Nuus oor die wêreld buite Suider-Afrika
Die globale Duitse maatskappy Siemens het verklaar dat sy bestuurders te Duits, te blank en te manlik is.
Wêreldwyd het Siemens 430 000 mense in diens waarvan sewentig persent buite Duitsland verkeer.
Die maatskappy gaan van 'n mentorprogram gebruik maak om bestuurders van kleur op te lei om blanke Duitsers se posisies in te neem. Mnr. Löscher is reeds besig om self so 'n span op te lei.
'n Reddingsbaadjie vanaf die Titanic het byna 70 000 dollar by 'n veiling deur Christie in New York behaal.
Dit is net een van ses reddingsbaadjies wat bestaan en het aan 'n Kanadese gesin behoort.
Die luukse skip het in 1912 'n ysberg getref en gesink.
Omtrent 1 500 passasiers en bemanning aan boord van die Titanic het gesterf toe die ongeluk op haar nooiensvaart plaasgevind het.
Tydens die Tweede Wêreldoorlog het die Geallieerdes egter 'n Duitse skip, die Wilhelm Gustloff, met vroue en kinders aan boord getorpedeer, wat die ergste skeepsramp van alle tye was.
'n Jaarlikse opname deur die Mislukte State-indeks sê sewe uit die tien mees disfunksionele lande ter wêreld bevind hul in Afrika suid van die Sahara.
Die lys word jaarliks deur die tykskrif Foreign Policy and Fund for Peace opgestel.
Die indeks gebruik 12 maatskaplike, ekonomiese, politieke en militêre aanwysers om 177 state te gradeer.
Die top vyf mislukte state is Somalië, Soedan, Zimabwe, Tsjad en Irak. Ander Afrikalande is Guinee, Ethiopië, Oeganda en Nigerië.
Daar heers toenemende kommer oor aanvalle op oliepyplyne en -installasies in die Nigerdelta.
Met die onlangse aanvalle sou een miljoen vate per dag beëindig gewees het, wat ongeveer vyftig persent van Nigerië se olieproduksie verteenwoordig.
Later op dieselfde dag is oliepyplyne wat aan Chevron Nigerië Beperk behoort, ook deur guerillavegters opgeblaas.
Nigerië staar 'n toenemende krisis in die gesig as gevolg van onafdoende veiligheidsmaatreëls in die gebied.
Amptelike bronne stel reeds Nigerië se verliese in die Nigerdelta op $84 miljoen per dag.
Strateë in die Obama-kamp meen hulle het 'n goudmyn van nuwe Demokratiese kiesers ontdek.
Honderde duisende Afro-Amerikaners is stemgeregtig maar nie as kiesers geregistreer nie.
Danksy 'n nuwe reël in Florida het omtrent 115 000 oud-gevangenes hul burgerregte terug ontvang en kan nou weer stem.
Amerikaanse politieke ontleders sê dat kriminele bo verhouding swart is en meer waarkskynlik Obama-ondersteuners sou wees. Dit verskaf 'n groot potensiaal vir omtrent 1,1 miljoen swart misdadigers om die uitslag in Obama se guns te bedink.
Nelson Mandela het in Brittanje aangekom waar hy sy negentigste verjaardag sal vier. 'n 46664-konsert sal ter ere van hom in Londen se Hydepark gehou word.Die drie-uurlange konsert sal ook Mandela se veldtog teen vigs ondersteun. Hy het sy seun in Januarie 2005 aan vigs afgestaan.
Presies 46 664 kaartjies is te koop aangebied.
Die sekretaris-generaal van die Verenigde Nasies het gister die Zimbabwiese regering afgeraai om voort te gaan met die opvolgverkiesing vir die presidentskap.
Na 'n vergadering van die Veiligheidsraad van 15 lande, het Ban Ki-moen die owerheid van daardie land gevra om Vrydag se opvolgverkiesing te kanselleer. Volgens hom sal dit net verdeeldheid in die land verhoog en tot 'n uitslag lei wat nie geloofwaardig is nie.
Ban het ook begrip uitgespreek vir die besluit van opposisieleier Morgan Tsvangirai om van die presidentsverkiesing te onttrek. Die VN-hoof meen dat daar te veel geweld en te veel intimidasie was.
Hy het bygevoeg dat die probleme in Zimbabwe die hele streek beïnvloed en dat dit die grootste enkele uitdaging vir streekstabiliteit in Suider-Afrika verteenwoordig.
Die internet word verantwoordelik gehou vir senator Barack Obama se oorwinning in die Demokratiese nominasiestryd.
Inhoud wat deur kiesers geproduseer word, is blykbaar ook besig om Amerikaanse politieke veldtogte te omvorm en mag aan die burgers oor te dra.
Obama se aankondiging dat hy op individuele skenkers gaan staatmaak pleks van openbare veldtogfinansiering is bewys van die internet se politieke invloed.
Meer as 1,5 miljoen mense het kontant vir sy veldtog geskenk, wat alle vorige rekords oortref het.
Marburg, Duitsland, het die eerste dorp geword waar sonpanele 'n vereiste is vir nuutopgerigte geboue of geboue wat opgeknap word.
Die nuwe wet is Vrydag deur die munisipaliteit goedgekeur en sal vanaf 1 Oktober deser in werking tree.
Oortreders sal stywe boetes in die gesig staar.
Die Duitse regering beplan om kweekhuisgasse te besnoei met 40% teen 2020 vanaf die vlakke van 1990.
Demokratiese kandidaat Barack Obama het die rassekaart vroeg gespeel by 'n fondsinsameling in die deelstaat Florida.
Hy het Vrydag gesê dat hy verwag dat Republikeine sy rasseidentiteit sal onderstreep om kiesers bang te maak vir hom.
Hy sê Republikeine kan nie regtig oor die toestand van die ekonomie spog of hulle uitsonderlike buitelandse beleid nie.
Daarom verwag hy ook dat hulle sy vrou Michelle sal takel.
Gewone mense wil nie hulle erfenis oorhandig aan Europese burokrate nie.
Al 27 EU-lidlande moet die Lissabonverdrag bekragtig, maar Ierland se onlangse verwerping in 'n referendum daarvan, sal veroorsaak dat die Verdrag sneuwel.
Die Verdrag maak ook voorsiening vir 'n meerderheidstem in plaas van eenparigheid.
Die Ierse nee-stem teen die Verdrag is die jongste aanduiding dat nasionalisme beslis in Europa voortleef.
Europa se burgers is ten gunste van vryehandel in goedere en kapitaal, maar wil nie hulle eiesoortige wetlike tradisies en nasionale identiteite prysgee nie.
China het die binnelandse prys van alle energiebronne regdeur die bank aansienlik vandag verhoog. Die aankondiging kom twee dae voor 'n internasionale ru-oliespitsberaad in Saoedie-Arabië.
China het kleinhandelpetrol- en dieselpryse met 18% verhoog in antwoord op stygende wêreldru-oliepryse. Elektrisiteitskoste is ook na bo aangepas.
China verteenwoordig nou die wêreld se vierde grootste ekonomie en is verantwoordelik vir bykans 40% van die toename in wêreldru-oliekonsumpsie.
Prysbeheer in China, wat ook die wêreld se tweede grootste verbruiker van ru-olie na die VSA is, is te blameer vir die distorsie in globale markte wat die afgelope maande reeds in wanorde verkeer.
Een van die leiers van die Beweging vir die bevryding van die Nigerdelta het aangekondig dat sy vegters die Bonga-olieveld meer as 100 kilometer van die land af aangeval het. Maar hulle het nie daarin geslaag om by 'n rekenaarbeheerkamer uit te kom wat hulle wou vernietig nie.
Die guerillagroep het ook beweer dat hulle 'n buitelandse werker van 'n voorradeskip op pad huis toe na die aanval ontvoer het, maar dit kon nie onmiddellik deur ander bronne bevestig word nie.
Gewoonlik is olieproduksie-installasies ter see veiliger as op land in Nigerië waar geweld oor die afgelope twee jaar toegeneem het.
Die onstabiliteit in die suide van Nigerië het reeds veroorsaak dat die land 'n kwart van sy jaarlikse olieproduksie ingeboet het, iets wat die internasionale prys van ru-olie ondersteun.
In die deelstaat Kalifornië, waar pryse oor die algemeen hoog is, het huispryse in Sacramento met 29,2% gedaal en in Riverside met 27,7%. In Las Vegas het huispryse met 20,2% afgeneem en in Phoenix met 15,4%.
Volgens ontleders is dit nog nie die einde van die dalings nie. Van nou af tot Februarie 2009 word verwag dat huispryse met nog 20% kan daal.
