Nuus – Bladsy 287 – praag.co.za

Armoede in Afrika neem toe

Volgens ’n Wêreldbankverslag wat op 6 Februarie vrygestel is, gaan Afrika-ekonomieë erg sukkel om die res van die wêreld in te haal, aangesien hulle twee dekades agter is wat ekonomiese groei betref.

Sowat 10% van die wêreld se bevolking bly in Afrika, maar terselfdertyd word 30% van die armste mense op die planeet ook hier aangetref.

Volgens die verslag was daar groei in die 60’s en 70’s, maar tussen 1975 en 1995 was daar ’n afwaartse tendens in meeste lande op die vasteland. In 1970 het 36% van Afrika se totale bevolking in geweldige armoede geleef. Teen die einde van die eeu het die syfer toegeneem tot ’n verstommende 50%.

Xolile Guma, adjunkgoewerneur van die Suid-Afrikaanse reserwebank, is van mening dat baie van Afrika se ekonomiese probleme toegeskryf kan word aan die onvermoë van regerings om by hulle beleid te hou. Gebrek aan kontinuïteit pootjie ekonomiese groei.

Die verslag beveel aan dat die “beleggingsklimaat” verbeter moet word, asook infrastruktuur en die “kapasiteit” van regeringsinstellings.

Die vrystelling van hierdie verslag val saam met ’n kabinetskommeling in Zimbabwe. Robert Mugabe het verskeie adjunkministers bevorder en van meer senior kollegas (waaronder die minister van finansies) ontslae geraak. Tans staan die inflasiekoers in die land op 1 281%. Geweldige tekorte word in winkels ondervind en daar word geskat dat sowat 80% van die bevolking onder die broodlyn leef.

топкарго

Zuma waarskynlik in Natal genomineer

Bring my my presidensi?le serp…

Die ANC in KwaZoeloe-Natal gaan waarskynlik vir Jacob Zuma as die volgende president nomineer hoewel die uitvoerende komitee nog nie ‘n kandidaat wil benoem totdat die partytakke hul besluit bekend gemaak het nie. Daar is ongeveer 300 takke van die ANC in die provinsie.

Die ANC se provinsiale sekretaris, Senzo Mchunu, het gister gereageer op ’n City Press-berig verlede Sondag dat sekere lede van die provinsiale bestuurskomitee Zuma se ondersteuners uitgedaag het om te bewys dat provinsiale strukture reeds in Januarie 2005 hul steun aan Zuma sou toegesê het.

Mchunu het gesê dat die provinsiale bestuur eers “amptelik” ’n kandidaat vir die presidentskap kon benoem as ANC-takke op hulle kandidate besluit het en slegs ná ’n vergadering van die provinsie se elf provinsiale streke teen die einde van Augustus of in September sou besluit om Zuma te nomineer.

’n Dosent in staatsleer aan die Universiteit van Kwazoeloe-Natal, Lawrence Piper, meen dat die perspepsie van buite bestaan dat die ANC-leierskap in die provinsie agter Zuma verenig is, maar dat daar in werklikheid reeds geruime tyd verdeeldheid tussen ’n pro- en anti-Zumafaksie bestaan.

Dept. van kuns en kultuur dreig oor De la Rey

Volgens die Suid-Afrikaanse Departement van Kuns en Kultuur loop Bok van Blerk se trefferliedjie, De la Rey, gevaar om deur “verregses” gekaap te word. Hulle wil skynbaar Afrikaanssprekendes mislei deur hulle te laat glo dat dit ‘n proteslied is wat mense oproep om die geweer op te neem.

“Dit sal verskriklik jammer wees as ‘n handvol misleide individue hoop om ‘n onskuldige liedjie te gebruik as ‘n vertrekpunt vir verraad”, lui die verklaring.

Met verwysing na die Boeremag waarsku die departement dat diegene wat hulleself met verraad bemoei, probleme met die gereg kan verwag.

Hulle beskou die liedjie bloot as “iets van geskiedkundige belang.”

Hulle wys voorts daarop dat Bok van Blerk die lied nie van toepassing op die huidige situasie maak nie en wens hom voorspoed daarmee toe. “Wie weet, as dit regtig goed is, mag dit dalk ‘n internasionale treffer soos Solomon Linda se Mbube word.”

De la Rey-video op YouTube

траверсы для

Mbeki oor misdaad gelooi

…kritiek vir Afrika

Advertensies het vandag in Suid-Afrikaanse koerante verskyn waarin daar ’n beroep gedoen word op president Thabo Mbeki om die styging in misdaad hok te slaan.

Die Kaapse PSG-groep het ’n ope brief gepubliseer waarin Mbeki gevra word “om ons te wys dat jy omgee.” Verder lui die advertensie soos volg: “Ons kan slegs ’n bydrae maak in ’n stabiele Suid-Afrika.”

Mbeki berei tans sy toespraak vir die parlementsopening op 9 Februarie voor. Hy was onlangs in die spervuur omdat hy meen die meerderheid Suid-Afrikaners glo nie misdaad is buite beheer nie.

Eerste Nasionale Bank (ENB) het verlede week sy R20 miljoen-veldtog teen misdaad laat vaar en alle advertensies aan koerante onttrek. Die bank het skynbaar toegegee aan druk van ander sakeleiers wat bang was dat die sakegemeenskap hom die argwaan van die president op die hals sou haal.

Suid-Afrika het ongetwyfeld een van die hoogste misdaadsyfers op die planeet, met 18 528 moorde wat die afgelope jaar plaasgevind het.

кардиган для девочки

Frankryk en Ivoorkus steeds haaks

Laurent Gbagbo

Die Ivoorkus-president, Laurent Gbagbo, het in 2000 aan bewind gekom. Hy word deur vele waarnemers as die grootste struikelblok op die weg na vrede in dié Wes-Afrikaland beskou. President Jacques Chirac het hom al selfs met ‘n fascis vergelyk. Hy het onlangs egter vriend en vyand verstom deur “direkte dialoog” met sy teëstaander, Guillaume Soro, te bepleit. Soro is die leier van die rebelle wat die noordelike gedeelte van die land beheer.

Op 5 Februarie 2007 het verteenwoordigers van Gbagbo en die rebelle in Ouagadougou, Burkina Faso se hoofstad, ontmoet.

Volgens Brigitte Girardin, die Franse minister verantwoordelik vir samewerking met Afrika, is daar tans nog 3 500 Franse soldate in die Ivoorkus wat die prekêre vrede probeer handhaaf. Volgens haar het die Franse troepe net een doelwit: “ Om die Verenigde Nasies (VN) te ondersteun sodat die Ivoriane hulle president demokraties kan verkies”.

Sy het die samesprekings in Burkina Faso verwelkom en gesê: “Ons is nie daar om ons Ivoorkus-bondgenote te vervang nie en ook nie om hulle werk te doen nie”.

Sy sien ontwapening en die sogenaamde identiteitskrisis as die Ivoorkus se twee grootste probleme. Daar is tans sowat twee miljoen inwoners sonder identiteitsdokumente. Frankryk dring daarop aan dat hierdie mense se etniese herkoms nie bevraagteken moet word nie, maar dat hulle onmiddellik identiteitsboekies moet kry sodat hulle name op die kieserslyste kan verskyn.

Tot dusver het Gbagbo nog nie gehoor gegee aan die VN-veiligheidsraad se resolusie 1721 van Oktober 2006 om die identiteitskwessie aan te spreek en die vegtendes te ontwapen sodat die presidensiële verkiesing teen Oktober vanjaar gehou kan word nie.

Die Franse militêre operasie in die Ivoorkus kos Frankryk sowat 250 miljoen Euro per jaar. Die troepe is soontoe gestuur toe chaos in 2004 uitgebreek het en omtrent 8 000 Franse inderhaas landuit moes vlug. Volgens Girardin sal die Franse burgers slegs terugkeer as die huidige “veldtog van dreigemente en laster” teen hulle beëindig word.

свет италия Лобановский

Afrikanerbond beoog verbetering vir Suid-Afrika

Die Afrikanerbond (AB) sal sy invloed gebruik om die ekonomie asook politieke strukture en die justisie-stelsel te versterk en om kulturele bande wyer te smee ten einde die land vir alle burgers te verbeter, het die bestuur Maandag gesê.

Die bestuur het die pas afgelope naweek ontmoet vir samesprekings oor die organisasie se toekoms.

In ‘n verklaring oor die besluite wat geneem is, het die AB gesê dat hulle wil werk om die land vir alle Suid-Afrikaners te verbeter, maar dat hulle ook kyk na die beskerming van die Afrikaanssprekende gemeenskap se identiteit, taal en kultuur.

Alhoewel die AB die noodsaak vir regstellende aksie verstaan, is daar kommer dat veral jong Afrikaanssprekendes daardeur benadeel word.

Daar word ‘n program beplan om Afrikaanssprekende jongmense van oorsee terug te lok om hul vaardighede in Suid-Afrika aan te wend.

Daar was onlangs bespiegeling in die Afrikaanse pers dat die AB beplan om hul akte van oprigting te verander sodat die geld in die Christiaan de Wet-fonds voortaan tot voordeel van alle Suid-Afrikaanse gemeenskappe – en nie net meer eksklusief vir Afrikaners nie – aangewend sal word. Dit het verdeeldheid in die organisasie veroorsaak.

top прокурор Фильчаков

ENB skrik vir Charles Nqakula

In die snippermandjie

Eerste Nasionale Bank het sy anti-misdaadveldtog gekanselleer ongeveer 3.30 op Vrydagmiddag ná ’n besoek van ’n regeringsafvaardiging wat Charles Nqakula, die minister van veiligheid en sekuriteit, sou ingesluit het.

Die hele veldtog is toe afgelas en 2,8 miljoen posgeldbetaalde briewe wat in Sondagkoerante versprei sou word, moes vernietig word. TV-advertensies wat geskuduleer was, is insgelyks gekanselleer. Die HUB van Eerste Nasionaal, mnr. Paul Harris, wou nie kommentaar lewer oor wie hulle almal kom sien het nie en het dit as ’n “breë groepering van mense met ’n belang by die saak” beskryf.

Paul Harris, HUB van ENB

’n Woordvoerder van die ANC-bewind, Themba Maseko het die veldtog as ’n vorm van “aanhitsing” teen Mbeki beskryf. “Om hulle te posisioneer as ’n opposisieparty is ontoepaslik… Om mense aan te hits om op ’n sekere manier teenoor die staatshoof op te tree, kan nie toegelaat word nie.”

Ander sakeleiers, veral mnr. Michael Spicer, voorsitter van Standardbank, was ook gekant teen die veldtog omdat hulle gevrees het dit sou verhoudinge tussen die regime en die sakegemeenskap beduiwel. Die eiebelang van sakemanne het dus uiteindelik harder gepraat as kommer oor misdaad of die publiek se veiligheid.

Blanke boere in Zimbabwe gearresteer?

Goeie vriende, goeie bure…

Zimbabwe se oorblywende 400 blanke boere mag vandag en môre gearresteer word as hulle nie dadelik hul plase verlaat nie. Die vereniging Geregtigheid vir Landbou het sy lede gevra om nie hul eiendom vrywillig te verlaat nie, maar eerder die risiko te loop dat hulle in hegtenis geneem word.

Die Mugabe-bewind het sy blanke boere tot vandag gegee om hul plase te verlaat of vervolg te word.

Verlede maand het die Zimbabwiese regering boere met oeste op die land uitstel gegee om eers te oes, maar volgens die GL en die Kommersiële Boere-unie word uitsettingsbevele steeds op boere bestel in weerwil van die uitstel.

Blanke boere wat dié naweek steeds op hul grond verkeer, mag in hegtenis geneem word as onwettige grondbesetters en mag vervolg word, het GL gesê. Tot dusver is ongeveer 150 sulke uitsettingsbevele landwyd teen blanke boere uitgereik.

“Ons beveel sterk aan dat boere op hul plase aanbly en eerder arres en moontlike vervolging trotseer,” het GL verklaar. “Dit is die enigste maneir waarop die boere uiteindelik ‘n hofgeding aanhangig mag maak en daarmee die moontlikheid van ‘n regverdige verhoor.”

Vier-en-twintig van die jonste uitsettingsbevele is op suikerrietboere in die suidelike Chiredzi-distrik bestel.

Sewe jaar gelede het die Mugabe-bewind ‘n omstrede program van blanke grondonteienings van stapel gestuur wat die meerderheid van die 4500 blanke boere van hul grond verdryf het om plek te maak vir swart boere.

Slegs 30 blanke boere uit ‘n totaal van 700 wat aansoek gedoen het, het amptelike toestemming ontvang om op die grond aan te bly.

Volgens die grond- en veiligheidsminister Didymus Mutasa sal net dié blanke boere wat welwillendheid teenoor die Mugabe-bewind getoon het, verder kan boer.

насос для грязной

Ho?rskool Ermelo mag in Afrikaans voortgaan

Ermelo s?l Engels, s? dept.

Die Pretoriase hooggeregshof het gister in die guns van Hoërskool Ermelo beslis deur ’n tussentydse bevel toe te staan wat die Oos-Transvaalse (tans Mpumalanga) onderwysdepartement verbied om verder met die skool se taalbeleid in te meng.

Die onderwysdepartement het twee weke na die aanvang van die skooljaar 113 leerlinge by die skool ingeskryf en daarop aangedring dat hulle in Engels onderrig word. Die departement het ook die beheerliggaam “onbevoeg” om verder die skool se taalbeleid te bepaal. Maar slegs 13 leerlinge het uiteindelik opgedaag.

Hierna het die skool hom noodgedwonge tot die hof gewend in ’n aansoek om die besluit van ’n komitee, wat deur die onderwysdepartement aangestel is om die skool se taalbeleid te bepaal, tersyde te stel.

Die voorsitter van die skool se beheerliggaam, mnr. Johan Ernst, het gister die uitspraak verwelkom. “Ons is bly dat die tradisies van die skool bevestig is en beskou hierdie as ’n sterk uitspraak vir die reg wat Afrikaans het.”

Regter Bill Prinsloo het die uitspraak gelewer en gelas dat die huidige dubbelmediumtaalbeleid onnmiddellik opgeskort word hangende ’n finale hofbevel. Die regter het Hoërskool Ermelo beskryf as “’n ou, bekende skool wat oor dekades sy leerlinge in Afrikaans opgevoed het en landwyd ’n baie goeie reputasie het rakende akademiese uitnemendheid, sport en kulturele prestasies”.

Hy het voorts gesê dat die hoof van die Oos-Transvaalse onderwysdepartement op “onbehoorlike wyse sy wil op die skool wou afdwing en daar is sterk aanduidings dat die komitee nie onafhanklik gefunksioneer het nie, maar in opdrag van die departementshoof. Dit dui op onreëlmatigheid.”

Hoërskool Ermelo moes vyf jaar gelede insgelyks hof toe gaan toe die onderwysdepartement die hoof en onderhoof geskors en sy beheerliggaam ontbind het. Toe het die departement die saak met koste verloor.

online casino eu Лобановский Харьков

Vrystaatse boere beskuldig Xingwana van haatspraak

Lulu Xingwana

Bloemfontein – Komende na TLU-SA en Agri-SA, het die Vrystaatse Landbou-unie die ANC-minister van landbou, Lulu Xingwana, van haatspraak beskuldig weens haar aantygings oor die mishandeling van plaaswerkers en wydverspreide onmenslike, onwettige uitsettings in die bedryf.

“Sy beskuldig ons van moord, verkragting en uitsettings,” het die Vrystaatse Landbouvoorsitter Louw Steytler Vrydag gesê.

“As dit nie haatspraak is nie, weet ek nie wat dit is nie,” het hy teenoor boere tydens ‘n streeksvergadering van Vrystaatlandbou in Bloemfontein opgemerk.

Die hoof van die Vrystaatse veiligheid- en sekerheidsdepartement, Jack Klaas, het soortgelyke “ongetoetsde stellings”gedurende ‘n plaaslike landboukonferensie gemaak.

“Nie een van die insidente waarna hy verwys is as waar bewys nie,” het Steytler gesê.

Klaas het beweer dat: ’n Vrystaatse boer ’n werker agter sy bakkie aangesleep het; dat plaaswerkers se ID-dokumente gekonfiskeer word; en dat rassistiese tekens by plaasingange opgesit word.

“In al my tyd as voorsitter en adjunk-voorsitter van die Vrystaatse Landbou-unie, is daar vyf uitsettingsgevalle geïdentifiseer en bevredigend gehanteer in samewerking met alle rolspelers,” het Steytler voortgegaan.

Xingwana se beskuldigings was veralgemenings wat as misdadige optrede nie net in die landbousektor nie, maar in die breër samelewing sou manifeesteer, het hy gesê. Hulle druis in teen die beginsels van die grondwet en “wat ons in die land wil bereik”.

Die minister kan nie toegelaat word om met haar beskuldigings weg te kom nie, het Steytler gesê en het boere verseker dat georganiseerde landbou die saak op nasionale vlak ondersoek. Hy het bygevoeg dat voorbereidings ver gevorder was vir ’n moontlike hofsaak deur Vrystaatlandbou teen die regereing oor die menseregteskendings teen boere op die Lesothogrens.

светильник купить

Gebruik minder elektrisiteit – Eskom

Dit word al hoe minder…

Met somerelektrisiteitsverbruik wat inhaal op winterverbruik, het Eskom gister 1 Februarie verbruikers gevra om meer energiedoeltreffend te word.

“Die toenemende gebruik van lugreëling, tesame met ’n algemene toename in aanvraag, is besig om die somerelektrisiteitsverbruikpatroon in Suid-Afrika te verander,” het die maatskappy in ’n verklaring gesê.

Eskom het huisgesinne gemaan om die looptyd van swembadpompe te verminder en om lugreëling soggens vroeg aan te skakel om koel lug in die huis in te trek. Deure en vensters behoort dan toe gehou te word om warm lug uit te hou.

Ander wenke sluit in om plafonwaaiers en ligte verf op buitemure om hitte te weerkaats. Aluminiumplafonisolasie en vensterbehandeling kan ook hittetoename verminder.

Hitteproduserende toestelle soos skottelgoedwassers, tuimeldroërs en oonde behoort liefs saans gebruik te word, meen Eskom.

липецк абразивный

Voormalige RAU: slegs 2 uit 31 raadslede nog Afrikaners

RAU: Afrikanerkerkhof?

Slegs 2 uit 31 raadslede (waaronder 8 blankes) van die voormalige Randse Afrikaanse Universiteit in Johannesburg is nog Afrikaners. Ook die rektor van die universiteit is ’n ondergekwalifiseerde bruinman, Iron Rensburg, wat hom by voorkeur in Engels uitdruk. Die skouspelagtige ineenstorting van Afrikanerinvloed aan dié universiteit is deels te wyte aan wat personeel aan dié universiteit die “kapitulasie” van die vorige bestuur noem en deels aan Kader Asmal, die vorige anti-Afrikaanse onderwysminister, se kwaadwillige samesmeltingsprogram.

Die RAU is in die vroeë sewentigerjare opgerig om in die vraag na tersiêre onderrig in Afrikaans aan die Rand te voorsien. Geldinsamelingsveldtogte is regoor die land, maar veral in Johannesburg, asook die Oos- en Wesrand deur Afrikaners gehou om die droom van ’n Afrikaanse universiteit in Johannesburg te verwesenlik. Ook die voormalige Broederbond het ’n groot rol gespeel om die destydse Nasionale Partyregering te oorreed om ’n Afrikaanse universiteit in Johannesburg op te rig.

Kader Asmal

Weens die nabyheid van dié universiteit, kon laermiddelklasouers aan die Oos- en Wesrand vir die eerste keer hul kinders universiteit toe stuur en het ’n hele geslag Afrikaners sodoende toegang tot universiteitsonderrig verkry.

Die verbeeldingryke moderne argitektuur van die RAU is indertyd deur kenners geloof as die versinnebeelding van die moderne, stedelike Afrikaner. Sommige Engelstalige kritici het dit egter as ’n “betonlaer” afgemaak.

Sedert Asmal se vyandige samesmelting van die RAU, die Witwatersrandse Technikon en die Vista-universiteit in Soweto, is die RAU herdoop tot die “University of Johannesburg” en het die voertaal insgelyks Engels geword, hoewel sommige klasse nog in Afrikaans aangebied word terwyl dié taal uitgefasseer word.

UJ verkies Indi?rs of swartes

Op die webblad van die University of Johannesburg word die tipiese student deesdae as hetsy ’n Indiër, hetsy ’n swarte, uitgebeeld (sien foto links).

Die meerderheid van die doserende personeel, tot sewentig persent, bestaan egter steeds uit Afrikaners. Die RAU bied daarom ’n studie in Afrikanerondergang, hoe ’n eens trotse instelling wat Afrikaans voorop gestel het, binne slegs enkele jare ’n radikale “transformasie” ondergaan het.

Toenemend word daar ook van Afrikanerpersoneel verwag om ondergeskikte posisies teenoor swart akademici in te neem, terwyl hulle steeds “die werk moet doen”. In een so ’n voorval is ’n Afrikaanse vrou gevra om terwille van “transformasie” ’n swart dekaan te aanvaar, met dien verstande dat sy al sy administratiewe en bestuurspligte moet uitvoer. Sy het egter geweier en aangebied om te bedank. Hierna is sy in die dekaanspos aangestel, ’n rare voorbeeld van Afrikanerverset aan die voormalige RAU waar die gees van oorgawe spookagtig deur die blink gepoleerde gange sweef.

Van waar die Tambo-miljoene?

Adelaide Tambo

Die weduwee van die voormalige ANC-hoofman, Oliver Tambo, het so pas gesterf. Woordvoerders uit die regerende party soos Thabo Mbeki bring tans hulde aan die ontslape Adelaide Tambo as “heldin van die nasie”, maar groot nuuskierigheid heers oor die waarde van die Tambo-boedel.

Oliver Reginald Tambo het Suid-Afrika in die sestigerjare verlaat en as ‘n ryk man teruggekeer, terwyl hy sy lewe lank in die ANC se diens was. Die Tambo-kinders, waaronder Dali Tambo wat in die luuksebuurt Saxonwold in Johannesburg woon, beskik al drie oor ’n uitspattige lewenstyl.

In die doodsberig oor Adelaide Tambo word vermeld dat sy ná 1976 vir die International Defence and Aid Fund gewerk het. Dié fonds was die voorwerp van ondersoeke deur die destydse inligtingsdienste aangesien geheime somme geld van die Sweedse regering deur hierdie fonds na die ANC gekanaliseer is.

Dit was wel bekend dat die Sweedse parlement onder Olof Palme finansiële steun aan die “bevrydingsbeweging” gestem het, maar die presiese bedrae is nooit bekend gemaak nie. In April 2004 het die Sweedse ambassadeur in Suid-Afrika in ’n onderhoud oor RSG gespog dat “die ANC nooit sonder ons hulp die bewind sou oorgeneem het nie”. Die bedrag wat gewoonlik genoem word as daar van destydse Sweedse hulp aan die ANC gepraat word, is $100 miljoen per jaar.

Olof Palme

Olof Palme is op 28 Februarie 1986 in ’n sluipmoord gedood. Hy is in Sveavägen, ’n straat in die middestad van Stockholm, doodgeskiet terwyl hy en sy vrou, Lisbet, besig was om huis toe te loop nadat hulle gaan fliek het. Daar is selfs gespekuleer dat die SA veiligheidsdienste agter die sluipmoord kon gesit het.

Feit is egter dat groot bedrae Sweedse geld in die vorm van geheime fondse na die ANC gevloei het onder die destydse Palme-regering wat ‘n sterk linkse en anti-Westerse inslag gehad het. Dis in die aard van geheime fondse dat daar moeilik beheer daaroor toegepas word.

Oliver Tambo het, soos menige Afrikaleier voor hom, ryk geword uit die politiek. Met die dood van sy vrou Adelaide, wat haar loopbaan in 1944 as ’n bode vir die organisasie begin het, word ’n hoofstuk in die Tambo’s se finansiële opgang afgesluit. Ná 1994 het ANC-politici immers nie meer Swede vir ’n bron van inkomste nodig gehad nie, maar het hulle direkte toegang tot die Suid-Afrikaanse staatskas verkry, asook swartbemagtigingstransaksies waaruit figure soos Sexwale en Ramaphosa miljoenêrs geword het.

games kazino

Misdaad: ENB plaas druk op Mbeki

Een van die vier groot Suid-Afrikaanse banke, Eerste Nasionaal, gaan binnekort druk op Mbeki plaas om sy siening oor misdaad te verander. Volgens die bank gaan hy van dié naweek af met ‘n groot anti-misdaadveldtog in die media begin om die ANC-bewind onder die indruk van die erns van die probleem te bring.

лобановский обыск