Internasionale nuus Archives - Page 57 of 141

Russiese oorlogskip gaan deur Panamakanaal

Die Admiraal Tsjabanenko

'n Russiese oorlogskip is reg om Vrydag deur die Panamakanaal te vaar vir die eerste keer sedert die 2de Wêreldoorlog in 'n simboliese uitdaging teenoor die Amerikaanse invloed in die gebied.

Die groot anti-duikbootvaartuig, Admiraal Tsjabanenko, is geskeduleer om die waterweg tussen die Atlantiese- en Stille-oseaan deur te gaan êrens tussen Vrydagaand en Saterdagoggend, het die Russiese ambassade in Panama Donderdag gesê.

Die enigste keer wat so iets plaasgevind het, was in 1944 gedurende die 2d wêreldoorlog, toe vier Russiese duikbote deur die kanaal gevaar het, het die ambassade in 'n verklaring gesê.

Op daardie tydstip, toe die kanaal onder Amerikaanse beheer was, was Rusland en Amerika geallieerd in die teen-Nazikoalisie, het die ambassade bygevoeg.

Die geskeduleerde vaart deur die kanaal kom nadat die Russiese oorlogskepe Dinsdag twee dae se geskeduleerde oefeninge saam met die Venezualaanse vloot gedoen het.

Die aankoms van die Russiese skepe op uitnodiging van Venezuela word beskou as 'n uitdaging van Amerika se mag in Latyns-Amerika.

Rusland het ontken dat die oefening gemik is op enige "derde lande."

Moskou het die oefening aangekondig nadat president George W. Bush vlootvaartuie gestuur het na Georgië gedurende die Georgies-Russiese konflik in Augustus, wat die Kremlin kwaad gemaak het. Washington het gesê die oorlogskepe het humanitêre hulpvoorraad aan boord gehad.

Nadat die Russiese skip deur die kanaal gevaar het, sal die skip met sy 451 bemanningslede in Panama aanbly tot 11 Desember, by wat voorheen 'n Amerikaanse basis was.

Panama se minister van buitelandse sake, Samuel Lewis Navarro, het Donderdag gesê dat "soos ons almal weet is die Panamakanaal oop vir alle skepe ter wêreld," en so die kanaal se neutrale status weer bevestig.

Die Admiraal Tsjabanenko, wat 169 meter lank is en ingespan word teen seerowery en internasionale terrorisme, is deel van Rusland se noordelike vloot.

Александр Фильчаков

Indi? en Rusland teken kernooreenkoms

Indië se eerste minister sê Indië en Rusland het 'n kernooreenkoms geteken waarvolgens Rusland vier kernreaktors vir Indië, wat 'n groot kragtekort ondervind, sal bou.

Die ooreenkoms is tydens 'n vergadering tussen die Indiese Eerste Minister Manmohan Singh en die besoekende Russiese President Dmitri Medwedef onderteken.

Singh sê die ooreenkoms “dui 'n nuwe mylpaal in die geskiedenis van ons samewerking met Rusland op die gebied van kernenergie aan".

Die ooreenkoms volg ná die voltrekking van 'n opspraakwekkende kernooreenkoms vroeër dié jaar tussen die Verenigde State en Indië wat die weg gebaan het vir kernhandel tussen Indië en ander lande.

раскрутка

Indi? is totaal onvoorbereid

Brand n? ontploffing in die Taj Mahalhotel

In die nadraai van die vernietigende terroristeaanvalle in Indië verlede week, het een ding baie duidelik sigbaar geword: Indië se veiligheidsmagte is totaal onvoorbereid en die intelligensieagentskappe is so deurtrek met konflik en korrupsie, dat hulle nie oor die vermoë beskik om genoegsaam op te tree teen sulke aanvalle nie en nog minder kan doen om dit te voorkom.

Dit kan Indië, 'n belangrike Amerikaanse bondgenoot en een van die groot kragte in die globale ekonomie gedurende die laaste dekade, kwesbaar laat vir meer terroristeaanvalle.

Die land van 1,2 miljard mense het net 'n paar honderd teenterrorismebeamptes in hulle buro. Die klein, onderbetaalde polisiemag het min opleiding, min wapens en nog minder ammunisie. Die kuswag het minder as 100 bote in werkende toestand om 'n kuslyn van amper 7 000 kilometer te patrolleer.

In die nuutste onthullings omtrent Indië se onvoorbereidheid, het snuffelhonde Woensdag 'n sak met 'n bom van amper 8 kilogram gekry. Die bom is daar gelaat deur terroriste en is later in 'n klomp sakke gebêre, het polisiebeamptes gesê. Die polisie het die bom op die toneel skadeloos gemaak en nooit die moeite gedoen om die stasie, Victoria Terminus, te ontruim nie. Die stasie , wat ook bekend is as Chhatrapati Shivaji-terminus, is Moembaai se besigste treinstasie.

Lank voor verlede week se aanvalle in Moembaai wat die wêreld geskok het en 173 mense gedood het, het Indiese en Westerse kollegas inligting heen en weer gestuur oor die moontlikheid van sulke aanvalle. Die Indiërs het nie oor die vermoë beskik om die belang van die inligting in te sien of daarop te gereageer nie.

Die eindresultaat was dat 'n groep van slegs 10 aanvallers – volgens die polisie – die stad verras het op 26 November. Hulle het polisiebeamptes wat hulle teengestaan het, maklik doodgemaak en sommige van die stad se bekendste landmerke oorgeneem, terwyl die hele Indië met afgryse op televisie daarna gekyk het.

Tonele op geslotebaantelevisiekameras het getoon hoedat polisiebeamptes van die gewapende aanvallers gevlug het saam met verskrikte burgerlikes. Altesaam 20 polisie- en kommandolede is dood. Indië het 125 polisiebeamptes vir elke 100 000 inwoners, een van die laagste verhoudings ter wêreld.

Nadat die aanval begin het op die nag van 26 November, het dit ure geneem vir die Indiese kommando's om in Moembaai aan te kom, omdat die basis naby Delhi is, honderde kilometers ver, en omdat hulle nie 'n eie vliegtuig vir die groep het nie.

Selfs nadat die kommando's, wat beter opgelei en bewapen is as die polisie, teen die terroriste in die Tajhotel begin optree het, het hulle oor geen vloerplan beskik nie, terwyl die terroriste die hotel se uitleg deeglik geken het.

Europese hof bevind teen Britse beleid oor verdagtes-databasis

Die Europese menseregtehof het Donderdag eenparig bevind dat Brittanje se beleid om vingerafdrukke en DNS van alle kriminele verdagtes in te samel en te stoor, selfs die van mense wat onskuldig bevind word, 'n skending van menseregte is.

Die uitspraak wat is Straatsburg gemaak is, was 'n harde slag vir die wetstoepassingsbeleid van die Arbeidersparty egering, wat Europa gelei het deur aggressief te werk gegaan het met die insameling van persoonlike inligting van hulle burgers. Die hof het met sterk taal sy teenkanting uitgespreek teen die diskriminerende en oorkoepelende aard van die polisie se beleid om DNS materiaal vir 'n onbepaalde tydperk op die databasis te hou.

Brittanje se DNS-databasis bevat die profiele van meer as 4,6 miljoen mense, waarvan omtrent 860 000 nie kriminele rekords het nie. Kenners in die reg tot privaatheid sê dit verteenwoordig 'n hoër aantal mense in die bevolking as soortgelyke databasisse in ander lande.

Menseregtegroepe het die hof se uitspraak verwelkom as 'n beperking op die magte van die regering.

Genestudie toon Spanje se Joodse en Moslem voorgeslagte

Die genetiese handtekeninge van mense in Spanje en Portugal toon nuwe en eksplisiete bewyse van die massaomskakelings van Sefardiese Jode en Moslems na Katolieke in die 15de en 16de eeue nadat Christenweermagte Spanje weer teruggewen het van Moslembeheer, het 'n span genetici gesê.

Twintig persent van die bevolking van die Iberiese skiereiland het Sefardiese Joodse voorouers en elf persent het DNS wat Moorse agtergrond toon, het die genetici gevind. Historici het gedebatteer oor hoeveel Jode gekersten is en hoeveel ballingskap gekies het. "Een kant het die hoeveelheid omskakelings baie erg onderskat," het Jane Gerber, 'n kenner in Sefardiese geskiedenis by die universiteit van New York gesê.

Die bevindings benadruk weereens twee verskillende beskouinge oor die Spaanse geskiedenis, het dr. Jonathan Ray, 'n professor in Joodse studies by Georgetown universiteit gesê. Een, voorgestel deur die 20ste eeuse historikus Claudio Sanchez-Albornoz, wat reken dat die Spaanse beskawing Katoliek is en ander invloede van die buiteland ingeneem het, en die ander beskouing sien Spanje as 'n land wat verryk is deur al drie sy historiese kulture, Katoliek, Joods en Moslem.

Die studie wat gebaseer is op analise van die Y-chromosome, is gedoen deur bioloë onder leiding van Mark Jobling van die universiteit van Leichester in Engeland en dr. Francesc Calafell van die Pompeu Fabra universiteit in Barcelona. Hulle het 'n Y-chromosoom handtekening ontwikkel vir Sefardiese mans deur Sefardies Joodse gemeenskappe te bestudeer in plekke waar Jode heen gemigreer het nadat hulle tussen 1492 en 1496 uit Spanje gesit is. Hulle het ook die Y-chromosome van Arabiere en die Berber weermag wat Spanje ingeval het in 711 nC ontleed uit data van mense wat in Marokko en die Westelike Sahara woon.

Na 'n tydperk van verdraagsaamheid onder die Arabiese Umayyad dinastie, het Spanje 'n tydperk ingegaan waar die Moslem Berber heersers Christene en Jode gedwing het om Islam te aanvaar, en die Christenoorwinnaars die Jode en Moslems daarna weer gedwing het om Christus te aanvaar of die land te verlaat. Die nuwe genetiese studie, het Donderdag aanlyn in die Amerikaanse Joernaal van Menslike genetika berig dat daar hoë vlakke van aanvaarding van 'n nuwe godsdiens was onder die Jode. topcargo

Min hoop vir Amerikaanse motorvervaardigers

Desperate Amerikaanse motorvervaardigers het nuwe teenstand gekry van skeptiese politici toe hulle met nuwe nederigheid gevra het vir 'n $34 miljard hulppakket. Sonder hulp, het een senator gesê "kyk ons na 'n doodsvonnis".

Met politici in beide partye wat die vervaardigers aanmoedig om 'n vooraf onderhandelde bankrotskap te aanvaar – iets wat hulle tot nou toe geïgnoreer het – het die groot drie 'n regeringsbeheerde herstrukturering begin oorweeg wat resultate soortgelyk aan bankrotskap sal lewer, insluitend groot afskaling, in ruil vir die hulpmiljarde. Maar daar is geen waarborg dat hulle dit eers sal kry nie.

En dit is nie al slegte nuus gewees nie. Beamptes van die kongres het Donderdag gesê dat die een voorstel, om geld van 'n reeds goedgekeurde fonds af te trek wat eenkant gesit is vir die maak van karre wat omgewingsvriendelik is, nie naastenby soveel geld sal lewer as wat motorvervaardigers sê hulle nodig het nie.

Die motorvervaardigers se uitvoerende beamptes het by 'n Capitoll Hill vergadering — hulle tweede rondte in minder as 'n maand — gepleit vir noodhulp voor die jaar se einde. Met tyd wat min raak voor die einde van die huidige kongres, blyk skeptisisme egter so sterk soos voorheen te wees.

для девочки

Nuwe Rowlingboek betower kleinspan

Die supersterskrywer, JK Rowling, die skrywer van die Harry Potter-reeks, het haar eerste boek geskryf nadat sy die reeks oor die seun met die weerliglitteken afgesluit het.

“Tales of Beedle the Bard” (“Verhale van Beedle die Volksanger”) is gister wêreldwyd vrygestel. Boekwinkels regoor Brittanje het hulle deure vroeg oopgemaak sodat skoolkinders die geleentheid kon kry om 'n eksemplaar voor skool aan te skaf.

Die boek word in die sewende en laaste uitgawe van die Harry Potter-reeks genoem. Daarin gee die skoolhoof die bundel sprokies aan Harry se vriendin, Hermione Grainger. Die jong towenaar gebruik dit later om sy aartsvyand, Voldemort, te verslaan.

Rowling het die boek oorspronklik met die hand geskryf en ses manuskripte aan uitgesoekte vriende geskenk. Sy het die boek self geïllustreer. Die sewende eksemplaar is op 'n veiling vir R28,000,000-00 aan die internetboekwinkel Amazon verkoop.

Die boek het reeds oorvloedige lof van lesers ontvang, met Rowlingaanhangers wat sê hulle is verlig dat die boek hulle verwagtinge oortref het.

Die boek het 'n drukoplaag van 7,5 miljoen eksemplare en is in 10 tale in meer as 20 lande vrygestel.

Rowling is die eerste skrywer ooit om meer as 'n miljard dollar met boeke te verdien.

Данильченко

Iran sweet oor olieprys

Iran se president Mahmoed Ahmadinejad het vir die eerste keer erken dat die daling in wêreldoliepryse sy regering se ekonomiese projekte in die wiele kan ry.

“As ons die prys op 30 dollar vasstel, sal ons van baie van ons ekonomiese projekte moet afsien,” het hy aan die plaaslike media gesê. “En ons moet dit op tussen 30 en 35 dollar vasstel want ons bepaal nie die internasionale markte nie.”

Hy het toegegee dat “oliepryse vir 'n aansienlike tyd laag sal bly” as gevolg van die wêreldwye resessie.

Iran, wat OPUL se tweede grootste produsent is, het 'n amptelike olieuitset van 4,2-miljoen vate per dag en helfte van die land se begroting berus op ruolieuitvoere.

Ahmadinejad het net verlede maand gespog dat sy regering op “'n vat olie met 'n prys tussen agt en vyf dollar” kan loop.

“Selfs as ons die punt bereik waar die vyand nie meer ons olie wil koop nie, kan ons steeds die land bestuur. Dank God, die fluktuasies in die olieprys sal geen uitwerking op die volgende begroting hê nie.”

Ahmadinejad het in 2005 die regering oorgeneem met 'n populistiese veldtog wat massiewe hoeveelhede olie-inkomste in plaaslike infrastruktuur ingepomp het en laerentelenings toegestaan het om werksgeleenthede te skep.

Hy is skerp gekritiseer deur ekonome wat meen die fokus is daarop geplaas om verbruikersbesteding aan te wakker eerder as om in plaaslike industrieë te belê en om vir die toekoms voorsiening te maak.

Die tuimeling van die olieprys kan Ahmadinejad duur te staan kom tydens die aanloop tot die presidensiële verkiesings wat vir Junie 2009 geskeduleer is.

Darryl Hannah maak golwe met walvisveldtog

Aktrise Darryl Hannah gaan Woensdag saam met 'n groep seil om na die Suidelike oseaan om Japannese walvisjagters te

Daryl Hannah

stop om die reusediere te jag, het organiseerders gesê.

Hannah, wat bekend is vir haar rol as die meermin in die 1984-lokettreffer "Splash", gaan deel uitmaak van die militante Sea Sheperd Conservation Society se jaarlikse veldtog om walvisskepe te soek en te onderbreek in hulle taak.

Die filmster sal Woensdag by die "Steve Irwin" se bemanning in Brisbane, Australië aansluit, vir die eerste week van die vaart.

"Hannah is passievol omtrent die probleme wat die planeet bedreig, sy gaan by die vaart aansluit," het Sea Sheperd in 'n verklaring gesê.

Die ster van films soos Bladerunner en Kill Bill het gesê dat meer gedoen moet word om die Japannese te stop om bedreigde spesies in die Antarktiese waters te jag.

Nieu-Seeland sal lugmagvliegtuie stuur om die walvisvloot in Antarktika te monitor.

Japan wat beoog om 1 000 walvisse te jag deur 'n tekortkoming in die 1986-globale moratorium uit te buit wat dodelike navorsing op walvisse toelaat, het verlede jaar net die helfte van hulle kwota kon kry, as gevolg van inmenging deur aktiviste.

мир игрушек харьков топкарго

Afrika se eerste satelliet vernietig

satelliet in wentelbaan Afrika se eerste kommunikasie satelliet het glo 'n kragprobleem ondervind net 18 maande nadat dit gelanseer is. Die NIGCOMSAT-1 satelliet is deur Sjina gelanseer in 2007 te midde van optimisme dat dit sal help om landelike gebiede te verbind en telemedisyne en afstandonderrig te bevorder.

Nigerië se ThisDay koerant het gesê dat die satelliet wat 40 miljard Nigeriese dollar werd was, uit sy wentelbaan beweeg het en vernietig is om te voorkom dat dit skade aanrig aan ander satelliete.

Die satelliet se beheermaatskappy beweer egter dat dat die satelliet die maand afgeskakel is nadat daar gevind is dat die batterye vinniger afloop as wat beplan is.

Die sonpanele het volgens die Nigeriese minister van wetenskap en tegnologie ingegee op die Sjineesvervaardigde satelliet.

Die koerant haal anonieme bronne aan wat meen dat die Sjinese die satelliet vervaardig het van minderwaardige materiale.

Akin Soyinka, die voorsitter van die nie-regeringsorganisasie Nigeria Internet Watch, het gesê dat die verlies van die satelliet die land se pogings sal skaad om die digitale gaping te oorbrug.

"Nou is dit alles in die drein af," het Soyinka gesê.

Dit was 'n geostasionêre satelliet, wat veronderstel was om vir 15 jaar lank te hou, en dit was amptelik gemonitor deur die grondbeheerstasie in Abuja, Nigerië. Daar was rugsteunstasies in Sjina, Italië, noord–Nigerië en die Raad vir Wetenskaplike en Industriële Satellietnavorsing in Hartbeeshoek in Suid-Afrika.

'n Besoek aan die beheersentrum in Nigerië het aan die lig gebring dat daar geen werk gedoen word nie, en dat daar ook geen ingenieurs op die perseel was nie.

Een ingenieur wat elders opgespoor kon word het beweer dat dit gebeur het omdat die satelliet gebreek het, terwyl ander weer beweer dat die rekenaartoerusting lankal reeds gesteel was en dat geen data vir 'n lang tyd ingewin is nie.