Die Reserwebank het, soos verwag, sy rentekoers onveranderd gelaat.
Die koers waarteen die Reserwebank geld aan handelsbanke leen, die repokoers, is sedert Julie 2012 op 5%.
Omdat die rand die afgelope paar weke stewiger vertoon het, was Gill Marcus, president van die Reserwebank, nie genoop om rentekoerse te verhoog nie. Inflasie sal moontlik só onder beheer bly en dus keer dat rentekoerse moet styg.
Die plaaslike inflasiekoers was in Augustus op 6,4% – die tweede opeenvolgende maand wat dit hoër as die Reserwebank se maksimum teikenvlak van 6% was.
Die Suid-Afrikaanse ekonomie gaan na verwagting vanjaar met slegs 2% groei, die laagste sedert die resessie in 2009. Die swak rand en hoër inflasie het daarvoor gesorg dat ’n rentekoersverlaging om die ekonomiese groei ‘n hupstoot te gee, nie oorweeg is nie.
Die rand se verswakking van 18% in die eerste agt maande van 2013 het tot ’n skerp styging in brandstof- en voedselpryse gelei.
Christie Viljoen, ekonoom by NKC, verwag dat rentekoerse minstens vir die volgende 12 maande onveranderd sal bly. Hy meen selfs dit mag oor die volgende 18 maande onveranderd bly, het Bloomberg berig.
What a load of bollocks & what about those of us with capital?
Who gets all my interest now?
Goeie en slegte nuus.
Hang af aan watter kant van die draad jy staan.
Soos die twee Boere wat by die grens draad staan en gesels. Die een se plaas staan die gras in die saad en die ander Boer moet voer so droog is dit. Dit begin reën en die boer wat voer seg vir sy buurman: Klim oor die draad dan reën jy nie so nat nie.
My pa het altyd gesê: “What you loose on the sugar you make up with the whiskey”
Wat gewen word sal verloor word. Dit is maar hoe hierdie ekonomie bedryf word. Ons sal nooit regtig wen nie.
Wie se skuld is dit dat die rand so geval het? Nie myne nie maar ek moet wel die spit daarvoor afbyt. Die rede vir hierdie val en die inflasiekoers (wat in elkgeval ‘n wolhaarstorie is – wat ek ervaar is tenminste 3 keer dit) is die regering se onwil om spandering te bekamp. Hulle mors al meer en gee al meer uit. Hulle wil ou paaie nou belas met tol (bou nuwes en tol dit – dan betaal ek die tol sonder teëstribbeling – dis julle plig om seker te maak dat mense vinnig en effektief kan besigheid doen).
HOU OP MORS dan sal dit met almal van ons beter gaan.