praag.co.za

Vrystaatse boere beskuldig Xingwana van haatspraak

Written by

Dan Roodt

in

Bloemfontein – Komende na TLU-SA en Agri-SA, het die Vrystaatse Landbou-unie die ANC-minister van landbou, Lulu Xingwana, van haatspraak beskuldig weens haar aantygings oor die mishandeling van plaaswerkers en wydverspreide onmenslike, onwettige uitsettings in die bedryf.

“Sy beskuldig ons van moord, verkragting en uitsettings,” het die Vrystaatse Landbouvoorsitter Louw Steytler Vrydag gesê.

“As dit nie haatspraak is nie, weet ek nie wat dit is nie,” het hy teenoor boere tydens ‘n streeksvergadering van Vrystaatlandbou in Bloemfontein opgemerk.

Die hoof van die Vrystaatse veiligheid- en sekerheidsdepartement, Jack Klaas, het soortgelyke “ongetoetsde stellings”gedurende ‘n plaaslike landboukonferensie gemaak.

“Nie een van die insidente waarna hy verwys is as waar bewys nie,” het Steytler gesê.

Klaas het beweer dat: ’n Vrystaatse boer ’n werker agter sy bakkie aangesleep het; dat plaaswerkers se ID-dokumente gekonfiskeer word; en dat rassistiese tekens by plaasingange opgesit word.

“In al my tyd as voorsitter en adjunk-voorsitter van die Vrystaatse Landbou-unie, is daar vyf uitsettingsgevalle geïdentifiseer en bevredigend gehanteer in samewerking met alle rolspelers,” het Steytler voortgegaan.

Xingwana se beskuldigings was veralgemenings wat as misdadige optrede nie net in die landbousektor nie, maar in die breër samelewing sou manifeesteer, het hy gesê. Hulle druis in teen die beginsels van die grondwet en “wat ons in die land wil bereik”.

Die minister kan nie toegelaat word om met haar beskuldigings weg te kom nie, het Steytler gesê en het boere verseker dat georganiseerde landbou die saak op nasionale vlak ondersoek. Hy het bygevoeg dat voorbereidings ver gevorder was vir ’n moontlike hofsaak deur Vrystaatlandbou teen die regereing oor die menseregteskendings teen boere op die Lesothogrens.

светильник купитьtopcargo отзывы сотрудников

Comments

One response to “Vrystaatse boere beskuldig Xingwana van haatspraak”

  1. Genl De Wet Avatar
    Genl De Wet

    ANC-minister van landbou, Lulu Xingwana se haatspraak teen Boere is skandalig. Dit lyk asof die wit Boere voortdurend as rassiste voorgestel word. Hoeveel van hierdie onnadenkende snert het nie al indirek tot plaasmoorde aanleiding gegee nie? Weet die minister iets van boerdery?

    Weet sy iets van die drankmisbruik op ons plase? Weet sy iets van werkers wat nie Maandae aanmeld vir werk nie ? Weet sy iets van veediefstal wat Boere verarm, terwyl die Boere werksgeleenthede skep, vir haar kiesers?

    Verlede week het ek selfs die departement van Arbeid, op ons naaste dorp, geskakel en vir hulle gevra of hulle vir my eerlike drankvrye werkers kan voorsien. Snaaks ek wag nog op hulle oproep, aan my. Ek het aan hulle gestel dat die minimumlone wat jaarliks vermeerder, meebring dat werkers meer afwesig is van werk, omdat hulle nou minder kan werk, vir dieselfde geld.

    Intussen het die Departement van Arbeid my seun geskakel en gevra om die werkers se woonkwartiere te kom inspekteer. Alhoewel die woonkwartiere nie ‘n Nkandla uitleg is nie, voldoen dit wel aan die voorwaardes. My seun het my later vertel dat hy ‘n bietjie moedswillig was en gese het die inspekteurs moet hom na 4 uur in die middae of Saterdae kom sien, aangesien hy uitwerk op van die veeposte. Nou wonder ons hoekom die inspekteurs so skielik stil geraak het.

Leave a Reply

More posts