Regses skop Switserse hoofbankier uit

Die voorsitter van die Switserse Sentrale Bank (SSB) Philipp Hildebrand (48) het Maandag na ‘n handelskandaal waarin sy vrou betrokke is, bedank. Daarmee het die grootste regse, konserwatiewe party in die land sy wil laat geskied.

In September verlede jaar het die SSB uiteindelik die brieke op Switserse frank met 1,20 frank teen die euro aangedraai, nadat die land se geldeenheid die hoogte in geskiet het.

Dit het verlede maand aan die lig gekom dat Hildebrand se vrou Kashya, ‘n voormalige handelaar, 400,000 Switserse frank se dollars drie weke gekoop het voordat haar man stappe onderneem het om die frank se styging te keer.

Verliese wat Switserland in 2010 gely het nadat Hildebrand probeer het om die styging van die Switserse frank te keer, het 26,5 miljard frank beloop.

Hildebrand se einde van sy ampstermyn, is hoofsaaklik gedryf deur Christoph Blocher, meesterbrein van die regse Switserse Volksparty. Verlede jaar het Blocher Hildebrand van “grootheidswaan of onbevoegdheid” beskuldig vir sy pogings in 2010 om die frank se styging te midde van die Europese skuldkrisis te stop.

Hildebrand se planne vir banke soos UBS en Credit Suisse het ook vir hom vyande by die huis gemaak. By die Amerikaanse en Britse banke was Hildebrand egter ‘n witbroodjie.

“Ons weet almal dat hy ‘n man van totale integriteit, buitengewone vermoë en, belangrikste van alles, moed is. Sulke mense is skaars. Sy land sal hom mis,” het die Bank van Engeland se goewerneur Mervyn King in ‘n verklaring gesê.

Hildebrand, gebore in Bern, was die jongste president in die geskiedenis van die eeu-oue bank.  Hy het politiek en internasionale verhoudinge in Toronto, Harvard en Oxford studeer.

George Soros het hom gehelp het om ‘n posisie by die New Yorkse verskansingsfondsmaatskappy Moore Capital Management te kry. Hulle spesialiseer in rentekoerstermynkontrakspekulasie en monetêre beleid.

Sy gunsteling foto is dié van Mohammed Ali wat op die muur van sy kantoor in Zürich gepryk het.

Switserland se regtervleuel het gesê die regering moet meer versigtig wees en die aanstelling van ‘n voormalige verskansingsfondsbestuurder met geen kwalifikasies in ekonomie nie, was ‘n fout.

Switserse banke se bates beloop ten minste ses keer die land se ekonomie.

In 2010, was Hildebrand ook die wêreld se hoogste betaalde sentrale bankier met ‘n salaris van 833,000 frank per jaar, altyd in ‘n elegante vlootblou pak geklee en met ‘n luukse Breguet aan die arm. Maar ongelukkig sonder politieke bondgenote.

 

Олександр Фільчаков прокурор

Maak tolhekke oop!

Die Suid-Afrikaanse Kamer van Handel en Nywerheid het reeds voorgestel dat die tolhekke oopgemaak moet word, indien die staking opeenhoping by tolplazas veroorsaak.

Die vakbond SATAWU in KwaZulu-Natal beplan om tolhek-beamptes in ander provinsies te vra om by hulle staking aan te sluit.

Honderde van die werkers by tolhekke in die provinsie staak reeds sedert Saterdag.

Werkers staak hoofsaaklik oor lone en eis drieduisend rand per maand. ‘n Woordvoerder van die vakbond, Joseph Dube, sê die verdienste per tolhek is sowat R30 000 per maand.

Александр Фильчаков Васильевич

SA neem presidentskap van Veiligheidsraad

President Jacob Zuma het in New York aangekom vir ‘n reeks hoëvlak geleenthede. Die eerste daarvan is Suid-Afrika se aanvaarding van die presidentskap van die VN se Veiligheidsraad.

Suid-Afrika sal ‘n maand lank die roterende presidentskap van die raad beklee. Die regering beplan om die geleentheid te gebruik om groter samewerking tussen die VN en die Afrika Unie te bewerkstellig.

Zuma sal later medevoorsitter wees van die VN se paneel oor Wêreldwye Volhoubaarheid, tesame met president Tajra Halonen van Finland.

Die VN se sekretaris-generaal, Ban Ki Moon, het die paneel in 2010 bekendgestel om ‘n nuwe plan te formuleer om volhoubare ontwikkeling te behaal en die Millenium Doelwitte te bereik.

прокурор Фильчаков

Sentrale aansoekkantoor vir universiteite

Die Jong Kommunisteliga het gesê daar moet seker gemaak word dat die idee van ‘n sentrale aansoekkantoor, soos vroeër Dinsdag deur die departement van
hoër onderwys voorgestel is, ‘n realiteit word.
Die Universiteit van Johannesburg kon maatreëls in plek gestel het om die groot getal mense wat by die instelling wou registreer, te akkommodeer, het die liga Dinsdag gesê.

“Die universiteit het misluk daarin om strukture soos ablusiegeriewe, verblyf en so meer vir die groot hoeveelheid potensiële studente te voorsien,” het die liga in ‘n verklaring gesê.

Die ma van ‘n voornemende student is dood en 22 mense is beseer in ‘n stormloop by die universiteit Dinsdagoggend toe duisende studente en ouers tou gestaan het om laat aansoeke in te dien by die kampus in Aucklandpark.

Die SA Demokratiese Onderwysersunie het ook gesê die regering moet instellings van hoër onderwys uitbrei om sulke opeenhopings te voorkom.

Die Premier van Gauteng, Nomvula Mokonyane, het gesê dit is hartseer dat ‘n gesin ‘n ouer verloor het wat haar kind wou help om opvoeding te kry. Sy het gesê die universiteit moet met die polisie saamwerk om seker te maak só ‘n voorval vind nie weer plaas nie.

Фільчаков Олександр Васильович прокурор

Selfbeskikking: Is Afrikaners ontsteld?

In die moderne wêreld het etnisiteit as gronde vir selfbeskikking heelwat minder waarde as ʼn selfbeskikkingseis gebaseer op politieke eenheid. Dit blyk veral in die geval van Suid Afrika dat die internasionale gemeenskap nie die verskil tussen diskriminasie en selfbeskikking begryp nie. Dit is ʼn sensitiewe onderwerp by die Internasionale Menseregtekommissie en soortgelyke liggame wat hul bemoei met selfbeskikking. Polities is die Afrikaner as etniese groep vormloos, en ons Afrikaner politieke partye is visieloos.

Die fundamentele kriteria vir ʼn minderheidsgroep is gemeenskaplike etniese, godsdienstige en taal of kulturele eienskappe wat onderskeibaar is van die hoofstroomsamelewing. Castellino stel dit ook dat die minderheidsgroep solidariteit moet impliseer ter behoud van sy identiteit. Die definisie maak nie territoriale aannames nie en dit impliseer kompleksiteite waar die minderheidsgroep geografies verspreid is en wel regte wil opeis vir selfbeskikking. Daar bestaan verskillende vorme van selfbeskikking soos munisipale outonomiteit en konsosiasie wat ʼn minderheidsgroep kan beding maar die essense van selfbeskikking is sesessie. As die betrokke minderheidsgroep egter in diaspora is, sal sesessie moeilik haalbaar wees.

Daar word baie gepraat en geskryf oor selfbeskikking maar ek kon nie enige bewyse kry waar enige Afrikanerorganisasie grondgebied geïdentifiseer het of ʼn formele eis vir selfbeskikking ingedien het by nasionale of internasionale strukture nie.

Die meerderheid outeurs is dit eens dat ʼn eis tot selfbeskikking erge onrus teweegbring. Die meerderheid selfbeskikkingsbewegings is verklaarde en gelyste terroriste-organisasies. Die wêreld het egter niks van ons te vrees nie. Afrikaners self ook nie. Geen Afrikanerorganisasie is gelys nie. Waar laat dit die Afrikaner?

Afrikaners word geteister met marginalisering, plaasmoorde, kulturele vernietiging, maatskaplike ellende, ontkenning van Afrikaans. Die vraag is wanneer raak die situasie onhoudbaar? Tot watter punt moet die Afrikaner uitgemoor, gemarginaliseer, verneder en vernietig word voordat Afrikaners mobiliseer? Steeds sien ons geen gestruktureerde standpunte of mobilisasie nie. Wat is die rede? Is die onhoudbare punt nog nie bereik volgens die kollektiewe mening nie of is die Afrikaner reeds vernietig?

Johann Wingard het al dikwels die opmerking gemaak dat volkswil ontbreek by Afrikaners. Daarmee kan hierdie skrywer net saamstem. Solank die Afrikaner, ongeag die diversiteit van die groep, nie ʼn gemeenskaplike volkswil demonstreer vir selfbeskikking nie, gaan daar niks van kom nie. Dit bly ‘n enigma waarom bestaande Afrikanerstrukture nie die geleentheid aangryp om Afrikaners te mobiliseer tot weerstand nie. Oproepe in die verband bly onbeantwoord

Die VN-resolusies, Internasionale Geregshofuitsprake, konstitusionele demokratiese voorbehoude, liberale uitgangspunte waar individuele vryheid bo groepsvryheid gestel word, is alles manifestasies van ontmoediging van selfbeskikkingseise. Demokrasie is nie ‘n onding nie, dit is die misbruik van demokrasie wat ellende veroorsaak..

Een van die Afrikaner politieke leiers het in 1997 gewaarsku teen gevare om deel te neem aan die sentrale politieke gesag. Die gevolg daarvan is dat “leiers” mag afsien van hul einddoelwitte. Die algemene Westerse uitgangspunt is dat deelname aan of verteenwoordiging in die sentrale regeringsgesag belangrik is vir ʼn minderheidsgroep wat selfbeskikking ingedagte het. Dit is egter duidelik dat die uitgangspunt slegs die verwronge beleidsrigtinge van internasionale organisasies en strukture ondersteun. Die effek is blatante ignorering en onderdrukking van selfbeskikkingsbewegings. Derhalwe word konstitusionele selfbeskikking as die enigste haalbare alternatief voorgehou en word dit afgedwing en onderhou deur state.

As gevolg van ʼn gebrek aan georganiseerde Afrikanerleierskap neem die meerderheid Afrikaners deel aan alternatiewe politiek van die dag. Dit is die enigste alternatief wat aan Afrikaners beskikbaar is. Daarmee saam is die daaglikse frustrasies wat ondervind word wanneer interaksie met die regering en besighede plaasvind. Afrikaners is uitgelewer aan regstellende aksie en SEB-kreature wat meesal onbeholpe, onbevoeg, blatant anti-wit en subversief is. Die effek is sigbaar in die toestand van die landsadministrasie en dienste.

Die onomwonde realiteit is dat Afrikanervryheid nie deur ʼn gepratery gaan realiseer nie. Vir optrede het ons strukture en organisasies nodig met politieke wil om Afrikaners en blankes in die breë te mobiliseer en deelname te skep om Afrikaner selfhandhawing te bewerkstellig.

Dr Verwoerd het op 18 November 1961 gesê “Laat ons ons alleen ontstel as daar nie in ons genoeg vegkrag en werkkrag en denkkrag is om dit te oorwin wat in ons pad gegooi is nie” (Pelzer 1966:596).

Is Afrikaners ontsteld?

лобановский александр дочь

Media verdraai ANC-boodskap

Is die ANC ‘n wolf in skaapsklere en steek die media dit vir ons weg?

Ek het Saterdag die moeite gedoen om na president Jacob Zuma se toespraak soos dit op SABC2 uitgesaai is, te kyk. Agterna het ek tevergeefs in die koerante na sinvolle berigte of kommentaar daarop gesoek, maar niks gevind nie. Die blywende indruk is dat die Suid-Afrikaanse hoofstroommedia steeds van die ANC-wolf ‘n lam wil maak.

Dít, in weerwil van die onlangse kritiek op die Zuma-regering, asook die korrupsie en onbekwaamheid van sy party. Sodanige kritiek gaan egter merendeels oor sogenaamde “dienslewering” of administratiewe kwessies, sonder om die wesentlike aspekte van die ANC-ideologie en -politiek te betrek.

Zuma het ‘n fyn uitgewerkte toespraak gelewer waarin hy ‘n oorsig van die organisasie se 100-jarige geskiedenis verskaf het. Maar ook: ‘n toekomsvisie en onmiddellike “uitdagings” wat die hoof gebied gaan word.

Wat die geskiedenis betref, het my ore omtrent getuit, want Zuma het ‘n oerlinkse toespraak aangebied uit die dae van Leonid Bresjnef wat op Meidag die verbymarsjerende troepe op die Rooi Plein in Moskou met ‘n bejaarde hand toewuif. Dit is asof die Zuma-ANC in die kommunistiese verlede versteen het en hul korstondige flirtasie met Westerse demokrasie net oëverblindery was. Die enigste verwysing na die rol van Afrikaners of blankes oor die afgelope 100 jaar was as “die apartheidsbewind” wat met hand en tand beveg is. En dan juis militêr!

Trouens, die siening van die Suid-Afrikaanse geskiedenis wat Zuma voorgehou het, was een van ‘n uitgerekte oorlog wat tagtig jaar geduur het totdat Umkhonto we Sizwe die oorwinning behaal het. Hy het Kuba, die Sowjetunie, MPLA en ZANU-PF vir hul hulp hiermee bedank. Die versiersuiker van “onderhandeling” en versoening wat ons in die negentigerjare – en veral natuurlik tydens die Mandela-tydvak –  gehoor het, was weg. Al wat oorbly, is keiharde kommunistiese retoriek oor die bevryding van die werkersklas deur militêre geweld of dan “gewapende opstand” soos Lenin sou gesê het.

Die drie “uitdagings” wat Zuma raaksien, is werkloosheid, armoede en ongelykheid. Onderliggend aan sy toespraak is insgelyks ‘n sterk antiblanke gevoel, aangesien die blankes met “apartheid en kolonialisme” verbind word. Hy het ook voortdurend die vriendskap en samewerking van die ANC met “progressiewe magte” in die wêreld beklemtoon. Die groot vraag is: wie is die “progressiewe magte”? Waarskynlik China, Noord-Korea, Kuba, Venezuela, asook Angola, Mosambiek, Zimbabwe en Namibië in Suider-Afrika.

Tesame met Malema se uitsprake, wat ‘n beduidende groep binne die ANC verteenwoordig, het Zuma Saterdag vir die soveelste keer ons Afrososialistiese en selfs Afrokommunistiese toekoms uitgespel. Dit wil voorkom asof die hoofstroommedia glad nie daarop ag slaan nie. Óf hulle is te dom om te verstaan wat die ANC-leier sê, óf hulle (en ons) is al so gewoond aan die Idi Amin-agtige malhuis waarin ons woon, dat dit nie eintlik meer saak maak nie.

Die wyse waarop ‘n terreurbeweging met sterk kriminele elemente oor jare heen vir ons aanvaarbaar gemaak en deur die media opgehemel is, verteenwoordig een van die grootste massabreinspoelingsepisodes in die geskiedenis.

Dit kan vergelyk word met die soort illusies wat die Britse media in die tagtigerjare rondom Zimbabwe gekweek het. Een of ander tyd moet illusie en werklikheid mekaar egter ontmoet. Suid-Afrika se “groot sprong vorentoe” met radikale grondhervorming, nasionalisering en die stedelike nagmerrie wat tienmiljoene Afrika-immigrante besig is om te skep, lê egter om die draai.

лобановский александр отзывы

Een sterf in studentestormloop by UJ

‘n Ma van ‘n voornemende student is dood in ‘n stormloop deur aansoekers by die Universiteit van Johannesburg (UJ) se kampus in Aucklandpark, Johannesburg.

UJ het intussen bevestig dat die oorledene ‘n ma van ‘n student is, het Eyewitness News berig. “Paramedici het ‘n kombers oor ‘n lyk naby die ingang na die kampus in Buntingweg geplaas,” volgens die berig.

Volgens ooggetuies is verskeie mense beseer in die stormloop deur die hekke.

Marie Muller, registrateur by UJ, het aan eNews gesê die stormloop het gevolg nadat studente voor die sperdatum aansoek wou doen.

Sy sê twee mense is ernstig beseer.

RSG-nuus berig dat voornemende studente Dinsdagoggend reeds teen 04:00 lang rye gevorm het.

Verskeie universiteite regoor die land het voornemende studente aangeraai om nié te wag vir hul matriekuitslae voor hulle aansoek om toelating doen nie.

Hulle sê laat aansoeke skep aan die begin van die jaar onnodige chaos by universiteite.

Die hoof van Wits se Skool vir Onderwys, professor Rocksana Osman sê studente moet vooruit beplan en nie ter elfder ure rondskarrel om toelating te kry nie.

Sy sê jongmense moet ook besef dat universiteite nie die enigste plek is waar verder gestudeer kan word nie.

topcargo отзывы

Rassisme in Kaapstad laat prediker moord twiet

‘n Swart prediker gebruik Twitter vir sy oproep dat wit mense in Suid-Afrika doodgemaak moet word nadat hy glo in Kaapstad rassisties behandel is.

Die dominee Kemo Immanuel Waters besit ‘n besigheid genaamd die KemoTherapy Instituut van die Waarheid en is ‘n aktiewe lid van Twitter, Facebook en MySpace. Hy is ‘n platejoggie en beskryf homself op sy Twitterprofiel as ‘n prediker, skrywer, digter, die vader en die waarheidsoeker.

Van sy vorige tweets, het Waters geklink soos ‘n intellektuele, geestelike mens, wat soms politiek bespreek, sonder enige omstredenheid.

Maar in die vroeë oggendure van Saterdagoggend, het sy houding skielik verander.

Waters het gesê hy is ontsteld nadat sy familie ‘n halfuur by kroeg in ‘n besige restaurant in Kampsbaai moes wag.

“In Johannesburg, kan jy oral heen gaan en jy voel altyd welkom.”

Net ná halftwee die oggend skryf die prediker: “Die enigste manier om rassisme tot ‘n einde te bring is om ‘n wesenlike aantal blankes dood te maak. @Helenzille jou onverskillige en neerbuigende houding is ‘n dubbele uitdaging … “

Die twiet het ‘n herrie veroorsaak. Zille het gesê die twiet is haatspraak en dat sy ‘n klag teen Waters sal lê.

Twieter @bronwynnielsen het gevra of hy sy verstand verloor het.

Waters het geantwoord: “Nee, ek het nie my verstand verloor nie. Maar is dit nie jammer nie dat dit is wat dit neem om rassisme die aandag te gee wat dit verdien?”

In reaksie op @Sibusisomtungwa het hy getwiet: “Jy mis die kern van my msg … Die enigste keer dat ‘n swart man ‘n waardige gehoor gegun word, is wanneer hy ‘n geweer afvuur.”

Waters het ook gepraat oor die ANC-eeufees: “Gelukkige 100e jarige herdenking @MyANC_. Jy (sic) werk is nie gedoen nie …, maar ‘n werk goed gedoen in die afgelope 100 jaar … Jy sal regeer tot die wegraping “.

Sedert sy omstrede twiet Saterdag, het Waters baie doodsdreigemente ontvang. Hy het gesê dat hy Maandag vyf oproepe ontvang het van mense wat hom wil doodmaak.

“Al die mense wat my dreig se dreigemente het ‘n rassistiese ondertoon. Iemand, ‘n boer, het vir my gesê dat almal naby aan my sal sterf,” het Waters gesê.

“Ek sal nooit daarvan afsien nie. Ek sal nooit dit terugtrek nie en ek sal nooit om verskoning vra nie,” het hy bygevoeg.

Waters het gesê hy sal nooit iemand doodmaak nie, maar hy ken swart mense wat dit sal doen.

topcargo кидалы

Kragkrisis kom, Eskom in die duister

Eskom sê die nasionale kragnetwerk is onder geweldige druk. “Ons gebruik al die noodvoorraad wat ons kan. Ons is baie bekommerd,” het Hilary Joffe, woordvoerder van Eskom, aan die Burger gesê.

Die vraag na elektrisiteit sal ná die Desember-vakansie toeneem as fabrieke weer begin werk. Eskom weet nie wat die toename sal wees nie en hoe om die probleem, wat waarskynlik die hele 2012 sal duur, aan te spreek nie.

Die kragvoorsiener het 14% (ongeveer 5 000 MW) van sy kapasiteit om krag te voorsien, verloor weens geskeduleerde instandhouding en “allerlei tegniese probleme”, sê Joffe.

Dié tekort aan kundigheid om tegniese probleme aan te spreek, veroorsaak dat talle sentrales nie aan die verwagte vraag na krag kan voldoen nie.

Die kragreus sukkel dus om genoeg elektrisiteit te verskaf en het gewaarsku dat landwye kragonderbrekings kan volg.

Die tekort aan elektrisiteit is so erg dat die kragvoorsiener Maandag, nog voor die verwagte aand-spitstyd, sy noodreserwekrag moes gebruik.

Eskom het Maandag groot verbruikers versoek om aanlegte af te skakel. Munisipale owerhede is ook in kennis gestel.

Die Kaapse Kamer van Koophandel het hul kommer oor Eskom se gebrekkige beplanning uitgespreek nadat die kragvoorsiener hulle in kennis gestel het dat hulle beurtkrag sal moet instel.

 

Фильчаков прокурор харьков

Magsdeling met blankes?

Die euforie om ‘n land, sy rykdom en eerstewêreldontwikkeling op ‘n skinkbord te kry, is nou nie meer ‘n aardigheid nie en die realiteit van die verantwoordelikheid wat daarmee gepaard gaan te swaar as mens nie toegerus is daarvoor nie. Dit is die probleem waarmee die ANC tans spartel.

 

Daar is op alle gebiede tekorte aan geskoolde kundigheid wat nou die afdraande bespoedig. Selfs al word die sleutelposte nou op meriete hanteer, is die verval te groot om in te haal.

 

Die beplande TV-reeks oor Mandela gaan nie meer die swart stemme tevrede stel nie; hulle wil werk hê, ‘n dak oor die kop en kos om te eet. Beloftes is nie meer genoeg nie.

 

Massale onbeheerde instroming van buitelanders vanuit die groter Afrika het misdaad laat blom, vigs laat eskaleer, en die plaaslike swartes se deel van die koek ingesluk.

 

Die welvaartskeppers skep en wanneer hulle genoeg geskep, het verlaat hulle die land.

 

Waar plaas dit die ANC-regering in die nuwe Suid-Afrika?

Waar plaas dit die blanke in die nuwe Suid-Afrika?

 

Na my mening kan daar nog een ding gedoen word om hierdie land van versekerde ondergang te red en dit is om mag te deel met die blankes.

 

Soos dit egter in die natuur gebeur, sal die leeu eerder sy eie welpies doodbyt as om ‘n deel van die buit af te staan, al is hy hoe dik gevreet. Tragies, maar waar.

Данильченко Юрий Харьков