Briewe – Bladsy 21 – praag.co.za

Afrikaners behoort almal na Weskus te trek

Ek wil die redaksie van Praag gelukwens met die hoofartikel 'n week gelede, Olieprys skep ook politieke vrae vir Afrikaners, want dit is myns insiens een van die belangrikste stellings wat nog hier gemaak is.

Laat ons nou nie toelaat dat dit by die een oor in en by die ander oor uitgaan nie. Laat ons 'n gesonde debat voer oor die onderwerp.

Net soos die Jode, wat yl verspreid oor die hele aardbol woon, is die Afrikanervolk ook yl verspreid oor die grootste deel van Suider-Afrika.

Ons leuse van "Eendrag Maak Mag" kan nooit tot sy reg kom as dit so aangaan nie.

Ons moet, soos dr Dan Roodt sê, nader aan mekaar beweeg. Dit kan nie, en sal ook nie, oornag gebeur nie, maar laat ons minstens 'n begin maak.

Indien 'n mens die demografie van Suid-Afrika in die oppervlakte van die land sou indeel, kry jy so plus minus 60 000 vk km wat aan die Afrikaner/Boerevolk toekom.

Ek besef dat die meerderheid Afrikaners sal nou onmiddellik protesteer en sê ons verdien meer as 5% van die land se oppervlakte, maar mense, besef julle nie dat 'n halwe eier beter as 'n leë dop is nie?!!! Ons kan aan die ANC, en aan die wêreld daar buite sê:"Ons eis MINSTENS 60 000 vk km., maar ons veg vir veel meer, omdat ons méér as dit verdien." Die motivering kan later in detail uitgespel word, waarom ons meer verdien, maar die punt wat ek wil maak, is dat ons minstens op 'n minimum van 60 000 vk km moet voet by stuk hou, omdat dit "demokraties" geregverdig is.

Oor die ligging van daardie 60 000 vk km kan (en MOET) daar nog lank oor geredeneer word. Histories behoort die Wes-Kaap gesamentlik aan die bruinmense en die Afrikaner. Die Voortrekkers het Noord-Natal Wettiglik van die Zoeloevolk gekoop. Die Vrystaat en die ZAR was internasionaal erken as soewereine Boere republieke. En so kan ons aangaan. Elke individu het sy/haar eie voorwaardes en definisies van watter grond aan die Boerevolk behoort.

Die feit is egter dat demografie nog altyd die Afrikaner se grootste vyand was. Ons kan sê Gauteng behoort aan ons, of Noord-Natal, of watter deel van die land ook al, maar as daar in Natal 10 miljoen swartes is, teenoor 300 000 Afrikaners, dan is die demografie verkeerd, en beteken historiese of sentimentele oorwegings NIKS.

In die lig daarvan, sou die Karoo ons beste keuse wees. Of dit nou 'n gewilde besluit gaan wees of nie, in die Karoo is die demografie aan die Afrikaner se kant.

Indien 'n gebied afgebaken word wat van die Weskus tot by Orania strek, wat 'n breedte van 100 km het, kom 'n mens min of meer by 'n sommetjie van 60 000 vk km uit. So 'n gebied sal dan oor 3 baie belangrike eienskappe beskik: 'n gunstige demografie, 'n kuslyn, en 'n varswaterbron – die Oranjerivier.

As mens 'n reguitlyn van Orania af tot by die Olifantsriviermond sou trek, sal die R63-teerpad min of meer die gebied se ruggraad vorm. Die enigste stukkie pad wat nog nie geteer is nie, is die twee bergpasse tussen Vosburg en Carnarvon. 'n Afstand van sowat 100 km.

Afrikaners wat elders in Suid-Afrika woon, behoort hulle in groot getalle in daardie gebied te vestig. Sowat 50 km na weerskante van die teerpad, van Orania tot by Strandfontein, moet as Afrikanergebied verklaar word, en moet fisies deur volkstaatgesinde Afrikaners beset word. Die volgende dorpe is ter sprake: Strandfontein, Vredendal, Lutzville, Koekenaap, Klawer, Vanrhynsdorp, Nieuwoudtville, Calvinia, Williston, Carnarvon, Vosburg, Britstown, Strydenburg, Hopetown en Orania. Dit is ons enigste redding!!!

'n Ander gebied wat oorweeg kan word, is die Tuinroete. Mosselbaai en Jeffreysbaai is tradisioneel die twee belangrikste Afrikaner-vakansieoorde, en daar woon ook reeds baie Afrikaners. Ongelukkig woon daar net soveel swartes en bruinmense in daardie streek, wat dit demografies moeilik maak.

Die Xhosa het eintlik geen regte in daardie gebied nie, aangesien die Afrikaner en die Xhosa mekaar eers in 1771 by die Gamtoosrivier (oos van Jeffreysbaai) ontmoet het. Wes van die Gamtoos is Afrikaner en Kleurlinggebied. Die Breederivier kan as wesgrens van 'n Afrikanergebied beskou word. Die kus is die natuurlike suidgrens, en die N1-pad by Touwsrivier tot by Hanover kan die noordgrens vorm. 'n Kleiner gebied, wat slegs tot by die berge strek, sal ook aanvaarbaar wees. Dit sluit distrikte soos Ladismith, Oudtshoorn, Willowmore, en Graaff-Reinet in, terwyl die plat wêreld van die Groot Karoo dan uigesny word. Op George is 'n groot lughawe wat tot 'n Internasionale lughawe ontwikkel kan word. Oudtshoorn, waar die Nasionale Kunstefeeste gehou word, is in die middel van die gebied. Mosselbaai, Suid-Afrika se belangrikste Afrikaner-vakansieoord, is daar naby. Knysna, wat 'n internasionaal bekende toeristeparadys is, is daar naby. Swellendam, wat een van die eerste Boere-republieke was, is daar naby. Die Langkloof, wat die land se grootste produsent van appels is, is daar naby. Jeffreysbaai, waar reeds duisende Afrikaners gevestig is, en wat wêreldbekend is vir sy branderplankryers, is daar naby.

Die gebied tussen die Breederivier en die Gamtoosrivier, het dus geweldig baie pluspunte, maar daar is derduisende volksvreemdes wat die gebied met ons mense deel.

Die derde keuse is die gebied tussen Pretoria en Nelspruit. Ek is nie goed bekend met daardie streek nie, en weet dus nie wat al die voor- en nadele is nie. Dr Roodt sal beter kan oordeel oor daardie gebied. Wat ek wel weet, is dat die Hoëveld geweldig baie swartes het, en na my persoonlike mening onaanvaarbaar is. Maar, dit is Suid-Afrika se rykste streek.

Navorsing wat deur dr Willem van Heerden van Morgenzon gemaak is, toon dat die gebied tussen Welkom en Nelspruit (die gebied loop in 'n halfmaan van Welkom, oor Standerton, Ermelo, tot by Lydenburg) ons land se rykste streek is. Van landbouprodukte, mynbou, elektrisiteit, tot steenkool is volop in daardie streek. (Ek het met die tong in die kies vir dr Van Heerden gesê:"Willem, daar is nog iets wat hierdie 'Hartland' van jou die meeste het, dis swartes!") Ons wat in Kaapland gewoon het, ken die Kleurlinge, maar die miljoene swartes wat mens in die noordelike provinsies teëkom, ken ons nie in die westelike deel van die land nie.

Maar, die Gautengers en die mense van Mpumalanga moet self hul gebied propageer, en motiveer waarom hulle dink dit is die beste plek vir 'n volkstaat. Ek beveel aan dat lesers dr Willem van Heerden se boekie, "Hartland van die Afrikaner" sal lees. Lees ook "Afrikanerland – 'n Gebiedsaanduiding", deur Bruwer, Verwoerd, Van den Berg, Van Heerden en Fischer. In laasgenoemde boekie word Richardsbaai, Utrecht en Vryheid by die Welkom-Nelspruit-gebied bygevoeg, om sodoende 'n stukkie kusgebied in te sluit.

Elke keer wanneer 'n Afrikaner vermoor, verkrag, gemartel en getraumatiseer word, moet ons die familie en vriende van die slagoffers bearbei en versoek om dit te oorweeg om na 'n gebied e verhuis waar dit veiliger is. In die proses sal ons mense begin konsolideer en in groter getalle nader aan mekaar beweeg.

Ek sê weer, die woestyn is 'n ongewilde keuse, maar dit is die veiligste plek om te wees in tye van oorlog, geweld en misdaad. Maak die Weskus en die Karoo u keuse. Kies reg! Stem Weskus!

De Klerk het sy spreekbeurt lankal verloor

Dis weersinwekkend om te aanskou hoe oud-president De Klerk sy rug ex post facto in die pers probeer styf maak oor problematiek wat primêr veroorsaak is deur die insigloosheid en gebrek aan ruggraat by hom en sy trawante wat hul eie mense tydens die onderhandelings met die ANC versaak het.

De Klerk en sy eertydse kabinetskollegas het hul spreekbeurt lankal verloor oor aangeleenthede en gevolge wat hulle destyds redelikerwys moes voorsien het.

Niemand sal vir hulle standbeelde bou nie. Die huidige bedeling is hul standbeeld.

топкарго отзыв

Barkly-wes se spookhospitaal

Elke keer as ons daar verbyry dan sien ons dat Barkley – Wes se nuwe voltooide hospitaal langs die plakkerskamp en hoofpad nog leeg staan met al die ligte aan nadat dit lankal oënskynlik voltooi is. Dis nog nie in bedryf nie – miskien in afwagting van die toerusting, personeel, ens.

Niemand sal verbaas wees as die aangrensende plakkers tydens winterkoue onder vriespunt daar skuiling gaan soek nie: bekend as hospitaalbesetting.

Staatkundige adviseurs vd ANC soos prof. Dirk du Toit in die parlement het reeds groot stukrag verleen aan onteiening van blanke eiendom gegrond op die kunsmatige arbeidsprobleme wat as plaasbesetting bekendstaan.

Niemand sal dus verbaas wees as die regering nou die onbewoonde strandhuise en vakansie-akkomodasie, stadsale en kerkgeboue onteien om aan die vlugtende buitelanders te gee nie. Dit verteenwoordig die ontwikkelde eiendom van blankes teenoor die onontwikkelde eiendom van die stamgronde en stamgebiede.

Die vlugtelingkampe sal seker regeer moet word soos die tuislande van ouds – en dan het die wiel heeltemal gedraai en begin ons van voor af met apartheid, grensnywerhede en paswette – sonder wet en orde en binnelandse veiligheid.

Mens kan dit seker landsbesmetting agv regeringsbesetenheid noem. Dit geld ook Alec Erwin se opmerking oor vreemdelingehaat waarin hy hoop dat lig in die buurstate die vlugtelinge soos motte na hul tuislande en stamgronde sal teruglok.

bridal accessories belt

Fritz Joubert Dequesne

Lesers mag dalk onthou dat Joan Abrahams, tant Mossie van die Troepies, navorsing gedoen het oor Fritz Joubert Dequesne, die susterskind van Genl Piet Joubert, die boerespioen en krygsgevangene op Bermuda wat van daar ontsnap het en ‘n geheime organisasie in die VSA gestig het om Britse bote te saboteer. Die berugte ‘Bermuda Triangle' het sy naam so gekry, word bespiegel.

Gedryf deur sy passievolle haat vir diegene wat sy ma en sussie doodgemartel het tydens die Boereoorlog het hy Kitchener gejag totdat hy hom gedood het in 1914 deur die sinking van die Britse boot in die noordsee deur ‘n Duitse duikboot. Hy was self op die boot en is opgepik deur die duikboot. Die verhaal kom uit die boek The Man Who Killed Kitchener.

Hy was ‘n Duitse simpatiseerder en het vir die VSA se geheime diens gewerk tot en met Pearl Harbour – en is toe in die tronk gesit oor sy Duitse sentimente tot met sy dood in 1958. Sy flambojante lewenswyse het begin as kampioenswaardvegter tydens sy studentejare. Toe die oorlog uitbreek en ‘n Kaapse rebellie veroorsaak, is hy byna tereggestel as Kaapse rebel.

Een van sy skuilname was James Bond en Ian Fleming, die skepper van die karakter, het op Bermuda gebly toe hy sy boeke geskryf het. Hy was ook ‘n tydgenoot van Bram Fischer wie se lewe ook gekenmerk is deur passievolle haat en tragiese dood.

Natuurlik ontstaan die baie belangrike regsvraag of Stellenbosch Universiteit nie ook Fritz Joubert Dequesne moet vereer nie. Sy beroemde lewensstrewe en patetiese dood het veel groter betekenis en waarde het as dié van Bram Fischer.

Beide het wel volksvreemde ideologieë gehad: die een Duits en die ander Russies.

Relevante skakel op Wikipedia

topcargo отзыв

Die Afrikaner, die wolf en die kulturele rewolusie

Daar was al profesieë en krisisvrese onder baie volke. Maar die Afrikanervolk reageer met afgryse sowel as afwagting op syne. Daar is Oehoeroe, die nag van die lang messe, asook vrese vir die oliekrisis, die voedselkrisis en ŉ rits ander. Hoewel enigeen van dié krisissse sekerlik ŉ moontlikheid het om op groot skaal skeef te loop, verlekker sommige Afrikaners hul in die verslegtende toestand wat ons tegemoet gaan.

Die Afrikaner sit vasgevang in ŉ lewenswyse wat selfvernietigend is, Niemand was so erg betrokke by die Afrikaner se politieke ondergang as die Afrikaner self nie. Die Republiek is vrywillig aan ander volke oorhandig tussen 1961 en 1994 deur ons eie arbeidspraktyke waar ons werk skep vir ander volke en ons ekonomiese afhanklikheid van ander vergroot het. Kodesa en uiteindelike magsoorgawe was slegs die politieke afsluiting van die voorafgaande proses.

Gedurende die sewentiger- en tagtigerjare het die demografiese werklikheid so verswak dat baie Afrikaners hulle nie meer met die stelsel van apartheid kon versoen nie en drie belangrike breukgroepe kon geïdentifiseer word:

Liberaliste – het die stelsel as verdrukkend gesien, kon nie ŉ rewolusionêre sprong maak na ŉ genormaliseerde bestaan nie en het beroep op die beëindiging van die stelsel sonder die daarstel van enige alternatief.

Konserwatiewes – het gepleit dat na die oorspronklike apartheidsteorie teruggekeer word afgesien van die feit dat die oorspronklike plan oorambisieus en slegs gedeeltelik in die praktyk toegepas kon word.

Ver-regses – Hulle het geagiteer dat die Boererepublieke herstel moes word o.g.v. historiese regte deur politieke afdwinging ongeag die feit dat weinig Afrikaners se lewenswyses hom daartoe leen en dat geen gebied bestaan het waar ons ŉ etniese meerderheid was nie.

Daar was individue en regse organisasies wat opgemerk het dat die bestaande orde op ŉ bestaanskrisis gaan uitloop en geskree het: “Wolf!”. Die Afrikaner was egter polities en militêr in beheer van die hele land en kon afsonderlike skole, universiteite en so te sê enigiets afdwing en het dan ook. Daar is so baie “Wolf!” geskree, dat een man gedink het hy is ŉ wolf (wit) en ŉ paar oningeligte individue wou aansluit denkende dat dit ŉ kultuurorganisasie was. Dit is ietwat tong in die kies gestel, maar regse politiek is in die tyd gekenmerk deur ondeurdagte militante optrede maar geen rewolusionêre verandering in die lewenswyse wat die toestand van politieke agteruitgang teweeggebring het nie.

Na 1994 het dieselfde lewenswyse onverpoos voortgegaan en kan ek met gemak argumenteer dat Eugene Terreblanche en Max du Preez dieselfde lewenswyse voer. Die een is bly ons sterf uit, die ander een woedend. Gedragsverskil – geen. Regses en liberaliste verskil slegs in hul ervaring van die NSA, nie in hul optrede nie. Die skrywer Arthur Kemp alhoewel kontroversieel het in ŉ treffende onderhoud die selfvernietigende gevolge van apartheid en die onhoudbaarheid van selfs die huidige bestel op onbetwisbare wyse uitgewys:

“Apartheid had to fall: the only question was when, not if. And the politicians who sold it to White South Africans as their only hope and salvation, lied: either deliberately, or out of ignorance of the reality of the relationship between demographics and power.”

“The only way in which Afrikaners can be saved, is if they come to understand the relationship between demographics and power: with no risk of over repeating this critical point, namely, that those who occupy a territory, determine the nature of that territory.”

Dis 14 jaar na die einde van apartheid, met dieselfde selfvernietiging maar ons het nou die bykomende aftakeling van ŉ land wat in kriminele anargie gedompel is sowel as ŉ antagonistiese regering, Ons is magteloos tot op die punt waar selfs ŉ afsonderlike koshuis onmoontlik is. Het ons gedink dat ons buurte vandag gaan lyk soos 14 jaar terug? Kan enigeen moontlik dink dat dit oor nog 14 jaar sal lyk soos nou? Die patroon is vasgelê: emigrasie op ŉ egalige pas met sporadiese opvlamming tydens onsekere tye. Niemand weet eens hoeveel gaan en hoeveel bly nie, baie Afrikaners weier om sensusvorms in te vul, baie gaan met vakansie en kom net nooit terug nie. Die dier kruip nader, in die verte kan ons die gegrom al hoor maar niemand wil eerste skree “wolf!” skree nie.

Die eerste optrede van Afrikaners wat as kultureel rewolusionêr beskryf kan word, is die stigting van Orania en alhoewel dit as konserwatief en as ver-regs beskou word, is hierdie optrede geensins in lyn met behoudende regse optrede nie, maar eerder links omdat dit skeppend en rewolusionêr 'n gedragsverandering vereis. Selfs met die sterk etniese sy daarvan sou Wladimir Lenin ten aanskoue van ŉ gemeenskap wat saamwerk op alle vlakke ter verbetering, opheffing, groei en geluk van al sy burgers dit as perfekte vrywillige kommunisme kon beskryf. In ŉ Amerikaanse onderhoud met die Chinese president is hy gevra oor die benaming kommunistiese party gegewe die sterk vryemarkstelsel daar, was Lenin se antwoord: “As dit werk, noem ons dit sosialisme”.

Orania behoort dan ook binne sekere perke, tydsgewys verder langs die sosialistiese pad af te beweeg wat toonaangewend gaan wees vir latere Afrikanernedersettings en daarmee impliseer ek direk dat gegewe die huidige demografie en gebruike geen ander bestaan moontlik is nie. Sosialisme is wêreldwyd aangegryp deur verskillende etniese groepe tot voordeel van slegs hul groep. Elkeen het sy eiesoortige styl en vryemark vermenging daarvan geskep; Afrikanersosialisme se aard sal deur onsself bepaal word i.t.v ons eie behoeftes.

Wil ons werklik wag op ŉ krisis, ŉ katastrofiese gebeurtenis van een of ander aard wat ons van materiële bates vervreem en ons verarm en vernietig sal toelaat om saam te span en ons lewens rewolusionêr te verander? Waarom nie saamspan tot rewolusionêre aksie terwyl ons oor daardie bates, kennis en vermoë beskik nie? Of gaan ons aanhou in die verlekkering van alles wat negatief is? Want as ons uit hierdie passiewe náskok van magsverlies wakkerskrik gaan dit alles behalwe lekker wees!

Carel Boshoff som dit in Afrikanerrewolusie die beste op: “Ook met die ontvlugting in materialistiese individualisme kan die Afrikaner nie vrede kry nie omdat hy ook nie sy gemeenskapsbande heeltemal kon aflê nie. ŉ Nuwe geslag moet opstaan, nie om voortgang te vind met ŉ ou, onherstelbare verlede nie, maar om uitdrukking te gee aan die ideale wat geslag aan geslag verbind en nog nooit heeltemal verlore gegaan het nie.”

“Vir Afrikaners wat hulle met die ou bedeling vereenselwig het, is dit bykans ondenkbaar dat hulle aansprake met sulke linkse inhoud gevul kan word en ŉ Afrikaanse minderheidsbeweging loop ŉ wesenlike gevaar om in reaksionêre agterhoedegevegte om gevestigde belange verstrik te raak. Sonder ŉ grondige breuk, ŉ nuwe begin en mobilisering aan die hand van anderse denkbeelde oor politiek, gemeenskap, taal en kultuur, besit en verbruik, ens., as wat die afgelope dekades aangehang is, is dit moeilik te vermy. Voorwaar ŉ hoë eis vir ŉ verouderende gemeenskap waarop al die kragte van nostalgie losgelaat is”.

Afrikaner moet bou op feite, nie drome

10:52:54 In ons huidige politieke bestel, tas die leierlose Afrikaner rond vir oplossings vir die voortbestaan van beide sy taal en sy identiteit. Talle Afrikanerpolitieke “profete” skaar klein groupies om hulle, elk met sy eie “oplossing” vir die volk, met eie vlag en politieke simbole. Hulle val mekaar en ander Afrikaners vurig aan, meer as wat hulle die Afrikaner se werklike vyande aanval. Die oorgrote meerderheid Afrikaners steur hulle nie eers meer aan die politiek nie. Wanneer hulle wel by die stembus stem, stem hulle eerder vir politieke partye wat geen program vir Afrikanerbelange het nie, eerder as vir die enigste Afrikanerpolitieke party in die parlement. Die rede? Afrikanerpolitieke “leiers" (sonder meerderheidAfrikanermandaat in elk geval) binne en buite die parlement het nie meer geloofwaardigheid onder die Afrikaners nie.

Dit wil voorkom asof die Afrikaner nie die wil het nie, of nie weet hoe om saam te staan nie. ‘n Mens kan net met bewondering kyk hoe die swartes onder hewige verskille onderling kan saamstaan, selfs tot so ‘n mate dat hulle hulle eie gekose president kan ontslaan, sonder skeuring. Die kapitilistiese en sentristiese ANC, die Kommunistiese party en die linksgesinde Cosatu=vakbondunie, ideologies onderling hewig verskillend, maar saam om swart belange te bevorder. Die Xhosas, Zulus, Pedi. Sotho's, ens., elk met eie afsonderlike taal en kultuur, weet hoe om saam te staan. Die Afrikaner weet hoe om mekaar uit te skel.

Die enigste tye wanneer Afrikanereenheid onderling vertoon word, is by die kunstefeeste, hul musiek en rugby. Die Afrikaner gryp graag na strooihalms, soos bv. die “De la Rey”-lied, wat nou al klaar onder hulle uitgedien geraak het. Volksfeeste soos bv. Geloftedag, waar dit in die verlede tienduisendtalle getrek het, trek vandag net ‘n handjievol Afrikaners. Die politieke afvalligheid sal feller word totdat die Afrikaner ‘n nuwe visie vir homself formuleer en ‘n breuk met die verlede bewerkstellig. In die Bybel staan dit selfs, “laat die dode die dooies begrawe” en “soek lewe”, m.a.w. wat verby is, is verby, spits jou op die toekoms toe. Vergeet die drome en bou op die werklikhede. En die werklikhede is soos volg:

1. Naamsveranderings van strate, dorpe en stede sal voortgaan, en daar is niks wat die Afrikaner daaromtrent kan doen nie. Om dit teen te staan is ‘n steriele stryd; geld- en tydmors. Dit verskaf net plesier aan diegene wat dit bewerkstellig elke keer wanneer hulle sien hoe die Afrikaner sy impotente wrewel toon. Wie weet, dit hou miskien op wanneer hulle sien dat dit nie meer iets aan die Afrikaner doen nie en dat dit nie meer vir hulle plesier verskaf nie.

2. Aparte politieke gebied vir die Afrikaners: So iets sal nooit gebeur nie. Die regering sal nie aparte politieke gebiede vir die Zulus, Xhosas, Pedi's, Vendas, ens. toelaat nie. Hoekom sal hulle ‘n uitsondering vir die Afrikaner maak? Die maksimum politieke bestel wat bv. Orania sal bekom, is munisipale status, onderhewig aan ‘n nie-rassige voorkoms. In elk geval, Afrikaners sal nie trek soos in die verlede nie, behalwe na die buiteland, en sodoende hul identeit daar verloor. Onder Afrikaners self sal die konsep van ‘n Afrikanertuisland nie werk nie weens gebrek aan ondersteuning van hulle kant. Klein groepies Afrikaners wat in die verlede na “ghetto's” getrek het, soos Eldoret in Kenia; Argentinië; dorslandtrekkers na Humpata in Angola, ens. het almal gekwyn weens die feit dat hulle hul in ‘n afgesonderde Afrikaneronvriendelike omgewing bevind het.

Verbeel jou Suid Afrika word wel in kleiner onafhanklike swart state verdeel. Dit sal ‘n katastrofe vir die Afrikaner wees. Afrikaners binne hierdie swart state sal van ander Afrikaners in die ander swart state afgesonder wees, soos tans die geval met Afrikaners in Namibië is. Elke Afrikanergroepering sal sy eie identiteit nastreef tot die ondergang van die konsep Afrikaner. Al wat dan sal oorbly, is die gemeenskaplike taal.

3. Bondgenote: Diegene in Suid-Afrika wat die Afrikaners haat, en hulle eie agenda wil uitvoer tot nadeel van die Afrikaner, sal alle pogings voortdurend aanwend om die taal te probeer onderdruk. Anders as bv. die Palestyne, het die Afrikaner geen bondgenote nie. Nie onder enige Suid-Afrikaanse swart volk nie, nie onder enige blanke staat in Europa, Australië of Amerika nie. Hulle gee nie ‘n duit om vir die voortbestaan van die Afrikaanse volk en taal nie (hulle het nie ‘n duit omgegee vir die Engelse blankes in Rhodesië nie). Die Afrikaanse Boererepublieke het ten minste bondgenote onder sekere van die swart stamme gehad, asook sekere state in Europa. Waar het ons gefaal dat ons vandag niks het nie? Selfs die magtige VSA kan nie uitvoering aan sy buitelandse beleid gee sonder die ondersteuning van sy bondgenote nie. Die Afrikaner sal hierdie situasie moet regstel vir sy voortbestaan.

4. Ontworteling: Die Afrikaner is nie meer boer nie. Baie meer Afrikaners woon in dorpe en stede as op enige plaas. Die meeste Afrikaners weet nie eers hoe om te boer nie. Dus het die Afrikaner nie meer ‘n behoefte om sy huidige nering te wil verruil vir boerdery nie. Hy sal eerder in sy Afrikanervestings soortgelyk aan Centurion bly as ontwortel te word om na plekke soos Orania toe te trek.

5. Afrikanergebiedsmeerderheid: Die begin van die twintigste eeu was die verhouding tussen blank en nie blank een teen vier. Nou is die blanke verhouding minder as een teen tien. Twintig jaar van nou af is voorspellings dat dit minder as een in vyftig sal wees, nieteenstaande die Vigsepidemie. Suid van die Visrivier in die Kaap, en veral in die Kaapse skiereiland was weinig swartes, met ‘n gesamentlike meerderheid van blank en kleurling met die aanbreek van die twintigste eeu. Nou in die skiereiland is die swartes besig om die meerderheid te word. Wat sê dit vir ons? Daar is nie ‘n kat se kans dat die Afrikaner ooit weer politieke mag in enige deel van hierdie land sal verkry nie.

6. Homogeen: Voor en gedurende die Boererepublieketydperk was die Afrikaner redelik homogeen. Hy was Calvinisties en lid van een van die drie susterskerke. Omtrent almal was boere.. Sy denke onderling was soortgelyk. Nie meer so nie. Die Calvinistiese trek is vinnig besig om te kwyn met die oorloop na tientalle verskillende kerke buite die Calvinistiese leer. Selfs die plaaslike Calvinistiese kerke het skeuringe ondervind soos, bv. die totstandkoming van die Afrikaanse Protestante Kerk. Die nerings onder Afrikaners is soveel soos wat daar verskillende beroepe is. Die denkpatrone van Afrikaners onderling verskil hewig vandag. Die sosio-ekonomiese verskille is amper onversoenbaar met mekaar (soos bv. die verskille tussen die Afrikaner in Pretoria-Wes teenoor die Afrikaner in Waterkloof binne dieselfde stad). Dit is net die taalgebruik wat Afrikaners basies van ander blankes in Suid Afrika onderskei. Neem die taal weg, dan is daar geen Afrikaner meer nie. Dis waarom gepoog word om Afrikaans op skool en universiteit te versmoor. Dis waarom alreeds deur opponente gepoog word om die Afrikaanse kunstefeeste en musiek te probeer onderdruk. Kry dit reg dan is Afrikaans byna versmoor.

Myns insiens word tyd en middele verspil op steriele en negatiewe onhaalbare strategieë vir die Afrikaner, wat net die toorn van ons vyande intensifiseer om ons geheel en al te wil vernietig in situasies waaroor ons geen beheer het nie.

Ek stel die volgende voor:

a. Moenie tyd mors om gedurig die wanpraktyke en die tekortkominge van Afrikaneropponente (hoofsaaklike swartes) uit te lig nie. Die gedurige houding van “kyk net wat doen hulle, ek het jou moes gesê dit gaan gebeur”. Ons opponente gaan beslis nie vir die Afrikaner sê, “gesien julle kon dit beter gedoen het, neem dan oor” nie. Aangesien die Afrikaner niks omtrent die saak kan doen nie, sê ek, laat hulle hulle gang gaan en laat die Afrikaner sy energie eerder toespits om ‘n strategie te bedink om die lot van sy mede-Afrikaner te kan verbeter.

b. Vergeet van ‘n politieke en geografiese bestel vir die Afrikaner. Die meerderheid Afrikaners toon alreeds dat hulle nie daarin belangstel nie, dié dat hulle eerder na die buiteland emigreer as na plekke soos Orania toe, ook dat hulle eerder vir politieke partye stem wat nie klem op enige Afrikanertuisland lê nie.

c. Indonesië het ‘n bevolking van bykans 300 miljoen met omtrent 400 verkskillende nasies en tale. Die Sjinese maak net 2% (twee uit elke honderd) van daardie volk uit, maar beheer omtrent 70% van die ekonomie. Hulle behou hulle taal en kultuur. Ek dink dit is die pad wat die Afrikaner in Suid-Afrika moet volg. Nie polities nie, maar wel ekonomies. Die Afrikaner moet die enjin wees wat die ekonomie dryf. Hy moet die kop en nie die stert wees nie. Sodoende sal hy sy eie waardes onafhanklik kan uitleef en sal ook kan bekostig om sy eie woongebiede (soos eilande in ‘n swart see, self Orania) aan te koop. Sy politieke styl behoort buiteparlementêr te wees, geskoei op ‘n super-Afrikaanse Sakekamer. Engels, Frans, en Spaans het wêreldtale geword omdat daardie lande ekonomies sterk was. Duits nie, omrede Duitsland sy handel tot Europa beperk het. In Christus se tyd was Grieks die handelstaal, wat deur omtrent almal in die Midde-Ooste verstaanbaar was, en nie dië van die heersersende Romein se Latyn nie, wat merendeel net in Italië verstaanbaar was. Die les? Die koper leer die taal van die handelaar. Die Hollandse Oos-Indiese Maatskappy (V0C) was ‘n maatskappy wat lande onder sy beheer, soos die Kaap, geregeer het, en nie die Nederlandse regering nie. Die swartes kan maar die politiek beheer, die Afrikaner die ekonomie. Ongeag swart bemagtiging. Vir elke wet is daar ‘n skuiwergat. In elk geval is swart bemagtiging hoofsaaklik gemik op staatsinstansies, en kan ook nie oneindig voortduur nie. Alreeds het die Afrikaner die staatsontslag van die laat negentigerjare oorleef, en dryf nou handel in sy eie reg, vireers versigtig, maar al sterker wordend. Die Jode met hul internasionale handelsnetwerk (Sionisme), beïnvloed nasies tot hulle voordeel, sonder om by die politiek betrokke te raak.

Rassisme maak ‘n sondebok van minderheidsgroepe

Mag met sy gewoontes is afhanklik van 'n bewuste begeerte om te besit, om te organiseer met die doel om onmiddellik iets te bereik. In 'n demokratiese staat met sy groot ongelyke verdeling van ekonomiese mag kenmerk hierdie gebrek die armes. Hulle besef nie hul eie mag nie. Skaars besef hulle wat bereik kan word as hulle belange georganiseer word. Verbinding met diegene wie hulle regeer, ontbreek.

Enige optrede, selfs in 'n demokratiese land soos Suid Afrika, behels 'n risiko vir die armes se ekonomiese sekuriteit wat heeltemaal uit verhouding is met die sekerheid om iets te bereik. Hulle beskik skaars oor die instrumente om hulle begeertes te verseker. Boonop het hulle selde geleer hoe om hulle begeertes te formuleer en te verdedig. Hulle gaan gebuk onder 'n stigma van minderwaardigheid sonder die selfvertroue wat kom met die gewoonte om te beveel.

Hulle is in die war met die gemeenskaplike instellings wat hulle geërf het. Selfs die instellings van die staat, waaraan hulle nie kan ontkom nie, is vir hulle vreemd. Daar bestaan goeie rede om te verwag dat die staat vir wie hulle gestem het groter alternatiewe toegewings sal maak, maar histories is daar geen rede om te veronderstel dat die staat ongelykheid sal uitwis of selfs versag nie.

Rassehaat en die haat teen minderheidsgroepe is die gevolg van onveiligheid weens die aftakeling van maatskaplike stelsels en die ontevredenheid met die verrotte stelsels van die staat wat met omkopery en bedrog teen die massa diskrimineer. Die regering vrees die massa wat enige oomblik bewus mag word van die onreg wat daar teen hom gepleeg word; daarom wil hy die ontevredenheid weg van homself kaats na 'n minderheidsgroep of 'n ander ras wat die sondebok word vir sy eie gierigheid en onvermoë om die massa se behoeftes te bevredig. Die verrotte Suid-Afrikaanse burokrasie sweep die massas op totdat hulle oorgaan tot 'n bloedbad om hulle griewe los te laat by wyse van aggressie teen minderheidgroepe of ander rasse instede van teen werkgewers en staatsamptenare.

In die jongste tyd voel die kleinburgery of laer middelklas ook onselfversekerd en toon hulle al meer en meer gevoelens teenoor minderheidsgeroepe. Hulle onsekerheid word aangehelp deur 'n swak ekonomie en hulle ongelyke posisie tussen groot besigheid en finansies aan die een kant en georganiseerde vakbonde aan die ander kant. Minderheidsgroepe en die geheimenis van rassisme word die aas waarmee hulle die spanning wil ontlont.

и сауны

Blankes gaan ook getakel word

Die gevegte wat nou uitgebreek het onder die swartes is niks anders as ‘n sogenaamde "feeding frenzy" nie – soos wat mens in die natuur sien wanneer byvoorbeeld ‘n bok deur ‘n leeu gevang en opgevreet word deur die res van die trop en later die aasvreters.

Die hele blanke Afrikanerland is die prooi en almal het ‘n vredevolle feesmaal totdat die kos minder raak – dan bars die hel los onder die hongeres.

Skouspelagtig om te sien hoedat leeus onder mekaar tot die dood baklei as jy die hoof van die trop sou doodskiet wanneer hulle bv. jou bees gevang het.

Dis egter ook reeds duidelike etniese opruiming en net ‘n kwessie van tyd voordat die blankes getakel word.

Die regering kan die situasie tydelik ontlont deur nog meer kos vir die vegtendes te gooi in die vorm van blanke eiendom. Lulu Xingwana praat reeds openlik daarvan.

Soos wat Mugabe gedoen het en soos wat ons regering en selfs die UOVS-bestuur ook maar doen met die steun van invloedryke Afrikanermeningvormers.

Terwyl die korrekte permanente antwoord lê by wat ons reeds weet van die staatskunde, naamlik klein soeweriene volkstate en grense soos in die Balkanlande, Sowjet unie en Midde-Ooste.

online casino

Ons is op randjie van burgeroorlog

Na die afgelope 10 dae se xenofobiese aanvalle op buitelanders in die Republiek haal ek aan uit ‘n brief van ene Johan Combrink sowat ‘n maand gelede. Combrink spreek sy kommer uit teenoor die wapendraende skip in die Durbanse hawe asook die grootskaalse instroming van Zimbabwiërs in ons land.

Ek haal aan, “As die blankes, boere en Afrikaners daardie besending wapens die grens laat bereik, sal hulle dus hulle eie doodsvonnis teken, die vonnis wat sê dat hulle verdrink sal word deur die massa swart water wat op pad is. Die huidige syfers wat oor die grens kom, is ongeveer 100 000 per maand, binne ’n week of meer sal dit waarskynlik styg na ’n miljoen of meer per maand en die gevolge sal katastrofies wees.” Of die syfer korrek is sal niemand seker met sekerheid kan se nie want dit is dalk meer. Hoe dit ookal sy, ons land lê so oop vir enigiemand om binne te kom soos my huis wat ek sou ongesluit laat wanneer ek op vakansie gaan. Hoekom ons enigsins nog paspoorte by ons internasionale lughawens vra of by ons grensposte bevraagteken ek ernstig. Of dit nog ons, menende die mense wat hier gebore en getoë is, land is moet ook onder die vergrootglas geneem word. Combrink se bekommernis is totaal gegrond en dit waaroor hy spekuleer nie so belaglik nie. Tog wys die afgelope paar dae net weereens hoe verskriklik onstabiel Afrika as ‘n kontinent is, en ook ons land. Nie eers ‘n maand na sy brief nie, is ons op die randjie van ‘n burgeroorlog. Ons eie landsburgers neem wapens op teen indringers vanaf buite maar staan ook op teen mekaar. So dit is dus nie so onredelik van my om dit burgeroorlog te noem nie want die situasie voldoen aan die beskrywing.

Aiden Thomas van 567 Cape Talk sê vandeesweek in sy oggendprogram dat landsburgers nie die reg het om buitelanders met geweld te wil verwilder nie aangesien die land nie net aan hulle (dis darem seker ons ook) behoort nie. Laat my dink hy is dalk reg en moontlik behoort ons aan Afrika. ‘n Bymekaarkomplek vir Clegg se “scatterlings of Africa”; hulle loop na hartelus oor die RSA se grense en kom maak hulle hier tuis. Maar ek sê mnr. Thomas en die wat sy denkrigting deel, is ernstig verward en sommer net emosioneel domonnosel. Hierdie land behoort aan sy boorlinge en nie die wat in die donker, en nou deesdae helder oordag met openbare vervoer, oor ons landsgrense ons land binnedring nie. Is dit bloot omdat hulle almal swart is dat hierdie tipe van sentiment geuiter word of wat? Dan kan enige bleekvel, of skakering daarvan – soos die Chinese nou, ook maar oorsluip, sou ek reken. Maar dit werk nie heeltemal so nie, die African Renaissance van ons agbare staatspresident lyk anders. Mense word iewers in Afrika wakker en dan sluip hulle af hierna toe.

Die tafel is gedek en ons binnelandse beleid spesifiek ten opsigte van ons eie mense en hoe jy in die land inkom, bly en uitgaan, lyk na ‘n halfgeëte wegneemmaal. Miljoene stroom in om weg te kom van hulle haglike omstandighede in hulle land van oorsprong, dit maklik gemaak deur ons slap grensbeheer. Ons eie burgers wat steeds in bietjie minder haglike omstandighede lewe – want onthou die opheffing wat belowe is was eksklusief vir ‘n handjievol verkoses – word nou nog meer onder druk geplaas om ooit ‘n werk te kry of ‘n huis. Ek glo u het al ook stellig gehoor dat ons maar liewer buitelanders in diens neem want ons eie mense wil nie werk nie. Snert, as jy vir miskien 10 jaar al elke dag op straathoeke sit en werk soek gaan jy dalk nie meer taxigeld he om nog daagliks na ‘n sentrale punt geneem te word waar jou kanse meer as ‘n 100 persent is om nie werk te kry nie. Wat nog te sê die lus en dryfkrag het, dus die gevolgtrekking is dat ons mense lui is. Maar wie het hulle uitverkoop? Onsself en niemand anders nie. Die vorige regering het dieselfde met hulle en ook ons blankes gedoen gedurende die konstruksie van die Sasols en Mosgasprojekte. Tot Turke het werk hier gekry ten koste van soveel opgeleide plaaslike ambagsmanne. Toe was die rede deur die NP dat daar nie genoeg van ons eie mense was nie. As dit so was, hoekom is so baie dan nie in diens geneem nie? Al rede was dat ons by die EU wou kruip en probeer punte kry het.

Dis amusant om te sien hoe die regering en sekeres toutrek oor of dit nou xenofobie is of bloot misdadigheid. Natuurlik is die misdadige element ook altyd teenwoordig maar oorwegend glo ek dit is xenofobie in sy ergste graad. Die mense in die townships is gatvol van hierdie insypeling uit naburige lande en dit is hulle manier om dit te wys. As jy jouself tot op die laaste punt verdedig en probeer beskerm het en jy word in n hoek gedryf dan handel mense instinktiewelik. Dan is doodmaak nie meer onderhandelbaar nie en doen die mens enigiets om homself te beskerm. Blote instink, die kwaaiste hond sal eerder weghardloop as om te baklei – maar keer hom vas in ‘n hoek. Die regering is jare gelede al gewaarsku oor die effek van hulle onverantwoordelike onttrekking van ons weermag vanaf die grensposte asook die ontbinding van die kommando' s. Sedertdien is plaasmoorde al hoe meer in die nuus en swart-op-swart geweld in die landelike streke na aan ons grense is aan die orde van die dag. Tog slaan geen minister ag daarop nie en plaasmoorde word afgemaak, net soos met die geweld nou, as blote kriminaliteit. Die plaasmoorde is xenofobie, wat in die geval op die blanke boorlinge van die land gemik is. Daar is steeds ‘n swart element wat glo die grond wat die blanke boer besit, is van hulle gesteel. Wat ‘n uiters effektiewe manier is plaasmoorde nie om die boere te onteien nie? Xenofobie of kriminaliteit, besluit maar self. Wat wel interessant is, is dat nêrens soveel bohaai opgeskop word oor die plaasmoorde soos met die 44 uitlanders nie. As dit dan wel ook maar blote kriminaliteit is soos deur ons regering geïnsinueer word, hoekom dan so verskriklik oorreageer?

Is daar ‘n oplossing wonder ek? Ek glo stellig so. Sou ons die grensposte en landsgrense weer behoorlik beman in plaas daarvan om ons weermag na die sogenaamde Demokratiese Republiek van die Kongo, of waar ook al elders, te stuur kan ons ‘n prop in die gat druk. Indien ons ‘n stappie verder gaan en bietjie skoonmaak en hierdie uitgewekenes op ‘n rustige busrit terugstuur dan val die misdaadsyfer ook sommer en spreek ons spesifiek die dwelmprobleem wat Nigerie vir ons gestuur het, aan. Met so ‘n operasie kan baie werk voorsien word aan ons landsburgers en hoef die beloftes van “more jobs” nie net meer lippediens te wees nie. Jammer, ek is besig om te droom, dit sal nooit gebeur nie. Hoekom nie, mag u dalk wonder? Net soos ‘n vriend wat my nou die dag vra dat ek ‘n lysie van ‘n skamele tien goed moet maak, goeters wat beter werk sederdien die koms van ons demokrasie. Ek bedoel nou nie dat ons persoonlike belasting blykbaar minder is as ooit van tevore nie, indien wel maak ons petrolprys daarvoor op. Ek kon egter nie tien items vind nie. Ek voel darem nie so sleg nie want my positiewe vriende sukkel ook maar deesdae om by so 'n lysie uit te kom.

Die Afrikaner onder beleg

In die geskiedenis was baie nasies onder beleg, maar die Afrikaner se beleg kan moontlik vergelyk word met die beleg van Jerigo toe die mure verbrokkel het onder die uitbarsting van ramshorings, of was die ramshorings simbolies? Was dit nie miskien die lawaai van propaganda nie?

Internasionale aspirante wat strewe na wêreldmag blaas aanhoudend op hulle ramshorings om die swartman teen die Afrikaner op te steek en om die Afrikaners onder mekaar te verdeel in hierdie land van geleenthede waar liberalisme die grootste vernietigende mag van ons tyd is.

Liberalisme is soos 'n dwelm; die liberalis is onbevoeg om teen sy prins met die bespotlike naam die Verenigde Nasies in New York op te staan. Soos Disraeli gesê het: "Dit gebeur selde dat 'n eerlike uitspraak deur regerings gemaak word waar alle mense helote is wat deur die liberale beleid van hul regerings verslaaf word. Daardie regerings regeer nie eens nie, maar beheer die regeringsmasjienerie en hulle is bloot medeslawe wat deur die onsigbare hand beheer word."

Dis waar, die massas glo alles, maar selde bars hulle verontwaardiging uit in waansin teen die Afrikaners. Of is dit opsetlik, juis omdat die Afrikaner saam met die res van die wereld verslaaf word?

Фильчаков прокурор

Is Afrikanerkinders sonder tuiste?

Geagte redakteur,

Hartverskeurend is dit om die smart van die Chinese ouers te aanskou na die aardbewing op 12 Mei. Ons was jare gelede daar net nadat die bamboesgordyn van kommunisme begin oopgaan het. Ons het die aaklige swak bouwerk gesien en die tweedehandse skoene in die winkels en die staatskleuterskole waarin die enkelkind per gesin deur die staat versorg word. Hoedat die ouers net twee maal per week die kleintjies kon sien, naamlik Woensdae en Sondae.

Aborsies tot op 8 maande en sterilisasies. Ons het gesien hoedat die kindertjies met alle liefde en aandag deur die ouers bederf word met net die beste wat hulle in die hande kon kry van kleertjies tot Engelse taallesse. Kleuterskole gebou met swak derderangse bouwerk van die kommunistiese mentaliteit. Maar ons het die ongelooflike kunstige innerlike skoonheid van die mensies gesien in hul kunsskatte – gemaak onder die swakste omstandighede ; papiersnywerk en porselein en enkeldraad sy borduurwerk en ivoorsnywerk – te veel om te noem.

Toe sê ek en Beterhelfte vir mekaar dat hierdie geslag bedorwe enkelkinnertjies wanneer hulle groot word eendag nooit die gemors van kommunisme sal verdra nie. En my waarneming was korrek bewys in Rusland maar veral in China. Hulle het opgestaan uit die gemors uit en daarom kan ons afrikaners ook!

Maar dis hierdie geslag enkelkinders wat ons gesien het wat op TV onbeskryflike smart ly langs die rommel van so ‘n verkrummelde skool waaruit hulle nog hul kindertjies kan hoor skree!!

Want 900 families het in een skool uitgesterf!

Kan mens jou die tragedie voorstel? Het die lewe enige betekenis sonder kinders?

Onwillekeurig dink ek dan aan ons eie afrikanerkinders wat onterf en onteien is maar darem die vryheid van die lewe deur die Here se genade gewen het.

En ek wonder of daar enige betekenis vir die lewe vir ons kinders is sonder ‘n tuiste.

JK Bosch

что такое справка 086

Dis niks anders as sabotasie nie

Dit lyk asof die OTM-ontploffing gebeur het in uitbreiding 22 by Food Zone, Secunda, waar jy met die trappe opgaan na die uniekantoor. Tydens die bewind van dr. H.F. Verwoerd sou hierdie terroriste van sabotasie aangekla gewees en gehang het.

As hierdie aksies toegelaat en as misdaad afgemaak word, dan kan spoorlyne, kragnetwerke, reservoirs, brûe, paaie en nog ander infrastruktuur ook maar vernietig en as ‘n gewone "misdaad" beskou word, wat nou glad nie meer so 'n danige oortreding is nie.

Iemand is met opset besig om die land te vernietig! Hoe lank sal dit nog toegelaat word?

casino онлайн

Die pornomonster verwoes gesinne

Hier in die Kaap word ‘n porno-ekspo, dit staan bekend as Sekspo, tans groot gepromoveer – ook in die dagblaaie, soos Die Burger, en deur die e-pos. Dit gaan van 8 tot 11 Mei in die Kaapstad Internasionale Konvensiesentrum aangebied word.

Nou wonder ek oor daardie 60 000 mans wat by die charismatiese aartappel-pastoor saamgetrek het, en die ander duisende wat nou landwyd oral agter hom aantrek. Sy boodskap gaan mos oor hoe om gesinsbande te verstewig en hoe mans weer die gerespekteerde hoof van die huis kan word.

Ons word nou al sedert 1994 letterlik gebombardeer deur “Adult Worlds” en veral op TV die laatnag “Adult Shows” . Die winkelrakke lê besaai met porno-tydskifte en Naspers/Media24 maak groot geld uit sy SON-koerante wat porno in vele vorme op elke moontlke manier aanbied

Haas elke huisgesin, van skoolkinders tot die ouers, is daagliks die teiken van porno in een of ander vorm. Ek is daarvan oortuig dat duisende huwelike landwyd deur hierdie immoraliteitsaanslag vernietig of ten minste gekwes of verskeur is.

Daardie duisende saamtrekkende mans is dalk net die slagoffers van die porno-monster (uiteindelik hul eie luste wat vrye teuels kry omdat die versoeking so subtiel, maklik, goedkoop en “algemeen-aanvaarbaar” is) wat desperaat raad soek hoe om die wondgate in hul huwelik, gesinne en hul eie gees en lewe te herstel.

Dalk is ek verkeerd, maar ek dink nie so nie.

Indien die “powers that be” so vernuftig is/was om hierdie vernietigende wapen teen die “beskaafde” deel van die bevolking te gebruik, gee ek hulle tien uit tien. Dit werk soos ‘n bom.

Die kern van ‘n volk is sy moraliteit. Verwoes dit, en jy verwoes sy sin vir die lewe. ‘n Slaaf vir altyd.

casino no deposit bonus no download

Geskiedenis en die wenner MT Steyn of Bram Fischer?

‘n Groot polemiek heers oor ‘n satiriese artikel oor waar Afrika sou staan as dit nie vir slawerny en kolonialisme was nie. Ten regte, want dit wat diep in Afrika gesetel is, is nie behoorlik opgeteken nie.

In ‘n Sondagkoerant is byvoorbeeld veel gemaak van die Timboektoe-dokumente. Ou beskawingslyne in Afrika is een van my belangstellingsvelde, en juis daarom vind ek dit effe sinies dat ‘n relatiewe jong beskawing, sterk deurspek met Arabiese kolonialisme (daar was verlede jaar weer ‘n Toareg-opstootjie in Niger) so baie aandag kry. Selfs Augustinus se verblyf in Afrika dateer van lank voor die Timboektoe-beskawing. Om nie te praat van die Kartaagse ryk, die Ethiopiese, selfs Zimbabwe en natuurlik die Egiptiese en Nubiese ryke.

Baie van die ou Arabiese of Moslemryke, soos onder andere dié van Darfoer, was sterk op slawehandel geskoei.

Om Timboektoe as vertrekpunt te gebruik, is kunsmatig en baie oppervlakkig.

Dit is nie nuut dat die opgetekende geskiedenis eers by ‘n laat stadium inval by die werklike nie. ‘n Paar jaar gelede is Columbus se “ontdekking” van Amerika groot gevier. ‘n Beter rekonstruksie van die geskiedenis dui daarop dat minstens die Vikings lank voor Columbus kolonies in Amerika gestig het – trouens, die doelbewuste vestiging van die eerste Christenkolonie se duisendste herdenking is verlede jaar gevier. Maar nie so dat mens dit sou agterkom nie.

Trouens, dit raak al hoe duideliker dat Columbus by die Yslanders van die bestaan van Amerika te wete gekom het – daar was ook genoeg geskrewe bronne onder andere in Rome hieroor waar hy gaan navorsing doen het.

Nou ontvou nog ‘n klassieke voorbeeld voor my oë. Verlede jaar is pres. M.T Steyn se 150ste geboorteherdenking gevier. Toevallig het ek vir Colin Steyn raakgeloop, en dit onder sy aandag gebring. Hierna het ek ‘n artikel aan al wat publikasie is gestuur oor Steyn, onder andere sy rol om generaals De la Rey en de Wet tot hul reg te laat kom. Radio Pretoria en radio Rosestad het dit gebruik. ‘n Kransleggingsaksie wat Colin Steyn-hulle gereël het, het die SABC gehaal, maar nie werklik die gedrukte media nie.

Op Heldedag is daar ‘n opskrif in een van die koerante wat dit geïgnoreer het: Ken jou helde van die geskiedenis. Met teleurstelling lees ek: Robert Sobukwe, Nelson Mandela… so gaan die lysie aan.

Vanjaar is die 100-jarige herdenking van Bram Fischer se geboorte – in lewe ‘n tydgenoot van die Komintern wat deur Stalin beheer is en wat tot die doodmaak van miljoene mense gelei het, waaronder ook miljoene Russe. Reeds is dit duidelik dat Fischer veel meer erkenning gaan kry as Steyn.

Steyn en Fischer se geskiedenis het verskeie ooreenkomste: beide Vrystaters (Steyn is in die Vrystaat gebore), beide was regsgeleerdes, en beide aktief in die politiek. Beide het hulle in ‘n politieke konteks aan die verkeerde kant van die oorheersende politieke winde bevind – Steyn eers na die Anglo-Boereoorlog) maar Steyn se statuur en wyse raad (juis onder die boom van sameswering) het ‘n simbool van wysheid geword.

En wie se herdenking kry by die Afrikaner en sy instrumente die meeste erkenning?

machine games