Brande teister Vrystaat

veldbrandBrandspanne het hul hande vol in die Vrystaat waar veldbrande woed. ‘n Sterk wind blaas die vlamme aan en die droë toestande vererger die situasie.

‘n Groot brand woed tussen Rosendal en Fouriesburg. Daar is ook brande op Rouxville, Zastron, Wepener, Hobhouse en Paul Roux.

Twee plaashuise het afgebrand en duisende hektaar weiveld is reeds vernietig.

Spanne van Working on Fire, boere en plaaswerkers bestry die brande. – RSG

7 thoughts on “Brande teister Vrystaat”

  2. Wens dit nie enige Boer toe nie. Een goeie ding is dat die rente koers laag bly vir die Boere wat skuld het of nou moet skuld maak. Teen die natuur se elemente vuur, water, en wind staan die mens magteloos.
    Al wat ons kan seg is sterkte en hoop die reën kom gou.
    Sal interessant wees om te weet hoe die brand ontstaan het.

    1. In die geval van Dewetsdorp se brand het die vuur op twee plekke ontstaan. Die een brand het na bewering by ‘n Centlec kragpaal ontstaan en die ander een na bewering by ‘n Eskom kragpaal. Van die mense wat verlede jaar gedurende Augustus geweldig skade gehad het, het nou weer deurgeloop.
      Dr. David Klatzow het die oorsaak van die brand van verlede jaar ondersoek en sy verslag dui aan dat hy van mening is dat nalatigheid deur Eskom die brand veroorsaak het. Die beraamde skade van daardie brand oorskry R150 miljoen. ‘n Groep boere van Dewetsdorp het ‘n regsgeding vir skadevergoeding teen Eskom aanhangig gemaak.

  5. ’n Vonk van ’n voertuig se uitlaatpyp was moontlik die oorsaak van die wegholbrand naby Fouriesburg die afgelope naweek en wind van sowat 40km per uur het dit oor ses plase in die rigting van Lesotho versprei.

    Na beraming het weiveld op 87 500 ha vanjaar in die Vrystaat reeds afgebrand. Mense dit is baie weiding. Hierdie Boer het hulp nodig en of hulle dit van die staat gaan kry is onwaarskynlik.

    http://www.landbou.com/nuus/brand-saai-verwoesting-in-vrystaat

Maak 'n opvolg-bydrae