Dink mooi voor jy emigreer

‘n Rukkie gelede het ‘n skrywer aan PRAAG vertel van sy emigrasiewedervaring na die VSA. Hoewel hy enkele pyne genoem het, het hy in die geheel lof vir die projek gehad. Om die waarheid te sê, het ek oorwegend gevoel dat hy dit baie aangenamer laat voorkom het as wat baie ander emigrante moet deurmaak. Dit is ook presies die probleem, nl. dat slegs diegene wat suksesverhale het dit met die res van ons deel. Die ouens wat sukkel, bly oorwegend stil. Immers is ons kultuur so suksesgedrewe dat enigiets minder as dit as mislukking gesien word en dit verdien skaamte.

Nouja, hoewel te veel van ons aan die suksesmoraal onderworpe is, moet die ander kant van die verhaal ook vertel word. Niemand behoort sleg te voel as enigiets in die lewe nie vir hulle uitwerk nie en hulle moet die vryheid hê om sonder veroordeling openlik daaroor te praat as hulle so voel. Ná drie jaar kon ek nog nie besluit of emigrasie vir my ‘n “sukses” of “mislukking” is nie. Wat ek wel kan sê, is dat dit baie pynlik is en dat ek al met vele ander immigrante in gesprek getree het wat dit dieselfde ervaar. In my nagraadse studies waarmee ek tans besig is, het ek selfs ‘n paar stukke daaroor ingelewer.

My gevolgtrekking is dat mense baie mooi moet besin voordat hulle hierdie skuif maak. Dit is gewis nie maklik nie. Baie verwagte en onverwagte probleme lê vir die voornemende emigrant voor. Ten eerste is daar die afskeid en verlange na die vaderland. Dit sluit in velange na familie, vriende, kultuur, taal, klimaat en amper elke ander aspek van die bekende wat positief ervaar word. Die verlies en trauma is soos om ‘n geliefde te verloor. Vir sommiges is dit selfs erger, want elke dag se ervaring van die nuwe land herinner hulle aan alles wat anders is en dus aan dít wat verlore gegaan het.

Vele emigrante is in hul vroeë tot middel-middeljare. Meeste van hulle sal voortaan op hul vingers kan tel hoeveel keer hulle nog hul ouers sal sien. Ja, Skype help, maar dis nie dieselfde nie. Heelwat navorsing is deur ‘n plaaslike akademikus gedoen oor die verlies en verlange na Afrikaans onder Afrikaners hier in Nieu-Seeland. Deurgaans word dit traumaties beleef. Geen mens kan dink watter impak dit het wanneer jou taal geen waarde meer het nie, alvorens jy dit beleef het nie. Dan eers besef jy hoe intens jou taal deel van jou wese is. Om in ‘n ander man se taal te leef, is om net ten dele te leef.

Baie Afrikaners dink hulle sal goed regkom want “in die NSA doen ons in elk geval al ons besigheid in Engels”. Wat hulle nie besef nie, is dat die Engels wat in SA gebesig word van so ‘n swak gehalte is en dat die idioom en aksent so dramaties verskil met dié van Angelsaksiese lande dat dit ‘n geheel ander kommunikasie-ervaring verteenwoordig. Suid-Afrikaners besef nie hoe verdraagsaam selfs die Suid-Afrikaanse Engelssprekendes teenoor die swak Engels is wat in SA gepraat word nie. Aangesien by verre die meeste Tweedetaalengelsprekendes is, is die ganse Suid-Afrika baie verdraagsaam teenoor die geradbraakte wergawe wat daar gepraat word. Kom jy egter hier, is daar geen begrip vir jou aksent, jou Suid-Afrikanismes of die spoed waarteen jy praat nie. Jy moet maar vinnig aanpas en soos met meeste tweedetaalsprekers sal jy vind dat sodra jy onder druk verkeer, verswak jou Engelse taalvaardigheid en dan neem jou gashere se irritasievlakke toe. Aanvaar maar dat met daardie kantoorgeskilletjies, wat mens somtyds ervaar, gaan jy beslis tweede kom. Dis nou as jy as immigrant gelukkig genoeg is om ‘n witboordjiepos te kry, want jou SA ervaring gaan nie hier tel nie. Jy moet Kiwi-, of Aussie-ervaring hê. Behalwe as jy ‘n Pom is, want sien, hulle loop mos op water. Neem ook maar aan dat wanneer jy wel jou plaaslike ervaring begin opdoen het, jy as Suid-Afrikaner saam met die Indiers en Chinese agter in die ry vir geleenthede gaan staan. Die goeie poste is bykans altyd gereseveer vir Kiwi’s, Aussies en Pommies. Ek neem aan in Amerika en Kanada mag daar ‘n plaaslike weergawe van dieselfde logika geld.

Dis ‘n algemene sêding onder Suid-Afrikaners in Nieu-Seeland, dat jy as nuwe immigrant vir die eerste drie jaar liewer net moet stilbly. Sien, hierdie Kiewiete is so sensitief dat amper enigiets wat jy s^, verkeerd opgeneem kan word. Selfs die Aussies, wat maar self aan die sensitiewe kant is, beskou die Kiwi’s as sensitief. ‘n Australiër sê nou die dag vir my: “The Kiwis are so sensitive, you have to speak to them in riddles.” Hiermee bedoel hy dat enigiets wat direk gesê word as ‘n aanval beskou sal word. Dis juis hieroor dat hulle ons Suid-Afrikaners as ongelooflik aggressief beskou. Die term “arrogant South African” is algemeen bekend hier.

Basies het die plaaslikes nie ‘n goeie siening van Suid-Afrikaners nie. Afrikaners se beeld is nóg swakker. Immers word ons gekontamineer met die “demoniese” apartheid. Wat hulle betref, is ons by verstek rassiste. Jy gaan altyd hard moet werk om daardie etiket te oorkom.

Jou kinders gaan onmiddellik hulle Afrikanerskap begin afstaan ten gunste van die nuwe kultuur. Die deugde van die “nuwe” kultuur is maar yl, want dissipline en struktuur ontbreek erg en jy sal dit opmerk wanneer die kleingoed vriende begin huis toe bring.

Ja, Nieu-Seeland is veiliger as Suid Afrika, en terwyl ons ou land se staatsinstellings onder transformasie begin faal, werk alles wel                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               hier. Nogtans, moenie die fout maak om te dink omdat die blankes die meerderheid hier is dat jy die menswaardigheid wat jy onder ‘n swart regering verloor het hier gaan herwin nie. Die plaaslikes sal jou altyd daaraan herinner dat jy ‘n buitestaander is. Jy sal nooit dieselfde geleenthede as die plaaslike mense gegun word nie. Immers is dit hulle land. Om dinge erger te maak, as jy eers die moeite en kostes aangegaan het om tot hier te kom, is dit baie moeilik om terug te gaan SA toe.

Daar is vele meer wat ek oor emigrasie kan sê, maar dit sal ‘n hele boek in beslag neem. Dus, genoeg vir nou.

Afrikaners se keuses is dus of ons bywoners in ons eie land of bywoners in iemand anders se land wil wees. Ek dink PRAAG het ‘n blink idee om ‘n Afrikanervesting noordoos van Pretoria te wil ontwikkel. Net so dink ek dat Orania ook op die regte pad is. Die NSA is ‘n falende staat en dus gaan daar ‘n toenemende magsvakuum ontwikkel. Ons moet bloot volhard om ons volkstaat na te streef en onvermydelik sal dit verwesenlik word.

метро алкогольные напитки ценыДанильченео

Waar is daardie geld heen?

“Sal die ANC oop kaarte speel oor hoeveel die belastingbetalers uiteindelik sal opdok vir die ANC se eeufeesvierings nadat die regering erken het dat die belastingbetalers reeds begin betaal het, en steeds sal opdok?

“Uit die begroting self is dit onmoontlik om so iets af te lei, aangesien dit onder verskillende items geplaas is en nie as sodanig geïdentifiseer is nie. Dit het egter reeds geblyk dat die belastingbetaler moes pa staan vir ‘n konferensie in Addis Abeba as deel van die eeufeesvieringe, asook toelaes aan voltydse amptenare wat afgedeel is om met die voorbereidings te help.

Ons beskou dit as niks minder nie as korrupsie en die misbruik van openbare fondse, en ons doen ‘n beroep op die regering om dié praktyk te staak en dit wat reeds gespandeer is, terug te betaal.

“Hierdie saak opper weer die vraag: ‘Hoekom vind die regering dit moontlik om geld op onvanpaste sake te spandeer, maar trek noustrop om geld te vind vir basiese dienslewering?’ vra ds. Theunis Botha, leier van die Christen-Demokratiese Party (CDP).

“Met die ANC se bankbalans wat op die oog af daagliks groei danksy hulle wat deur SEB bevoordeel is en deur beleggings van die ANC self, sou ‘n mens verwag dat die ANC sy eie fondse sou gebruik, eerder as fondse bedoel vir werkskepping en armoedeverligting.

“So lank die kwessie nie opgelos word nie, sal ‘n wolk oor die jongste begroting bly hang.

“Die R100 miljoen wat onlangs op die Jeugfees vermors is, laat steeds ‘n wrang smaak in die monde van Suid-Afrikaners.

“Die CDP doen ‘n beroep op hulle wat gesagsposisies beklee om korrupsie te beveg en om behoorlike spandering van openbare fondse te bewerkstellig, en om streng teen oortreders op te tree. Dit beteken ook dat hulel nie in ander soustreinposte herontplooi word nie.”

дизайн баниДанильченко

Regses, Duitsers en gays

Skoppensboer verneem dat daar amper ewe veel faksies in die DA bestaan as in die ANC. Veral in Johannesburg vind raadslede dit etenstye moeilik om ‘n sitplek aan die etenstafel te vind.

Gister by die Johannesburgse raadsvergadering sê een DA-raadslid op Engels, blykbaar van Joodse afkoms: “Ek kan nie daar gaan sit nie, want dis die spul regses in ons party. En daar oorkant sit die Duitsers.”

“Maar hoekom gaan sit u nie daar in die hoek nie?”

“Oe nee, dis die gays!”

Kennelik is dit maar moeilik om ‘n lid van die grootste opposisieparty te wees.

Ook by gister se Johannesburgse raadsvergadering is twee raadslede summier geskors, een van die ANC en een van die DA. Blykbaar heet die DA-lid mnr. John Forbes, raadslid vir wyk 99 wat in die Linden-omgewing val.

Sodra Skoppensboer meer inligting het, sal dit hier uitgelap word.

***

Het u dalk ‘n sappige skinderstorie? Stuur aan skoppensboer@praag.co.za.

 

 

жилет девочке 3 годаФильчаков прокурор

Praag: ‘Skiet die boer’ oortree internasionele reg

Praag, die Pro-Afrikaanse Aksiegroep, het Donderdag toestemming gevra om as vriend van die hof, amicus curiae, toegelaat te word in die saak tussen Julius Malema en Afriforum. Die ANC het ‘n aansoek om verlof ingedien om as party toe te tree tot die haatspraaksaak teen Julius Malema.

Dr. Dan Roodt van Praag het gesê die versoek om toe te tree is gemaak sodat Praag belangrike inligting omtrent die saak kan indien. Die versoek is aan Regter Colin Lamont gerig.

Dr. Roodt het aan die media gesê die lied kom neer op aanhitsing tot volksmoord en dat Afrikaners se regte deur die internasionale reg beskerm moet word.

Adv. Vuyani Ngalwana, die ANC se regsverteenwoordiger, het Donderdag in die Suid-Gautengse hooggeregshof in Johannesburg aangevoer dit sal net so absurd wees om die lied “De La Rey” te verbied, as om “Skiet die Boer” te verbied.

AfriForum voer aan die lied is haatspraak waar dit by openbare byeenkomste soos in Polokwane en by die Universiteit van Johannesburg, deur Malema gesing word.

Ngalwana voer aan dat die ANC se reg tot vryheid van spraak benadeel word.

Die Transvaalse Landbou-unie Suid-Afrika (TLU SA) en die Vereniging van Regslui vir Afrikaans (VRA) het ook Donderdag die hof toestemming gevra om as partye toe te tree.

Adv. Martin Brassey SC, AfriForum se regsverteenwoordiger, is gekant teen die toetrede van partye tot die saak omdat hul deelname die hofsaak sal vertraag.

Adv. Muzi Sikhakhane, Malema se regsverteenwoordiger, het die ANC se aansoek verwelkom, maar dié van die ander partye teengestaan.

Lamont sal Vrydag beslis of ander partye tot die saak toegelaat sal word.

wedding accessories for saleДанильченко Юрий Брониславович компромат

Wynboere dreig om belasting te weerhou

Die Stellenbosse wynboere is warm onder die kraag oor die moord op wynboer Alberto Costa. Hulle het gedreig om belastinggeld terug te hou indien die Regering nie misdaad wat dié dorp en omgewing teister, vasvat nie.

‘n Buurman van die vermoorde het die voorstel van belastingweerhouding aan ‘n vergadering oor geweldsmisdaad gemaak. 

“My voorstel is dat al die Stellenbossers hul belasting weerhou as hier nie iets gebeur nie. Ons kan die geld in ‘n trustfonds sit en ons eie dorp en omgewing beveilig.” Dit is ook deur die wynmaker Beyers Truter ondersteun.

“Al beveiliging wat ons het, kom reeds uit ons eie sakke. Ons betaal ook belasting vir die dorp en is deel van die dorp.”

Die vergadering is deur die provinsiale regering, ontstoke boere en dorpenaars bygewoon.

Jean Engelbrecht, nog ‘n bekende wynboer, het gevra na “die herinstel van die kommando-stelsel vir die beveiliging van ons eiendom en mense.”

Volgens mnr. Gerrit van Rensburg, Wes-Kaapse minister van landbou, beloop die koste van ernstige misdaad 20% van die land se BBP. Hy het voorgestel die sowat 400 000 onwettige vuurwapens wat in omloop is, moet opgespoor word. Van Rensburg sê ‘n eenheid wat “24 uur per dag misdadigers genadeloos jag” moet op die been gebring word.

“As ons besig is om die boere uit te moor, vernietig ons mos langtermyn ekonomiese ontwikkeling,” het Albert Fritz, minister van veiligheid en sekuriteit in die Wes-Kaap, by die vergadering gesê.

 

 

 

 

автоматическая насоснаятопкарго отзыв

Alberto Costa, nog een by

Die VF Plus ondersteun die eis wat gisteraand tydens ‘n landbouvereniging se vergadering in Doornbosch gestel is om ‘n referendum te hou sodat Suid-Afrikaners kan aandui of die doodstraf teruggebring moet word of nie. Die vergadering is gereël na die moord op mnr. Alberto Costa, ‘n boer van Stellenbosch.

“Misdadigers is veronderstel om die polisie, die tronke en hulle vonnisse te vrees in plaas daarvan dat die publiek in konstante vrees moet leef. Alhoewel die polisiemag tydens die afgelope paar jaar van 120 000 tot 190 000 lede gegroei het, het misdaad in Suid-Afrika steeds die oorhand omdat daar nie die politieke wil is om dit aan te spreek nie,” het dr. Corné Mulder, provinsiale leier van die VF Plus in die Wes-Kaap gesê.

Ten spyte daarvan dat die ANC die moord op mnr. Costa veroordeel het, verdedig hulle steeds die sing van liedjies, soos “skiet die boere”. “Die sing van hierdie tipe liedjies is onverantwoordelik en skep die klimaat waarbinne hierdie wrede plaasmoorde plaasvind. Woorde het betekenis en gevolge,” het dr. Mulder bygevoeg.

Gedurende die vergadering het die teenwoordiges, meesal boere uit die wynlande Klapmuts, Somerset-Wes en so ver as van Malmesbury, dit duidelik gemaak dat hulle ontnugter en teleurgesteld is in die regering van die Wes-Kaap en die nasionale regering asook die polisie vir hulle onvermoë en bykans onwilligheid om iets te doen aan landelike beveiliging en misdaad in en om Stellenbosch, Cloetesville, Klapmuts, Kayamandi en Pniel.

“Die provinsiale en nasionale regering se oplossing is dat veiligheid elkeen se eie verantwoordelikheid is en daarom moet boere en die publiek hulle self beveilig. Dit is onaanvaarbaar dat die twee verdagtes in mnr. Costa se moord steeds op vrye voet is,” het Mulder gesê.

продвижениеФільчаков прокурор

Te veel bruines, sê Manyi

Regeringswoordvoerder Jimmy Manyi het namens die Black Management Forum (BMF) gepraat toe hy gesê het daar is te veel bruin mense in die Wes-Kaap.

“Ek het net geartikuleer wat die regering se standpunt, is,” het Manyi Donderdagmiddag aan die Suid-Afrikaanse Persassosiasie gesê.

“Dit is die BMF se posisie Ek het geen gevoelens oor enige kwessie nie. Ek praat as BMF-voorsitter of as die regering se woordvoerder,” het hy gesê.

Manyi is verlede jaar as voorsitter van die BMF herkies.

“Dit het niks te doen met my persoonlik nie,” het hy gesê. “Ek het ‘n rol te speel as boodskapper, of ek vir die BMF of die regering optree. Dit het niks te doen met Jimmy Manyi nie. Hoekom is dit ‘n persoonlike kwessie?” het hy gevra.

Sy opmerkings kom enkele dae nadat die vakbond Solidariteit gekritiseer is omdat hulle daarop gewys het dat oor ‘n miljoen bruin mense hul werk kan verloor as wysigings aan die Wet op Diensbillikheid aanvaar word.

“Laat my net enkele opmerkings maak oor die laaste gesprek oor gekleurde mense,” het Manyi gesê tydens ‘n onderhoud met Freek Robinson op die TV-program Robinson Regstreeks.

Die onderhoud is op KykNet in Maart 2010 uitgesaai, terwyl Manyi nog steeds die direkteur-generaal van die departement van arbeid was.

“Ek dink dit is baie belangrik vir bruin mense in hierdie land om te verstaan dat Suid-Afrika aan hulle in totaliteit behoort, nie net die Wes-Kaap nie.

“So ‘n oor-konsentrasie van kleurlinge in die Wes-Kaap werk nie vir hulle nie.

“Hulle moet oor die res van die land versprei… so hulle moet dié oor-konsentrasie situasie stop omdat hulle in ooraanbod is waar hulle is. So jy moet soek in die land en sien waar jy die vraag kan tegemoetkom.

“Hierdie Wet op Gelyke Indiensneming (WGI) is ‘n baie goeie ding in hierdie land,” het hy gesê.

In die onderhoud, het Manyi ook gesê dat in die res van die land gekyk moet word om te sien waar daar ‘n vraag vir bruin werkers bestaan.

Donderdag, Manyi het gesê “die probleem” word deur die departement van arbeid aangespreek.

“As jy meer besonderhede wil hê, kan jy dit kry van die departement van arbeid,” het hy gesê.

Solidariteit het gesê: “Die wysiging maak voorsiening vir ‘n grootskaalse sosiogeneringsprogram waarvolgens die hele land ‘n presiese replika van die nasionale demografie moet wees.”

Volgens die koerant Beeld, het Manyi op 12 Mei gesê dat die Steel and Engineering Industries Federation of South Africa die enigste maatstaf vir billike indiensneming is.

“Die voorgestelde wysiging in die WGI is dus nie dubbelsinnig is,” sê Solidariteit.

“Trouens, die wysiging is ‘n duidelike weerspieëling van die effek van Manyi se ideologiese raamwerk van verteenwoordiging en is nie ‘n onbedoelde fout nie.”

Benewens die bruines sal meer as 300 000 Indiërs in KwaZulu-Natal ook geraak word.

“Wat ons gedoen het met die syfers was om te wys op die absurde gevolge van die ideologie van absolute verteenwoordiging.

“Die ideologie is nou vervat in ‘n voorgestelde wysiging aan wetgewing. Ons stel voor dat die voorgestelde verandering onmiddellik teruggetrek word,” sê die adjunk-uitvoerende hoof van Solidariteit.

Solidariteit het gesê die probleem met die wetsontwerp is nie alleen beperk tot die opheffing van die plaaslike demografiese profiel van die ekonomies aktiewe bevolking nie.

In terme van die huidige wetgewing, kan die huidige en toekomstige finansiële en ekonomiese faktore in ag geneem word om te bepaal of ‘n werkgewer voldoen het aan die WGI.

Die beskikbaarheid van gekwalifiseerde persone kan ook in ag geneem word.

Die nuwe wet het nie voorsiening vir hierdie faktore gemaak nie.

Solidariteit se “navorsing” is verwerp deur die beide die African National Congress (ANC) en die Kongres van Suid-Afrikaanse Vakverbonde (COSATU).

ANC Hoofsweep Mathole Motshekga het gesê dat die “sogenaamde navorsing” is ‘n “gevaarlike politieke spel” en dat dit ondenkbaar is dat die ANC sal poog om diegene te benadeel wat hy bevry het en probeer bemagtig.

Cosatu beskryf die vakbond se eise as “opruiend en onverantwoordelik”.

магазин игрыданильченко юрій броніславович