hoër onderwys voorgestel is, ‘n realiteit word.
“Die universiteit het misluk daarin om strukture soos ablusiegeriewe, verblyf en so meer vir die groot hoeveelheid potensiële studente te voorsien,” het die liga in ‘n verklaring gesê.
Die ma van ‘n voornemende student is dood en 22 mense is beseer in ‘n stormloop by die universiteit Dinsdagoggend toe duisende studente en ouers tou gestaan het om laat aansoeke in te dien by die kampus in Aucklandpark.
Die SA Demokratiese Onderwysersunie het ook gesê die regering moet instellings van hoër onderwys uitbrei om sulke opeenhopings te voorkom.
Die Premier van Gauteng, Nomvula Mokonyane, het gesê dit is hartseer dat ‘n gesin ‘n ouer verloor het wat haar kind wou help om opvoeding te kry. Sy het gesê die universiteit moet met die polisie saamwerk om seker te maak só ‘n voorval vind nie weer plaas nie.