Krieket Australië het die internasionale krieketraad versoek om 'n bemiddelingsfase vir rassebeledigings in internasionale krieket in te stel.
Australië wil nog 'n politieke krisis vermy soos dié vroeër vanjaar toe die Indiese draaibalbouler Harbhajan Singh rassebeledigings na die Australiër Andrew Symonds geslinger het.
Australiese spelers het getuig dat hulle hom gehoor het toe hy Symonds 'n groot aap gedurende die tweede Sydney-toets in Januarie genoem het.
Australië argumenteer dat die huidige proses teenoor alle partye misluk omdat dit nie vertroulik is nie.
Die internasionale krieketraad is blykbaar nie hiervan oortuig nie.
Suid-Afrika se Ernie Els slaan hierdie week af in die Skotse Ope in 'n poging om sy momentum te herwin.
Els het 'n op-en-af jaar gehad met 'n oorwinning in die Amerikaanse PGA-reeks maar ook met vyf keer wat hy die afsnypunt gemis het.
Een daarvan was by die Amerikaanse Meesters-toernooi.
Die "Big Easy", soos hy ook bekend staan, sê hy is uitgerus maar effe verroes na 'n breuk van drie weke. Hy sê hy sal aan sy selfvertroue moet werk.
Die Skotse Ope is die laaste toernooi voor die derde Majeur van die jaar, die Britse Ope.
Els het die Skotse Ope in 2000 en 2003 gewen.
Die voormalige Britse Ope-kampioen sê hy vind dit moeiliker om op gholf te konsentreer nadat sy vyfjarige seuntjie, Ben, vroeër dié jaar as outisties gediagnoseer is.
Die bekgeveg wat die toetswedstryd tussen die Springbokke en die All Blacks voorafgaan, het verhewig met 'n voormalige Kiwi-stut wat die Springbok-afrigter as 'n marionet beskryf het.
Dowd sê Peter de Villiers het nie die geloofwaardigheid om die Springbokke se afrigter te wees nie.
Volgens sy mening weet De Villiers niks van rugby af nie.
Hy het gereageer op De Villiers se standpunt dat die All Blacks se voorrye onwettige taktieke moet gebruik om die Springbokke se krag teë te werk.
Vroeër het die beseerde Springbok-kaptein John Smit ook ingeklim en gesê die All Blacks word toegelaat om met oortredings weg te kom waarvoor ander spanne gestraf word.
Die Franse president Nicolas Sarkozy gaan die openingseremonie van die Olimpiese Spele bywoon.
Hy sal sowel die Europese Unie as sy eie land verteenwoordig.
Verhoudings tussen die twee lande is deur pro-Tibet-betogings in Frankryk versuur.
Een amptelike Sjinese koerante het verlede week gesê dat die mense in China eenvoudig nie die Franse president by die Olimpiese Spele wil sien nie.
Inwoners van Beijing het gesê dat hulle deur die anti-Chinese betogings in Frankryk verneder voel.
Gordon Brown van Brittanje gaan die sluitingseremonie bywoon.
Die beseerde Springbokkaptein, John Smit, het uitgevaar teen die skeidsregter Stuart Dickinson wat die wedstryd tussen Suid-Afrika en Nieu-Seeland gehanteer het.
Smit is in die wedstryd sodanig beseer dat hy die komende toets Saterdag teen die All Blacks sal misloop.
In 'n openhartige onderhoud het Smit ernstige beswaar aangeteken teen die hantering van die insident waarin hy beseer is.
Hy het 'n liesbesering opgedoen na 'n boorvat deur die All Black-slot Brad Thorn.
Smit sê as Bakkies Botha, byvoorbeeld, dit met Richie McCaw gedoen het, sou die wêreldrugby tot stilstand gekom het.
Thorn is vir een wedstryd geskors.
Die Suid-Afrikaanse skeidsregterbaas,André Watson, het die Springbokkaptein ondersteun.
Hy sê die reëls van die spel vereis ten minste 'n geelkaart vir 'n boorvat.
President George W. Bush het Sondag gesê dat hy die openingseremonie van die Olimpiese Spele gaan bywoon want hy wil nie die Chinese volk in die gesig vat nie.
Die eerste minister van Japan, Jasoeo Foekoeda het aangekondig dat hy ook gaan.
Menseregtevoorstanders staan 'n boikot van die Spele voor om teen China se beleid in Soedan en Tibet beswaar te maak.
Bush het gesê dit sal 'n geleentheid vir hom wees om Amerikaanse te ondersteun.
Ander wêreldleiers, waaronder Angela Merkel en Gordon Brown, gaan die openingseremonie misloop.
Die Spanjaard, Rafael Nadal, het Roger Federer se oorheersing van vyf jaar gedurende 'n opwindende eindstryd tot 'n einde gebring.
Die telling was ses vier, ses vier, ses sewe, ses sewe en nege sewe.
Die wedstryd het van die hoogste gehalte tennis ooit opgelewer.
Kenners sê dit herinner aan die legendariese tweestryd tussen Bjorn Borg en John McEnroe in die eindstryd van 1980.
Nadal het die eerste speler in agt-en-twintig jaar geword om die Franse Ope en Wimbledon in dieselfde jaar te wen.
Die tweede gekeurde Spaanse speler Rafael Nadal het die sewentiende gekeurde Russiese speler Mikhail Joeshni met 6-3 6-3 6-1 geklop om die kwarteindronde te haal waar hy óf teen Frankryk se Richard Gasquet óf Brittanje se Andy Murray sal speel.
Die Amerikaanse Williams-susters het albei die kwarteindronde gehaal. Serena sal teen Agnieszka Radwanska van Pole speel Venus sal teen Tamarin Tanasugarn, ook van die VSA, te staan kom.
Ellispark gaan nie langer Ellispark wees nie.
Die stadion het sy naamregte vir 'n kolossale R45 miljoen aan Coca Cola-internasionaal verkoop. Dit sal voortaan as Cocacolapark bekendstaan.
Volgens 'n artikel in Sondag, is daar verlede Woensdag hieroor ooreengekom toe 'n vierjaarooreenkoms aangegaan is wat vandeesweek aangekondig sal word.
Dis die eerste keer in die geskiedenis dat die stadion se naam verander word.
In 1995 is die einwedstryd van die Rugbywêreldbeker daar gespeel.
Die wêreld se nommer 154-speler Alla Koedrjatsewa en mede-Rus het Sjarapowa se vooruitsigte in die tweede ronde beëindig.
Sjarapowa, wat in 2004 kampioen was, het die jongste groot naam geword wat uitgeval het met 'n telling van 6-2, 6-4.
Sy hou egter vol dat die vernedering om by Wimbledon deur 'n minder bekende speler uitgeskakel te word slegs haar vasberadenheid om weer die toernooi te wen, verhoog het.
Rafael Nadal het Ernests Gulbis van Letland met 5-7, 6-2, 7-6, 6-3 verslaan.
Rafael Nadal, Maria Sjarapowa en Venus Williams het almal die tweede ronde van Wimbledon gehaal.
Die tweede gekeurde Nadal het sy mede-linkshandige Andreas Beck pawiljoen toe gestuur in 'n wedstryd wat geen agterbaanpunte opgelewer het nie met 'n telling van 6-4, 6-4, 7-6.
Sjarapowa, die derde gekeurde vrouespeler, het haar Franse oppenent Stephanie Foretz se drome met 6-1, 6-4 verpletter.
Die verdedigende kampioene Venus Williams het ook haar aanslag op 'n vyfde titel geslaagd geloods.
Jaco Erasmus sal in die Italiaanse kleure aangetrek wees as 'n lossvoorspeler in die enkeltoets te Nuweland Saterdag teen die Springbokke.Erasmus is 28 jaar gelede te Empangeni gebore. Hy sê egter dat hy enige tyd na Suid-Afrika sou terugkeer indien hy vir die Springbokke sou kon speel.
Hy het aan verslaggewers gesê dat die toetswedstryd 'n groot geleentheid gaan wees en dat hy werklik daarna uitsien.
Hy is nie spyt dat hy sewe jaar gelede die geleentheid aangeneem het om Italië toe te gaan nie, maar glo dis elke skoolseun se droom om vir die Springbokke te speel.
Italië se afrigter Nick Mallett het gister gesê dat Erasmus baie talent het, 'n baie intelligente speler is, maar waarskynlik moet werk aan sy lynstaantegniek.
Erasmus is nie familie van Rassie Erasmus nie.
Die Poolse hardloper Jaroslaw Janitsjki het tweede en die Zimabwiër Stephen Muzhingi derde geëindig voor 'n juigende skare by die Ovaalstadion in Pietermaritzburg.
Russiese vroue het skoonskip gemaak in die vrouewedloop deur die eerste, tweede en derde plekke in te neem. Elena Noergaliewa was die wenner, gevolg deur haar tweelingsuster. Tatjana Zirkowa het in die derde plek by die wenpaal verby gedraf.
Verlede jaar het Sjwetsof die afwaartse rekord geslaan.
Natalie du Toit sal geskiedenis maak deur aan die Olimpiese en Paralimpiese spele in Beijing deel te neem.
Du Toit het verlede maand vir die Olimpiese spele by die wêreldkampioenskap in Seville gekwalifiseer.
Moss Mashishi, die president van die Suid-Afrikaanse Sportkonfederasie en Olimpiese komitee sê dit is 'n geweldige prestasie.
Hy sê dat Suid-Afrika op die wêreldkaart geplaas het met haar prestasies en dat hy algehele vertroue het dat sy haar beste vir haar land in beide items sal lewer.
Die swemmer het haar been in 'n motorongeluk in 2001 verloor.
