Die Suid-Afrikaanse regering sê die Verenigde Nasies se wapeninspekteurs moet meer tyd gegun word om hulle ondersoek na bewerings dat chemiese wapens in Sirië gebruik is, te voltooi.
Die regering sê hy is bekommerd oor wat hy noem die gevaarlike retoriek deur Westerse regerings soos Amerika en Brittanje oor die moontlikheid van militêre ingryping in Sirië.
Volgens die regering sal meer geweld nie bydra tot ‘n volhoubare oplossing vir die oorlog-geteisterde land nie. Die regering het ‘n beroep op die VN Veiligheidsraad gedoen om saam te werk om ‘n onderhandelde skikking vir die krisis te bereik.
Intussen het Desmond Tutu in ‘n verklaring gesê Egipte en Sirië het eerder humanitêre hulp as militêre hulp nodig. “Diegene wat selfsugtig ekonomiese, ideologiese en godsdiensmag uitoefen kan nie volhou om die wense van die meerderheid van gewone en goedbedoelende lede van die gemeenskap te saboteer nie.”
Die sekretaris-generaal van die VN, Ban Ki Moon, sê intussen die inspekteurs behoort teen môre hulle werk af te handel. Hy sê hulle sal Saterdag uit die land vertrek.
Die SA regering kan maar gerus stilbly oor “meer geweld nie sal bydra tot ‘n oplossing nie”. Dit het vir hulle gewerk met hulp van die res van die wêreld.
Of hulle na hierdie clowns sal luister. Hierdie regering moet hulle eerder bemoei met huishoudelike probleme soos die moorde teen ons boere en verkragting teen ons mense. Die totale ineenstorting van die infrastruktuur en die gaotiese dienslewering. Net om ‘n paar te noem. Baie werk hier op eie bodem.
Natuurlik sal die ANC bang wees vir dit wat met Sirie beplan word, veral in die lig gesien dat meer as 50 mense per dag in SA vermoor word onder ons korrupte demokrasie. Hoekom het die VN nog nooit iets gedoen oor al die moorde in ons land nie – of is dit omdat ons nie Olie het nie ? Lui Irak se “weapons of mass destruction” dalk ‘n klokkie ? Die flou verskoning van die Bush regering om te gaan olie pomp in Irak, en nou is daai mense slegter af , as wat hulle ooit was onder Sadam Hoesein.
Wat gaan SA dan doen as Amerika nie luister nie?
Sweet F#%@- all, it’s is just smoke & mirrors by the anc.
Remember,Uncle Sam lent them million$ last month….