Dan Roodt, Author at praag.co.za

Opgevoede Suid-Afrikaners wil padgee

'n Verslag wat deur die regering aangevra is, toon dat bykans 40% van volwasse Suid-Afrikaners nie langer tot die land verbind is nie en dat 29% aktief probeer emigreer of daaraan dink om te emigreer.

Volgens die Mail & Guardian het die bui in die land tussen April 2007 en Julie 2007 na pessimisties verander.

Deelnemers is vanuit alle rassegroepe regoor die land betrek.

Verbintenis tot Suid-Afrika neem af met opvoedingsvlakke en ouderdom.

Onlangse navorsing deur die mediamoniteringsorganisasie, Media Tenor, meen dat Suid-Afrika se reputasie in die buitelandse media ook toenemend negatief raak.

прививочная карта

Suid-Afrikaners betaal te veel vir krediet

Die DA sê Statistiek Suid-Afrika het die inflasiekoers met ten minste 2 persent oorskat.

Vanweë die moontlike wanberekeninge moet miljoene Suid-Afrikaners hoër verbandpaaiemente, motorlenings, oortrokke rekeninge en kredietkaartbetalings wat maandeliks honderde, selfs duisende rande werd is, verduur.

Investec se berekeninge in 'n Business Report-artikel het onthul dat Statistiek SA die VPIX-inflasiekoers te hoog gestel het.

Die probleem is veroorsaak deur veranderinge in die berekeningsmetodes vir inflasie te lank uit te stel.

Volgens die DA behoort die statistikus-generaal Pali Lhohla weens herhaalde foute afgedank te word.

люстра купить Фільчаков прокурор

Ekonomiese probleme tref Europa

Die wêreld se ekonomiese probleme het nou uiteindelik vir Europa getref.

Spanje, Ierland en Denemarke is op pad na 'n resessie en Italië stagneer.

In Frankryk is die ekonomiese probleme besig om vinnig op te hoop en in Brittanje het die inflasiekoers tot 3,8 persent gestyg as gevolg van hemelhoë pryse vir voedsel en brandstof.

In Duitsland het 'n invloedryke opname van Duitse beleggers deur die Sentrum vir Europese ekonomiese navorsing in Mannheim bevind dat verbruikersvertroue tot sy laagste vlak sedert 1991 gedaal het

Europa staan nou voor 'n krimpende ekonomie.

детски иг

Pretoria se HOP-inwoners briesend

Honderde woedende inwoners van Pretoria se middestad het 'n memorandum aan die burgemeester oorhandig om te vra dat uitsettings uit vervalle munisipale geboue dadelik ophou.

Hulle wil aanbly in die Schubart- en Kruger Park-woonstelle wat opgeknap gaan word ten bedrae van R200 miljoen.

Die ANC het die woonstelle in 1999 aan die Tshwane metro as HOP-behuising oorgedra.

Inwoners sê hulle gaan nie die geboue wat die regering in die grond in verwaarloos het, ontruim nie.

Inwoners het die munisipaliteit 14 dae gegee om te reageer en gewaarsku dat daar chaos agterna gaan wees as hulle nie hulle sin kry nie.

кардиган для девочки

Kanada stuur Irak-droster terug

Lede van die Amerikaanse weermag wat na Kanada wil dros, se dae is getel.

Robin Long van die deelstaat Idaho is teruggestuur na die VSA deur die Kanadese regering. Sedert die oorlog in Irak in 2003 begin het, het ongeveer 200 mense na Kanada gevlug.

Alhoewel baie Kanadese die drosters ondersteun, word hulle nie meer so gul verwelkom soos gedurende die Viëtnamoorlog nie. Long sal uiteindelik na Fort Knox, Kentucky, teruggestuur word om dissiplinêr verhoor te word.

Hy het in 2003 by die weermag aangesluit om 'n tenkbevelvoerder te word en in 2005 na Kanada gevlug met sy metgesel en twee kinders.

Polisie aanvaar slegs-Engels-beleid

Na die debakel waar die forensies getuienis in 54 sake nooit ontleed is nie as gevolg van dekbriewe in Afrikaans, het die polisiediens aangekondig dat Engels die enigste taal is waarin forensiese versoeke aanvaar word.

Dit geskied in weerwil van die elf amptelike tale waarvoor die grondwet voorsiening maak en die twee werkstaal wat van elke staatsdepartement verwag word.

'n Woordvoerder van die polisie, superintendent Leon Engelbrecht, het gesê dat omsendbriewe reeds verlede jaar aan polisielede gestuur is waarin hulle in kennis gestel word van die departement se slegs-Engels-beleid.

Oor die jare het verskeie Afrikaanse organisasies klagtes by die Pan-Suid-Afrikaanse Taalraad, 'n grondwetlike liggaam gelê, maar regeringsdepartemente hou aan om straffeloos die grondwet te ignoreer.

gambling sites that Фільчаков прокурор

Misdaad maak klein sake dood

Misdaad is besig om 'n verwoestende uitwerking op klein sakeondernemings te hê en toestande is erger in Kaapstad as in Johannesburg of Durban.

In 'n opname wat gister deur die Kleinsakeprojek vrygestel is, is bevind dat 54 persent van klein sake 'n misdaadvoorval oor die afgelope jaar ervaar het. Meer as 'n kwart van respondente het ook gesê dat hulle nie hul eie onderneming sal begin nie omdat hulle geweldsmisdaad vrees.

Volgens die opname voel die meeste eienaars van klein ondernemings onveilig en is hulle pessimisties oor enige vorm van verligting. Meer as twee derdes van dié wat ondervra is, meen dat misdaadvlakke nie oor die volgende jaar gaan daal nie en 'n derde voorsien dat misdaadvlakke gaan styg.

mobile casino free cash no deposit

Slegte weer kan Ernie se gholf aanhelp

Ernie Els glo die swak weer kan sy spel in die Britse Ope wat Donderdag begin, tot voordeel strek.

Heelwat reën en winderige toestande kan 'n voordeel wees, volgens Els wat die gunsteling is.

Els sê hy het al in allerlei weerstoestande in Brittanje gespeel en hy ken dit goed.

Hy sê die werklike sleutel tot oorwinning is die tweede houe en die posisionele spel.

Tiger Woods sal weens knie-sjirurgie nie meeding nie maar Els het gesê dit is sleg vir die kampioenskap.соль для

Kenia se ontworteldes bly haweloos

Kenia se regering van nasionale eenheid mag vier maande oud wees, maar die land is ver van stabiel af.

Omtrent 600 000 mense het gedurende die onlangse verkiesings uit hul huise gevlug.

Die meeste het intussen na hul huise teruggekeer, maar baie is steeds te bang om terug te gaan.

Mense wil hul in gebiede vestig waar hulle stam in die meerderheid verkeer en voel die regering moenie ontwortelde mense dwing om na gebiede te verskuif waar hulle buitestaanders is nie.

'n Aantal gemeenskappe maak tans die vrylating van jeugdiges wat by die geweld betrokke was 'n voorvereiste om ander toe te laat om na hul wonings terug te keer.

topcargo отзыв

Navorsingsgeld word gemors, s? topuniversiteite

Die topdrienavorsingsuniversiteite is ontsteld oor 'n nuwe subsidiestelsel wat die voormalige tegnikons en swart instellings help om in te haal wat navorsing betref.

Die departement van onderwys het R174 miljoen aan subsidies toegeken aan instellings wat nie hul navorsingsteikens in 2006 behaal het nie.

Professor Kit Vaughan, adjunkdekaan vir navorsing aan die Kaapstadse universiteit, sê die formule vestig 'n perverse aansporing en beloon universiteite wat swak presteer.

Aan die ander kant ontvang die toonaangewende instellings soos Stellenbosch, UK, Rhodes, Pretoria en die Vrystaatse universiteit wat grootliks hul navorsingsuitsette oortref, slegs die basiese subsidie.