Leon van den Heever, die Direkteur vir Studentewerwing van die Universiteit Stellenbosch (US), skryf soos volg in Die Burger (30 Maart, p 10). Ek haal die brief in sy geheel aan.
“Oor Jan Heunis (DB, 28.03) se stelling ‘Die US-bestuur het deur sy werwingspogings en afwykings van sy taalbeleid die US verengels’:
“Die Universiteit Stellenbosch se werwingskantoor het nog nooit wat strategie betref Engelse leerders geteiken om die US te verengels nie. Die US word bemark as ‘n instelling van uitnemendheid aan alle leerders wat kwalifiseer om by ons te studeer. Dáárom kry ons studente wat, al is hulle Engelssprekend, aan die US wil studeer. Dit is nie omdat ons hulle lok sodat ons die US kan verengels nie. Om die werwingspogings van die US en sy bestuur die skuld te gee vir die groter vloei van Engelse studente, is onregverdig en wek die verkeerde indruk.
“Indien ons ‘n instelling van uitnemendheid wil bly, moet ons die beste studente kry om by ons te kom studeer. Dit sluit Engels- en Afrikaanssprekendes in. Ons sal ons só moet posisioneer dat ons aan al hierdie studente ‘n tuiste kan bied.”
Hier het ons (waarskynlik) nog ‘n Afrikaanssprekende blanke wat ampshalwe die situasie aan die US goedpraat, al kan hierdie politiekery glad nie akademies geregverdig word nie. Van den Heever se pos is ‘n sprekende bewys van die allerhande nuwe, duur poste wat aan universiteite geskep word; poste wat heeltemal onbekend aan universiteite van weleer was. ‘n Universiteit met kompromislose akademiese integriteit sal sonder werwingsveldtogte outomaties (dus sonder ‘n werwingsdirekteur en -kantoor) die akademies beste studente en dosente lok. Poste soos die van Van den Heever veroorsaak dat minder geld vir doseer- en navorsingsdoeleindes beskikbaar is, dus vir daardie aktiwiteite waaroor dit by uitstek aan universiteite behoort te gaan. Hou ook in die gedagte dat Van den Heever se brief voor publikasie waarskynlik deur hoër US-gesag, bv die rektor, Wim de Villiers, goedgekeur is.
In die brief word beweer dat die US se werwingskantoor nog nooit Engelse leerders geteiken het om die US te verengels nie. Dit is ‘n doelbewuste maar lomp poging om die waarheid te verdoesel. Die werwingskantoor teiken nie-wit, veral swart, leerders om die onnodige, nie-akademiese maar polities korrekte rasteiken van ‘n minstens 50% nie-wit US teen 2020 te haal. Die US teiken inderdaad nie Engelssprekendes nie maar om nie-akademiese redes nie-wittes wat Engels as onderrigtaal verkies. As gevolg daarvan word die US doelbewus toenemend verengels.
Van den Heever beweer dat tydens werwing die US as ‘n instelling van uitnemendheid bemark word, selfs dat die US ‘n instelling van uitnemendheid wil bly; dus by implikasie dat dit steeds ‘n instelling van uitnemendheid is. Hy bedoel blykbaar akademiese uitnemendheid, maar daar is duidelike tekens dat akademiese uitnemendheid ondergeskik aan politieke uitnemendheid, spesifiek ANC-gedienstigheid, gestel word. Daarom is dit ‘n infame leuen dat die US die beste studente probeer lok. Hoeveel blanke leerders en skole word deur die US se werwingskantoor betrek/geteiken in vergelyking met nie-wit (veral swart) leerders en skole? Van den Heever kan gerus hierdie statistiek openbaar maak. My inligting is dat die werwingskantoor bv ‘n swart leerder in Limpopo gaan werf het met ‘n US-studiebeurs (en wat dan as die leier van Open Stellenbosch ontpop en chaos en verwoesting gesaai het) eerder as om blanke leerders, wat akademies beter is, in ‘n baie goedkoper veldtog in die Wes-Kaap te werf.
Dit is die US se uitgesproke beleid om kandidate op grond van ras en geslag pleks van op suiwer akademiese gronde tot studie toe te laat (kyk bv die toelatingsbeleid vir MBChB-studie). Dit is ook die US se uitgesproke beleid om dosente en navorsers op grond van ras en geslag pleks van op suiwer akademiese gronde aan te stel en te bevorder (kyk die bewoording van advertensie vir poste: voorkeur word gegee aan kandidate uit “die aangewese groepe”, dus nie-wittes en vroue). In hierdie twee opsigte (studente en personeel) word (onnodige, anti-akademiese) ras- en geslagsteikens nagejaag. Dit is heeltemal onversoenbaar met die waan dat die US ‘n akademies uitnemende inrigting is, wil wees of sal bly.
Dit is dus nie, soos Van den Heever beweer, onregverdig om die US die skuld te gee vir die groter invloei van studente wat onderrig in Engels verkies nie. Dít is US-beleid en die werwingskantoor doen hieraan mee. Opvallend is dat die werwingskantoor die US as ‘n instelling van uitnemendheid bemark en nie as ‘n Afrikaanse universiteit nie. Wim de Villiers het immers by verskeie geleenthede beklemtoon dat die US nie ‘n Afrikaanse universiteit is nie. In sigself bevorder dit die afskaling van Afrikaans en die opgradering van Engels tot die primêre US-onderrig en -administratiewe taal; iets waarmee De Villiers hom ondubbelsinnig vereenselwig het.
Die valse indruk word in die brief gewek dat die US-bestuur ewe lief vir Afrikaans en Engels is en albei ewekansig bevorder. Dit is ook ‘n leuen om voor te gee dat gepoog word om alle studente (Afrikaans- en Engelssprekendes, blankes en nie-blankes) tuis op die kampus te laat voel. Wat in die praktyk gebeur, is dat Afrikaanse en blanke simbole (bv standbeelde) en name verwyder en vervang word met polities korrekte pro-ANC name (soos Beyers Naudé, Desmond Tutu en Russel Botman), wat vir baie Afrikaanssprekende blankes aanstootlik is. Daardie studente en personeel wat tradisioneel op die kampus hoort, word doelbewus ontheem pleks van hulle tuis te laat voel. Die preokkupasie van die US-bestuur is om swartes tuis te laat voel. Daarvoor word agteroor gebuig ten koste van die gevoelens van blankes.
Die ideaal wat nagejaag word, is dat die US ‘n integrerende deel van die bv chaotiese, ondoeltreffende en gewelddadige nuwe Suid-Afrika moet wees. Fundamentele vrae kan oor hierdie misplaasde ideaal gevra word. Is dit wys? Is dit akademies sinvol? Waarom word (substandaard) studente gewerf as die akademiese heil van die US veel eerder in ‘n kleiner, kompromisloos akademiese US opgesluit lê? Wat het transformasie vir die US in die sak gebring? ‘n Kampus waarop miljoene rande se skade aangerig is. ‘n Kampus waarop onderrig dikwels ontwrig word, terwyl onderrig die wesenstaak van ‘n universiteit is. ‘n Kampus wat ten duurste beveilig word en steeds nie veilig is nie; waar akademiese werk bedags nie ongesteurd plaasvind nie en saans (anders as voorheen) glad nie na wense kan funksioneer nie. Verkragtings beleef ‘n bloeityd terwyl so iets aan die US van weleer onbekend was. Objektiewe, rasionele besinning is dringend nodig pleks van teen die feite in mooi broodjies te probeer bak. ‘n Nuwe, suiwer akademiese benadering is nodig, wat die aanstelling van ander mense, egte akademici, in beheer van die US noodsaak.
Die regsgeleerde Francois Venter het al by meer as een geleentheid sinvolle menings oor Afrikaans uitgespreek. Lees gerus sy jongste kommentaar: “ANC buit Afrikaans uit” (Netwerk24, 31 Maart). Lees ook Mike van Rooyen se “Taalbesluit ‘gebrekkig'” (Netwerk24, 31 Maart). Hy noem dat ‘n regsmening van Pierre de Vos deur Jonathan Jansen in die UV-senaat gebruik is om Afrikaans te kelder. Dit is kenmerkend van Jansen om steun by so ‘n bedenklike “kenner” vir sy anti-Afrikaans en anti-blanke veldtog te gaan soek.
Leon van den Heever n duisend mense gaan jou glo maar die
moontlikheid bestaan dat 10 duisend jou nie glo nie.
Stellenbosch is hoofsaaklik engels – dus is dit nie vreemd
dat hulle Afrikaans wil vernietig nie – mens moet begin onderskei tussen
engelse en Afrikaanse blankes – gaan maar terug in die geskiedenis en kyk wie
het ons Afrikaners die grootste skade aangedoen, soos bv. die black sasch,
almal engelse blanke vrouens en Zille om nou net vinnig twee te noem. As ek
johnivin is sal ek liewer my mond hou – hy verloor elkedag meer respek en
beskawingvlak en Pierre de Vos? Aan gay mense steur ek my bitter min hulle het
altyd “issues” waarmee hulle wil aandag trek om spesiaal te voel.
I support Stellenbosch moving over to English, it will mean more ANC english speakers will move down to the WC to challenge the libtard DA.
Remember the ANC & even the EFF are english dominated parties, both their leaders conduct all their affairs in english, also the boers left the WC ages ago during the great trek.
Dit behoort nie nodig te wees vir ‘n hoogsbetaalde en oorbodige universiteitsamptenaar om te beklemtoon dat ‘n universiteit die beste studente moet lok nie. Dit behoort vanselfsprekend te wees. Die feit dat van den Heever soveel klem daarop lê, wys op sigself daar is ‘n probleem. Soos Shakespeare gesê het, “methinks the lady doth protest too much”. Maar miskien protesteer hy so hard juis omdat hy weet hy is oorbodig.
Die skrif is aan die muur vir US indien nie nog hierdie jaar nie sal hule defnitief volgende jaar aankondig dat Afrikaans heel uit is. Te veel linkse Et..s is in beheer, die Boere Afrikane, moet net saam staan en ‘n Univesiteit begin vir net Afrikaans, as swart studente daar wil kom leer moet hule Afrikaans praat klaar. Ek het nou al hoog en laag gesoek vir ‘n groep wat dit promoveer en op die been wil bring sodat ek finasieel kan bydra maar tot nog toe net praat. Orania se dat dit ‘n prioriteit is maar dit bly ook net daar, weet iemand van ‘n groep wat erenstig is.
PS. Krokodil ek wil my nie eens uitlaat oor wat ek dink van die K.k wat jy kweit raak nie.
Jan, there is n home for Afrikaans in the WC, not under the DA or ANC or EFF.
All three are bias towards the english language.
“Die werwingskantoor van die US het nog nooit, wat strategie betref, Engelse leerders geteiken om die US te verengels nie. ”
Let vireers op die politiek korrekte onding “leerders”. Engelse “leerders” word nie, wat strategie betref, geteken nie. Word hulle dan dalk, vir ander redes as “strategies” geteiken? En wat is dan nou eintlik ‘n “Engelse leerder”? Waarom is daar nou skielik soveel “Engelse” studente wat aan die US moet studeer? Is Engelse” studente nie maar gewoon swart studente wat nie “geteiken” hoef te word nie aangesien hulle in elkgeval die meerderheid uitmaak. en wat outomaties die voorkeur moet kry en om wie se ontwil die universieit verengels moet word?
En wat beteken die sinsnede “al is hulle Engels”? Is die bedoeling om ons om die bos te lei?. Inderwaarheid sou dit tog meer korrek wees om te sê dat studente tot die US toegelaat word VERAL as hulle Engels (dus swart) is, nie ten spyte daarvan nie, maar van den Heever is natuurlik nie eerlik genoeg om dit te sê nie. Of miskien is dit nie deel van sy kommunikasiestrategie nie.
Dit skep, volgens van den Heever, die verkeerde indruk om die US die skuld te gee vir die groter vloei van Engelse studente na die universiteit. Die kritiek teen die toestroming van “engelse studente” na die universteit is in hoofsaak gerig teen die poging om die universiteit te verengels en dus sy tradisionele karakter en kultuur omver te gooi..
En dan die refreintjie dat die universiteit die beste studente kry om sy uitnemendheid te bevorder. Wat dan van blanke studente wat by die mediese skool van die US weggewys word ten spyte van ses of sewe matriekonderskeidings? Is dit omdat die sg. “Engelse” studente uitnemender is? Asseblief!
Karel jy is 100% reg, maar dit help nie om teen die wind in staan en pie nie, selfbeskiking is die enigste pad vorentoe vir Afrikaans. Dit is hoekom ek se Afrikaners moet self ‘n Universiteit begin, los die ander gespuis om die ander Universiteite deur die gat te trek soos dit tans met alles gaan waar die linkses in beheer is
Hallo Jan. Wat kan ek sê. Ek deel natuurlik jou sienswyses ten volle: selfbeskikking en ‘n eie universiteit en skole is die enigste werklike oplossing vir ons. Wat is egter die kanse dat ons dit sal laat gebeur. Feit is, die oorgrote meerderheid Afrikaners stel net nie belang nie. Baie wil trouens nie eers meer Afrikaners wees nie. En die selfbeskking sal volkome moet wees, nie ‘n halfgebakte konkoksie binne die raamwerk van die res van Suid-Afrika nie, want dan gaan hulle die nuwe universiteit wat ons teen reuse koste oprig maar net weer oorneem met “Engelse” studente.
Hi Karel net soos die klosule binne die grondwet “vryheid van Assosiasie” wat die Afrikaner en enige ander Kultuur beskerm, die swart organiesasies wat geen blanke toelaat nie ens, beskerm kan dit ook aangewend word om so ‘n Universiteit wat sal behoort aan die Afrikaner Boere volk nie iets oor kan se nie. Indien die regering aandring daarop kan die Afrikaner Bere volk net soos die ANC desteits by die VN aanklop vir beskerming want daar is ‘n resulusie wat ledelande van die VN dwing om minerheids regte van die minderheid te beskerm Lees gerus http://www.un.org/documents/ga/res/47/a47r135.htm ek weet die regering gee nie veel om vir die Internasionale wetgewing nie en ons kan ook sien hoe die VN reageer met hule antwoord nou die dag.
Ek stem saam met jou dat dit nie ‘n halfhartige konkoksie moet wees nie, Solidariteit is tans besig met so iets maar dit is langafstand onderig, dit ontbreek aan vele goed wat ‘n volware Universiteit kampus bied. Ek sal graag wil sien dat al die Afrikaanse faksies sal saamstaan vir die ontwikeling van so ‘n Kampus, dit mag dalk net die ding wees wat ons volk weer hoop gee.
Die beste studente wat die universiteit werf sluit Afrikaanse en Engelse studente in sê van den Heever. Maar die punt is nie of die studente wat gewerf word Afrikaans of Engels is nie. Die punt is in watter taal gaan hulle studeer as hulle eers gewerf is. Van den Heever se poging om hom uit die probleem uit te wriemel, skiet ver te kort.
“‘n Tydjie gelede is voornemende studente en ouers na ‘n open day by die US genooi. Die advertensiebanier op sowel die US se Afrikaanse en Engelse webwerf was slegs in Engels. Die ‘outeur’ van die dag se bedrywighede, in Afrikaans, was die Centre for Student Recruitment, met vele spelfoute in die dokument.
“Lesers kan gerus na http://www.sun.ac.za (Afrikaans) gaan kyk en sien dat Van den Heever se afdeling as die Centre for Student Recruitment bekend staan, al is die besonderhede in Afrikaans. ‘n Mens moet maar jou eie
gevolgtrekkings maak” (Ou-Matie, Welgemoed, Die Burger, 1 April 2016, p 14).