Nuus Archives - Page 144 of 403

‘Amerika is die vriend van Islam’ ? Obama

Barack Obama

President Obama het Maandag 'n nederige en vredeliewende gesig van Amerika aan die Islamitiese wêreld voorgehou in die eerste formele onderhoud sedert hy president geword het. Hy het sy eie Moslembande genoem en die hoop uitgespreek vir 'n Palestynse staat. Dwarsdeur die onderhoud het hy sy stemtoon kalm gehou, selfs toe hy gevra is of Amerika sal kan "saamleef" met 'n Iranese kernwapen.

Die onderhoud met die Al-Arabiya-netwerk, wat in Doebai gestasioneer is, was 'n dramatiese stukkie openbare diplomasie wat daarop gemik is om voordeel te trek uit die nuwe Amerikaanse president se gewildheid, hoewel dit Amerika se tradisionele verbintenis met Israel getoon het. Obama beskou Israel se veiligheid as baie belangrik.

"Ek het Moslems in my familie. Ek het in Moslemlande gewoon," het Obama gesê volgens transkripsies van die Withuis. "My taak teenoor die Moslemwêreld is om oor te dra dat Amerika nie julle vyand is nie."

"Israel is 'n sterk bondgenoot van Amerika. Hulle sal nie ophou om 'n sterk bondgenoot te wees nie. En ek sal aanhou glo dat Israel se veiligheid baie belangrik is," het hy gesê.

"Maar ek glo ook dat daar Israeli's is wat kan insien hoe belangrik dit is om vrede te kan hê. Hulle sal gewillig wees om opofferings te maak wanneer die tyd reg is en wanneer die ander kant ook ernstig is daaroor."

play live casino online

Iranese beboet weens gemengde sokkerwedstryd tussen mans en vroue

Die eerste gemengde sokkerwedstryd – mans teen vrouens – sedert die 1979-Islamitiese revolusie het Maandag gelei tot snelle straf toe 'n Iranese sokkerklub gesê het dat hulle drie amptenare geskors het en boetes van tot $5000 opgelê het.

Iran se streng reëls plaas 'n verbod op enige fisieke kontak tussen mans en vroue wat nie verwant is nie, en Iranese vroue word selfs verbied om sokkerwedstryde by te woon waar manlike spanne speel.

Die amptenare – 'n afrigter en twee bestuurders – het eers ontken dat die wedstryd plaasgevind het, maar videogrepe op selfone is as getuienis teen hulle gebruik, het die daaglikse koerant Vatan-e-Emrooz gesê.

Esteghlal, een van Iran se toptwee sokkerklubs het gesê hulle dissiplinêre komitee het twee beamptes vir 'n jaar lank geskors en een vir ses maande. 'n Vierde amptenaar is beboet, het 'n berig gelui wat op die klub se webwerf gepubliseer is.

Die wedstryd wat op 20 Januarie gespeel is tussen 'n vroulike span en 'n jong manlike span in Teheran was die eerste keer in 30 jaar van Iran se Islamitiese omgewing waarin mans en vroue saam sokker gespeel het, het waarnemers gesê.

Die jeugdige manspan het die dames met 7 doele teenoor 0 geklop in 'n wedstryd wat Vatam-e-Emrooz as "histories" beskryf het.

Withuis se e-posstelsel stort ineen

Die Withuis

Uiteindelik het die Withuis sy e-posstelsel aan die gang gekry en net toe dit glad loop, gebeur die ondekbare… die hele stelsel het Maandagoggend ineengestort.

Die laaste e-pos van die Withuis se perskantoor voordat die stelsel ineengestort het net voor 9-uur, het aangekondiug dat president Obama se gesprek oor energieonafhanklikheid in die Oostelike kamer oop sou wees vir alle media, en nie net die klein groepie verslaggewers en fotograwe wat die president gewoonlik volg nie.

Die fout in die stelsel het in-kassies in die Withuis-kompleks en regoor die stad vreemd leeg gelaat.

Verskeie ure later, tydens sy sessie met die nuusmedia, het die perssekretaris, Robert Gibbs, om verskoning gevra omdat hulle nie elektronies in verbinding was nie.

"Ons vra om verskoning indien julle ons oor die laaste twee en 'n half uur ge-e-pos het," het hy gesê. "Ons e-posstelsel werk nie so goed nie. Dus vra ons om verskoning daarvoor en ons sal poog om die inligting van vroeër vandag by julle te kry, hopelik op 'n manier wat meer betyds is indien ons die e-pos aan die werk kan kry."

Gibbs se assistente het uiteindelik die inligting op die ou manier uitgekry: op papier.

купить зарядное

Inbrake het ten minste 20% gestyg gedurende Kersvakansie

Inbrake en diefstal van juweliersware het met mistens 20% gestyg gedurende die Kersvakansie, het 'n groot Johannesburgse versekeringsvervangingsgroep, Jewellery Replacement Consultants, gesê.

"Ons is oorval deur 'n stortvloed van eise," het Ian Furman, die besturende direkteur van die groep, gesê. "Ons het soveel eise gehad, dat ons van ons mense wat op verlof was moes terugroep om te kom help."

Furman, wat al 'n dekade lank een van die versekeringsbedryf se topvervangingsgroepe is, het gesê dit is die ergste na-Kersfeesvlakke van eise wat hulle nog beleef het.

"Dit is moeilik om te sê presies hoekom, maar dit blyk dat die Zimbabwesituasie 'n negatiewe uitwerking op misdaad het. Aanklaers en polisie vertel vir ons dat tot 80% van inbrake deur Zimbabwiërs gepleeg word en op baie maniere maak dit sin. As mens kinders het wat honger is, wat gaan jy doen?"

"Maar dit maak ook vir kriminele sindikate baie sin om onwettige buitelanders te gebruik, omdat hulle nie met geslotebaantelevisiekameras gevang kan word nie en omdat Suid-Afrika nie buitelandse burgers registreer nie, is hulle vingerafdrukke ook nie op enige rekordstelsel nie."

KVP en ANC beskuldig mekaar van heksery

Tokyo Sexwale

Die KVP (Kongres van die proletariaat) het 'n formele klag by die kommissie vir geslagsgelykheid aanhangig gemaak oor ANK-NUK-lid Tokyo Sexwale se "heksery"-opmerking wat die naweek gemaak is, het die party Maandag gesê.

Sexwale het die KVP aangeval omdat hulle " 'ou vroue' op televisie paradeer, en hulle vir heksery gebruik om ondersteuning te soek" vir 'n saamtrek in die Ooskaap.

"Ons moeders word van huis tot huis geneem, hulle word ook op televisie geparadeer, die mense gebruik ons moeders vir heksery… hulle is leuenaars. Mens kan geen respek hê vir mense wat ouer mense op so 'n manier gebruik nie," het Sexwale na bewering gesê.

In 'n brief aan die kommissie van die KVP se algemene sekretaris Charlotte Lobe, het die party Sexwale se opmerkings as "ernstig kommerwekkend" beskou.

"…vryheid van assosiasie is 'n fundamentele reg in ons land se konstitusie. Die vroue na wie mnr. Sexwale verwys het dekades van hulle lewe in die bevrydingsorganisasie deurgebring en ongekende pyn en leiding verduur om te veg vir 'n grondwet wat vandag alle Suid-Afrikaners trots maak," het die brief gesê.

"Met hulle aansluiting by die KVP oefen hulle die reg uit om te behoort aan 'n party van hulle keuse. Dit is ons standpunt dat mnr. Sexwale se opmerkings dié grondwetlike reg ondermyn."

Lobe het gesê Sexwale se opmerkings is "gevaarlik en toon 'n gebrek aan respek", gesien in die lig dat dit ouer vroue koppel aan heksery en hulle lewens potensieel kan bedreig.

tops online game прокурор Фильчаков

Opposisiepartye gaan hof toe oor buitelandse stemme

Pieter Mulder

Die VF+ en die DA het 'n hofsaak aanhangig gemaak teen die verkiesingswet se bepalings wat Suid-Afrikaners in die buiteland verhoed om te stem.

Die VF+ het Maandag in die Pretoriase hof dokumente ingedien wat die grondwetlikheid van dié item in die kieswet uitdaag.

"Dit is net 'n eerste stap en ons sal na die grondwethof toe gaan as dit moet," het die VF Plus-leier, dr. Pieter Mulder gesê.

Hy het beweer dat daar politieke redes en nie konstitusionele redes nie agter die veranderinge van die wet is, wat in 1994 alle Suid-Afrikaners wat oorsee was, toegelaat het om te stem.

Soos dit nou staan, laat die kieswet net spesiale stemme toe vir Suid-Afrikaners wat tydelik weg is uit die land op vakansie, sakebesoeke, by tersiêre instellings, op opvoedkundige besoeke, deelnemend is aan internasionale sportbyeenkomste of by ambassades en konsulate gestasioneer is.

детский самокат прокурор Фильчаков

Bedrogklagte teen swart sakeman teruggetrek

Klagte van bedrog teen die Kemptonparkse sakeman Sipho Msomi is voorwaardelik teruggetrek by die Pietermaritzburgse hof nadat hy ontsnap het, het die SAUK Maandag berig.

Daar word geglo dat Msomi (36) die meesterbrein was agter 'n sindikaat wat vyf departemente in KwaZulu-Natal bedrieg het. Hy het ontsnap terwyl hy gewag het dat die saak moes voorkom.

Hy het verlede jaar Oktober in die hof verskyn en is borgtog geweier.

Hy staar 93 klagte van bedrog in die gesig wat 'n totaal van meer as R20 miljoen behels. Hy het na bewering "spioenasieprogrammatuur" op regeringsrekenaars geïnstalleer.

Klagte teen hom is voorwaardelik teruggetrek totdat hy weer gearresteer word.

купить куклы

Kongolese wil niks weet van Sarkozy

Nicolas Sarkozy

'n Groep Kongolese opposisiepolitici het in 'n verklaring wat Maandag vrygestel is gesê dat hulle gekant is teen die Franse president Nicolas Sarkozy se voorgenome besoek aan Kinshasa.

"Die besoek van president Nicolas Sarkozy, wat vir Maart geskeduleer is en wat die fundamentele belange van die Kongolese mense bedreig, is nie wenslik nie," het die groep senators en adjunkte gesê in die teks wat deur AFP ontvang is ná 'n vergadering in die hoofstad.

In sy Nuwejaarstoespraak aan diplomate in Parys vandeesmaand het Sarkozy gesê 'n "vars benadering" is nodig om die onstabiliteit op te los en die rykdom van die Groot Meregebied, wat deel van Kongo insluit, te deel.

Hy het ook melding gemaak van "die toekoms van Rwanda".

Sarkozy se opmerkings het 'n ongelukkigheid veroorsaak hier, met die Kongolese media wat voorgestel het dat hy 'n "balkanisering" van die Kongo wil hê.

Die politici het gesê Sarkozy se wens om 'n wyer gebaseerde gesprek te sien omtrent die "deel van ruimte en die rykdom van ons land is vreemd", en het bygevoeg in die verklaring dat, hoewel Sarkozy die reg het om "Rwanda gelukkig te maak", dit nie aan hom die reg gee om Kongolese rykdom op te dien "om diplomatieke verhoudinge tussen Rwanda en Frankryk te verbeter nie".

Parys en Kigali is reeds jare lank aanmekaar oor wie die verantwoordelikheid dra vir die Rwandese volksmoord van 1994, waarin sowat 800 000 mense binne enkele maande dood is.

topcargo

Regering pootjie koringboere

Enige hoop dat die regering die worstelende koringbedryf 'n hupstoot sal gee, is nek omgedraai.

Nie net weier die regering om koringboere die nodige beskerming te gee nie, maar boonop het die Internasionale Handelsadministrasie Kommissie (IHAK) die twee persent invoerbelasting op koring afgeskaf.

Die kommissie voer aan dat dié stap daarop gerig is om "vrye handel en verbruikers ewe veel te versterk met die huidige koringprys."

IHAK sê hulle het geen regverdiging vir hoër belasting op koring en koringmeel gevind nie, as gevolg van die hoë internasionale koringprys. In plaas van die twee persent invoerbelasting, is 'n voorwaardelike tarief van 1999 heringestel.

Die tarief word slegs van krag indien die koringprys onder R1,619 per ton daal.

Die Oos-Vrystaat se koringoes, een van die belangrikstes in die land, sal vanjaar weens laat reën na verwagting die swakste in dekades wees. Sonder regeringsingrype sal talle saaiboere hulle plase moet opgee.

лучший арт прицел Фильчаков прокурор

Toyota val vas

Toyota se binnelandse produksie sal in 2009 na alle verwagtinge met 25 persent daal, teruggerem deur 'n kwynende vraag te midde van 'n verhewigende wêreldwye afplatting.

Japan se voorste voertuigvervaardiger verwag om 3-miljoen voertuie uit te stoot op die houermaatskappyvlak – wat filiale en verwante maatskappy uitsluit. Verlede jaar het die maatskappy 4-miljoen voertuie verkoop.

Die uitset in Japan verteenwoordig 50 persent van Toyota se algehele produksie.

'n Anonieme senior amptenaar van Toyota sê dit is noodsaaklik vir die maatskappy om ten minste 3-miljoen voertuie gedurende die jaar te vervaardig vir die maatskappy om sy voltydse werkers te behou.

'n Segsman vir Toyota, Keisuke Kirimoto, het geweier om die verslag te bevestig. Hy sê die laaste keer wat Toyota se binnelandse produksie tot minder as 3-miljoen eenhede gedaal het, was in 1979 toe 2,99-miljoen eenhede vervaardig is.

Hiroshi Watanabe, 'n ekonoom by Daiwa Navorsingsinstituut, sê Toyota se wêreldwye uitset sal in 2009 na alle waarskynlikheid drasties kwyn weens die hewige insinking in die Amerikaanse en Europese voertuigmarkte.

Die maatskappy het verlede jaar erkenning aan die wortels van die voertuigvervaardiger gegee toe Akio Toyoda, die kleinseun van die oprigter van Toyota, as die maatskappy se nuwe president aangewys is.

Hy het belowe om die maatskappy se kernwaardes te herbevestig, soos om idees uit die werkerskorps hoog te ag – 'n bestuursbenadering wat bekend staan as "kaizen." Dit het Toyota se produksiemetodes wêreldwyd beroemd gemaak.