President Hugo Chavez het 'n tweedaagse besoek aan Suid-Afrika aangekondig.
Hy gaan president Thabo Mbeki aanstaande week ontmoet in voorbereiding op 'n Afrika-Suid-Amerika-spitsberaad.
Chavez het sy voorgenome besoek oor die radio en televisie gedurende 'n vergadering met sy kabinet aangekondig.
Hy het gesê dat sy tweedaagse besoek baie belangrik sal wees maar het nie die sakelys verklap of wie hom sal vergesel nie.
Vure in Kwazulu-Natal het ten minste twee mense oor die naweek gedood, het die polisie gesê.
Die velbrand wat die lewens van 'n egpaar geëis het, is steeds buite beheer.
'n Verdere vier vure woed in die Dubuni- en Makasaneni-gebiede naby Melmoth.
Ten minste vyf huise in Dubuni het na wat berig word tot as verbrand.
Saterdagnag het die streek se enigste brandbestrydingsvliegtuig kort nadat dit opgestyg het naby Babanango neergestort en die vlieënier gedood.
'n Plaaslike beskermingsdienstebeampte in Melmoth het gesê dit was chaoties en die vure was heeltemal buite beheer.
Die staat het byna R10 miljoen aan die regsfooie van die ANC-president Jacob Zuma bestee.
Pahad het egter ontken dat die befondsing vir Zuma se reise na Mauritius van die regering afkomstig is.
Hy het insgelyks geweier om 'n syfer te verskaf wat toekomstige regskostes betref.
Twee weke gelede het die Mercury berig dat Zuma se regspan dringend gepoog het om 'n multimiljoenrandtransaksie met die regering aan te gaan vir die ANC-president se befondsing.
'n Stuk koninklike troukoek wat 27 jaar oud is, is vir meer as R17 000 op 'n veiling verkoop.
Die stuk ou marsepyn en versiersuiker van prinses Diana se troue in 1981 is met die koninklike wapen versier.
Dit is afkomstig van een van die 22 koeke wat aan die koninklike personeel versprei is.
Afslaer Dominic Winter in Gloucestershire sê die sny koek verkeer in 'n merkwaardig goeie toestand.
Hy het dit as hoogs ongewoon en waarskynlik oneetbaar beskryf.
Moslems regoor die wêreld sien Barack Obama nie as 'n Christen nie, maar gewoonlik as óf 'n Moslem óf 'n oud-Moslem.
Barack Obama se vader was Moslem en daarom, volgens die Islamitiese wet, is die presidentskandidaat ook een.
Boonop dui sy skoolrekord van Indonesië hom as 'n Moslem aan.
Moeammar Kadaffi het ook na Obama as 'n Moslem verwys en iemand met 'n Afrika- en Islamitiese identiteit.
Arabiere noem dikwels sy middelste naam Hussein as bewys genoeg.
Net 'n paar Afrikalande is in staat om behoorlike stelsels te ontwikkel, vanweë 'n gebrek aan basiese geografiese inligting.
Dié kwessie het gedurende die derde Afrikakaartkonferensie in Kaapstad vandeesweek na vore gekom.
Anneliza Collett van die Suid-Afrikaanse departement van landbou en grondsake beskou geografiese inligtingstelsels as van wesentlike belang by die bestuur van grond.
Collett het aangetoon dat die data akkuraat, bygewerk en volledig moet wees.
Maar in Afrika het vele state nog nie eens hul kuslyne gekarteer nie, het geen idee oor grondbesit binne hul grense nie en slegs 45% van straatadresse asook die vasteland se gebiede met bevolkings is gekarteer.
'n Vyfjaaroue seuntjie het vir ure lank in die veld gelê met sy ingewande wat uithang, nadat 'n man hom met 'n bottel oopgesny het vir sy "vleis".
Die swart kind is deur weldoeners gevind in 'n oop stuk veld naby Kya Sands, Randburg. Hy is na die Olivedale hospitaal gebring.
Hulle het konstabel Joshua Shilajoe geroep wat op sy beurt vir dr. Johan Botha in kennis gestel het. Dr. Botha is bekend daarvoor dat hy die gemeenskap bystaan in sulke gevalle.
Behalwe vir die kind se gapende maagwond, was hy ook in 'n toestand van skok en erg gedehidreer. Sy een long het reeds platgeval.
Die kind kon skaars praat, maar het nietemin sy moeder se besonderhede aan die polisie verskaf.
'n Noodoperasie is pro bono op hom uitgevoer deur 'n chirurg en pediater om sy lewe te red.
Die Dalai Lama, die Tibetaanse leier in ballingskap, is in 'n hospitaal in Moembaai, Indië, opgeneem.
Die leier het twee buitelandse reise weens uitputting afgestel.
Die Nobelpryswenner woon in Dharamsala, die noord-Indiese dorp waar Tibet se selfgeproklameerde regering-in-ballingskap gebaseer is.
Hy is 73 jaar oud.
Sy onlangse reise het veral op lesings oor Boeddhisme gefokus, maar gedurende sy praatjies het hy ook die Chinese beleid in Tibet gekritiseer.
'n Man is met 'n mes doodgesteek nadat hy in 'n argument oor 'n hoed betrokke geraak het, het die Ooskaapse polisie gister gesê.
Die slagoffer het 'n hoed gedra wat sy kennis graag wou hê en die twee het begin rusie maak.
Gedurende die woordewisseling het die man 'n mes uitgehaal en die hoedeienaar gesteek.
Hy is op die toneel dood.
Die man is in hegtenis geneem en sal op 'n moordklag verskyn.
Sun Internasionaal het 'n verlaging in sy verdunde wesensverdienste per aandaal van 517 sent verklaar teenoor 814 sent 'n jaar gelede.
Inkomste uit hotelkamers het met 14% toegeneem teenoor die vorige jaar.
Die goeie vertoning van hotelle en vakansieoorde was te wyte aan sterk groei in die aantal internasionale besoekers.
Die swakheid van die rand gedurende die jaar het 'n valutastyging van R69 miljoen veroorsaak, teenoor 'n verlies van R10 miljoen in die vorige jaar.
