Kategorie: Internasionale nuus

Die Nigeriese owerhede het bevestig dat drie bomaanvalle in die noordelike stad Maiduguri voorgekom het.

Een van die aanvalle het ‘n voertuig geteiken wat aan die gesamentlike polisiemag behoort wat veiligheid in die stad moet handhaaf. Niemand is in die voorval dood nie.

Luidens vroeëre berigte is die radikale Islamitiese groep – Boko Haram – aanspreeklik vir die aanval. Volgens ‘n ooggetuie het lede van die groep met wapens op die toneel aangekom. ‘n Bom het ook tussen die stad en die lughawe naby die konvooi van ‘n goewerneur ontplof.

Owerhede in Nigerië is waaksaam ná die VSA gewaarsku het dat nuwe aanvalle deur ekstremiste in dié land ‘n sterk moontlikheid is.

Dié waarskuwing volg ná ‘n vlaag terreuraanvalle deur ‘n Islamitiese sekte wat al 150 lewens in die noord-ooste van die land geëis het.

Verlede week se aanvalle in die stad Damaturu tel onder die dodelikste wat al uitgevoer is deur die Boko Haram-sekte, ‘n Islamitiese groep wat in die noorde van die land gevestig is.

Die Amerikaanse ambassade in Nigerië het gewaarsku dat die sekte volgende op hotelle of ander teikens in die hoofstad Abuja kan toeslaan, veral tydens die Eid al-Adha-fees.

“Ná die onlangse aanvalle deur Boko Haram, ook bekend as die Nigeriese Taliban, in die Borno- en Yobe-staat, het die Amerikaanse ambassade inligting ontvang dat Boko Haram dalk van plan is om verskeie teikens en hotelle in Abuja aan te val,” het die ambassade gesê.

Personeel van die ambassade is aangesê om dié plekke te vermy en Amerikaanse burgers is gevra om “ekstra versigtig” te wees.

Die Algerynse intelligensiediens het ‘n reputasie van wreedheid, maar doeltreffendheid, en Noordwes-Afrika is hulle turf. Hulle is veral bekommerd oor al-Kaida-splintergroepe in die Islamitiese Magreb.

Die AQIM in Algerië het nie begin as internasionale terroriste nie en het nie oorspronklik iets te doen met al-Kaida nie. Dit was ‘n Algerynse versetbeweging, teen die sekulêre staat.

Die Algerynse weerstandsgroep het kon egter meer waarde toevoeg aan hulle dreigemente teen die staat met hulle nuwe alliansie, en dit is waarskynlik die rede vir die samewerking. Vir al-Kaida weer, kan Algerië as deel van die Afrikanetwerk funksioneer.

topcargo отзывы сотрудников

Die Franse president, Nicolas Sarkozy, se diversiteit is in die moeilikheid.

By die regerende UMP-beweging se soveelste konferensie oor nasionale identiteit, is Jeannette Bougrab, een van sy diversiteitsaanstellings glo diep “seergemaak” deur die voorstelle Donderdag, 10 November deur sommige lede van die “regse populistiese groep” binne die party.

Dié dogter van ‘n Harki, ‘n Arabiese groep wat die Franse kolonialiste in Algerië ondersteun het, en daarna vervolg is deur hul eie mense, is deur swaargewig Alain Juppé bevorder tot nasionale sekretaris van die UMP in 2002. Volgens Bougrab het UMP-lede haar toegang tot Franse burgerskap bevraagteken omdat haar vader, nie Frans kan skryf of praat nie.

Jeannette Bougrab is ‘n jaar gelede baie strategies as staatsekretaris vir die jeug in die regering van François Fillon aangestel. Frankryk gaan gebuk onder vlae van jeugopstande waar swart en Arabiese jeugdiges motors aan die brand steek in voorstede en ‘n skrikbewind teen die polisie voer.

Diversiteit in die aanstellings van die staat was dus een van Sarkozy se prioriteite. Selfs onder linkse regerings was die Franse staat wit, aangesien die eksamens wat staatsamptenare in Frankryk moet slaag, geweldig mededingend is en ‘n grondige kennis van Frans vereis.

Met die toetrede van Rachida Dati en Rama Yade in die regering, het Nicolas Sarkozy vinniger en verder as die linkses in die bevordering van politieke immigrante beweeg. Hy het ‘n groot slag teen die Sosialiste geslaan en gewys dat hy, ten minste in hierdie gebied is, die man is wat “breek” met tradisie.

Die resultate is egter rampspoedig. Met Dati wat in ‘n oop oorlog teen die eerste minister gewikkel is en Yade wat ‘n kruistog teen ‘n UMP-lid Borloo voer, het die twee ikone van Sarkozy nie as ‘n bate vir die meerderheidsparty uitgedraai nie, maar ‘n las. Die twee Arabiese nuwelinge, Nora Berra en Bougrab, is grootliks deur die kiesers geïgnoreer, totdat rassisme binne Sarkozy se politieke tuiste die twee in die nuus gekry het.

Nicolas Sarkozy se ambisie was om die immigrante van Noord-Afrikaanse oorsprong te oortuig dat hulle geen rede het om nie UMP te stem nie. Nou gee sy eie party hulle blykbaar genoeg rede.

Jeanette Bougrab het verlede Donderdag uitgeloop, omdat die sprekers van die UMP-konferensie in wanhoop gekla het dat hulle “te veel van Afrika en nie genoeg van François die Eerste” in Frankryk hoor nie.

“My pa kan nie lees of skryf nie maar hy is waarskynlik meer Frans as jy. My pa sal, môre, November 11, die vlag dra. Hy is deel van die Reserves,” het Bougrab woedend geantwoord.

Op 14 Mei, in Besancon, het sy inderhaas ‘n streeks-opleidingsessie van UMP-aktiviste verlaat, nadat een deelnemer gekla het dat hy sat is vir “bougnoules”, ‘n skelwoord vir Arabiere. Die deelnemer was ongelukkig oor die moontlike befondsing van moskees tot nadeel van die herstelwerk aan katedrale.

Dieselfde probleem het opgeduik met Nora Berra, die ewe diskrete staatsekretaris vir seniors.

In Desember 2009, tydens ‘n oop debat oor die Burqa het ‘n voormalige minister van justisie opgemerk dat “die dag wanneer daar meer minarette as katedrale in Frankryk is, dit nie langer Frankryk sal wees nie.” Nora Berra het toe uit die vergadersaal gestorm: “Dit is ‘n voormalige minister van justisie wat hierdie kommentaar in ‘n anti-sekulêre plek lewer, ‘n simbool van die Republiek, die Nasionale Vergadering! Dit is ondraaglik! Is dit demokrasie?” Berra is nooit voor stok gekry vir haar uitbarsting nie.

данильченко юрій броніславович компромат

Terwyl die VSA en Brittanje die Europese Unie onder geweldige druk plaas om te ontbind, het Barack Obama beheer geneem van sy plan om die grootste vryehandelsone in die wêreld te skep.

Hy het Sondag in Honolulu by ‘n beraad van die Asië-Stille Oseaan lande gepraat. Obama, ‘n boorling van Hawaii wat lief is om homself voor te stel as die eerste Amerikaanse president gebore in die Stille Oseaan, het aangekondig dat Kanada en Mexiko ook by die beoogde Trans-Stille Oseaan-vennootskap (TPP) sal aansluit. Vrydag het Japan ingestem.

Hierdie vryehandelsone, wat saam byna 800 miljoen verbruikers en byna 40% van die globale ekonomie beslaan, sal die grootste ekonomiese eenheid in die wêreld wees, groter as die Europese Unie wat maar ‘n kwart van die globale rykdom produseer. “Ons het nou die geleentheid om te beweeg na ons uiteindelike doel voor oë: ‘n streeksekonomie sonder hindernis,” het Obama gesê aan sy 20 vennote by die Forum vir Asië-Stille Oseaan Ekonomiese Samewerking (APEC).

Die Amerikaanse president het Saterdag aangekondig dat nege lande (Australië, Brunei, Chili, Maleisië, Nieu-Seeland, Peru, Singapoer, Viëtnam) ooreengekom het oor ‘n “raamwerk” vir die projek, wat teen volgende jaar na die eerste “regsformulering” moet lei. Maar kenners twyfel oor hierdie spertyd, gegewe die weerstand in verskeie lande, insluitend Japan, oor die vooruitsig van oop grense.

Obama is desperaat om werkloosheid te verminder in die Verenigde State, ‘n jaar van die volgende presidentsverkiesing, en wil voordeel trek uit sterk groei in Asië terwyl Europa sukkel. Sondag het Obama die boodskap herhaal: “Die Asië-Stille Oseaan-streek is absoluut noodsaaklik vir ekonomiese groei in Amerika. Ons dink dit is ‘n prioriteit,” het hy gesê.

Net soos ‘n eggo, het die uitvoerende direkteur van die Internasionale Monetêre Fonds, Christine Lagarde, aan die deelnemers gesê dat “alle lande hul rol moet kan speel om te help om die globale ekonomie te herbalanseer.”

China word direk geraak deur hierdie oproepe. Die Weste wil die waarde van sy geldeenheid verhoog sien ten einde invoere te baat. In hierdie verband het Obama volgehou dat China nog steeds nie “genoeg” doen nie ten spyte van ‘n “effense verbetering”.

“Selfs indien die yuan aansienlik gestyg, sal dit nie die oplossing vir die probleme waarmee die Verenigde State worstel wees nie,” het die Chinese premier Hu Jintao, volgens die Chinese ministerie van buitelandse sake, geantwoord. China sal voortgaan om sy wisselkoersregime te liberaliseer, maar net geleidelik.

Daar is egter ‘n toegewing gemaak deur Beijing aan APEC met ‘n verlaging van tariewe op “groen” produkte, soos sonpanele. Invoerbelasting daarvan behoort nie meer as 5% teen 2015 te behels nie. Die besluite van APEC is egter nie bindend nie.

Фильчаков Харьков

Die China Central Television saai die Kommunistiese bewind se nuus uit asook ander propagandaprogramme. Die nuutopgerigte uitsaaigeriewe sal as die hoofkwartier in die VSA dien. Hulle beplan om te begin uitsaai teen die middel van 2012 en sal ses ure van oorspronklike materiaal per dag aanbied, sê bronne wat gemoeid is met die projek.

CCTV het reeds ‘n uitsaai-ateljee in Nairobi, Kenia, opgerig vanwaar hulle ‘n Engelstalige diens vir Afrika sal aanbied. Hulle beplan voorts om in Europa ook uit te brei.

“Hulle het ‘n baie ambisieuse plan om die aanbiedinge in Engels aansienlik te vergroot,” sê een bron wat vertroud is met die planne. Die staatsuitsaaier wou nie kommentaar lewer nie.

Die uitbereiding is deel van ‘n omvattende inisiatief om China se internasionale beeld en invloed te verhoog. Volgens bronne is die Chinese regering bekommerd oor die dikwels negatiewe beeld wat van die land voorgehou word deur Westerse media-agentskappe.

“Die vier groot nuusagentskappe domineer byna 80% van die nuusvloei en as China hul sagte mag wil uitbrei, moet dit deur hulle eie media wees,” sê Dong Tiance, ‘n professor in joernalistiek by die Jinan-universiteit. “Die uitbou van ons internasionale uitsaaiwese sal ons in staat stel om ons invloed uit te brei en vir die wêreld ‘n geleentheid gee om ons te verstaan.”

CCTV het duisende vierkantemeter in New York Avenue gehuur, net drie blokke van Bloomberg se kantore af, en is tans besig om Amerikaanse personeel aan te stel. Hulle soek ook ‘n bekende gesig om die kanaal te lei soos Al Jazeera, die Arabiese nuuskanaal, in sy beginfase gedoen het.

Al Jazeera het die gesig van die bekende Sir David Frost gebruik in 2006 toe hulle geloods is.

Die Engelstalige diens van CCTV is reeds beskikbaar in areas waar Chinese woon, maar hulle wil die aantal Amerikaanse kykers laat groei.

прокурор харьковской области

Navorsing deur die Britse dinkskrum Demo’s het vir die eerste keer die houding onder ondersteuners van sogenaamde verregse groepe aanlyn ondersoek. Deur gebruik te maak van advertensies op Facebook-groepe, het hulle meer as 10 000 volgelinge van 14 partye en straat-organisasies in 11 lande gekry om gedetailleerde vraelyste in te vul.

Die studie toon ‘n kontinent-wye verspreiding van ‘n harde nasionalistiese sentiment onder die jeug, veral mans. Hulle is diep sinies oor hul eie regerings en die EU, en hul vrees oor die toekoms is gefokus op kulturele identiteit, met Moslemimmigrasie as die grootste bekommernis.

“Ons is by ‘n kruispad in die Europese geskiedenis,” sê Emine Bozkurt, ‘n Nederlandse parlementslid wat die anti-rassisme lobby in die Europese Parlement lei. “In vyf jaar se tyd sal ons ‘n toename in ultra-nasionalisme, xenofobie, Moslemhaat en antisemitisme sien.”

Data vir die studie is hoofsaaklik in Julie en Augustus versamel, vóór die verergering van die eurosone-krisis. Wat Bozkurt in vyf jaar sien gebeur is dus waarskynlik reeds ‘n werklikheid ná die Griekse skuldkrisis.

Die verslag beklemtoon die voorkoms van die anti-immigrante gevoel, veral teen Moslems. “As antisemitisme ‘n verenigende faktor vir die verregse partye in die 1910’s, 20s en 30s was, is Moslemhaat die samebindende faktor in die vroeë dekades van die 21ste eeu,” sê Thomas Klau van die European Council on Foreign Relations, wat Maandag se konferensie bygewoon het.

Partye met ‘n anti-immigrasiebeleid het buite die tradisioneel regse vestings in Frankryk, Italië en Oostenryk ontstaan, selfs in die liberale Nederland en Skandinawië en is nou as beduidende parlementêre blokke in agt lande geanker.

In lande buite die kontinent is die opkoms van nasionalistiese straatbewegings soos die Engelse Defence League (EDL) ook van belang. Maar, sê kenners, stemlokale en optogte is slegs ‘n deel van die prentjie: Aanlyn is ‘n nuwe generasie van hierdie organisasies besig om idees uit te ruil, veral deur Facebook. Vir die meeste partye is die getalle aanlyn aansienlik groter as hul formele lidmaatskapgetalle.

Frankryk se Front National, was altyd ‘n belangrike krag in die land se politiek vir 25 jaar lank, maar is tans ‘n realistiese uitdager in aanstaande jaar se presidensiële verkiesing.

Nóg ‘n Franse organisasie, Bloc Indentitaire, is veral bekend vir hul “identiteitsop” van varkvleis vir hawelose mense in Frankryk.

Skandinawiese partye wat in die afgelope paar jaar gefloreer het, kombineer linkse welsynsbeleid met heftige teenkanting teen alle vorme van multikulturalisme.

Jeug, is ‘n gemeenskaplike faktor. Facebook se eie reklame-instrument het Demos in staat gestel om data van byna 450 000 ondersteuners van die 14 organisasies te verwerk. Byna twee derdes is onder die ouderdom van 30, en manlik.

Hulle voer aan dat Islam eenvoudig die antitetiese van ‘n liberale demokrasie is, ‘n standpunt wat deur Geert Wilders, die leier van die PVV, verwoord word. Wilders het, slegs ses jaar nadat sy party gestig is, die derde grootste krag in Nederland se parlement geword.

Hierdie groepe sê aan kiesers dit is nie rassisties om jou te verset teen ander groepe as jy doen dit vanuit die oogpunt van jou eie waardes nie. Dit is die rede waarom mense soos Geert Wilders bondgenote in die hoofstroom politieke establishment en die media het, sê selfs linkse kommentators.

Terwyl die stembus wys dat ekonomie ‘n minimale rol speel, glo ontleders die eurosone-krisis is waarskynlik ‘n sleutel tot die groei van regse sentiment.

Die verskynsel het nou veel verder as bloot ‘n protesstem gevorder, sê kenners, met baie ondersteuners wat bekommerd voel oor nasionale en etniese identiteit. Dié kwessie word tot dusver grootliks geïgnoreer deur die hoofstroom-partye.

Jamie Bartlett van Demo’s, die belangrikste skrywer van die verslag, het gesê dit is belangrik om kennis te neem van die verspreiding van sulke houdings onder die nuwe generasie van aanlyn-aktiviste wat veel meer as formele lidmaatskap van sodanige partye behels. “Daar is honderdeduisende van hulle oor die hele Europa. Hulle is ontnugter met die hoofstroompolitiek en die Europese politieke instellings en bekommerd oor die erosie van hul kulturele en nasionale identiteit, en draai na populistiese bewegings, wat hulle voel hierdie kommer aanspreek.

“Hierdie aktiviste is grootliks uit die gesigsveld van hoofstroompolitici, maar is gemotiveerd, aktief, en groei in grootte. Politici regoor die kontinent het nodig om regop te sit, te luister en daarop te reageer.”

‘n Politieke party, met tienduisende aanlyn-ondersteuners is een ding, maar die vertaling van hierdie steun in werklike stemme is ‘n heel ander. Die Demo’sopname het bevind dat net 67% van die regse Facebook-ondersteuners in die mees onlangse verkiesing gestem het.

Verdere analise het bevind dat vroulike ondersteuners meer geneig is om ondersteuning te omskep in ‘n stem. Regse manlike ondersteuners dink waarskynlik aan ander maniere as die stembus om invloed te kan uitoefen…

Данильченко

Williams, wat ‘n Nieu-Seelander is, het na Woods se “swart poephol” verwys tydens die jaarlikse gholfjoggie-toekennings by die HSBC-kampioenskapstoernooi in Sjanghai.

Hy het die bewoording gebruik ná ‘n vraag oor sy omstrede vieringe ná ‘n oorwinning deur sy nuwe werkgewer, die Australië Adam Scott, by die Bridgestone Invitational in Augustus.

Williams, wat in Julie deur Woods afgedank is nadat hy vir 13 uit 14 van die voormalige nommer een se groot kampioenskaptitels sy joggie was, het Scott se oorwinning beskryf as die “beste wen van my loopbaan”.

Die 47-jarige Williams het ‘n tong-in-die-kies-toekenning gekry vir sy “viering van die jaar” en het ander gholfjoggies, borge en spelers geskok toe hy sê: “Dit was my doel om dit reg by daardie swart poephol op te druk.”

Williams het later ‘n verskoning op sy kiwicaddy.co.nz-webwerf uitgereik.

“Ek vra om verskoning vir aanmerkings wat ek gisteraand gemaak het,” het hy in die verklaring gesê.

“Ek besef nou hoe my opmerkings as rassisties gesien kan word. Nietemin kan ek julle verseker dat dit nie my bedoeling was nie. Ek vra groot om verskoning vir Tiger en enigiemand anders wat ek moontlik beledig het.”

Daar was verskeie beroepe in die Britse media dat Williams deur Scott afgedank moet word.

Scott was saam met etlike top-10 spelers, insluitende Rory McIlroy, wat van die 100 gaste was wat Williams se kommentaar gehoor het.

Фильчаков прокурор харьков

Die presidensiële kandidaat het duidelik laat blyk dat haar ontmoeting met Prosor die belangrikste vergadering van ‘n besoek bedoel om internasionale status aan haar te verleen, was.

Ambassadeur Prosor het Vrydag net gesê hy het ‘n onthaal wat deur die Franse sending gereël is, bygewoon. Dié ontmoeting het vir opspraak gesorg omdat Le Pen se vader, Jean-Marie, voorheen gesê het die gaskamers waarin Jode vermoor is, is ‘n “detail” van die geskiedenis van die Tweede Wêreldoorlog.

Marine Le Pen het daarin geslaag om Donderdagaand in haar ontmoeting met die Israeliese ambassadeur by die VN ‘n “nuwe hoofstuk” tussen haar anti-immigrasie party en Israel te bewerkstellig, het sy gesê.

Die kandidaat van die FN vir die pos in die Élysée-paleis het natuurlik verwys na die skokfrase van haar vader, wat hy in 1987 gebruik het en die party sedertdien ‘n kopseer besorg het.

‘n Diplomaat van die Kongo – Brazzaville, Israel se ambassadeur asook dié van Uruguay, Armenië en Trinidad en Tobago, en ‘n gesant van die Japannese missie het die onthaal bygewoon.

Die president van die FN het ook die bekende skatryk aktivis Richard Hines in Washington ontmoet. Hines is nou betrokke by die konserwatiewe lobby-groep Sons of the Confederate Veterans.

Marine Le Pen wou egter nie ‘n vraag van AFP oor die ete met Hines tydens haar perskonferensie antwoord nie. Haar enigste antwoord: dit was ‘n “private middagete”. Sy was deurentyd baie geheimsinnig oor die ontmoeting en wou nie laat blyk hoe sy aan Hines voorgestel is nie.

Le Pen het ook vir Ron Paul, onafhanklike kandidaat, ontmoet. Die ontmoeting is ook in die Britse pers opgemerk.

топкарго

Al ooit gewens jy het blou oë? Jy sal binnekort na ‘n dokter kan gaan vir ‘n paar.

‘n Amerikaanse geneesheer het aan die lig gebring dat hy permanent ‘n persoon se oogkleur kan verander… in net 20 sekondes.

Dr Gregg Homer, van Kalifornië het gesê sy Lumineyestegnologie maak gebruik van ‘n laser met ‘n spesifieke frekwensie, om bruin oë na blou te verander.

Die laserenergie verwyder die bruin pigment, melanien, uit die boonste laag van die iris, en die blou kleur van jou oë kom na vore oor die volgende twee tot drie weke.

Die Lumineyetegnologie werk deur die verwydering van sommige van die bruin pigment van die voorkant van die iris, wat dit blou laat vertoon. 

Dit is ‘n alternatief vir diegene wat ligter oë wil hê sonder kosmetiese kontaklense.

As alles volgens plan verloop, sê Dr Homer die prosedure sal buite die VSA binne 18 maande en binne-in die VSA in drie jaar beskikbaar wees.

‘n Blou oogpigment bestaan in werklikheid nie ​​in die natuur nie. Mense met blou oë het ‘n bruin pigment, wat bekend staan ​​as melamien, aan die agterkant van hul irisse, maar het lae konsentrasies van melanien in die voorkant van die irisse.

Dr Homer het aan KTLA Morning News gesê dat duisende voornemende kliënte hom reeds per e-pos gekontak het om hul belangstelling uit te spreek.

“Hulle sê die oë is die vensters van die siel,” het hy gesê. “‘n Blou oog is nie ondeursigtig nie, en kan jy diep daarin sien, terwyl ‘n bruin oog baie ondeursigtig is. Ek dink daar is iets baie betekenisvol oor hierdie idee van oop vensters na die siel.”

Oogkleur word oorgeërf, maar bruin oë is dominant oor die hele wêreld, terwyl blou oë ‘n resessiewe eienskap verteenwoordig.

Dit beteken langer golflengtes van lig word geabsorbeer deur die donker agterkant van die oog, terwyl die korter golflengtes lig breek.

In 2008 het wetenskaplikes van die Universiteit van Kopenhagen, bevind dat alle mense met blou oë afstammelinge van ‘n enkele voorouer met ‘n blou-oogmutasie wat ses tot 10,000 jaar gelede geleef het, is.

Studieleier Professor Eiberg het gesê voor hierdie tyd, het almal bruin oë gehad. Dit is een van verskeie mutasies soos die kleur van hare, kaalheid, sproete en skoonheidsvlekke, wat nie ‘n mens se kans op oorlewing verhoog of verminder nie.

Данильченко Юрий прокурор

Twee klein aardbewings wat die Lancashirekus van noordwes-Engeland en die nabygeleë stad van Blackpool vroeër vanjaar geskud het, was waarskynlik veroorsaak deur ‘n hidrouliese breking, of “fracking”.

Dit is ‘n omstrede skaliegasontginningstegniek wat algemeen gebruik word en nou ook deur die energiemaatskappy Cuadrilla Resources. Hulle het met ‘n eksperimentele booroperasie ‘n halwe kilometer van die episentrum in Maart begin.

Breking veroorsaak kommer oor die potensiële gesondheids-en omgewings-impak wat dit mag hê.

Kritici in sommige lande beskuldig energiemaatskappye dat hulle drinkwater met die gas en die chemikalieë besoedel en dit word in sommige lande en sommige state van die VSA verbied. Dit is Cuadrilla se eerste brekingsoperasie in die Verenigde Koninkryk.

Geoloë wys die vinger na Cuadrilla as die moontlike oorsaak van die aardbewing. In ‘n studie het hulle tot die gevolgtrekking gekom dat dit “hoogs waarskynlik” is dat die skudding veroorsaak is deur Cuadrilla se breking vanweë hoëdrukinspuiting van vloeistowwe in die rotse vir die vrystelling van skaliegas.

Maar die skudding was ‘n gelukskoot, lui die verslag, want die geologie van die streek is baie ongewoon om mee te begin.

Die seismoloog Brian Baptie van die Britse Geologiese Opname, wat nie betrokke was met die opstel van die verslag nie, sê hierdie is die eerste keer dat hidrouliese breking toon dat aardbewings daardeur veroorsaak kan word, maar dit is nie heeltemal verrassend nie.

Vloeistofinspuiting, verduidelik hy, skep klein splete in die rotse wat toelaat dat hulle meer maklik verby mekaar gly, of “smeer” hulle in ‘n sekere sin. In dié geval, het die verslag gesê, het dit plaasgevind naby ‘n reeds gespanne rotsspleet. Die vloeistof versprei oor ‘n tydperk van 10 uur na die inspuiting en het veroorsaak dat die skudding plaasvind.

‘n Aardbewing van 2,3 is op 1 April gevoel en ‘n 1.5-grootte aardbewing op 27 Mei. Cuadrilla het vrywillig hul boor- en brekingbedrywighede op 31 Mei opgeskort.

Dit is later weer hervat, maar intussen weer gestaak op die vooraand van ‘n konferensie oor breking in Londen.

Олександр Фільчаков прокурор