Die Springbokspan van die motorwêreld

Met minder as 90 dae na die 2011 Rugbywêreldbeker in Nieu-Seeland het ons gedink dit sal goed wees om die motors wat ons hierdie jaar sover onder hande gehad het in ‘n rugbyspan in te deel. Sou ons ‘n span moes kies uit die motors dan sou dit waarskynlik so gelyk het. Let wel dat hierdie nie noodwendig die beste motors in elke segment is nie, maar slegs die motors waarvan ons in 2011 ervaring opgedoen het.

Ons kandidate is die volgende:

BMW Z4 SDRIVE35is

Opel Astra 1.4T Enjoy Plus

GWM CB150

Audi A8 4.2 FSi Quattro

Land Rover Freelander 2 SD4 HSE

Nissan Navara 3.0 dCi DC LE 4×4

Mazda 2 1.3 Active Sedan

Chevrolett Cruze 2.0D LTD

Mercedes Benz R300 SWB

Hyundai Sonata 2.4 GLS EXecutive

Ford Fiesta Sedan TDCi Ambiente

VW Amarok Bi TDI Highline 4 Motion

Mazda 5 2.0 Active

Audi A1 1.6 Tdi

Citroen C5 1.6 THB

Audi A7 3.0 TFSi Quattro

Range Rover Supercharged

{jathumbnail off}nissan navara

1. Nissan Navara-dubbelkajuit 

Nou kyk, ons sal die Nissan Navara op nommer een kies vir sy absolute krag en beweeglikheid. Met 170 Kw onder jou sitvlak en 550Nm se trekkrag is daar min ander voertuie in die klas wat by die Navara kan kers vashou. Voeg die vier deure en al die luukses soos navigasiestelsel met raakskerm en 30 GB hardeskyf, tru-ratkamerastelsel, ingeboude veiligheidskenmerke soos lugsakke en ‘n 4×4-stelsel wat met die draai van ‘n knop die krag eweredig kan versprei na al vier wiele en jy het nie veel ander keuses vir die nommer-1-trui nie. Ons dink dan ook dat hierdie juis die tipe voertuig is wat Koenie Oosthuisen sal kan verteenwoordig.

GWM CB150

2. GWM CB150

Hierdie voertuig is nie baie bekend by die plaaslike koperspubliek nie,maar perfek vir die posisie. Dit is ‘n stewige, sterk geboude voertuig met genoeg spasie en net die nodigste luuksheid. ‘n Blok van ‘n motor, maar tog baie beweeglik en glad nie swaar op brandstof nie. As jy hom langs die Navara trek, is hy amper net so groot en lyk hy net so sterk al is hy glad nie. Dié is ‘n stadsmotor met ‘n relatiewe klein 1,5-literenjin wat baie gewillig is. Hoe meer tyd ons met die motor deurgebring het, hoe meer het ons van hom gehou, net die voertuig wat ‘n ou soos Bismarck  sou kon verteenwoordig, nie te groot nie, maar tog intimiderend en baie gewillig.

Mercedes Benz R300

3. Mercedes Benz R300 SWB

Hier het ons ‘n motor met status. Hy is werklik groot en sterk met 200 Kw se krag en 350 Nm se wringkrag. Niemand sal ooit twyfel oor die deeglike ontwerp van die motor nie. Alles wat ‘n mens in ‘n Mercedes verwag, is teenwoordig: ‘n luukse leerbinneruim met sitplek vir sewe insittendes, grondvryhoogte beter as dié van enige van sy sedanstalmaats en tog sag op die oog. Omdat hy so groot is, is hy nie heeltemal so rats soos die res van die voorry nie. Maar boetie, as hy jou raakvat, dan bly jy raakgevat. Ons dink die perfekte ryding om ‘n ou soos Beast te verteenwoordig.

Mazda 5 Active

4. Mazda 5 Active

Dié motor is ‘n lang voertuig met baie spasie, maar hy is so slim ontwerp dat hy eintlik baie kleiner vertoon as wat hy werklik is. Die baie gewillige 2.0-liter-petrolenjin ontwikkel 107 Kw en die motor voel sommer lewendig. In sy Active-voorkoms soos ons toetsmotor,  is die Mazda met alles wat oop en toe maak toegerus. Die twee skuifdeure aan weerskante van die voertuig gly groot en maklik oop en toe en daar kan maklik by die sesde en sewende sitplekke uitgekom word. Ek moet sê, die Mazda 5 was nou vir lank die leier in die segment vir kompakte MPV-voertuie en die 2011-model is effens vernuwe aan die buitekant, maar die binneruim begin sy ouderdom wys. Hy is nog goed genoeg vir vanjaar se wêreldbeker maar dit is vir seker sy laaste kans in die span, net soos ‘n sekere Victor.

Volkswagen Amarok

5. VW Amarok 2.0 Bi-Tdi

Dié is ‘n groot voertuig; as jy nog nie een gesien het nie, doen jou self ‘n guns en gaan kyk na een. Dit is ‘n voertuig met uitstekende bougehalte en hope spasie. Alles is groot: groot sitplekke en knippe om alles te verstel. Trouens, hy is so groot ek moes hom buite parkeer; hy het nie in my motorhuis gepas nie. Die voertuig ry soos ‘n motor en dit kom net met ondervinding. VW se ondervinding van wat ‘n koper in ‘n voertuig soek, is perfek vasgevang in hierdie voertuig. As jy nie ‘n VW-aanhanger was nie sal jy een wees as jy hierdie voertuig eers bestuur het. Hy is rateltaai, baie sterk en al het hy ‘n ou klein hartjie van net 2.0l ontwikkel hy 120 Kw en ‘n allemintige 400Nm se trekkrag. ‘n Regte bakkie met krag en ‘n onmiskenbare teenwoordigheid. Net die geskikte ryding om Bakkies Botha te verteenwoordig.

Landrover Feelander

6. Land Rover Freelander 2 SD4 HSE

Kyk ‘n mens na die voertuig dan lyk hy nes ‘n klein Range Rover. Die 2011 Freelander kon inderdaad net sowel ‘n Range Rover gewees het. Hy het al die eienskappe waaroor die Range Rover beskik, dit is net in ‘n kleiner format verpak. Die 2,2-literdieselenjin ontwikkel 140 Kw en 420 Nm se terkkrag. Die legendariese 4×4-vermoë is ook daar en nes ‘n sekere Heinrich is die Freelander se grondwerk uitstekend. Bougehalte is uitsonderlik en tog vrek die skoner geslag oor hom. Alles wat verwag word van ‘n luukse en kompakte veldwerker is daar: die binneruim is met sagte leer uitgedos en jy weet sommer dat die voertuig,  alhoewel klein, ‘n wêreldklas- prestigespeler is.

Ford Fiesta

7. Ford Fiesta TDCi Ambiente

Ons keuse op flank. Dit is juis die Fordjie se groot hart wat hom die plek besorg. Die Fiesta is ‘n mooi motor, maar in die sedanweergawe het Ford so effens die mooi skoon lyne van die luikrug misgetas. Die motor bied heelwat ruimte al is hy ‘n klein motortjie: sy begasieruim is net eenvoudig verstommend groot, daar is meer as genoeg kop- en skouerruimte agter in die motor en die dieselenjin waarmee ons toetsmodel toegerus was, ontwikkel 66 Kw en 220 Nm se wringkrag  by slegs 1750 toere. Gekoppel aan die relatiewe liggewigbakwerk is hierdie kragbron besonders lewendig. Die Fiesta is nie mooi nie, maar baie bekwaam. Die perfekte motor om ’n sekere Ashley Johnson of Schalk Burger in ons nommersewetrui te verteenwoordig.

Audi A8 4.3 Quattro

8. Audi A8 4.2 Quattro

Wat kan ons nou sê oor dié motor?  Dit is seker Audi se mees gebalanseerde motor tot dusver. Daar is hope styl, hope spasie. Sy lyf is groot en gespierd net soos Pierre Spies s’n, hope krag (273Kw en 445Nm se wringkrag) net soos Willem Alberts, hope spoed net soos Pierre Spies. Die Audi se bakwerk is soepel met sterk lyne dog mooi om na te kyk, die toppunt van voorsprong deur tegniek.

Audi A1 1.6 TDI

9. Die Audi A1 1.6 Tdi

Klein dog baie vaardig, met die 1.6 Tdi-enjin wat baie lewendig voel al is daar slegs 77 Kw en 250 Nm se wringkrag beskikbaar. Die tipiese Audi-bougehalte is ook oral te sien met klein kentekentjies wat jou subtiel daaraan herinner dat hierdie nie ’n gewone klein motortjie is nie, net soos Fourie du Preez nie bloot ‘n gewone skrumskakel is nie. Hy is besonders. Alhoewel die A1 glad nie soos ander Audi’s lyk of voel nie, dink ons Audi het ‘n wenner wat menige Mini-eienaar gaan laat omkyk.

Opel Astra 1.4 Enjoy Plus

10. Opel Astra 1.4 Enjoy Plus

Ek kan nie my vinger daarop lê nie, maar iets aan die Astra laat my net van hom hou. Die bakwerk is aantreklik; die rygerief is uitstekend; die motor se verpakking en uitleg van die instrumente en binneruim is besonders vir ‘n Opel. Begasieruimte is baie goed vir ‘n luikrugvoertuig. Daar is meer as genoeg veiligheidskenmerke en die beste van alles: die Opel is altyd reg in die kol, tussen die pale deur, soos Morné Steyn. Die Astra se 1,4-turbomeuletjie ontwikkel 103 Kw se krag en 200 Nm se wringkrag. Versnelling is skaflik vir dié klas motor en hy sal glad nie sleg lyk langs ‘n rooi Z4 in jou oprit nie. Die Opel doen dít waarvoor hy ontwerp is baie goed en VW se Golf- , asook Ford se Focus-eienaars sal moet rondkyk wanneer een van hierdie in die omgewing bespeur word.

BMW Z4 SDrive 35is

11.  Die BMW Z4 sDRIVE35iS word op nommer elf ingespan

Hy is blitsig, baie veilig, kan maklik van rol verander met sy harde staaldak wat binne 19 sekondes hom van ‘n bedeesde koepee na ‘n wilde warrelwind sonder ‘n dak omskep. Die Z4 se 250 Kw en 450 Nm se wringkrag is brutaal vanaf rus tot 100km/u. Hy laat mens nogal dink aan Habana se brekies hier langs die kantlyn af. Tog lyk die Z4, met die dak op, na ‘n baie doelgerigte koepee. Slaan jy die dak af, dan is daar sekerlik niks meer doelgerig in die parkeergaraga as juis die Z4 nie. Ratskakelings is presies en klouvermoë is net vestommend. Die tipiese BMW-bougehalte is ook oral te sien met klein iS-kentekentjies wat jou subtiel daaraan herinner dat hierdie nie’n gewone Z4 is nie, net soos Habana nie net ‘n gewone vleuel is nie, maar een van die wêreld se bestes.

Audi A7 3.0 tfsi Quattro

12. Op binnesenter kies ons die Audi A7 3.0 TFSi Quattro

Die motor is groot en prakties, maar blitsig met ‘n 0-100km/u-tyd van net oor die 5 sekondes. Sy dubbelturbo- 3-liter-enjin ontwikkel 220KW en 440 Nm se wringkrag. Die Audi is net so bedrieglik sterk en vinnig soos Jean de Villiers. Menige teenstanders het al in die verlede hom onderskat en nog hope gaan weer ten spyte van sy groot lyf. Die Audi loop seepglad met uitstekende bougehalte en sterk leierskapseienskappe net soos onse Jean. Sekerlik een van die bestes tussen nutsvoertuie op die pad vandag.

Citroen C5 1.6

13. Citroën se C5 1,6 THP 155 word ingespan op dertien

Die motor is een van daardie tipe motors wat altyd daar is, alles baie goed doen en min aandag trek terwyl hulle dit doen. Die C5 ding mee in die D-segment waar motors soos die VW Passat en Honda Accord diens doen. Min mense praat van die C5, maar almal is dit eens dat hierdie een van die bestes uit Frankryk is. Daar is plek vir vyf volwassenes met begasie, die 1,6-liter-dubbelturbo-enjin ontwikkel 115 Kw en 240 NM se wringkrag. Ons dink omdat die motor ook groot is, asook vinnig en sterk en mooi – en baie onderskat! – sal hy ‘n goeie verteenwoordiger vir Jacque Fourie wees.

Range Rover Supercharged

14. Die Range Rover Supercharged was ons natuurlike keuse op nommer veertien

Die voertuig is groot en sterk en baie vinniger as wat hy vertoon. Sy veldvermoë is absoluut verstommend en wanneer jy die deure oopmaak kan jy nie glo dat een voertuig terselfdertyd so luuks, verfynd dog vermoënd kan wees nie. Daar is min ander voertuie in die land wat kan kers vashou by die Range Rover wat veldvermoë betref, maar wat tegelykertyd padvermoë en luuksheid kombineer. Die motor is as gevolg van sy grootte en al die veiligheidstelstels, wat sowel passief as aktief ingebou is, een van die veiligste motors ter wêreld. ‘n Makrovleuel soos JP Petersen sal glad nie skaam voel om deur die Range Rover verteenwoordig te word nie.

Hyundai Sonata

15. Vir die agterste posisie: die Hyundai Sonata 2.4 GLS Excutive

Hyundai is lankal nie meer die stiefkind van die motorwêreld nie. Die Sonata is seker een van die motors wat Hyundai se beeld die beste uitgebou het. Dit is ook dan waarom Hyundai nie aan sy naam gaan torring het nie. Die rtes van die Hyundai-reeks het almal nuwe “i”-name, maar die Sonata is so ‘n sterk handelsnaam dat dit baie wys was om nie aan hom te karring nie. Die Sonata is nog ‘n segment-D-speler. Hy is nou ná sy Europese draai selfs meer verfynd, nog beter aanmekaar gesit en ‘n beter kopie as ooit tevore. Sy 2,4-literenjin ontwikkel 131 KW en 228 Nm se wringkrag. Sy sagte dog sterk lyne is baie meer doel gerig en binnelangs is daar min voertuie in die klas wat hom met spasie en gemak teen die prys troef. Ons voel hy is die volmaakte kandidaat om Frans Steyn op vyftien te verteenwoordig.

магазин новогоднего освещениялобановский харьков класс

Murdoch sluit koerant

Die eienaar van News of the World, Rupert Murdoch, het aangekondig dat die laaste uitgawe van dié koerant Sondag gepubliseer sal word.

Dié skuif kom ná dit aan die lig gekom het dat die poniekoerant onwettig toegang tot selfoonboodskappe verkry het om sodoende inligting vir stories te versamel.

Die koerant het na bewering onder andere onwettige toegang tot die selfoonboodskappe van ‘n vermiste meisie gekry, daarna geluister en selfs ou boodskappe uitgevee sodat nuwes kon inkom.

Soldate se familielede, honderde bekendes, politici en lede van die koninklike gesin se selfoonboodskappe is ook afgeluister.

“Ná beraadslaging met senior kollegas het ek besluit dat verdere stappe nodig is.

“Hierdie Sondag sal die laaste uitgawe van News of the World verskyn,” het James Murdoch in ‘n verklaring gesê.

“Die inkomste wat die koerant die naweek inwin, sal aan welwillendheid geskenk word,” het Murdoch, voorsitter van News International, bygevoeg.

crown graphic vs speed graphicФільчаков Олександр Васильович

Vier stakers geskiet

Vier Numsa-lede is beseer toe die polisie met rubberkoeëls in Krugersdorp, wes van Johannesburg, op hulle geskiet het tydens hul staking, het dié metaalwerkersunie Donderdag gesê.

Die Federasie van Staal- en Ingenieursbedrywe (Seifsa) het weer op hul beurt gesê dat sommige stakers van maatskappy tot maatskappy gaan om nie-stakers te kry en te intimideer. Hulle beskadig ook glo eiendomme.

Numsa se woordvoerder, Castro Ngobese, het gesê die vier mans is in ‘n hospitaal opgeneem en ‘n klag is by ‘n plaaslike polisiekantoor ingedien. Hy het die beweerde skietery veroordeel.

Numsa-lede staak vir hoër salarisse.

Numsa het ‘n beroep op die minister van polisie, Nathi Mthethwa, en die nasionale polisiekommissaris, Bheki Cele, gedoen om tot “drastiese aksie” teen die polisiebeamptes oor te gaan.

Numsa het Woensdag gesê die polisie het stakers in Bellville, Kaapstad, en Germiston, Johannesburg, geïntimideer, geteister en in hegtenis geneem. Daar is ook glo op die stakers geskiet.

Die polisie kon nie dié bewerings bevestig nie.

Angelique Morton, Seisfa-woordvoerder, het gesê dit is “jammer dat stakers dit nodig vind om hierdie onwettige boelie-taktiek te gebruik om ondersteuning vir hul staking te kry”.

Vakbondleiers het nie oordeel oor dié gedrag uitgespreek nie. Seifsa het “aanhoudende” verslae van geweld en intimidasie van werknemers gekry, het sy gesê.

Dié optrede sluit aanranding, oortreding, opsetlike saakbeskadiging en klipgooiery in.

Volgens Numsa is dié verslae egter ‘n poging deur “sommige elemente” om die staking te saboteer.

“Numsa is nie ‘n vakbond van skurke nie. Ons het gedissiplineerde en georganiseerde lede,” het Ngobese gesê.

агрегаты сварочные передвижные с дизельным двигателемданильченко юрій броніславович компромат

Selfregulerende media is verkieslik – Langa

Die vryheid van uitdrukking word bevorder deur ‘n media wat homself reguleer, het die voormalige hoofregter Pius Langa Donderdag gesê.

“As ek oorsee reis en gevra word oor my voorkeure wat die regulering van die pers en die media betref, moet ek praat oor dinge waarop ek trots is in Suid-Afrika… ek sal veel eerder praat oor ‘n media wat selfregulerend is as een wat deur die staat gereguleer word,” het hy by die bekendstelling van die Persvryheidsraad in Melville gesê.

Dié onafhanklike kommissie, wat deur Print Media SA en die Suid-Afrikaanse Nasionale Redakteursforum (Sanef) oogerig is, sal internasionale praktyke bestudeer om die beste vorm van selfregulering vir die Suid-Afrikaanse drukmedia te vind.

“Die Persvryheidsraad is ‘n onafhanklike ondersoekende kommissie wat die regulering van drukmedia sal bestudeer.

“Die raad sal kyk na verskeie vorme van regulering in terme van persregulering… om ‘n onafhanklike siening van selfregulering vir die drukmedia in Suid-Afrika te vind,” het Langa gesê.

Die raad is opgerig in reaksie op die ANC se voorstel vir ‘n mediatribunaal, wat in 2007 geopper is. Die ANC het verlede jaar besluit die parlement is die verkose weg om die vatbaarheid van só ‘n idee te ondersoek.

Die ANC se voorstel van ‘n mediatribunaal het skokgolwe deur die mediawêreld in Suid-Afrika gestuur, wat besorgdheid uitgespreek het oor die effek wat die tribunaal op persvryheid kan hê.

Mondli Makhanya, Sanef-voorsitter, het gesê die doel van die kommissie is nie om die ANC te keer om voort te gaan met die tribunaal nie.

“Dit is die ANC se proses daardie… wat ons van die kommissie vra, is om ‘n Rolls Royce te vervaardig. Ons uitgangspunt oor staatregulering is duidelik.”

Hy het gesê Sanef wil die “mees effektiewe” stelsel van selfregulering in die land hê. In die lig van die kritiek wat die media ontvang, het Makhanya gesê Sanef en die nuwe raad het gekies om “nie ons ore toe te maak nie”.

“Ons het gesê ons moet introspeksie pleeg,” het hy gesê.

Langa sal die voorsitter van die kommissie van nege lede wees. Die lede verteenwoordig die sakesektor, ‘n geloofsorganisasie, die akademia, die gereg en georganiseerde arbeid. ‘n Internasionale lid sal ook deel van die kommissie uitmaak.

“Die hoofdoel van die kommissie… is om persvryheid te verseker, ter ondersteuning van die verbetering van ons demokrasie,” het hy gesê.

Die kommissie hoop om teen Maart volgende jaar vatbare strategieë op die tafel te kan plaas.

сканер автомобильныйданильченко юрій броніславович компромат

Reuse-oliereserwes by Namibiese kus gevind

Reuse-oliereserwes is teen die kus van Namibië ontdek, en produksie sal binne vier jaar op dreef wees, het die Namibiese minister van myne en energie, Isak Katali Woensdag aangekondig.

Die ontginning sal deur Enigma Oil & Gas, wat deur die Londense genoteerde maatskappy Chariot Oil & Gas besit word, behartig word.

Hulle het lisensies bekom vir ten minste agt konsessies net af van die Namibiese kus, wat die grootste deel wat 38,725km2 beslaan, insluit.

Dit sal Namibië, soos Angola met sy ongeveer 13 miljard vate se reserwes, as nog een van Afrika se top produsente, saam met Nigerië, lys.

Die rykste konsessie, die Nimrod, sal soveel as vier miljard vate kan lewer, het Katali gesê.

Volgens Katali, stel ook HVT Oil & Gas, Arcadia Expro en Tower Resources in olie- en gaseksplorasie in Namibië belang.

“Dit kan Namibië binne ‘n kort tyd as ‘n groot produsent van olie en gas vestig,” het Katali gesê.

леґоДанильченко Юрий прокурор

Cameron en sy mediasteun onder kwaai druk

Die Britse eerste minister, David Cameron, is onder geweldige druk nadat een van sy vernaamste ondersteuners, Rupert Murdoch, se nuusorganisasie se invloed in Britse politiek ontbloot is.

News of the World, ‘n Britse poniekoerant in die Mudoch-stal, het glo die selfone van slagoffers van die terreur-bomaanslae van 7 Julie 2005 in Londen afgeluister, polisiebeamptes betaal vir inligting en aan die Britse parlement gelieg.

Die mediamagnaat Rupert Murdoch se maatskappy News International, is bekend daarvoor is hulle niks ontsien in die naam van winsbejag nie.

Cameron het intussen ingestem tot eise dat ‘n omvattende openbare ondersoek ingestel word om die koerant se negatiewe invloed op die Britse politieke toneel te ontbloot. Dit sal volg nadat ‘n strafregtelike ondersoek voltooi is.

Die destydse redakteur van die koerant, Andy Coulson, as Cameron se woordvoerder aangestel nadat hy as premier verkies is. Coulson het intussen bedank.

Die selfoonboodskappe wat afgeluister is, is gebruik om ander koerante met eksklusiewe berigte voor te spring.

Adverteerders Ford, Halifax bank, Vauxhall, Mitsubishi en Virgin Holidays het reeds onderneem om nie meer in News of the World te adverteer nie.

Die skandaal skep ‘n probleem vir Murdoch se beplande oorname van British Sky Broadcasting, ‘n satellietbetaalkanaal, van $12 miljard. Brittanje se mediareguleerder Ofcom sê “hulle hou die situasie fyn dop”.

Die media se geloofwaardigheid is op die spel, het kritici gesê.

played inФильчаков Александр Васильевич

Malema: ‘Amerika is bloeddorstige imperialiste’

Die ANC-jeugligapresident Julius Malema het Woensdag die Verenigde State van Amerika as “bloeddorstig imperialiste” beskryf omdat hulle Libië in samewerking met hulle NAVO-bondgenote bombardeer, het die SAUK berig.

“Ons wil ‘n eenvoudige vraag aan die imperialiste te vra. Is julle nie moeg om te bloed elke jaar te sien nie? Julle bloeddorstige imperialiste,” het Malema gesê.

Hy het gepraat by ‘n protes deur honderde lede van die National Union of Metalworkers van Suid-Afrika (Numsa), by die Amerikaanse ambassade in Pretoria.

“Elke jaar bombardeer julle een of ander land, as gevolg van julle bloeddorstigheid. Ons is dit almal eens dat Suid-Afrika nie moes gestem het vir die resolusie nie…,” het Malema gesê.

Daar is onlangs berig dat President Jacob Zuma gesê het dat Suid-Afrika sy besorgdheid oor die verkeerde interpretasie van ‘n Verenigde Nasies-resolusie weer geopper het.

Die resolusie magtig ‘n vliegspergebied oor Libië, wat NAVO gebruik het om sy bomaanvalle te regverdig”.

“Hulle [die Verenigde State van Amerika] kan nie dink nie. Hulle ken nie politiek nie.”

Malema het ook die oorlog in Libië “geborgde geweld” beskryf.

Hy het gesê dit word geborg deur lande soos die VSA, Frankryk en Brittanje.

play casino onlineАлександр Фильчаков прокурор

Staar Suid-Afrika revolusie in die gesig?

Beste mede-Afrikaner,

Sedert 1994 en selfs daarvoor, het die hoofstroommedia in Suid-Afrika nog altyd die blanke en Afrikanerbevolking probeer sus deur radikale uitsprake van ANC-lede oor revolusie en grondhervorming as “blote praatjies” af te maak. In sommige kringe is daar selfs oor die hamer-en-sekel as ‘n soort modebykomstigheid gegiggel. Oor die afgelope tyd en sedert Julius Malema se meteoriese opgang, plaas Beeld, Business Day en ander koerante egter toenemend bekommerde rubrieke en kommentaar oor nasionalisering en grondgrypaksies soos in Zimbabwe wat die land op sy knieë kan dwing.

Hier by PRAAG ontleed ons reeds jare lank die ANC se onderliggende radikalisme wat een of ander tyd in eweneens radikale optrede vertaal móét word. Dit kom dus as geen verrassing dat Malema, wat hom inderdaad op die “Freedom Charter” van 1955 beroep, asook Cosatu, tans nasionalisering en volskaalse sosialisme, selfs kommunisme, ernstig oorweeg nie.

Vandag het Max du Preez ‘n artikel op die grootste webwerf in die land, news24.com, geplaas waarin hy insgelyks die “stank van revolusie” bespeur:

http://www.news24.com/Columnists/MaxduPreez/The-sickening-smell-revolution-20110706

Hierop het ek ‘n kort, ietwat sarkastiese, antwoord geskryf:

http://praag.co.za/dan-roodt-magazine-178/9891-dis-die-parfuum-van-revolusie-max.html

Die vraag is egter: wat kan elkeen van ons doen, noudat ons voortbestaan, ons ekonomie, grond, eiendom en moontlik selfs ons lewens en dié van ons geliefdes deur revolusie bedreig word? Soos die Duitse vroue in Oos-Europa wat aan die einde van die tweede wêreldoorlog nie op negatiewe nuus wou reageer totdat hulle die rusperbande van die Russiese tenks in die strate gehoor het nie, gaan vele van ons mense tans ook nie reageer nie. Twee miljoen van daardie vroue het omgekom en miljoene ander is verkrag en verontmenslik omdat hulle nie betyds wou reageer nie. Dis bloot menslik om slegte nuus te wil ontken of te wil ignoreer.

PRAAG is ‘n grootliks virtuele beweging, maar wat oor beduidende internasionale kontakte, eie media, tegnologie, toegang tot ander media en ook ‘n landwye organisasie met latente vermoëns beskik.

Ons gaan beslis op verantwoordelike en doelgerigte wyse op die bedreiging van revolusie reageer. PRAAG HET ‘N PLAN. Ons sal die besonderhede van daardie plan punt vir punt en soos dit nodig raak, bekendstel.

Enige ander “planne” wat onlangs aangekondig is, bestaan uit blote diplomatieke druk, meer realisties, uit ‘n gebedel vir buitelandse simpatie. Nóg Brittanje, nóg die VSA onder mnr. Barack Obama, het enige simpatie vir die Afrikaner en sal hande gevou toekyk hoe ons deur ‘n revolusie van die radikale linkse tipe vernietig word. Ons is op onsself aangewese, geheel en al. Dit moet ons nóú aanvaar.

Verskeie Afrikaanse organisasies beskik oor aansienlike fondse van tot ‘n miljard rand en meer wat vir ons huidige oorlewingstryd gebruik sou kon word. Weens die bande van daardie organisasies met mnr. FW de Klerk en die kabaal van verraaiers wat ons herhaaldelik in die rug gesteek het, sal sodanige organisasies egter eerder geld aan ons vyande beskikbaar stel as om ons volk in nood te hulp te snel.

Oor die volgende dag of twee sal ons ook begin om nuusbriewe per e-pos uit te stuur, maar ons vra elke Afrikaner of blanke wat met die Afrikanergroep identifiseer, om die volgende dinge te doen. Die aksies gaan van baie maklik en onbetrokke tot groter betrokkenheid en opoffering, dus:

1. Skep bewustheid. Stuur hierdie boodskap aan al u familie en vriende om hulle bewus te maak, op Facebook en op e-pos.

2. Ontvang nuusbriewe. Plaas u e-posadres op ons webwerf vir nuusbriewe deur op die banier aan die regterkant genaamd “Nuusbrief?” te klik. Dit sal ongeveer tien sekondes van u tyd neem! Hier is die regstreekse skakel na die nuusbrief-intekening:

http://praag.co.za/lists/?p=subscribe&id=1

3. Sluit by PRAAG aan deur die vormpie op die volgende bladsy in te vul (dit neem ‘n minuut of twee):

http://praag.co.cc/af

4. Vorm steunkringe van 8 tot 10 mense in u omgewing wat uit bure, vriende of familie bestaan, mense waarop u in tyd van nood vir bystand kan reken en sorg dat u elkeen se landlynnommers, selfoonnomers, adresse, e-posadresse, ens., byderhand het. Verkies ‘n verantwoordelike persoon of leier en onderleier. In verdere nuusbriewe sal ons u inlig aan watter soort landwye struktuur u sal kan deelneem om voorvalle van geweld en oproer, asook tekorte aan water, elektrisiteit of voedsel te hanteer. Onthou die dodelike drie 3’s: 3 minute sonder suurstof, 3 dae sonder water, 3 weke sonder kos. Indien ons boere van plase verdryf gaan word, sal voedselskaarstes baie gou ontstaan, pryse sal vinnig styg en teen daardie tyd sal die rand ook drasties in waarde begin verminder soos wat buitelanders via die finansiële markte hul kapitaal uit die land onttrek.

5. Sorg dat u oor kontant beskik om in buitelandse valuta om te sit want sodra paniek ontstaan en die rand tot die vlak van ‘n Zim-dollar begin daal, sal u dollars of euro nodig hê om voedsel of brandstof mee te koop, net soos in Zimbabwe gebeur het. In dié verband is daar slegs een reël wat elke handelaar in banke of aandelemakelarye wêreldwyd ken: “As jy paniekbevange wil raak, doen dit eerste!” Oor die volgende paar dae sal ons ‘n eenvoudige en wettige skema aankondig waarmee u gemaklik kleiner bedrae na die buiteland kan oorplaas na ‘n Afrikanerverskansingsfonds waaruit u ook weer fondse sal kan onttrek soos wat dit later nodig blyk. Anders as die Duitse vroue aan die einde van die tweede wêreldoorlog, gaan ons nie wag vir tenks of gewere in die strate nie. Ons skrik eerste en ons reageer eerste van almal. Net soos ons ontleding lank voor Max du Preez, die Business Day of Beeld s’n korrek was.

6. Binne die volgende twee tot drie weke sal ons omvattende voorstelle maak oor ‘n alternatiewe staatkundige model waarmee revolusie bemoeilik kan word, indien nie heeltemal afgeweer kan word nie. Daarmee saam sal ons begin om verdere kommunikasie- en burgerlike strukture in te stel wat ons bevolking meer paraat sal maak om ongrondwetlike optrede deur radikale elemente binne die ANC-jeugliga en ander organisasies die hoof te bied.

Die geskiedenis van Afrika sedert 1960 is een van dikwelse burgeroorloë, revolusies, oproer, ekonomiese en voedselkrisisse soos in Zimbabwe en selfs volksmoord soos in Rwanda. Meer as ooit in sy geskiedenis is Suid-Afrika vandag ‘n Afrikaland wat volgens Afrikareëls funksioneer. Slegs gekke of lesers van die huidige regime se propaganda in die hoofstroommedia sal dit wil ontken.

Ons mag nie langer in ontkenning leef nie. Neem die eenvoudige stap om ten minste op ons nuusbrief per e-pos in te teken aan die regterkant van ons webwerf praag.co.za of direk by hierdie skakel:

http://www.praag.co.za/lists/?p=subscribe&id=1

U sal binnekort weer van my hoor.

Tot dan wens ek u sterkte toe.

Met vriendelike groete,

Dan Roodt

Naskrif: ‘n Mens hoef slegs die onbekende te vrees of dít waarop ‘n mens nie voorbereid is nie. Revolusies het deur die geskiedenis dieselfde gewelddadige patroon gevolg. Ons weet dus presies wat om te verwag. As volk het ons Hugenote-voorouers die Bartholomeusnag van 24 Augustus 1572 in Frankryk oorleef, Vegkop en Bloedrivier, asook die konsentrasiekampe en verskroeide-aardebeleid van Brittanje van 1900 tot 1902. Sonder versiendheid in die verlede, sou ons nooit tot hier gekom het nie. Hou moed!

освещение лестницы светодиоднойлобановский александр интервью

Mac, vir die skoonste was

Mac Maharaj is president Jacob Zuma se nuwe woordvoerder, het die presidensie Woensdag bekendgemaak.

“Die President se spesiale gesant, mnr Mac Maharaj, sal oorneem by die woordvoerder van president Jacob Zuma, met onmiddellike effek,” sê die Presidensie in ‘​n verklaring.

Maharaj is ‘n voormalige minister van vervoer, veteraan-ANC-lid sook lid van die Suid-Afrikaanse Kommunistiese Party. Hy is Zuma se spesiale gesant vir Noord-Afrika en die Midde-Ooste. Hy is ook ‘n lid van die Zimbabwiese fasiliteringspan en verteenwoordig Zuma op die G20-infrastruktuurwerkgroep.

Zuma se voormalige woordvoerder, Zizi Kodwa, was op ‘n waarnemende grondslag aangestel en sal sy werk voortsit as kommunikasie-adviseur.

Maharaj het ‘n sleutelrol gespeel in die onderhandelingsproses vir Suid-Afrika se eerste demokratiese verkiesing, en was gesamentlike sekretaris in 1994 van die Uitvoerende Oorgangsraad.

Maharaj was sedert die vroeë 1950’s deel van die gewapende vleuel Umkhonto weSizwe.

creature from thetopcargo отзывы сотрудников