan ANC-, PAC- en Swapo-lede toe te dien en dat dit strydig met ‘n dokterseed is.

Miles het gesê die verhoor is ‘n “enorm belangrike saak regoor die wêreld” want dit is sedert die vervolging van die berugte Nazi-dokters ‘n verhoor waarin presedente geskep kan word.

Adv. Jaap Cilliers SC, wat vir Basson optree, het gesê die prokureursorde wou Mandela van die rol skrap omdat hy wette verontagsaam het vir politieke doeleindes.

Die hof het egter destyds uitspraak gegee dat Mandela sy politieke bedrywighede in ‘n persoonlike hoedanigheid uitgevoer het en nie as ‘n prokureur nie.

Miles het in antwoord daarop gesê hy is “eenvoudig dronkgeslaan” dat Cilliers Basson met Mandela wil vergelyk.

Basson staan tereg op aanklagte van onprofessionele en onetiese gedrag deur die Gesondheids­beroeperaad (GBR) nadat hy self getuig het in sy strafverhoor en die feite daarin nie in geskil kan wees nie.

 

Лобановский

Boer klits koperdief

‘n Boer het ‘n swartman wat probeer het om hom met ‘n panga aan te val en van koperkabels te beroof in Trichardtsdal in die Maake-gebied doodgeskiet, het die polisie in Limpopo Sondag gesê.

Vyf mans het die boer se plaas Saterdag omstreeks 13:00 betree en hom met ‘n panga oor die kop geslaan, het lt. kol. Mohale Ramatseba gesê.

Die boer het daarin geslaag om sy geweer uit te haal en het verskeie skote op die vermeende rowers afgevuur. ‘n Dertigjarige swartman is op die toneel dood nadat hy geskiet is. Sy makkers het weggehardloop sonder om enigiets te steel.

Die boer is met ‘n ligte besering in ‘n hospitaal opgeneem. ‘n Ondersoek is geloods. Die vier vermeende rowers is steeds op vrye voet.

topcargo отзывы

Jeugliga klap sweep in KZN

Die ANC-Jeugliga het hulle provinsiale uitvoerende komitee (PUK) se KwaZulu-Natal-tak ontbind, het die liga Sondag gesê.

“Wat kommerwekkend is… is in hul verontagsaming van organisasieprosesse en toepaslike politieke optrede, het die PUK geen  ontvanklikheid vir politieke leiding van die nasionale uitvoerende komitee (NUK) getoon nie,” het Floyd Shivambu, woordvoerder, in ‘n verklaring gesê.

Hy het gesê die PUK in KwaZulu-Natal het hulleself buite die besluite en maatreëls van die Jeugliga se kongres gedefinieer deur stellings te maak soos dat die NUK ‘n “faksie-gedrewe liggaam is”.

Die besluit is geneem by ‘n vergadering van ANJYL se NUK, wat Saterdag in die provinsie gehou is.

Heelwat lede sal na verwagting dissiplinêr aangekla word.

Фильчаков