praag se voorkoms het verander! Lewer gerus hier onder kommentaar op die nuwe voorkoms, wat ons nog verder oor die volgende dae en weke sal verfyn.
Ons het besluit om die meer teksgerigte voorkoms wat reeds op die Engelse praag te siene was, te gebruik. Nie net gaan dit vir ons makliker wees om by te werk nie, maar dit sal ook veel minder bandwydte van lesers gebruik, vinniger aflaai en makliker op selfone en tablette gelees kan word.
Dankie vir u ondersteuning en begrip.
– Die redaksie
GEDULD is die wagwoord !
Ek is opgewonde, soos op Praag “English” reeds genoem, dis gebruikersvriendelik, lyk baie professioneel – ek is opgewonde en ek hou van die ROOI !
Laaste, maar nie die minste – PRAAG IS “TOPS” !
Is dit nie wonderlik nie Trippie. Ek skat jy gaan Praag nou meer besoek ?
Praag het sy baba skoene ontgroei en is nou n mededingende koerant in eiereg vir die Afrikaner deur n Afrikaner. Mensig ek is trots – ek onthou nog goed baie jare gelede toe ek Praag ontdek het, hoe min my kennis was en hoe baie ek geleer het deur die jare op Praag, nie net deur Praag artikels alleen
nie maar ook deur die kennis van slim mense wat hier kommentaar lewer. Die kennis bv. wat ek opgedoen het hoe om slaggate te vermy t.o.v. sonpanele was direk asgevolg van n Praag kommentor wat sy kennis met ons hier op Praag gedeel het,
Praag waarlik vir die Afrikaner deur n Afrikaner!
Baie geluk Praag!
Baie dankie vir jou mooi woorde, Riempies. Dis ‘n riempie onder die hart!
Dankie dr. Dan ek waardeer jou mooi woorde.
Riempies, ek stem saam Dok – het jy gelees, “dis ‘n RIEMPIE onder die hart” !
Jy is kosbaar vir my en Praag – bly altyd die prag-mensie wat jy is.
Trippie baie dankie vir die baie mooi kompliment ek is nou skoon in trane.
Ek het net een probleem met die nuwe uitleg – die Serif font wat gebruik word lees moeiliker as die ou Sans Serif font op die gewone LCD skerms.
Praag laai wel nou vinniger, maar lyk glad nie meer soos ‘n nuusblad nie, Dok ek stel voor dat julle dalk moet kyk na “responsive design” vir julle webwerf, lig en pas maklik aan om alle sellfone, tabelette en rekenaar skerm resolusies te akommodeer.
Die prentjies kan ook maklik strek of verklein sonder dat ‘n nuwe een afgelaai hoef te word.
Lees gerus op oor “responsive web-design en HTML5”, Beeld is ‘n goeie voorbeeld oor ligweg, aanpasbare webtuiste sonder om spoed te affekteer.
My opinie.
Persoonlik het ek gehou van die “ou” formaat. Miskien maar net ‘n kwessie van smaak. Veral die illustrasies was treffend en het beslis toegevoeg tot die effektiwiteit van die berigte. Maar miskien was dit ‘n meer tydsame en koste-intensiewe proses. Dit weet ek nie.
Niemand lees seker nou meer hierdie bladsy nie en dis juis die punt wat ek wil maak: Baie van die items wat op bl. 2, 3 en verder terug verskyn, is belangrik en interessant. Daarom meen ek dit sal verkieslik wees om onderaan bl 1 te praat van “Other items”, instede van “Older items”. Of kloof ek nou hare?