deur Dan Roodt
[followbutton username=’danroodt’ count=’true’ lang=’en’ theme=’light’]
Hou van Dan Roodt se Facebookblad
Verlede week het ek geskryf oor die groot probleem van domheid in Suid-Afrika. Trouens, die gemiddelde IK in die land staan volgens internasionale kenners op 77, selfs laer as dié van Zimbabwe, die DRK of Zambië. Maar ek wil nie hier in een of ander IK-debat vasval nie en eerder iets oor die media en ‘n volk se selfbeeld sê.
Een van die goeie herinneringe van my destydse verblyf in Parys, was naweke toe ek drie koerante in verskillende tale kon koop. Gewoonlik was dit die naweekuitgawe van die deftige (hoewel sosialisties gesinde) Franse koerant Le Monde, asook die Financial Times Weekend en die Duitse koerant Die Zeit. In daardie dae het ‘n dosent in klassieke geskiedenis aan Cambridge, Nigel Spivey, elke naweek ‘n rubriek in die FT Weekend geskryf, met ‘n sprankelende, ironiese styl wat ‘n genot was om te lees. Só anders as die afgryslike, onbeholpe Engels wat ‘n mens in SA koerante aantref en wat op sy beurt as’t ware deur die Naarpers-werfbobbejane in Afrikaanse vertaling geplagiariseer word. Die Naarpers-joernaliste en -redakteurs is almal aspirant-Engelse of hul kinders is reeds op Engelse skole waar hulle met ons disfunksionele, derdewêreld-Engelse kultuur (en dwelms) besmet word.
Die beste wat ‘n mens van Le Monde kan sê, is dat die klassieke tipografie baie mooi is. Tot onlangs toe het die koerant nooit enige foto’s geplaas nie, net hier en daar pensketse van openbare figure of ‘n spotprent deur die kunstenaar Plantu. Vele beroemde en slim mense skryf egter ook af en toe iets in Le Monde, dus kan ‘n mens tog soms iets interessants daarin ontdek. Dit wemel ook van werkwoordtye wat net goeie Franse skrywers nog gebruik, soos die eenvoudige verlede tyd en die verlede konjunktief.
Wat Die Zeit betref, het ek afgekom op dié oulike beskrywing van die koerant op die Engelse Wikipedia. wat ek hier in die oorspronklike aanhaal:
The paper is considered to be highbrow. Its political direction is centrist and social-liberal, but has oscillated a number of times between slightly left-leaning and slightly right-leaning. Die Zeit often publishes dossiers, essays, third-party articles and excerpts of lectures of different authors emphasising their points of view on a single aspect or topic in one or in consecutive issues. It is known for its very large physical paper format (Nordisch) and its long and detailed articles.
Die punt omtrent Die Zeit is egter ook dat dit oor ‘n besonder uitgebreide feuilleton-gedeelte beskik. ‘n Mens soek tevergeefs na die betekenis van dié Franse leenwoord in Afrikaans in die HAT, wat jammer is. Maar gelukkig staan dit darem in die WAT:
“feuilleton, feuilletons, (F.) Deel van ‘n dagblad gewy aan ligte leesstof, vervolgverhale, toneel- of letterkundige beoordelinge of ander belletristiese werk of spesiale stof wat nie tot die nuus behoort nie; in Europa gewoonlik aan die voet van die bladsye onder die streep gedruk, of elders op die blad, deur ‘n dik streep, die sg. feuilletonstreep, van die orige inhoud geskei; ook, artikel of verhaal wat so gedruk is.”
Toe ek aanvanklik aan ‘n naam moes dink vir die algemene afdeling op die praag-webblad, het my gedagtes ver teruggegaan na naweke in Parys, iewers in ‘n kafee waar ‘n kelner met ‘n swart strikdas vir jou “Goeiemiddag, meneer” sê en jy ‘n koppie koffie kan bestel en die res van die dag met jou drie koerante wat jy so pas by die kiosk op die naaste strraathoek gekoop het, kan deurbring. Drie koerante waarin iets van die Europese beskawing weerspieël word en waarin jy oor alles van die politiek – plaaslik en internasionaal – maar ook oor museumtentoonstellings in Italië, boeke en idees, mode of kookkuns, kan lees.
Daarom het die benaming “feuilleton” vir die afdeling waar Gustav Venter se vervolgverhaal tans elke dag verskyn, vir my reg geklink. Terloops is ‘n feuilleton op Frans juis ‘n vervolgverhaal, dít wat in Afrikaans deesdae in navolging van Amerikaanse Engels soms ‘n “sepie” genoem word.
Dit is só moeilik om, te midde van die verloedering van Afrikaans deur die magtige Naarpers-groep met sy horde vulgêre joerrnaliste wat blykbeer met Afrikanerhaat vervul is, ‘n perspektief op jou eie mense te verkry. Want anders as die beeld van ‘n beskaafde, wellewende Europa wat die FT, Le Monde en Die Zeit uitdra, gee Beeld, Die Burger en Rapport bloot aan ons weer dat “Afrikaanses” taamlik dom, platvloers, polities korrek en amper wêreldvreemd is. Terwyl die Afrikaner se sportprestasies een van die min dinge is waarop ons nog trots kan voel, word dit deur die Naarpers-groep – soos deur Mandela trouens – uitgebuit in ‘n desperate poging om nog belangstelling by hul verveelde lesers te skep.
Daarom verbly dit my dat daar nog Afrikaners is wat, soos daar destyds gesê is, “kerngesond” gebly het. Dit is mense wat steeds verbete aan beskaafde norme vasklou, vir wie die tierende geweld in ons land glad nie aanvaarbaar is nie en wat na iets hoërs aspireer as om net soos ‘n ANC-politikus of tenderpreneur met materiële vertoon tevrede te wees.
Dis natuurlik nog iets waarin die afskuwelike Naarpers-mense uitblink: ‘n soort agterlike kwasi-Engelse snobisme. My motor het meer as joune gekos, my selfoon is nuwer of, les bes, my kind is op ‘n Engelse skool, so whê!
Is hulle gelobotomiseer of wat?
Maar om links te wees, het reeds jare lank in Suid-Afrika insgelyks snobwaarde. Dis byna ongelooflik, maar baie mense is trots daarop om kommunistiese vriende te hê en sê dit ook sommer vir jou!
Iewers in die vroeë tagtigerjare het daar mos ‘n paar boekies in Afrikaans verskyn wat mense destyds “grensliteratuur” genoem het. Een daarvan, deur Etienne van Heerden, had die titel, My kubaan.
Mandela was, soos Fidel Castro en Joe Slovo, ‘n trotse kommunis en seker ook in sy hart ‘n “Kubaan”. Iewers in Kaapstad, in die hoofkantoor van die Naarpers-groep, sit daar egter ‘n hele gebou vol “Kubane” wat elke dag soos wafferse Moslems met gesigte op die grond bid vir Madiba en Fidel Castro. Met die verskil dat hulle nie in die rigting van Mekka gekeer is nie, maar in die rigting van Havana, daar waar die sigare vandaan kom.
Metafories het elkeen van ons in Suid-Afrika ‘n Kubaan present gekry. My Kubaan is seker Koos Bekker, die Castro van die Afrikaanse media wat met ‘n staatsgreep op Naarpers geslaag het en die maatskappy deur A-klas-aandele beheer. Elke A-klas-aandeel beskik by ‘n Naarpers-jaarvergadering oor 1000 stemme teenoor ‘n N-klas-aandeel se enkele stem. Die koerante in die Naarpers-stal braak elke dag gal oor “apartheid” – wat hulle destyds ondersteun het – maar het niks teen aandeelhouersapartheid nie.
‘n Ander interessante feit is dat die meerderheid van Naarpers se aandeelhouers glo buitelanders is. Dus word die niksvermoedende Afrikaner van Pretoria of Bloemfontein elke dag met propaganda gevoer deur ‘n maatskappy waarvan die besit in die buiteland gesetel is. Dié buitelandse aandeelhouding het ter sprake gekom in ‘n hofsaak tussen Naarpers en Caxton waaroor die Mail & Guardian berig het. Naarpers argumenteer egter dat sy A-aandele plaaslike beheer verseker.
Naarpers ondersteun deesdae die DA, nie die Zuma-ANC nie, maar dan moet ‘n mens onthou dat die DA in 2008 toe die parlement hulde aan die Kubaanse magte by Cuito Canavale gebring het, hom by die ANC en Kuba téén die ou SAW geskaar het. Op ‘n foto verskyn die destydse hoofsweep van die DA, Davidson Orniston, saam met die ANC waar hulle kranse op die graf van ‘n MK-soldaat lê wat na bewering tydens die slag van Cuito Canavale aan die Kubaanse kant dood is.
Miskien is Fidel Castro en broer Raúl nog die hoofaandeelhouers in Naarpers wat dit iewers vanuit ‘n belastingparadys oorsee beheer? In die omgewing van Kuba op ander Karibbiese eilande is daar mos sulke plekke. Wie weet? In die klug wat Suid-Afrika geword het, is enigiets moontlik. Die kommuniste leef soos kapitaliste en die kapitaliste heul met die kommuniste, maar almal steel sáám! Dis skep en gryp, waarna Naarpers elke pasryk gesteelde glanspersoonlikheid in hul tydskrifte en koerante uitstal as mense waarna ons behoort op te sien! Soos Malema met sy Breitling-horlosie en eertydse herehuis in Sandton. Of Kenny Kunene, die soesji-liefhebber, wat van 1997 tot 2003 vir bedrog in die tronk was. Dis regtig iets uit Keiser Nero se dekadente Rome, kompleet met sluipmoorde, want vele mense gaan net só maklik in Suid-Afrika dood, soms ook aan “natuurlike” oorsake… Of “misdaad”. Wat in Suid-Afrika insgelyks as iets natuurliks geag word, want sien: “Almal ly daaronder.”
Suid-Afrika is ‘n land wat menselewens verwoes, deur moord of verkragting of belastering. Waar jy eensklaps jou werk kan verloor omdat jy jou teen babaverkragtings of plaasmoorde uitspreek. Dis ook ‘n land waar sowel die onderwysstelsel as die media soos Naarpers meewerk, nie om mense op te hef nie, maar om hulle te verdom en met sport of drank af te stomp. Panem et circenses, soos die Romeine gesê het.
Omdat ek Europa ken, kan ek nie daardie vasteland veridealiseer nie. Europeërs het ook hul stel probleme, waarvan baie insgelyks deur die multikulture samelewing veroorsaak word! In die Paryse voorstede of banlieues steek jong Arabiere en swartes elke jaar duisende voertuie aan die brand, sommer net vir die lekker.
Hoe mense hulself sien, is egter belangrik. Die spieël wat jy na jouself toe ophou en die beeld wat jy daarin gewaar, bepaal in ‘n hoë mate jou verwagtings, jou toekoms en selfs die standaarde wat vir jou aanvaarbaar is. Die media verteenwoordig in ‘n hoë mate die spieël van ‘n volk of ‘n gemeenskap.
Ná alles is dit die grootste beswaar wat ek teen die Kubaanse, sjiek-radikale, liederlik linkse, platvloerse, vulgêre, vloekende, met anglismes belaaide, Naarpers het: Ek herken my as Afrikaner glad nie daarin nie. Trouens, ek is goddank bly dat die Kubaan, Koos Bekker, blykbaar ‘n klompie jare gelede die gebruik van die woord “Afrikaner” in die blaaie van Die Burger, Beeld en Rapport verbied het. Sedertdien het hulle mos die belaglike term “Afrikaanses” ingevoer om na ‘n denkbeeldige kultuurgroep – of is dit nou juis ‘n gedekultureerde groep? – te verwys.
Vir Naarpers, soos vir vele ander mense trouens, het die Afrikaner opgehou om te bestaan. En soveel te beter! Dit is verkieslik dat ons deur dié mense verloën word as wat hulle ons sou omhels en ons op die duur vind dat ons op ons beurt die adder aan eie boesem vertroetel het.
Nou die dag is ek lus om ‘n nuwe Afrikaanse roman te lees, behalwe nou Gustav Venter se vervolgverhaal op praag. Nêrens op die webblaaie van Afrikaanse uitgewers kan ek egter enigiets nuuts behalwe liefdesverhale vind nie. Dit wil lyk asof ‘n groot deel van die Afrikaanse kultuur oor die afgelope paar dekades deur Naarpers en ‘n paar has-been- Afrikaanse skrywers soos André P. Brink en Antjie Krog – wat sedertdien nie meer in ons taal skryf nie – verloeder of selfs vernietig is. Waarom? Om die plaaslike Engelse of swartes beter te laat voel? Om die Britte of die Swede, wat die ANC as die wonderkuur vir Suid-Afrika se politieke vraagstukke gesien het, ter wille te wees?
So pas het ek Max du Preez se jongste prul van ‘n boek, A rumour of spring, gelees. Of stel dit so: ek het etlike bladsye oorgeslaan waar hy in die gewone Mandela-aanbidding verval en daarom in ‘n rekordtyd op my tablet daaroor geskeer. Dit is so stereotiep en idee-arm dat ek eintlik maar bly is Max du Preez skryf in Engels. In Afrikaans sou dit vir ons ‘n verleentheid gewees het, nog ‘n bydrae tot die Naarpers-werfbobbejaan-plagiaatkultuur.
“Laat ons nie roem nie,” het NP van Wyk Louw op ‘n stadium oor die Afrikaanse letterkunde gesê. Nietemin voel ek trots op wat vandag in Afrikaans, op webblaaie en op sosiale media besig is om te gebeur. Alles is nie ewe stylvol of in goeie Afrikaans verwoord nie. Maar ten minste het duisende Afrikaners daarbuite begin om weer krities te dink, wat onder die huidige omstandighede amper ‘n wonderwerk is!
PRAAG is die anti-Sophiatown. Ek het ‘n teorie dat die kultuur van Sophiatown in die veertiger- en vyftigerjare uiteindelik die hele Suid-Afrika verower het. Dit was ‘n bendekultuur, van materiële vertoon (dikwels met gesteelde goedere), van ontmoetings tussen wit en swart in ‘n demi-monde waar kommunisme en ‘n dweepsieke bewondering vir alles wat swart en Amerikaans is die norm was. Mandela en selfs die Mandela-kultus was reeds in Sophiatown se sjebiens teenwoordig.
Ons is egter besig om die teenvoeter vir die afryslike wêreld van Sophiatown te skep. Naarpers en Koos Bekker met hul miljarde dien Sophiatown se afgode, terwyl ons bloot op onsself aangewese is. Maar net soos Sophiatown se dekadensie, rasse-ideologie en misdadige waardes op die duur dié van Suid-Afrika self geword het, sal Afrikanertrots en -skranderheid weer eendag in ons land oorheers.
Dit kan nie anders nie. Soos Toynbee iewers skryf, was daar maar tot dusver iets soos 28 beskawings op aarde, oor ‘n tydperk van vyf millennia of meer. Die duisende onbeskawings het almal spoorloos verdwyn. Beskawing en geleerdheid móét, soos by Bloedrivier, oor onbeskawing seëvier.
Mag ons gou van Naarpers en sy Sophiatown-gode verlos word. En mag ons beskeie webwerf, ‘n noodsein teen die barbarisme, gelees word en van krag tog krag gaan!
Uitstekend gestel dok!
Dr. Dan !!!
Jy is glad nie aggressief genoeg nie.
Hy hoef nie te wees nie. Hy’s slim genoeg
phm en Gas. Die afduim kom nie van my af nie.
Julle is alby reg.
Dan is nie aggresief nie want hy is “diplomaties”. Diplomasie is die vermoë om iemand hel toe te stuur op ‘n manier wat hom laat uitsien na die rit !
Weereens ‘n meesterstuk, dr Roodt. Vir my som hierdie paragraaf alles op: “Daarom verbly dit my dat daar nog Afrikaners is wat, soos daar destyds gesê is, “kerngesond” gebly het. Dit is mense wat steeds verbete aan beskaafde norme vasklou, vir wie die tierende geweld in ons land glad nie aavaarbaar is nie en wat na iets hoërs aspireer as om net soos ‘n ANC-politikus of tenderpreneur met materiële vertoon tevrede te wees”. Want hoekom? Ons koester nie skuldgevoelens nie.
Beskawings verdwyn ook. Die Afrikanerbeskawing as Hoe Kultuur het reeds verdwyn weens staatloosheid. Spoorloos weens Damnatio Memoriae.
Die Vrye Afrikaan/Le Monde Diplomatique in Afrikaans is dood en sal nooit weer verskyn nie.
Bloedrivier is bewys van die eienaardige en selfs geheime politieke maneuvrering en samewerking met barbare, vir die laaste paar oorlewendes in Natal om verder te kan oorleef.
“Beskawing en geleerdheid móét, soos by Bloedrivier, oor onbeskawing seëvier”. Die geleerdheid van Andries Pretorius, nie die van Piet Retief wat baie vrouens, jongmanne, seuns en kinders se lewens gekos het nie, en amper gelei het tot die uitwissing van die Trekkers in Natal.
Dr Dan baie dankie vir die stukkie waarheid.
Die laster teen Ds Ozriwech is nou die nuutste projek van Naspers se Huisgenoot en Rapport en een van die makulu voorbok kommentators is Thys Human.van kurrupte Perskor.
Twee naamlose mans beweer glo dat die Ds 60 jaar gelede met hulle gelol het. Toe was Ozrewech 22 jaar oud!!
90% kommentare is van erge afsku en afkeur teenoor Huisgenoot en word verwyder maar Thys se goedkeurende lasterlike brief is sommer heel bo-aan geplaas met sy afduimpies en al. Hy het so enkele napraters maar is opvallend soos ‘n vark in Pallestina
Thys verwys na die sakebelange van die Ds en impliseer / suggereer / skimp aan lesers dat Ozrewech se produkte geboikot moet word synde van ‘n pedofiel en dus moet pedogelie beveg. word deur nie meer Ds Solly se goed te lees nie.
So Thys maak hom skuldig aan erge lasterlike saakbeskadiging.en staar regstappe in die gesig.
Hoe kan Praag onsself beveilig teen hierdie storm??
.
Jan, ek lees geen Naarpers tydskrifte of koerante nie, maar het hiervan te hore gekom soos deur ‘n persoon geplaas op Facebook.
My vraag altyd – hoe bewys ‘n beskuldigde homself as onskuldig, spesifiek na soveel jare. 50 as ek nou reg onthou ?
Die bewyslas ls die klaer syne – die beskuldigde is skuldig bo redelike twyfel. Vra maar vir Fred vd Vyver.
———————
Hoe sien ons onsself is die vraag – met wie identifiseer ek myself – wat is my selfbeeld?0
Ja ek worstel maar ook hiermee want ons is bedorwe groot gemaak met skitterende vriende en omgewing. Ons het uit mekaar gespat maar skielik is ons besig om weer mekaar op te soek en die kinders van oorsee kom terug met die oulikste vroutjies en kindertjies wat almal net afrikaans wil praat. Wat ons skynbaar verloor het begin ontkiem asteware in nuwe afrikaners
Ek sien die vloek oor ons identiteit soos twee wit bose duiwelse geeste van grootheidswaansinnige ‘rassisme’ “; Die Ingelse Bokryer Baalkerk en die Duitse Nitzche Nazi Kerk beide dieselfde poeding met ‘n ander sous.
Die Afrikaner Boer is nie een van die twee afgode nie maar Christene soos Verwoerd. Met ‘n skitterende sin vir humor soos ‘The Gods must be Crazy’ Maar NIE soos Faan se trein en Ampie ens NIE
Die lieflike jongmense is goed toegerus om ‘n nuwe begin te maak om astewre soos ‘n phoenix weer op te staan uit die gemors.
Ek sien Naarpers as baie nuttig om die kaf en die korrels te skei. Tsfanedapers is asteware ‘n roomafskeier om die room van die etter af te skei..
Soos die res van die mensdom het ThysH sekerlik ook die volste reg om sy opinie/standpunt oor ‘n aangeleentheid wat in die openbare domein beland het, uit te spreek.
Niemand het die reg om te laster nie Sjert om ander mense se besigheid te beskadig deur leuens nie.,
Google gerus
Op Orania was daar so ‘n Putter meneer [amper skryf ek ‘M**r***t] wat almal van die bestuur van Orania belaster het. Toe het ons ‘n mooi voorbeeld van die ou gemaak en ‘n saak van laster binne twee dae in Kimberley hooggeregshof gewen. Die ou moes maar alles betaal en askies vra en verkas na Australie.
Daarna het Orania vooruit gegaan.
Dan, kan ek asb. Jan/Outoppie/Jors Troelie se regte naam en waar hy bly onmiddellik kry. Ek wil hom dagvaar vir laster omdat hy beweer ek belaster iemand. Dis nie die eerste keer dat ek die versoek rig nie. Die man belaster my nou al enkele jare lank oor my verbintenis met Perskor – en op totaal skewe gronde. Ek weet hy is nie lekker nie – soos ‘n mens uit sy soms onleesbare gebrabbel kan aflei, maar genoeg is genoeg.
Of julle verwyder hom permanent – of ek doen dit vir julle!
Is dit ‘n doodsdreigement oom Thys? Dreig jy my om my persoonlike leed aan te doen?
Moederator – is dit toelaatbaar?
Moet ek beskerming gaan soek? Hmm?
Ek hoop nie daar word weer die roete gevolg waar die forums bevuil word met persoonlike vendettas wat teen mekaar gevoer word nie.
Willy al wat gebeur het is die lasterlike kommentaar wat oom Thys op die berig in Rapport geskryf het oor die uiters ontstellende Ds Solly- vendetta van Huisgenoot.
Dit gaan oor valse onbewysbare bewerings wat oom Thys as die waarheid aangegryp.het om weereens soos altyd die sagte Christelike teikens van die Afrikaners aan te val.
Toe wys ek net die mense daarop dat Ds Solly se assosiasie met vermoedelike kinderhuis karakters in Ugie presies ooreenstem met oom Thys se Perskor verbintenis.
Dis mos die ding waaroor die skitterende joernalis
Jacques Pauw geskryf het; oor so ‘n wegloop kinderhuis meisie met ‘n skuilnaam
Oom Thys is dus in dieselfde bootjie as oom Solly.
En nou raak oom Thys geweldadig afdrygend en verkrag al die kommentaar reels waaroor ons ingestem het
Willy – 10/10 ! Ek het al oorweeg om nie meer kommentare by Praag te lees nie agv die “persoonlike vendettas”. Dis so kleinlik-kinderagtig !
Dit maak partykeer twee van ons phm. Maar bygese, dit is nou baie kalmer nadat Praag bestuur party vasgevat het.
Ter wille van vrede, en Praag se voorskrifte het ek nie op Jan se kommentaar gereageer soos ek sou wou nie Willy.
Hy het daardie vermoë soos ‘n vorige afgeskopte vent, lings en regs mense te beskuldig dat hulle kwansuis “leuens” verkondig. Ek kan alles wat ek sê bewys. Net mense wat vir iets of iemand bang is, het nodig om te lieg. Ek is vir niks en niemand bang nie. Ek sal vir jan aan sy snoet gaan rondsleep op Orania en vir hom gaan wys waarvan ek praat. Hy maak my as leuenaar uit hier op die forum, en dit kan ook as laster beskou word. En dan die feit dat hy my met die hof dreig as sou ek iemand belaster is ook ‘n dreigement. En praag verbied dit ten sterkste.
Ag word nou net groot Arnieann – ek het jou uitgevang dat jy nie weet waar Kleingeluk en / of Kleinbegin op Orania is nie. Dan wil jy sommer ‘n span swartes van Hopetown af aanry om skoon te maak waar dit reeds skoon is.
Jy’t jouself asteware kaalgat uitgetrek voor almal….
Net so met Oom Perskor Thys het homself totaal ontmasker maar sy hanteerder op Rapport se eintlike doel is om Praag in die proses by te kom. Juis nou met die stigting van Front Nasionaal – sommer 3 brommers met een klap.
Vra weer hoedat dit sal lyk as Rapport vir een van die rubriekskrywers van Praag soos Thys sal betrek by ‘n lastersaak.?
As dit met oom Solly kan gebeur na 60 jaar is niemand anders veilig nie.
Julle is op dem dun eish…Kalmeer en lek julle wonde en staak tog net die moerse getjank.
Ek wonder in watter toestand jou erf is Jan. Kleingeluk, grootgeluk watter geluk of fontein dit ookal is, is nie belangrik nie. Daai klein dorpie daar bo oppie koppie is goed bekend aan my. As jy vir oorlede Frans Conradie geken het, wat ook op julle plaaslikke radio stasietjie gesels het oor die ruimte, dan kan ek kwalik daaroor lieg nê.En dan daardie bottelstoor daar bo op die selle koppie waar die swart polisie van Hopetown so nou en dan inkopies doen, is seker ook een van my verbeeldingsvlugte nê.
Jy sê julle is reeds mooi skoon. Sal ek ‘n paar fotos plaas???
Gaan kyk hoe lyk dit daar waar Dick Davel besig is om ‘n huis klaar te maak waar die vorige eienaar opgehou het.
En om jou duimsuigery nog verder hier te ontbloot, gaan vra vir Dick Davel wanneer ek daar was. As hy jou nie kan antwoord nie, gaan vra vir Carel Boshoff. Hoeveel name wil jy nog hê.???
Jy het jouself hier voor almal op die forum kaalgat uitgetrek, en ‘n gek van jouself gemaak.
En die moerse getjank kom nog al die pad van jou kant af.
Jy is die man wat op dun ys loop outoppie.
Jy be-indruk net jou impi swartes goedkoop slawe.
Ek weet wragtag nie waar Front Nasionaal se steun vandaan sal kom nie.
Jy moet sommer op Hopetown of Soweto ‘n klomp kiesers gaan oplaai en inskryf vir Front Nasionaal. ‘n Boer maak mos ‘n plan nê?
Jan jy is nou besig om perke van ordentlikheid te oorskrei –
hoekom praat met soveel minagting van ons Afrikanermense?
Omdat hy nie ‘n Afrikaner is nie Riempies, en nog minder mens.
Jy is weer besig om jouself bloots te ry hier voor al die mense.
Eienaardig hoe vinnig jy van onderwerp verander.
Ek dink nie dit sal nodig wees om werkers van Hopetown in te bring nie. Jy behoort die werk self te kan doen. Die IK daarvoor is net mooi genoeg.
En verder is ek met jou klaar.
“I do not suffer fools gladly”
Outoppie maak jy nie daarna nie?
Oom Thys dan is dit moes 3 teen een, Hmm?
Behalwe as jy jou rolstoel en linnen saver by tel – dan is ons gelyk.
ThysH
Ek dink dat die meerderheid van Praag se lesers sonder veel moeite of inspanning tussen perdedrolle en vye kan onderskei.
Soms proe enkele van ons verkeerdelik aan die perdeproduk omdat dit wil-wil na ‘n vy lyk.
Gelukkig gaan die waarheid in meeste gevalle wen en weet ons dat die perdedrolle nooit as te nimmer die tong-tippie-toets sal slaag nie.
Hoe-ewwir, soos my mooi en slim Ingilse buurvrou sê. Die waarheid sal seëvier en ‘n smous van perdedrolle sal sy/haar whatshallwecallit sonder ‘n spieël met ons beste wense sien. Vroeër, eerder as later…
Of so iets.
Nou toe nou. Ek maak formeel beswaar by Praag oor hierdie Jan/Jors/Outoppie se lester – en nou verwyder hulle my inset van gister – en behou Jan s’n.
Dankie Dan. Joune ook!
Thys hier was ander kommetators wie se boodskappe nie wou
plaas nie, werklik Disqus was baie deurmekaar ander is weer dubbeld geplaas, eerlik daar was geen doelbewuste moedswilligheid nie elke kommentator is vir ons belangrik. Ek het net een kommentaar opgespoor en weer geplaas, dit is die een waar jy jou klagte lê ek vra om verskoning vir die ongerief.
Ek het self my kommentaar hierbo verwyder. Dankie Dan. Maar ek teken steeds beswaar aan dat Jan/Jors se lasterlikehede teenoor my steeds hier staan.
Dr Roodt, nogmaals ‘n puik rubriek en uitstekende leesstof na ‘n dag en ‘n half op ‘n wildsplaas ! Ek lig onderstaande paragraaf spesifiek uit omdat dit op elke denkbare manier deel is van ‘n mens se lewe, as individu, as volk.
“Hoe mense hulself sien, is egter belangrik. Die spieël wat jy na jouself toe ophou en die beeld wat jy daarin gewaar, bepaal in ‘n hoë mate jou verwagtings, jou toekoms en selfs die standaarde wat vir jou aanvaarbaar is. Die media verteenwoordig in ‘n hoë mate die spieël van ‘n volk of ‘n gemeenskap”.
Wat my aandag ook getrek het, u verwysing na Etienne van Heerden, ek is tans besig om ‘n roman van hom te lees, KLIMTOL. Totaal verskillend van romanse soos geskryf deur Ettie Bierman, Susanna M Lingua, en ‘n paar ander bekroonde skrywers.
***
“En mag ons beskeie webwerf, ‘n noodsein teen die barbarisme, gelees word en van krag tog krag gaan !” My antwoord hierop – AMEN ! Doen so voort.
Dit klink vir my soos ‘n afrika(ner) storie, amper soos Gustav se Bodem wat geen einde gaan kry nie. Dat hierdie storie sy lesers verfris en help en dus aanpas oor tyd is eintlik bewys dat ons nie so fundamentalisties is as wat andere wens nie. Anders as Afrika stories wat altyd ‘n “oulike” punchline het, is Praag dus meer ‘n groei/leer kurwe “self-development style in a developing economy”. Miskien moet ons ‘n borg oortuig om ‘n “Bodemlaan” op Internet video te sit.
Maurice ek dink ook dat Praag as gespreksforum uiters waardevol is en dat ons dit behoort te bewaar en teen Naspers beskerm om die ander kant van die saak te kan stel van Naspers se bekende dekades oue anti-christelikke vendetta.
Maar dink net hoe sal dit lyk as daar more op die voorblad van Rapport berig word “Rubriekskrywer van PRAAG mnr Thys Human ex redakteur van Perskor word vir laster aangekla deur Ds Solly – Praag ignoreer waarskuwings van Jan en Outoppie en Jors …..”
Sal dit slim of dom wees Hmm?
Sal Praag so-iets kan oorleef Hmm?
Praag is vir my uiters waardevol en ek probeer altyd die saak aanspreek pleks van die persoon. Behalwe soms ‘ under severe provocation’ [soos wat Gammat gesê het].
Instinktief gedink aan die liedjie toe ek jou naam sien Jan
http://youtu.be/qQTGXC1BSbE
OOee dankie vir die een Leana!!
Trippie het my regte avatar : ” Die melk is suuur want die koei is die mooeeeeer-in!!!”
My oom het altyd gespog dat hy so geseend met die gawe van wonnerlike menseverhoudings – hy kom so goed klaar met mense vriend en vyand, hy is so lief vir mense en hy het so ‘n slag met mense —
Totdat hulle hom die moer in maak……. !!
Outoppie, dit is tyd vir jou ontwurmpille, as jy van jou Tsafendas lintwurms ontslae wil raak.
Is dit nou die beste wat jy uit jou aapoukrewe en moerougleuwe opgelees kon kry ou Henkst.
Kom baklei saam man – dis nogal lekker.
Of is jou pere uitgehaal en is jy net hier in ‘n raadgewende hoedanigheid.?
🙂
‘n Einheriar veg nie teen miswurms nie, hy voer dit vir malkophoendertjies.
Dr D, jy het mos ervaring in die bankwese (CitiBank). Sal dit nie alte maklik wees om die eienaarskap van Narpers na te speur nie? Dan ook, hoe het Koos die R100 000 000 gefinansier om Keeromstraat 16 (die beherende maatskappy) te koop? Die man is mos nou amptelik ‘n Dollar-biljoenêr so hy gedoog sekerlik nie vrae van die gepeupel nie.
Hier is oom Perskor Thys se kommentaar geplak [met klomp afduimpies.]
“”Dis nie ‘n nuwe, onlangse storie nie. Ek het dit enkele jare gelede al gehoor en daar was toe sprake van optrede teen Solly, maar daar het niks van gekom nie. Hoekom nie? Is dit doodgesmoor – en deur wie?
Ek het groot deernis met die kinders en ander familie van Solly, maar ek het baie meer deernis met diegene wat glo – en blykbaar weet – dat hulle as kinders deur hierdie man geteister is. En hulle moes al die jare sien hoe die een boek na die ander deur hom geskryf word asof hy sy godheid se persoonlike boodskapper en verheerliker is – maar hulle weet dat dit ‘n klomp skynheilige en eintlike sieklike misleiding is.
Ek is nie ‘n leser of aanhanger van Huisgenoot en kie nie, inteendeel. Maar ek verstaan uit berigte dat daar voldoende inligting gegee is oor waar en wanneer hierdie dade sou plaasgevind het.
Wat verstommend is, is die eensydige sieninge van die meeste mense hier wat duidelik dink en glo dat dit sommer net HG en kie se doel is om ‘n groot Christen-skrywer te breek – en dat hy dus onmiddellik as onskuldig bevind moet word – of as hy dalk net ‘n bietjie skuldig is, het God hom dadelik vergewe!
Nee, eintlik verstaan ek hierdie reaksies – hier is ‘n man wie se boeke soos soetkoek verkoop en opgeslurp is en nou blyk dit dat hy alles behalwe so ‘n heilige, gelowige is. Dit is so goed as om die hoeksteen van ‘n kerkgebou uit te ruk – en die hele ding begin verkrummel.
Eintlik praat hierdie mense pedofilia goed maar hulle besef dit nie! “”
Oordeel self of oom Solly se kinderhuis geskiedenis en Thys syne met Perskor presies ooreenstem.
Baie goed en raak geskryf Dan! Eintlik filosofies mooi. Praag is regtig ‘n wenner wanneer dit kom by goeie joernalistiek. Iets wat elke Naarpers joernalis se kop in skaamte behoort te laat sak. Ek glo hulle doen dit ook! Rooi gesigte agter die “longdrop” se deur.