Die pla my al geruime tyd dat daar soveel negatiewe inligting oor Afrikaners op die internet bestaan. Doen ‘n mens enige soektog met die slagwoorde “Afrikaner” of “Boer”, word jy gekonfronteer met honderde blaaie waar dit gaan oor apartheid, rassisme, diskriminasie teen swartes, konserwatisme, Calvinisme en wat nog.
Daar bestaan waarskynlik geen ander volk op aarde wat so konstant op die internet sleggesê word soos ons nie, met ‘n legio wanvoorstellings oor ons geskiedenis, taal, kultuur en hoe ons is.
‘n Mens noem dit Boerehaat. In die Woordeboek van die Afrikaanse Taal (WAT) word “Boerehater” soos volg gedefinieer:
Hater van die Afrikaners; persoon wat vyandiggesind is teenoor alles wat Afrikaans is.
Op die Engelse Wikipedia word Boerehaat só omskryf:
Boerehaat is an Afrikaans word meaning hatred of the Boers, or Afrikaners. The term Boerehater (English: Boer-hater or Boer hater) has been used to describe a person who hates, prejudices or criticises the Boers, or Afrikaners.
Jode beskik oor iets soos die wêreldwye Anti-Defamation League wat onlangs binne ses maande $500 miljoen (R5,5 miljard) ingesamel het om antisemitisme en holocaust-ontkenning te bekamp. Daar bestaan egter geen organisasie wat hom spesifiek beywer om globale Boerehaat teen te staan nie.
Selfs die inskrywing op Wikipedia oor Boerehaat het enkele dae gelede drasties verander om insgelyks ‘n anti-Afrikaanse kleur te verkry, asof dit ons eie skuld is dat Britte en Suid-Afrikaanse Engelse chauvinisties teenoor ons optree en gedurig propaganda teen ons publiseer of uitsaai.
Wikipedia is seker vandag een van die invloedrykste publikasies op aarde, indien nie dié invloedrykste nie. Skoolkinders in alle lande gebruik dit om take uit te werk. Dit verskyn heel bo-aan op soekenjins en daarom verteenwoordig dit in die praktyk omtrent al wat iemand in die buiteland ooit oor ons te wete gaan kom. Net om die gemors wat op Wikipedia as ons geskiedenis – asook dié van Suid-Afrika – aangebied word, gaan ‘n voltydse werk wees.
‘n Groep praag-vrywilligers sou seker so iets op gekoördineerde wyse kon aanpak, maar dit gaan ‘n taai stryd wees. Ek het persoonlik ervaring van die soort vooroordele wat daar by baie anonieme Wikipedia-bydraers bestaan en wat jaloers oor hul stukkies propaganda waak om te sorg dat niemand daaraan verander nie. Indien ons hoegenaamd so iets wil aanpak, sal ons besef dat ons met feite en verwysings gewapen sal moet wees en ook hewige teenstand van derduisende Engelse dwarsdeur die Britse Statebondslande gaan teëkom vir wie Boerehaat op die internet ‘n soort stokperdjie geword het.
So pas het 16 Junie weer gekom en gegaan, met al die mites en clichés oor Soweto wat van voor af aangedik en uitgebasuin is. Die skade wat ons reputasie in die wêreld en ons eie selfbeeld hierdeur ly, is grotesk. Op die internet is dit soos ‘n konstante kuberoorlog wat teen ons gevoer word.
Daar word deesdae baie oor indentiteitsdiefstal gepraat. Nog nooit in die geskiedenis egter is die identiteit van ‘n groep mense of ‘n hele volk gesteel en op vertekende wyse aanlyn gekanoniseer soos wat met ons gebeur het nie. Ons moet besef dat internetinskrywings, veral op iets soos Wikipedia, amper vir ewig is – indien hulle nie drasties verander kan word nie.
Ek sal graag by lesers wil verneem wat hulle hiervan dink en hoe ons te werk moet gaan.
Of het ons nou maar gaan lê? Aanvaar ons dat ons verhaal deur die vyand geskryf is en dat ons maar suutjies van die aardbol af gaan verdwyn, omdat ons dit nêrens kan durf waag om ons gesigte te wys nie?
Well then I suppose it will fall on all those who love the Afrikaner nation (including us Germans) to rewrite the details and the history of the Afrikaner as it should be.
Heirich, en ons mag nie nalaat om ons jongmense sommer van kleins af die waarheid te vertel oor ons herkoms, ons taal, ens. nie. Die gemors wat nou al vir die afgelope paar jaar vir Geskiedenis opgedis word, is nie ONS TROTSE geskiedenis en dit waarvoor ons staan nie.
Mag ek voorbarig wees en vra dat Dr Roodt leiding sal neem, ek glo hy is meer as bevoeg hiervoor, natuurlik met ‘n puik rubriekskrywer soos Leon Lemmer en andere ook. Ons moet dit as ons PLIG sien om ander volksgenote ook te betrek hierby.
Dit behoort nie net ‘n span-poging te wees nie, maar ‘n VOLK wat protesteer teen die valshede wat die wereld in gestuur word.
What a statement, Danke. Stuur solank die blou briewe.
Dr Roodt, u vra ons mening oor ‘n baie moeilike probleem. Miskien selfs onoplosbaar. Om toe te gee dat ‘n mens jou voor ‘n onoorkomelike probleem bevind, beteken darem nie dat jy gaan lê nie. Daar is ‘n menigte dinge wat ons as Afrikaners kan doen om onsself te handhaaf wat ons nie doen nie. Die bevordering van ons beeld in die internasionale wêreld is net een hiervan, hoewel vanselfsprekend belangrik.
Ons dilemma is dat ons, reg of verkeerd, met rassisme vereenselwig word en rassisme is nou maar eenmaal die aartssonde van die moderne wêreld. Al wat hieraan ‘n verskil sal maak, is ‘n wêreldwye kentering wat betref hierdie obsessie met ras en rassisme. Van so’n algemene kentering is daar weinig sigbare tekens, tensy ons die groeiende steun vir nasionalisme in Europese lande as iets in ons guns kan beskou. Maar selfs hulle staan baie ver weg van die stigma van “rassisme”
My gevoel is dat die “gewone” mense in die meeste lande nie so erg vyandig teenoor ons is nie. Dis hoofsaaklik by die media waar die probleem lê. Die meeste mense in Westerse lande het egter ‘n gesonde skeptisisme oor wat hulle uit die media verneem. Ek glo dit is selfs in Suid-Afrika ook in ‘n mate die geval. Aan die media het ons oor die jare reeds baie aandag geskenk. Dink maar aan die reusepogings wat in hierdie verband deur die Inligtingsdepartement onder leiding van Dr Rhoodie aangewend is.
Die haatdraendheid teenoor ons was voor 1994 sonder twyfel veel feller was as wat dit vandag is. M.a.w. ons het, wat anti-Afrikaner sentimente betref, in die verlede reeds veel donkerder dae beleef as nou. My persoonlike ervaring is dat ons, nou dat ons geabdikeer het, nie juis meer in die openbare oog is nie. Dit sluit natuurlik belangstelling in plaasmoorde en ander vorms van rassisme teen ons in. M.a.w dit kry ook nie aandag nie. In die meeste lande wat ek besoek, word daar van Afrikaners weinig, of geensins gepraat. Veral die media stel haas nie meer in Suid-Afrika belang nie, wat nog te sê in Afrikaners. Die sensasie van ‘n rassekrisis is mos nou verby. Hierdie is trouens nog ‘n rede vir die belangeloosheid van baie, of meeste, Afrikaners self. Hulle verkies ‘n soort Anglo-Saksiese anonimitieit bo enige kans om weer in ‘n magsposisie te wees en sodoende weer die argwaan van die internasionale openbare mening op die hals te haal.
Dit is sekerlik ook so dat die linksliberale of “verloopte” Afrikaners, van wie ons so baie praat, se beywering daarop gerig is om internasionale aanvaarding vir Afrikaners te probeer terugwen deur enige verbintenis met rasssime af te sweer, as’t ware meer Rooms te probeer wees as die Pous self. U weet wat ons van sulke pogings dink. Ons sien dit as goedkoop populariteitsoekery en selfs kruipery, wat dit in ‘n groot mate inderdaad is.
Ten slotte is daar nog ‘n realiteit waaraan ons nie kan onstsnap nie. Die dilemma is naamlik hoe kan ‘n volk wat hoogstens iets meer as twee miljoen tel, bekostig om “inklusief” wees in ‘n samelewing waar hy 20 teen 1 in die minderheid is. Dit is naamlik so dat die Afrikaner, as hy as ‘n volk wil voortbestaan, noodwendig ‘n vorm van rasse onderskeid moet beoefen. Dit is presies wat die Jode ook doen en vir dieselfde rede. Hulle kom daarmee weg. Ons nie. Kan ons dit verander deur ‘n doelbewuste poging? Ek dink nie so nie. Maar ek is altyd ten gunste daarvan om te probeer!
Persoonlik meen ek ons moet eers besluit wat ons vir die Afrikaner beoog. As ons groter duidelikheid het oor waarheen ons op pad is, kan ons weer na die internasionale beeldprobleem kyk.
Vir u eie onvermoeide pogings in hierdie verband geniet u ons dank en waardering.
Shoe Dr. Roodt was sê n ou kêrel soos ek nou na hierdie puik kommentaar hieronder deur Karel, Heirich en Trippie. Ek kan net my stem voeg by hulle en sê ja, dit is beslis nodig dat die geskiedenis, en dan gaan haal ons hom van die begin af, herskryf moet word sonder om doekies om te draai. Maw.rondborstig die waarheid tot hoe boere soos op hierdie oomblik uitgemoor word, en dan is hulle nog steeds bereid om AAN TE GAAN. Dit is n teken dat ons nie mag gaan lê nie.
Ek het aanvanklik die woord BOEREHAAT andersom vertolk , as die haat wat die boerevolk jeens die swart onderdrukking tans het. Helaas was ek toe nou verkeerd. Ook goed so.
Ek is hier om te help waar ek kan, u het my e-pos adres.
Wat van ons begin “Dubble-up to the truth” as opposisie vir Wikipedia en ons adverteer dit so wyd totdat wanneer – mense Wiki gelees het – lees hulle ook “Dubble-up” voor hulle n mening vorm?
Ek het al baie gesê – al wat ons het is ons intellektuele vermoë en ons moet daarmee die leun verslaan – en ons doen dit sommer in die groot leuen se eie taal – Engels. Hierdie intellektuele vermoë is van blankes in Suid Afrika is die een ding wat niemand van ons kan steel of afneem nie en asgevolg van ons suiwer gene behou oor eue heen is ons vermoë van die mees gesogte dwarsoor die wereld.
Veels geluk met die pragtige nuwe voorkoms van PRAAG! Laat hierdie nuwe beeld ook die boodskap van Praag wees. Liefdevol oordentlik en genadeloos eerlik modern en vol lewe vir die toekoms.
Laat die doodsheid van swartbemagtiging en Nasty press in hul eie modder rol.
Ons Calviniste Hugenote en selfs die Britse settelaars [!!} was so vervolg dat net die sterkste oorgebly het en ‘n nuwe Afrikaner volk kom stig het.
U ken my vreeslose konfrontasies met die wit afrikaanse anti-gotters en antichriste wat ons volk se hele bestaansreg en identiteit beroof met leuens en laster – hoedat ek hulle snoete in hul eie bollie vryf. U het my konfrontasies met die Nazi Nietzche afgodediiens en die Baalkultus gelees.
Want een ding is onbetwisbaar waar. As my volkie sy God verloor [ geestelike tuiste en siel ] dan sal ons ophou om te bestaan. Gelukkig het ons nog Orania waar die lewe na die dood besig is om te ontkiem.
Maar ek voel egter my aggressie teenoor my volksvyande is teenproduktief. Ek voel ek / ons moet liefs met ‘n BEMARKING strategie begin. Ons Volksproduk moet aantreklik aangebied word – iets om te begeer en te bewonder
Ons moet ons afsonder van volksvreemde dogmas en drekgode.
Baie meer as net Orania se eksotiese veiligheid.is op die spel.
Maar ons op Praag het reeds groot vordering gemaak om die kaf en die korrels te skei.
Moet net nie stilbly oor st**t nie en hoop dit sal verbygaan nie. As elkeen soos Trippie et al sy ruggie styf maak en daai bosbokhorinkies laat sak!!! – het ons ‘n blink toekoms
[ terloops: bosbokjag is die gevaarlikste van almal]
Of Hoe?
Liewe Jan – vergun my die geleentheid om jou te komplimenteer met ‘n puik reaksie !
Ek wil graag twee paragrawe uitsonder – Paragrawe 3 en 4 ! Dit raak mens diep in die hart en siel.
Selfs al is die Duitse volk oor jare verguis vir hul aandeel in die wêreldoorloë se leed , staan daar bewyse van hul kompetensie , intelligensie , werksetiek en prestasie konstant , dwarsoor die wêreld , vir almal om te sien . So glimlag ek altyd terwyl die Thyssen-Krupp roltrap my in die winkelsentrum vervoer .Een klein voorbeeldjie . So staan ingebore edeler inbors van sekere individue in volksgroepe uit .
Ja Betzie – ons moet kan WYS ons is die beste!!
Nie net daaroor praat en gorrel nie.
” We have what it takes to be the best..” Ons het wat nodig is ….Ons moet dit net vertoon!!
Eddie Merks het ? 6 maal de Tour de France gewen en verklaar: ..” I am the best because i can suffer the most..!” Juslaaik! vir so ‘n bek !!! en binnegoed!!
En Begin van Israel het gesê: ” You can break my legs with my knees unbent!!”
Op klein skaal doen mens dit kil-doelgerig-trots . Jy kyk die werker van Virgin Active mooi reguit in die oë as jy beswaar aanteken oor vroue wat op n primitiewe wyse hul intiemste liggaamsdele uitstal terwyl hul in die sauna sweet . Geen finesse , geen diskressie in hul optrede . Inteendeel kru en bar is die woord . Ten minste het jy jou stem in die woestyn laat hoor . Oor die res van die voorstelle hier : enige iets is beter as niks .
Daar word op verskillende plekke hier onder verwys na paralelle met Duitsland. En daar is paralelle. Die Duitsers is sedert die Tweede Wêreldoorlog ook beledig en beswadder hoofsaakilik weens beskuldigings van rasse oorheersing.
Maar daar is ook verskiklle. Die Duitsers is ‘n volk van 80 miljoen om mee te begin. Dis ‘n soewereine staat en die vierde grootste ekonomie op aarde.
Maar die belangrikste punt van ooreenkoms of verskil is die Duitse skuldkompleks oor hulle onlangse verlede. Die Duitsers het hulle verlede volledig afgelê. Hulle beskou hulle rol in die Tweede Wêreldoorlog as ‘n episode waarmee hulle niks te make het nie. Dis iets waaroor hulle skaam is. Iets wat vir ons ondenkbaar is, is dat hulle deelneem aan herdenkings van die geallieëerde oorwinnings oor hulle in die Wêreldoorloë. Stel u voor dat ons as Afrikaners sou deelneem aan ‘n herdenking van die Engelse se oorwinning oor ons in die Anglo-Boere-Oorlog!
Dit is sekerlik so dat baie Afrikaners vandag ook hierdie skuldkompleks oor hulle verlede het. Die voetewassers en Truth and Reconciliationers byvoorbeeld. Maar daar is ook Afrikaners wat hierdie skuldkompleks nie het nie. Ek wil go die meeste van ons hier op Praag het dit nie. Dus: ons kan in baie opsigte ‘n blaadjie neem uit die Duitse boek – hulle hardwerkendheid, gedissiplineerdheid en deeglikheid byvoorbeeld. Maar daar is ook aspekte waaroor omsigtigheid raadsaam is.
Dit is juis om hierdie rede waarom ek Praag se geskiedenisprojek ondersteun. Dit is waar dit moet begin. Miskien kan Praag ‘n afsonderlike afdeling vir geskiedenis byhou (prominent vertoon en moontlik eerder op die Engelse blad as die Afrikaanse een, verkieslik altwee). Die geskiedenisblad behoort sover moontlik verwysings en dokumentere bewyse by te hou.
Kom ons neem byvoorbeeld negatiewe inligting op Wikipedia. Ons as lesers hier sal dit nie kan regstel sonder dat ons self die korrekte feite het nie. Ek weet byvoorbeeld so vaagweg dat die 1976 opstande nie gegaan oor dit wat die koerante aan ons verkondig nie. Nou het ek egter twee probleme. Die eerste is ek weet nie wat die werklike redes was nie. Ek kan nou die inskrywing op Wikipedia gaan “regstel” gebasseer op wat ek dink die werklike redes was, maar sal bloot afgemaak word as ontkenner van die waarheid en rassis. My “idiee” van wat die werklike redes was kan dalk ook verkeerd verkeerd wees. Ek (en Afrikaners en Boere) gaan dus soos ape lyk. Die tweede probleem is, selfs al sou ek die regte redes kon aanvoer, die werklike redes sal bloot ontken word. Dit is dan waarom dit belangrik is dat daar sover moontlik dokumentere bewyse moet wees vir enige stellings wat ons maak. (Ek onthou so tyd gelede op een van die kommentare het iemand ‘n foto geplaas van FW wat eie skole en woongebiede beloof ten tye van die referendum, ek sal nou nie weet waar om dit te gaan soek nie, so iets behoort in ‘n argief geplaas te word vir maklike verwysing).
1. ‘n Engelstalige blad sal waarskynlik meer trefslae kry op soek enjins;
2. Wikipedia of enige ander bron, of enige negatiewe verwysings na Afrikaners of Boere kan dan deur enige van ons lesers hier reggestel word met verwysing na dokumente (boeke of wat ook al).
Ons moet egter altyd onthou dat hierdie mense wat ons so haat deur emosie gedryf word, so geen rasionele argument gaan hul anders oortuig nie. Die regstelling van ons geskiedenis is egter belangrik vir die wat ons nog nie werklik ken nie en op soek is na inligting, asook om ons geskiedenis vir ons nageslagte te bewaar.
Ek stem 10000% saam met jou hieroor. Ons kan hierdie miskien ook gebruik om argiefmateriaal en museummateriaal wat dalk vernietig mag word te bekom en dit vir ons nageslagte te bewaar.
Ek verstaan wat jy sê .
Buiten al hierdie “amptelike” bronne hoef mens ook nie ver te soek in kommentare om te sien hoeveel haat daar veral in ZA teenoor Afrikaners is nie.
Wat die mense nie besef nie is dat meeste onregte teen die donker nasies in die wêreld (Noord Amerika, Afrika, Australië en Nieu Zeeland) deur die Engelse gepleeg is maar hulle neem GEEN verantwoordelikheid daarvoor nie. In ons geval is dit steeds die Afrikaner wat moet boet vir die engelse se sondes.
Ek stem saam met Hans hieronder. Dit is nodig ‘n ons geskiedenis en ons kultuur vas te lê vir maklike navorsing. Miskien ons eie Wiki begin maar op een of ander manier die feite daar modereer en seker maak dat dit met feite en dokumente gestaaf word. Dit moet ‘n aanlyn ensiklopedie wees van ZA en die geskiedenis – NIE die verdraaide gemors wat oral opduik nie. Ons sal hierdie ongelukkig ook in engels moet plaas om die toeganklikheid daarvan te vergroot.
As die “wereld” jou haat moet jy weet jy doen iets reg.
Haat het n negatiewe uitwerking op die hater. Ons kerkleiers het ons die meeste veraai, met “draai die ander wang, ja ons was verkeerd, agsiestog soebat, jammer 46664, jy is die Duiwel en ons is verkeerd., kan ek jou voetjies was, mnr die Kommunis?, kan ek vir jou kossies aandra mnr. die Ateis?”
Ek het geen skaam vir NIKS!!!!!
Die haat jeens ons maak ons net sterker en dit maak hulle maller.
Die haat en propoganda masjien teen ons word nog steeds deur die vervloekte soutties gedryf, ….hulle voorland is versuip.
Dankie dat ek n Boer is wat Afrikaans praat.
Toemaar, die Britte loop ook deur…die prent hieronder word deur die King’s College London as anti-Britse 2e Vryheidsoorlog/ AngloBoere-oorlog propaganda uitgestal. Wat ironies is, is dat dit eerder pro-Brits is vanweë die onvermoë van die potloodskets om die ware hel van die bloed en die verrotting en pyn uit te beeld. Dit bevestig natuurlik Dr Dan se argument dat ons Boere digitaal beswadder word. Wat King’s College inderwaarheid se is ‘n sarkastiese “ag siestog!”
Maar op ‘n ander noot: Die moreel-bankrot Anglo-Amerikaanse ‘maatskappy’ se sterkste wapen is die stinkende ‘hot air’ wat hulle die heelal in blaas m.b.v. onder andere Hollywood, die BBC en die Engels oorheersde internet. WIE GEE OM? Die leuen is ‘n huis op sand. Die waarheid staan rotsvas.
Wat weet ons van die Hongare? Die Mongole? die Kossake? die Iere? die Serbiërs? Min vergeleke met wat ons “weet” van die mighty WASP nasies. Ons het wel dinge met hulle in gemeen… ons is nie deel van en sal nie swig voor die koggeling en uittarting van die koningin se ‘subjects’ nie. Bid jou aan… ‘n koningin! hahaha!
Dr Dan, ons hoef nie desperaat te voel oor hulle ‘show’ nie; min van die Queen se subjects verstaan dit in elk geval. Ons kan elkeen ons aandeel bydrae deur die waarheid koelkop, gestaaf deur verwysings, te publiseer waar ons kan; soos julle by PRAAG. Dankie tog vir PRAAG!
http://www.kingscollections.org/media/exh_spc/images/006723/5-03pic1.jpg
Die leuen is ‘n huis op sand. Die waarheid staan rotsvas.
Pragtige aanhaling Willem.
Sit jou boeke ook op internet
Dit is goeie kennis
Net nog iets oor die paralelle tussen ons situasie en dié van die Duitsers en spesifiek wat betref die kwessie van geskiedskrywing en openbare beeld: Watter land se geskiedenis is ooit so verdraai en verwring as dié van Duitsland sedert die Tweede Wêreldoorlog. En die Duitsers self doen totaal niks daaromtrent nie. Soos elders opgemerk, distansiëer hulle hulle volslae van hulle geskiedenis in hierdie verband en dink hulle nie eers daaraan om hulle teen wanvoorstellings en beswaddering te verdedig nie. Waarskynlik dink hulle dis ‘n gewonne saak en ‘n mors van tyd. In baie lande buite Duitsland en in Duitsland self is dit natuurlik gewoon onwettig om die Duitse geskiedenis te herskryf en verdraaiings reg te stel. Nog ‘n manier waarop die linkses hulle ideologiese sienswyses handhaaf: gebruik gewoon wetgewing en die regspleging om enige teëspraak stil te maak.
Karel jy is absoluut reg. Vergeet van die nagmerrie van die afgelope 40 jaar staan op uit die gemors en LEEF sommer ons vyande dood.
Vergeet alles na Verwoerd se verradelike moord en begin weer nuut waar Christen nasionalisme ge-eindig het.
Daai opsig is dit bitter leersaam om by die Duitsers en die Jode te leer maar veral ook by die Russe!! EN die Chinese!!!.
Ja waaragtag !!