Zimbabwe se cholera-epidemie het ten minste 1 778 lewens geëis sedert verlede jaar Oktober, met die hoeveelheid gediagnoseerde gevalle wat op 35 931 staan, het die WGO gesê.
Dinsdag het die organisasie gesê dat daar 1 732 mense dood is en 34 306 mense besmet is met die wateroordraagbare siekte.
VN-hulporganisasies het vir weke gewaarsku dat die aantal gevalle tot meer as 60 000 kan styg, met die dreigende reënseisoen wat waarskynlik kan help om die siekte te versprei.
Al 10 die land se provinsies is getref, volgend die VN-statistiek, wat onvolledig bly as gevolg van 'n tekort aan plaaslike mediese personeel en kommunikasieprobleme.
Zimbabwiërs sukkel ook met hiperinflasie, erge voedseltekorte en chroniese politieke onstabiliteit.