Nuus Archives - Page 168 of 403

Swarte in hegtenis vir dubbele moord in Dutywa

'n 27-jarige swartman is gearresteer nadat hy twee mense doodgesteek het in Dutywa, het Oos-Kaapse polisie Sondag gesê.

Kaptein Lingisile Magama het gesê die man het 'n 37-jarige man doodgesteek in 'n sjebien in die dorpie Lota omstreeks 20:00 Saterdagaand.

"Hy het met die man geargumenteer voordat hy hom verskeie kere in die bors gesteek het," het Magama gesê.

Nadat hy die man gedood het, is die polisie na die toneel geroep en het hy te voet gevlug. Hy het by 'n nabygeleë huis geskuil waar hy 'n 83-jarige vrou doodgesteek het," het hy gesê.

"By die huis het hy die ou vrou en 'n jong meisie gevind, wat hom probeer wegjaag het, waarna hy die ou vrou doodgesteek het."

Hy is minute later by die huis gearresteer.

Die man staar klagte van moord in die gesig en sal na verwagting binnekort voor die landdroshof in Dutywa verskyn.

блузки девочки 8 лет

Swartman gearresteer vir gesteelde motor

'n 31-jarige swartman is Sondag gearresteer vir die besit van 'n gesteelde voertuig in Katlehong, het de Gautengse polisie gesê.

Kaptein Godfrey Maditsi het gesê 'n wynrooi Toyota Conquest wat vandeesweek naby Jeppestown gekaap is, is deur middel van die opsporingstoestel gevolg tot by 'n huis in die Khumalovalleiseksie.

In die huis het die polisie twee ongelisensieerde vuurwapens en ammunisie gevind, asook 14 selfone en vier kameras.

Die man is gearresteer en aangekla vir die besit van 'n gesteelde voertuig, besit van vermoedelik gesteelde goedere en besit van ongelisensieerde vuurwapens en ammunisie.

Die man wat oorspronklik van Mosambiek afkomstig is, sal Maandag in Germiston se landdroshof verskyn, het Maditisi gesê.

sumake пневмоинструмент

Suider-Afrikalande loods hulppakket vir Zimbabwe

'n Suider-Afrikablok het Sondag humanitêre hulp aangekondig vir Zimbabwe terwyl die land voedselskaarstes en 'n dodelike cholerauitbraak wat meer as 1120 mense dood gelaat het, beveg.

"Ons is hier om die inisiatief te begin en om uit te vind hoe ver ons is in terme daarvan is om die vereiste hulp te verleen," het SAOG se uitvoerende sekretaris, Tomaz Salomao, gesê.

Die onbekende hoeveelheid hulp volg op 'n besoek van 'n SAOG-span twee weke gelede onder leiding van Suid-Afrika om die land se humanitêre krisis te assesseer.

Salomao het gesê deel van die pakket was Suid-Afrika se bydrae van $30 miljoen dollar se saad, kunsmisstowwe en brandstof om te help om die land se landbousektor weer op dreef te kry.

Suid-Afrika het volgehou dat hulle enige hulp sal terughou totdat Zimbabwe sy regering van nasionale eenheid ingestel het.

uk free bet

Somali?, Kongo onder humanit?re toptien

Stygende geweld in Somalië, burgerlikes wat ontwortel word in die oostelike Kongo en gebrekkige mediese voorrade in Mianmar en Zimbabwe is onder die toptien humanitêre krisisse van 2008, volgens 'n jaarlikse lys wat deur Dokters sonder grense vrygestel word.

Ander krisisse op die groep se lys sluit in ondervoeding, wat 5 miljoen jong lewens regoor die kontinent elke jaar neem; MIV-tuberkulose en verwante infeksies wat 1,7 miljoen mense elke jaar dood laat; gevegte in Pakistan se stamgebiede; die politisering van hulpverspreiding in Irak; geweld en moeilike klimaatstoestande in suidoostelike Ethiopië se Somalië-streek en die voortslepende Darfoerkrisis en burgeroorlog in Soedan.

"Met die vrystelling van hierdie lys hoop ons om die aandag te vestig op miljoene mense wat vasgekeer is in konflik en oorlog, op diegene wat geraak word deur mediese krisisse, wie se onmiddellike en gesondheidsbehoeftes geïgnoreer word en diegene wie se lot dikwels nie raakgesien word nie," het dr. Christopher Fournier, die groep se internasionale president, in 'n verklaring gesê.

Die internasionale humanitêre organisasie, Médecins Sans Frontières, wat ook op hulle Engelse naam, Doctors Without Borders, bekend is, het begin om die jaarlikse lys uit te reik in 1998 nadat 'n vernietigende hongersnood in suidelike Soedan grootliks deur die Amerikaanse media geïgnoreer is. Die lys, wat nie die krisisse in volgorde van belangrikheid plaas nie, probeer om groter bewustheid van die krisisse te kweek wat nie altyd genoeg aandag in die pers kry nie.

Cholera maai in Zimbabwe

Cholera het in Zimbabwe reeds 1,123 mense gedood, sê die Verenigde Nasies en voeg by dat die getal sal aanhou groei indien daar nie maniere gevind word om die land se onderbetaalde dokters en verpleegsters te kry om terug te keer werk toe nie.

Choleragevalle het sedert die uitbraak in Augustus begin het, gestyg tot 20 896, sê die wêreldorganisasie.

Die VN se gesondheidsagentskap sê cholera versprei in Zimbabwe weens sanitasiestelsels wat swak onderhou is, ongebreidelde inflasie wat dokters en verpleegsters swaar tref en 'n gebrek aan skoon drinkwater.

"Ek het hospitale gesien wat basies leeg is," sê Dominique Legros, 'n choleradeskundige by die Wêreldgesondheidsorganisasie.

Legros sê die situasie sal so bly indien die WGO en die Zimbabwiese regering nie 'n plan kan maak om die salarisse van gesondheidswerkers te verhoog nie.

Die nuutste WGO-syfers toon dat die cholerasterfkoers op 5,4 persent staan. Die VN-agentskap sê dit is noodsaaklik om dit onder die een persent te kry om die uitbraak te beheer.

Die Internasionale Rooikruiskomitee sê dat hulle het begin om huise van cholerapasiënte in Zimbabwe se hoofstad Harare, die gebied wat die swaarste getref is, te ontsmet.

Die uitbraak het ook verskuif na naburige lande.

Die Internasionale Organisasie vir Migrasie sê hulle is besig om cholerabehandelingsentra op te rig teenaan die grense van Suid-Afrika en Botswana om te keer dat die siekte verder oor die grense versprei.

free casino slot games

Baba vir cholera behandel in die Weskaap

'n Viermaande-oue baba word vir cholera behandel by die Karl Bremer hospitaal in die wes-Kaap, het die provinsie se gesondheidsdepartement gesê.

Woordvoerder Faiza Steyn het gesê die kind van die Wallacedene informele woongebied naby Kraaifontein is gestabiliseer. Hy is op 6 Desember opgeneem in die hospitaal.

"Die monster van die geval is gestuur na die Nasionale Eenheid vir Oordraagbare Siektes vir verdere laboratoriumwerk om vas te stel watter vorm van cholera geïdentifiseer is," het Steyn gesê.

Die kind het geen geskiedenis van 'n onlangse reis na Zimbabwe nie en ook geen kontak met iemand wat die siekte onder lede het nie.

Laboratoriumondersoeke op kontakte in die geval het almal negatief getoets vir die siekte, het Steyn gesê.

"Dit is tans onbekend hoe hy die siekte kon opdoen, maar die warm weer en swak omstandighede kon wel faktore wees," het sy gesê.

Rasgebaseerde programme herinner aan BJ Vorster: Lekota

Om arm blankes uit te sluit van programme om die armes te help maak die regering niks anders as dié van B.J. Vorster gedurende die hoogtepunt van die apartheidsjare nie, het KVP president Terror Lekota Donderdag in Durban gesê.

Lekota het gepraat by 'n debat by die universiteit van KwaZulu-Natal. "Indien mens 100 arm mense het en 3 van hulle is blank en mens gee die program net vir die 97 sonder om dit vir die blankes te gee. Wat is dit? Wat is die verskil tussen ons en B.J. Vorster?"

"Geskiedkundig agtergeblewe is net nog 'n manier om te sê iemand is swart. Hoe kan ons die programme saamstel en sê dat dit net vir swartmense is?"

Hy het gepraat oor regstellende aksie en het gesê dat poste toegeken moet word aan bevoegde mense en nie eenvoudig gevul moet word op grond van kleur nie.

Die voormalige ANC voorsitter het gesê dat staatsamptenare aangestel moet word op grond daarvan dat hulle die beste persoon vir die pos is en nie vanweë hulle politieke affiliasies nie.

Lekota het gehou by die tema van politieke affiliasies en glo dat die land se gewapende magte en polisie nie geallieerd moet wees met enige politieke party nie.

Met verwysing na Zimbabwe het hy gesê dat daar 'n langdurige siening onder Afrika leiers is om nie in te meng met die interne sake van ander lande nie. Hy het wel gesê dat indien die interne sake "oorspoel" na buurlande toe, die SAOG lande 'n beleid dat aksie geneem kan word, moet implementeer.

Лобановский

Indi? kanselleer ho?profielkriekettoer na Pakistan

Krieket is een van die min dinge waaroor Indië en Pakistan saamstem. Maar met Nieu- Delhi wat Islamabad daarvan beskuldig dat hulle niks doen om Pakistan-gebaseerde terroriste, wat vir die onlangse bloedige aanval in Moembaai beskuldig word, te stuit nie, het Indië 'n krieket toer na Pakistan gekanselleer, 'n duidelike teken van 'n afkoeling in die verhouding tussen die twee lande.

In die dekades sedert Pakistan onafhanklikheid van Brittanje gekry het in 1947, het Pakistan en Indië drie oorloë gehad en verskeie kere op die randjie van nog 'n paar verkeer. Tog is krieket 'n nasionale obsessie vir beide lande en het dit gehelp om spanning te verminder.

Indië se nasionale span het in 2004 na Pakistan gegaan vir die nasionale span se eerste volle reeks wedstryde in 14 jaar, 'n gebeurtenis wat beskou word as 'n optimistiese teken vir die twee kernbewapende lande wat 'n poging aangewend het om 'n vredesproses te begin.

Dit is verlede maand ongedaan gemaak met die aanvalle in Moembaai, wat 164 mense en 9 van die 10 aanvallers dood gelaat het. Verhoudinge is baie stram en die vredesproses is weer op die ys.

In nog 'n teken van die verhoogde spanning het Pakistan Indië se gesant Donderdag ingeroep en formeel 'n klagte gelê oor die skending van hulle lugruim oor die naweek. Dit is 'n skielike ommeswaai nadat hulle vroeër die insident afgemaak het deur te sê dat Indië nie opsetlik Pakistan se lugruim binnegedring het nie.

освещением лестницы

VN- en AU-troepe voor “uitdagings” in Darfoer, s? VN-hoof

'n Gemeenskaplike VN en Afrika-unie mag in Darfoer staar steeds groot uitdagings in die gesig, amper 'n jaar nadat dit ontplooi is, het VN sekretarisgeneraal Ban ki-Moon Donderdag in 'n verslag gesê.

"Die AU-Verenigde Nasies operasies staan steeds voor baie groot uitdagings," het hy gesê.

"Geweld en ontworteling van mense gaan voort, humanitêre operasies word steeds bedreig, gevegte vind gereeld plaas en die partye het nog nie 'n vredesooreenkoms bereik nie."

Ban het gesê dat slegs 60% van die VN operasie in Darfoer (UNAMID) teen die einde van die jaar ontplooi sal wees, teenoor die 80% van die VN soldate waarvoor die VN gehoop het.

UNAMID is in Julie 2007 magtiging gegee deur die Sekuriteitsraad om die grootste vredesmag in die wêreld saam te stel, met 'n geskatte sterkte van 26 000 lede.

Ontplooiing was vertraag, grootliks deur gebrek aan sameweking van die Soedannese regering. Die mag was ook die teiken van dodelike aanvalle.

Die sending het 'n tekort aan belangrike toerusting, insluitende 24 helikopters, om die groot gebied te kan patrolleer.

086 справка

VSA deporteer 46 persent meer Meksikane en Sentraal-Amerikaners

Amerika het meer as 154 000 Meksikane en Sentraal-Amerikaners gedeporteer in die 2008 finansiële jaar, wat 'n 46% verhoging is teenoor die vorige jaar, het hulle Donderdag in 'n amptelike verklaring gesê.

Meer as 212 000 is altesaam gedeporteer, met byna driekwart wat van Meksiko en Sentraal-Amerika afkomstig is, volgens die verklaring deur die Amerikaanse Immigrasie en Doeane kantoor in die grensdorp McAllen in Taxas.

Die meeste, 82 000 is Meksikane wat die 3170 kilometer grens tussen Meksiko en Amerika oorsteek.

Al die lande het 'n verhoging gehad in deportasie, behalwe Nicaragua, waar deportasie verminder het tot net oor die 2000.

Amerika het immigrante gedeporteer na 190 lande en het meer as 4000 deportasievlugte gehad teenoor amper 3000 vlugte in die vorige jaar, wat van 1 Oktober tot 30September strek.

Die hoeveelheid onwettige immigrante het drasties gedaal vanweë maatreëls wat 'n heining langs die suidelike grens insluit, het Michael Chertoff, die sekretaris van binnelandse veiligheid Donderdag in Washington gesê.

"Ons het 'n daling gesien in die hoeveelheid mense wat die grens onwettig probeer oorsteek," het Chertoff gesê gedurende 'n oorsig van die departement se aksies sedert dit 7 jaar gelede gestig is.

Die heining, wat langs groot dele van die Rio Grande loop is meer as 5 meter hoog en het baie kontroversie ontlok. Daar was ook verskei hofsake daaroor, maar nie een was sover geslaag nie.

топка для бани