Nuus Archives - Page 303 of 403

Brandstoftekorte vir 2010 waarskynlik

'n Senior regeringsamptenaar het Woensdag gesê brandstoftekorte gaan moontlik 'n probleem word tydens 2010 se Sokkerwêreldbeker.

Nhlanhla Gumede, onder-direkteurgeneraal van brandstof en energiebeplanning, sê dat Suid-Afrika nie sal kan voorsien in sy brandstofbehoefte nie en dat dringende maatreëls benodig word om die krisis die hoof te bied.

Gumede, wat die Parlement ingelig het oor die regering se energieplan, het daarop gewys dat 'n noodsaaklike nuwe brandstofpyplyn wat aangelê word reeds agter konstruksiespertye geraak het.

Transnet onderneem die bou van die die R11 miljard pyplyn tussen Durban and Gauteng.

Sonder vloeibare brandstowwe sal die Suid-Afrikaanse ekonomie R1 miljard per dag verloor omdat 22,2% van die BBP afhang van die beskikbaarheid van vloeibare brandstof.

Лобановский Харьков

Gemengde wense op Mbeki se verjaardag

President Thabo Mbeki het gister sy verjaardag in die geselskap van Robert Mugabe in Zimbabwe deurgebring.

Sekere van sy politieke vyande het hul geskille met hom tersyde gestel deur hom geluk te wens, maar ander soos die Jong Kommunistiese Liga wil hê dat Mbeki dadelik sy pos moet verlaat.

Die Liga se woordvoerder Castro Ngobese het gesê dit was die enigste eerbare en geskikte geskenk wat Mbeki op sy verjaardag kon bied deur te gaan.

Hy het bygevoeg dat Mbeki die nar Robert Mugabe ondersteun.

Die parlementêre leier van die Demokratiese Alliansie, Sandra Botha, het gewens dat Mbeki 'n groot koek met baie kerse daarop sou kry sodat hy nie langer in die duister hoef te wees nie.

Die leier van die Inkathavryheidsparty Mangosuthu Buthelezi het 'n brief met sy goeie wense per hand aan Mbeki laat aflewer.

печи в

Amerikaanse huisprysdaling is skerpste in 25 jaar

Amerikaanse huispryse het landwyd met 7,7 persent gedaal in die eerste kwartaal vanjaar weens die toenemende ekonomiese krisis in dié land. In sommige gebiede is die dalings egter veel erger en bereik tot dertig persent.

In die deelstaat Kalifornië, waar pryse oor die algemeen hoog is, het huispryse in Sacramento met 29,2% gedaal en in Riverside met 27,7%. In Las Vegas het huispryse met 20,2% afgeneem en in Phoenix met 15,4%.

Volgens ontleders is dit nog nie die einde van die dalings nie. Van nou af tot Februarie 2009 word verwag dat huispryse met nog 20% kan daal.

образец мед справки

Polisieman in ‘n hinderlaag gelei in Pretoria

Die 37-jarige inspekteur Jaco Botha is gister by 'n OTM in Pretoria in 'n hinderlaag gelei en doodgeskiet deur 'n bende wat met AK47-aanvalsgewere gewapen was.

Botha sou vandag met vakansie vertrek het saam met sy vrou Lunet en seun Ulrich.

Die bende het Botha en sy kollega, inspekteur Pieter Otto, na die OTM op die hoek van CR Swart en Lynettestrate in Kilnerpark gelok deur dit op te blaas.

Volgens polisiewoordvoerder Klaas van der Kooi is hulle daarna geblokkeer, in 'n hoek gedruk, vasgekeer en op geskiet.

Nog 'n polisiebeampte het die toneel as 'n oorlogsone beskryf en dat die aanval met militêre presisie uitgevoer is. Twee blanke mans was in bevel van die bende van tien lede wat origens uit swartes bestaan het.

VN-sekretaris-generaal bekommerd oor Zimbabwe

Die hoof van die VN Ban Ki-moen het gister sy uiterste kommer uitgespreek oor die situasie in Zimbabwe op die vooraand van die komende presidensiële uitklopverkiesing, het sy woordvoerder gesê.

Volgens Michele Montas het Ban gesê dat die huidige geweld, intimidasie en arrestasie van opposisieleiers nie versoenbaar met geloofwaardige verkiesings is nie.

Ban het bygevoeg dat indien herdie toestand sou aanhou, die legitimiteit van die verkiesing in die gedrang sou wees.

Die Verenigde State het ook vir verdere druk op Zimbabwe gevra om vrye en regverdige verkiesings te hou. Die minister van buitelandse sake Condoleezza Rice het die VN en Afrikaleiers gemaan om sodanige druk op Zimbabwe toe te pas.

Kwazulu-Natal nog steeds onder water

Kwazulu-Natal gaan nog steeds gebuk onder vloede en vier mense is tot dusver dood terwyl 500 mense dakloos gelaat is. Sommige inwoners moes van die dakke van huise met bote en waterponies gered word.

Die polisie se reddingspan moes ook onder die siedende vloedwaters induik om deure en diefwering oop te breek om diegene binnekant te kan red.

Op sommige plekke in die provinsie is tot 400 mm reën gemeet. Kommunikasiestelsels is ontwrig en modderstortings het op dele van die N2 plaasgevind.

Omtrent twintig bejaardes moes van die dakke van huise by die Club Marina-oord in Ifafa gered word toe 'n rivier sy walle oorstroom en die huise onder water gedompel het.

насос погружной для Лобановский Харьков

Obama stook rassegevoelens in Frankryk op

Volgens die Franse koerant Le Monde, begin 'n nuwe rassebewussyn voelbaar in Frankryk raak.

Dis nie net vanweë die snel veranderende demografiese werklikhede van die land nie, maar ook vanweë die waarskynlike Demokratiese kandidaat vir president van Amerika, Barack Obama.

Die artikel in Le Monde van 'n paar dae gelede beskryf hoe Obama die hoop onder swartes in Frankryk laat opvlam. Selfs om die woord noir in Frans, wat swart beteken, te sien was vir hulle verbasend aangesien rasse-identiteite nie in Frankryk ooit genoem word nie.

Die afgelope naweek is 60 motors verbrand en ongeveer 50 mense van kleur het met die polisie en brandweermanne baklei waarvan verskeie beseer is. Die onluste het in die arm swart buurt van Vitry-le-François in die Marne-streek in die noordooste van Frankryk plaasgevind.

instagram promotion sites

Iran verwerp kernkragvoorstel

'n Kernkragvoorstel deur die vyf permanente lede van die Verenigde Nasies-veiligheidsraad tesame met Duitsland het Sondag geen formele reaksie van Iran ontlok nie.

Die groot moondhede het aangebied om te help bou aan ligtewaterreaktors, om wetlik afdwingbare waarborge vir kernbrandstofvoorrade te verskaf en om saam te werk met gebruikte brandstof en radioaktiewe afval in ruil vir die opskorting van uraanverryking deur Iran.

Die Iranese president Magmoed Agmadinedjad, het die voorwaardes verwerp.

Iran sal 'n maand gegee word voordat nuwe EU-sanksies ingestel sal word, wat teen die land se grootste bank, Bank Melli, gerig is. Die VSA mag 'n vlootblokkade van Iranese skepe in die Persiese Golf oorweeg.

Rusland en Sjina staan strenger sanksies teen.

мультик куклы барби

Dooie voel springlewendig

Andries Pieterse van Pretoria is vroeër vanjaar meegedeel dat hy sedert Kersfees oorlede is en hy weet ook nie waaraan nie. Pieterse, 63, sê hy het skoon aardig gevoel toe hy vertel is. Hy woon in Uncle Ben's Den in Hermanstad, 'n tuiste vir bejaarders en mense wat spesiale versorging benodig.

Hy is sedertdien besig om die staat te probeer oortuig dat hy lewendig genoeg is om sy pensioen te kan ontvang. Pieterse kry ook die afgelope vyf jaar 'n ongeskiktheidstoelaag omdat hy met sy geheue sukkel.

'n Doodsertifikaat met Pieterse se ID-nommer op is in April uitgereik en wys dat hy op 24 Desember 2007 oorlede is.

SA Poskantoor deur Amazon geswartlys

Die hoë voorkoms van diefstal van die Suid-Afrikaanse Poskantoor het veroorsaak dat die Amerikaanse internetkleinhandelaar Amazon alle lewerings per pos na die land gestaak het.

Voortaan sal verbruikers wat op die internet inkopies doen 'n allamintige R420 ekstra vir 'n privaatkoerrierdiens moet betaal.

Volgens die Johannesburgse dagblad Business Day, maak dit Suid-Afrika die muishond van Afrika aangesien gaan ander posdiens op die vasteland deur Amazon op die swartlys geplaas is nie, behalwe Nigerië se standaarddiens. Amazon vertrou egter steeds Nigerië se spoedpos.

Selfs voor die aankondiging het Amazon geweier om waardevolle items deur die Suid-Afrikaanse Poskantoor te stuur, ook vanweë gereelde diefstal.

topcargo отзывы