Barack Obama is 'n duidelike gunsteling onder Spaanssprekende kiesers in die VSA.
Spaanssprekendes gaan 'n sleutelrol speel in marginale state soos Colorado, Nieu-Meksiko en Florida waar die stryd kop-aan-kop mag wees.
Voorheen het baie Latino's van Hillary Clinton gehou maar hulle het hul steun sedertdien na Obama verskuif.
Net 18% van Spaansprekende Amerikaners identifiseer hulself as Republikeine.
Druk op tienerseuns in Afrika om besnydenis te ondergaan het nie afgeneem nie.
Besnydeniskandidate van 'n stam naby die hoofstad Kampala wat die pyn in die openbaar verduur sonder om dit te wys word as helde beskou.
Diegene wat nie hierby inval nie word as lafaards beskou wat slegte geluk vir hul gemeenskap bring. Hulle word ook swaar beboet.
Diegene wat wegkruip word dikwels onder dwang deur gemeenskapslede besny.
Dapperheid en familie-eer kom egter teen 'n prys. Die gesondheidsrisiko's bly so gevaarlik soos altyd.
Doekkop-Mo en Koningin Skeba verteenwoordig ook kodewoorde vir swart vroue.
Kodewoorde teen rassegroepe het die afgelope tyd op die internet soos 'n veldbrand versprei.
Op 'n webwerf genaamd die Racial Slur Database is daar altesaam 2 649 skelwoorde.
swartes in Amerika geëer sal voel.
Intussen het die identiteitsmuseum vandag geword wat die imperiale museum in die negentiende eeu was. Dit verteenwoordig 'n viering van 'n nuwe uitkyk op die wêreld.
Daar is insgelyks onlangs die Wing Luke Asiese Museum herbou, die Arabies-Amerikaanse Nasionale Museum is in 2005 geopen en daar bestaan die kleiner Noordwestelike Afro-Amerikaanse Museum, wat een en almal gewild bly.
Ook die Nasionale Museum van die Amerikaanse Indiaan in Washington, D.C., bly immergroen.
Tradisionele Afrika-reënmakers is stadig besig om erkenning van die wetenskapsgemeenskap in Kenia te ontvang.'n Plan waardeur navorsers van plaaslike universiteite, die Kenia-meteorologiese departement, die Kenianywerheidseiendomsinstituut en die nasionale museums van Kenia met reënmakers gaan saamspan, is gereed. Die reënmakers behoort aan die legendariese Nganji-gemeenskap in Emoehaja.
Die reënmakers se tradisionele weervoorspellingskennis sal met Westerse wetenskaplike voorspellings saamgevoeg word.
Volgens die Keniaanse wetenskaplikes sal dit plaaslike gemeenskappe help om by klimaatsverandering aan te pas.
Die kanselier van die Groot Mere-universiteit van Kisoemoe, prof. David Wasawo, sê 'n besoek aan die reënmakers se tempel is nodig om die probleme te vermy wat 'n skielike reënbui mag veroorsaak.
Hy het navorsers uitgedaag om die wetenskaplike basis van die verskynsels wat in tradisionele weervoorspelling gebruik te word, te ondersoek.
Die Amerikaanse tydskrif vir tropiese medisyne en higiëne sê dat hondebyte, respiratoriese infeksies en diarree gesondheidsgevare verteenwoordig wanneer mens na China reis.Tropiese of parasitiese siektes is aan die ander kant raar, maar internasionale reisigers het rede om oor hulle te bekommer.
Die beste raad is om alle diere in die land te vermy.
Gereelde handewas verminder ook die risiko om 'n respiratoriese of gastrointestinale infeksie op te doen en besoekers moet eerder by ten volle gekookte, warm etes bly.
Alle buitelandse personeel van BP mag geen ander keuse hê as om Rusland teen die einde van Julie te verlaat nie.
Verskeie senior uitvoerende beamptes mag selfs so vroeg as aanstaande week moet gaan.
Indien senior BP-bestuurders gedwing word om te gaan, kan BP se Russiese vennote bedryfsbeheer oor die Russiese bedrywighede bekom.
BP en sy Russiese miljardêrvennote is in 'n stryd om beheer gewikkel en BP het die Russe van korporatiewe jag beskuldig.
Terwyl die ANC-regering beplan om alle pensioenfondse in die land in 'n staatspensioenfonds te sentraliseer, het 'n Britse deskundige so pas aangekondig dat gedwonge besparing selde suksesvol is.
Volgens David MacCarthy van Imperial College in Londen, moet mense eerder aangemoedig word om die koste van spaar te verminder en om toegang tot spaargeld vir vername finansiële behoeftes te verhoog.
'n Onlangse opname deur FinMark Trust het aangetoon dat laer-inkomstegroepe meer waarde aan behuising en opvoeding heg as aan aftreegeld.
Die werklikheid is dat vir die meeste mense in laerinkomstegroepe die huidige staatspensioene 'n groter inkomste verseker as wat hulle tans verdien.
Hulle is ook daarvan bewus dat hulle miskien nie lank genoeg gaan lewe om aftree-ouderdom te bereik nie en daarom maak dit geen sin om vir die lang termyn te spaar nie.
Die gemiddelde lewensverwagting in Suid-Afrika het gedaal tot 49 jaar vanaf 65 jaar tydens die apartheidtyd.
Na wat in die International Express berig word, is die koningin van Engeland platsak. Sy het dit ook erken.
As gevolg van inflasie en reiskostes, benodig die koningin 'n bykomende twee miljoen pond per jaar om haar koninklike wonings te onderhou.
In vorige jare is haar versoeke om 'n ekstra een miljoen pond per jaar geweier.
Sy twyfel of haar jongste versoek om meer geld toegestaan gaan word want die Londense Olimpiese Spele in 2012 word as belangriker beskou.
Franca Sozzani, redaktrise van die tydskrif Vogue Italia, sê alle mooi wit vroue lyk dieselfde.
Die Julie 2008-uitgawe van haar tydskrif wat so pas verskyn het, vertoon slegs swart modelle, akteurs en musieksterre.
Sozanni sê die Demokratiese Party se nominasiestryd in die VSA wat deur Obama gewen is, het dinge verander.
Terwyl Amerikaanse kiesers nog nie gereed mag wees vir 'n swart president nie, mag tydskrifkopers in Italië nie gereed wees nie.
Maar die redaktrise glo die Obama-golf word oral gevoel hoewel die uitgawe heelwat voor Obama se oorwinning oor Hillary Clinton beplan is.
Die kameelperd het dit gedoen.
Disney-film aanhangers dink miskien die ontsnappers het ou langes se nek gebruik om oor 'n heining te skarrel maar die waarheid is nie so opwindend nie.
Die Nederlandse polisie sê hulle vermoed die kameelperd het die hek oopgeskop.
En in nog 'n afwyking van 'n Disney-animasiedraaiboek, het die diere nie tot op Madagaskar of enige ander eksotiese eiland gevorder nie.
Die voortvlugtigesis almal aangekeer binne 'n paar blokke van die sirkus.
Die omstrede Nederlandse anti-immigrasiepolitikus Geert Wilders sal nie vervolg word vir die maak van 'n film wat krities is oor Islam nie.
Die film wat in Maart vrygestel is, het betogings en veroordeling in vele Moslemlande ontlok.
In 'n koerant het Wilders ook die Koran met Hitler se Mein Kampf vergelyk.
Nederlandse aanklaers het in 'n verklaring gesê die feit dat die kommentaar kwetsend en aanstootlik vir 'n groot aantal Moslems is, beteken nie dat sulke kommentaar strafbaar is nie. Hulle sien daarom geen rede om Wilders vir haatspraak of diskriminasie te vervolg nie.
Dit help om te vloek. Dit is nou as jy Brits is en 'n paar punte nodig het vir 'n Engelse eksamenvraestel.
'n Hoërskoolleerder het twee uit 27 gekry vir sy moeite om twee vloekwoorde oor 'n eksamevraestel te krap omdat dit 'n sin met betekenis was en die spelling korrek was.
Die onderwyser sê die leerder sou 'n beter punt behaal het as hy die punt agter sy sinnetjie onthou het.
Die vraag was dat die leerders die kamer waarin hulle sit moet beskryf.
Ten minste 29 lande het hulle voedseluitvoere in die pas afgelope maande ingekort.
Indië, Viëtnam, Sjina en 11 ander lande het 'n verbod op rysuitvoere geplaas of dit beperk.
Kazakhstan het hul uitvoere van sonneblomsaad ingekort.
Hierdie beperkinge maak dit moeiliker vir arm invoerlande om die kos wat hulle nodig het te bekostig.
Sulke uitvoerbeperkings dryf voedselpryse hoër volgens die Wêreldhandelsorganisasie.
