Die maatskappy Sunbird Energy wat in Australië genoteer is, het ooreengekom om gas aan Eskom te verskaf in ooreenstemming met die kragverskaffer se planne om eerder gas te gebruik om sy kragopwekkers aan te dryf as diesel.
Eskom moes die afgelope tyd swaar steun op sy diesel-aangedrewe turbines om die ligte aan te hou, het RSG berig.
Sunbird sê sy Ibhubesi gasprojek in Suid-Afrika sal Eskom se Ankerlig kragstasie in Atlantis vir tot 15 jaar van 30 miljard kubieke voet gas voorsien.
Ankerlig gebruik diesel sedert dit in 2007 gebou is.
Sunbird sê die verskaffing van gas aan Ankerlig sal Eskom in staat stel om aansienlike besparings met sy brandstofkoste te bereik.
Daarna sal hulle seker op lampolie, en daarna op kerse terugval!
Net nie wit kerse nie .
Benoude katte maak benoude spronge. Daardie spronge het gewoonlik nie die gewenste uitwerking nie.
Gebruik hulle vloeibare natuurlike gas of petroleum gas vir die opwekking by ANKERLIG – ek neem aan LNG . SASOL het masiewe gas aanlegte in Mosambiek en in die noorde is daar meer as 50 triljoen kubieke voet natuurlik vloeibare gas wat wag om ontgin te word. SASOL het nog nie eers begin om te prospekteer in die noorde nie maar Anadarko en ENI is hard aan die werk.
Hulle (SASOL) voer al reeds gas van Temane af in SA toe. Hoekom gaan staan en koop hulle (die regering/EKSDOM) gas by n klomp Aussies ????
Die regering moet eerder begin bele in Mosambiek se gasvelde en wegbeweeg van “fracking” en wat nog alles , dis nie nodig nie .Al die gas wat ons in die volgende 70 jaar mag nodig he le omtrent 2,500km van die grens af en kan met pyplyne ingevoer word. Die tegnologie is meerendeels van die rak af en [ek glo] relatief goedkoop in vergelyking met ander opsies.
Weereens onge-flukken-looflik.