Die vonnisoplegging van agt voormalige polisiebeamptes wat skuldig bevind is in verband met die moord op die Mosambiekse taxi-bestuurder Mido Macia, is tot 22 September uitgestel.
Al agt is Dinsdag in die hooggeregshof in Pretoria skuldig bevind, het RSG berig.
Macia is in 2013 in Daveyton aan die Oosrand agter ‘n polisievoertuig aangesleep. Hy is later in die polisieselle dood.
Regter Bert Bam het van die beskuldigdes se getuienis dat hulle deur Macia aangerand is voor sy inhegtenisneming, verwerp.
Intussen het Macia se familie en die Nasionale Vervolgingsgesag die uitspraak verwelkom.