Die Reserwebank sal na verwagting rentekoerse dieselfde hou op Donderdag se beleidsvergadering van die monetêre komitee.
Volgens Reuters meen verskeie ekonome dat die stygings dalk later vanjaar aangekondig mag word aangesien inflasiedruk kommerwekkend is.
Hulle meen ‘n verhoging in rentekoerse voor die verkiesing sal invloedryke vakbondvennote van die ANC vervreem en die drieparty-alliansie daardeur verswak.
Die algemene verkiesing vind op 7 Mei plaas.
Die Reserwebank het vroeër die maand stappe gedoen om markverwagtinge van skerp rentekoersverhogings te bestuur na ‘n verhoging in Januarie, en gesê hy sal die beleid stadiger verskerp om die druk op die wankelende ekonomie te verlig.
Drie-en-twintig van die 30 ekonome verwag dat die Reserwebank sy repokoers op 5,5 persent sal laat.
As dit die redenasie is mag daar dan asb elke jaar ‘n verkiesing wees!
Selfs die Rand veroon beter teenoor die $ vandag.
Jy is die beste een wat sal weet Leana want jy werk met dit daagliks.
Ja dit is verbasend dat die Rand nie daagliks terugsak nie nê.
Is dit ‘n bietjie dol daar by jou kant vandag? Of kyk jy krieket haha.
Sien jy was bietjie skaars.
Raak baie duur om nou in te voer Willy. Hoop maar die Rand lig sy kop nog bietjie hoër
Was so vir ‘n heen en weertjie Pretoria toe vanoggend. Sal NOOIT aan die Stad se gewoel gewoond kan raak nie. Dankie tog vir ons plattelandse dorpies. Raak skoon verbouereerd in daardie verkeer.
Dit klink so bekend. My plaasmense van die Oos Vrystaat kom nie verby Vereeniging wanneer hulle Pretoria toe moet kom nie. Hulle kry skoon die ritteltits!
Spitstyd veral op die einde van die maand is ‘n riller daar Willy.
Die stert swaai die hond in hierdie land. Hierdie rede vir onveranderde rentekoerse maak sin – ek het elders gelees dat hulle sê dat die rede is dat die rand nou meer stabiel verhandel.
Die rede vir hierdie wankelende ekonomie is ‘n staatsdiens wat die grootste werkgewer in die land is – wat almal lekker vet salarisse kry EN dan nog met onderduimsheid baie meer betaal vir goed (ja selfs met wettige tenderprosesse) as wat dit veronderstel is om te kos. Om te dink meer 3/4 van wat jy verdien gaan vir jouself – die res vat die staat. Dan sê hulle slawerny is dood? Dan wil die $%^&* jou nog laat betaal vir die paaie waarop jy ry?
Rooikop ek dink jy het dalk die twee omgedraai. 78% van wat jy verdien verdwyn in die staat se sak in, die ander 22% moet jy gebruik om te probeer oorleef
O vet ja – ek het soos my alie geskryf. Ek sal dit gaan wysig.
“Rentekoerse dalk onveranderd uit vrees vir vakbonde.” – tot na die verkiesing, ja.
Hierdie verkoning/rede is ‘n poep in die wind, is die massa nie maar altyd besig met onluste iewers nie? As oproerigheid regtig ‘n impak gehad het was ons daaglikse uitgawes BAIE minder, die hele tyd!