Deur Riana Theron.
Die onophoudelike nuus oor Nkandla wat alle wittes op hol het, is werklik baie vreemd. Die swartes stel hoegenaamd nie belang in Nkandla nie.
Dis nou dieselfde wittes wat geen toegang tot enige staatsgeld of -dienste het nie op die grond van hul taal.
Want velkleur is dalk nie so belangrik nie. Daar sit baie wit Engelse in die ANC wat geen probleme ondervind nie. Dis net as jy Afrikaans praat wat dit skielik begin sukkel om enige staatsondersteuning te kry. Vra maar vir die studente, siekes, bejaardes en weeskinders wat swaar gebuk gaan onder diskriminasie.
Maar Afrikaners kerm saam oor Nkandla asof daar nie baie groter probleme is wat hulle direk raak nie.
Ek wonder nou: As daar nie ‘n Nkandla was nie, sou julle dan enigsins beter daaraan toe gewees het? Sou Afrikaners dan toegang gehad tot dié fondse waaraan hulle so swaar help betaal?
Duidelik nie, want hierdie anti-Afrikaner-gees was nog meer vaardig onder Mbeki. Zuma het darem nog ‘n mak Afrikaner by die trog aangestel in die vorm van die Mulderfamiliebedryf se hooftrogvreter, Pieter, maar dis net hulle familie wat voordeel trek.
Ek wonder hoe heet die Mulders se eie Nkandla en hoekom lees ons nie daarvan in Naarpers nie?
Pieter sorg saam met die ANC dat ander Afrikaners nie eers hul eie skole mag hê nie, laat staan nog universiteite, hospitale, kinderhuise en ouetehuise. Almal moet mos Orania toe trek waar die Mulders alles besit en aan jou sal verkoop.
Die DA het die Speaker van die Nasionale Vergadering, Max Sisulu in ‘n blik gedruk om die mosie van ‘n staat van beskuldiging teen president Jacob Zuma te oorweeg oor Nkandla en natuurlik blêr die Mulders saam.
Hulle pleit vir die totstandkoming van ‘n ad hockomitee en die instel van prosedures om Zuma in ‘n staat van beskuldiging te plaas nadat die Openbare Beskermer, Thuli Madonsela, se verslag oor die opgradering aan die president se privaatwoning Nkandla uitgereik is.
Die hele Nkandla-storie is blote verkiesingspookasem want dis kleingeld. Dis nie eers soveel soos een klein staatstender nie!
Miljarde verdwyn in die sakke van neo-koloniale spelers wat Suid-Afrika as die nuwe Eldorado ontdek het en daaroor sal nòg die DA, nòg die VF se trogvarke kla.
Sisulu sê Madonsela het haar verslag aan die President voorgelê. Hy sê Zuma moet die verslag met sy kommentaar by die Nasionale Vergadering indien.
Dis nie nuuswaardig nie. Wat wel nuuswaardig is, is dat Afrikaners ontsettend benadeel word deur hierdie stelsel wat hulle uitbuit vir hulle belastings en niks daarvoor teruggee nie. Maar danksy Nkandla hoor ons net mooi niks daarvan nie.
Nkandla gaan ook absoluut niks verander aan die verskriklike diskriminerende stelsel in Suid-Afrika nie. Dis nie asof die geld wat Zuma dalk sal moet teruggee ooit in Afrikaners se sakke sal beland nie.
Zuma sal in ‘n staat van beskuldiging geplaas word, sodat die Britte en Amerikaners verder kan aanhou steel met hulle eie nuwe swart marionet aan die stuur wat die Chinese en die res sal uitsluit. Dis waaroor dit gaan.
En natuurlik ‘n trogvark of twee soos Pieter daarby om Afrikaners gelukkig te hou.
DIs korrek. Nkandla is die punt van die ysberg – gaan kyk wat gaan werklik in die staatstenders aan. Ek weet van een waar daar soveel as R1.2 biljoen per jaar veronderstel was om na die “BEE konsortium” te vloei. Die maatskappy het dan R800m per jaar vir hulle dienste gelewer gekry en die totale uitgawes is beraam op R200m per jaar. Dan praat ons nie eers van die ongerymdhede tydens die tenderproses nie!
(Interessant dat die grootbaas van Gijima nou ‘n koerant wil dagvaar oor iets soorgelyk – hulle was die kompetisie in die projek waarvan ek bewus is)
Die maniere hoe van hierdie geld “gewas” word – reël ‘n dag vir een of ander swart kerk – uitgawe – as ek reg onthou R600k anders word jou tender nie eers gelees nie. Jou tender is laat ingedien – om dit gelees te kry moet jy nou iemand se Desember vakansie spandeergeldjies borg – ‘n skoendoos vol R200 vorms – dit hou so ‘n R1m in totaal, mooi afgelewer as ‘n kersgeskenk.
Omkopery kom al jare saam met ons Rooikop. Dit is nou net vervolmaak deur die jy-weet-wies
Ek sien die Mulders wil nou vir Thuli “beskerm” teen aanvalle. F.k weet, wat van die boere?
Met die een bedrogondersoek na die ander wat geloods word stem ek saam dat dit vir ons geen voordele inhou maar ons die vuisvoos belastingbetaler is al so gatvol vir bedrog en die spandabelrigheid wat hooggety vier. Dit is ons wat dan die kastaiings uit die vuur moet krap wanneer die boeke nie klop nie. Sou ‘n ander party die mag oorneem na ‘n verkiesing sal dit presies dieselde verloop, miskien meer as nou.
Stem saam met jou , Riana . Goed geskryf .
Ja wragtig. Presies wat ek self ook al erg gal oor gebraak het. Stories waaroor ons kerm tot die koeie huiswaarts keer.
Dit bring ons nêrens, en veroorsaak nog meer moedeloosheid.
Ek hoop hierdie is die laaste wat ons nodig het om te weet van Zuma se Kraal.
As Praag nou kan gaan kyk na die milder
dinastie en n lekker verslag kan plaas van hoeveel hulle verdien? Dit
sal n lekker souserige storie wees… Ek hou van die berig – dit bring
allerhande moontlikhede na vore… Spesifiek daar op oranje met al daai okkerneut plantasies… baie baie geld
So ‘n klein korreksie hulle pekanneute daar – verder dink ek jy is in die kol.
“die Mulderfamiliebedryf se hooftrogvreter, Pieter” … mooi gestel!