Suid-Afrika is die tweede beste presteerder onder BRICS lande ten opsigte van die omskakeling van regstreekse beleggings na maatskaplike vooruitgang, het RSG berig.
Dié prestasie is gegrond op die bevindings van ouditeure van Deloitte.
Volgens ‘n maatskaplike vorderings-indeks is Suid-Afrika op 63 punte, wat sewe indekspunte laer as Brasilië is.
Rusland, China en Indië is na Suid-Afrika op die indeks.
Die BRICS lande is onder die top 30 ontvangers van buitelandse beleggings, maar bly agter as dit by maatskaplike vordering kom.
Suid-Afrika het die beste gevaar in die toegang tot basiese kennis, voeding, basiese gesondheidsorg en toegang tot inligting.
Die land het egter swak gevaar in die volhoubaarheid van die ekostelsel, toegang tot gevorderde onderwys en persoonlike veiligheid.
Hoeveel lande is hier tersprake? Net 5 en dit is baie groot “prestasie” om 2de te wees, my magtag ouens geluk!!
“In die land van die blindes is eenoog koning” 🙂 🙂 Ek onthou baie goed hoe die huidige regering gal afgegaan het wanneer hulle prestasies met Europa vergelyk is – hulle moet met Afrika vergelyk word, is daar gereeld geteem.