‘n Voorlegging aan die Parlementêre portefeuljekomitee oor Energie het getoon dat ‘n gebrek aan infrastruktuur die verskaffing van gas vir huishoudelike en nywerheidsgebruik kniehalter.
Rolspelers in die gassektor, insluitende SASOL, PetroSA, NERSA en die Departement van Energie het die Parlementêre komitee ingelig.
Die Nasionale Energiereguleerder, NERSA sê plaaslike gasreserwes voldoen nie aan die potensiële vraag nie.
‘n Woordvoerder van NERSA, Nomfundo Maseti, sê alhoewel gas in buurlande ontdek word, is daar beperkte infrastruktuur om dit die land in te bring.
Maseti sê daar is groot gasvondse in Mosambiek, Ghana, Tanzanië en in die Kongo. Die gasvoorraad is dus nie die probleem nie, maar die infrastruktuur om dit uit die buurstate by Suid-Afrika te kry.
Groot dele van JHB is met gas toegerus – in elk geval in van die industriële gebiede. Ek weet ook dat daar in dele van die hoofstad gas vir huisgebruik beskikbaar is. Vir die res – nou ja.
Ek het ‘n enorme geveg met SASOL opgetel oor die uitbreiding van hulle gaspyplyn deur Centurion – ek was destyds besig om my beurs by SASOL terug te werk en hulle het die pyplyn oor my ouers se grond geneem – hulle wou dit natuurlik omtrent verniet hê. Vandag is daardie grond baie werd want dit dorpsgebied het soontoe uitgebrei (4km buite die dorp/stad is die kans daarvoor baie goed). Met die dolomiet in daardie area wonder ek steeds of dit ‘n goeie ding is. Soos dit nou maar gaan in die lewe het ek jare later juis op die instrumentasie van die gaspypleiding gewerk – al die pad van Natal tot in Rosslyn.
Sover ek weet is daar reeds pyplyne uitgebrei tot in Mosambiek. Hierdie is ook ‘n goeie toevoerbron vir SASOL en dit is heelwat skoner as om steenkool na wat hulle ookal maak om te skakel.
Ek moes eers gaan oplees om die berig te kon verstaan.
Gas, volgens my, is ‘n onsosiale iets wat iemand se gat krap op kommentaarblaaie, maar skynbaar meer as dit dit is dit nog LNG, en LPG, natuurlike gas, handigas, afroxgas, butaan, propaan, metaan, en ‘n hele rits ander -ane ook.
Ek neem aan hulle praat hier van natuurlike metaangas en nie van handigas nie.
Se maar net.
Dit loon al die rolspelers om te beweer dat infrastruktuur gebrekkig is. Dan kan hulle telkens net die skaarste aan LP- en ander soorte nywerheidsgas, as rede opvoer vir hoë pryse.
Is die gebrek aan infrastruktuur dan nie die ideale geleentheid om werk te skep, die ekonomie te stimuleer, ens.
Onbekwaamdheid is lonend!
Ek is seker dat die infrastruktuur nie die enigste probleem volgens die gassektor is nie, ek glo hulle beveel ook aan dat skaliegas uit die Karoo ook die probleem kan oplos. Ek is ook seker daarvan dat hul eie winstu uit die “oplossing” van die probleem nie in een van die 11 amptelike landstale genoem is nie.
Ek dink die lot lieg alweer. SASOL het reeds pyplyne van Temane (Mosambiek) af tot in Secunda wat al meer as 3 jaar gas in SA in bring. Mosambiek het genoeg gas om in al SA se behoeftes te voorsien sonder om die Karoo te moet gaan omdolwe of 5 kernkrag sentrales te bou.