Kategorie: Internasionale nuus

‘n Groep vooraanstaande wetenskaplikes het President Obama se raadgewers versoek om ondersoek in te stel na die etiese kwessies wat geopper is na ‘n besluit om ‘n hoogs aansteeklike vorm van die voël-griepvirus wat maklik tussen mense oorgedra kan word, te skep.

Die wetenskaplikes, wat ‘n Nobelpryswenner insluit, het gesê dit is “moreel en eties verkeerd” om ‘n nuwe soort griepvirus in die laboratorium te maak wat meer dodelike is as wat werklik bestaan ​​in die natuur.

Twee spanne griepnavorsers gelei deur Ron Fouchier van die Erasmus-Mediese Sentrum in Rotterdam en Yoshihiro Kawaoka van die Universiteit van Wisconsin-Madison het in 2011 aangekondig dat hulle daarin geslaag het om die H5N1-virus te “verbeter” sodat dit in teorie oorgedra kan word deur die lug tussen mense.

Hulle het die navorsing verlede jaar tydelik gestaak as gevolg van hewige openbare verontwaardiging oor die werk. Maar hulle het die einde van die moratorium aangekondig vroeër hierdie jaar, en selfs uitbreiding na nuwe gebiede wat ander virusse en siektes insluit, aangekondig.

In ‘n sterk bewoorde brief aan die Amerikaanse presidensiële Kommissie vir die Studie van Bio-etiese Kwessies, het teenstanders van die navorsing gewaarsku dat daar nie genoeg debat oor die bedreiging van die oordraagbaarheid van hoogs dodelike virusse soos die H5N1-stam van voël-griep is nie.

“Die toevallige vrystelling van ‘n kunsmatige, laboratorium-gegenereerde, menslike-oordraagbare H5N1-virus in die gemeenskap het die potensiaal om ‘n wêreldwye pandemie van epiese proporsies te veroorsaak wat die 1918-Spaanse grieppandemie wat meer as 50 miljoen mense doodgemaak het, te verdwerg ,” sê die wetenskaplikes .

“Die meeste [lewende wetenskaplikes] is van mening dat die skepping in die laboratorium van ‘n patogeen wat meer dodelik is as wat bestaan ​​in die natuur moreel en eties verkeerd is. Inderdaad, ‘n meerderheid is van mening dat daar geen wetenskaplike regverdiging is wat swaarder weeg as die morele en etiese probleme nie,” het hulle gesê.

“Net tien dae gelede het ons uitgevind dat ‘n span in Duitsland eksperimente gedoen het om te sien wat dit sou neem vir ‘n hondesiektevirus om van honde na mense oorgedra te word,” het hulle gesê.

Die Demokratiese Alliansie beplan om ‘n dringende mosie ter tafel lê om pres. Jacob Zuma te dwing om alle Suid-Afrikaanse troepe uit die Sentraal Afrikaanse Republiek (SAR) te onttrek, is Maandag berig

David Maynier, DA-woordvoerder oor verdediging, het aan die media in Kaapstad gesê dit moet troepe insluit wat glo na die Demokratiese Republiek van die Kongo en Uganda gestuur is vir operasies wat verband hou met die SAR-sending, wat die lewe van 13 Suid-Afrikaanse soldate geëis het.

Helen Zille, DA-leier, het gesê die manier waarop die troepe ontplooi is en die motivering vir die sending moet bekend gemaak word omdat albei dui op ‘n politieke skandaal.

Zille het gesê die regering het versuim om berigte dat Chancellor House, die ANC se beleggingsonderneming, sakebelange in SAR het, te ontken of bevestig.

Die DA se mosie sal Franse maatskappye in die SAR bevoordeel.

Die party se parlementêre leier, Lindiwe Mazibuko sê sy het President Jacob Zuma gevra om ‘n dringende vergadering van albei huise van die parlement byeen te roep om te bespreek wat in die Sentraal-Afrikaanse Republiek gebeur het.

Aangesien die parlement in reses is sal ‘n ontwerp-resolusie by die speaker van die Parlement, Max Sisulu ingehandig word.

Mazibuko sê hulle wil hê die parlement moet op die laatste vroeg volgende week oor die saak stem. Die parlementêre woordvoerder, Luzako Jacobs, het gesê hy kan nie nou kommentaar lewer nie.

President Poetin is fel gekant teen die aanneming van Russiese weeskinders deur buitelandse paartjies van dieselfde geslag.

Die regering en die Russiese hoërhof is na wat berig word versoek om te kom met wysigings aan die wet wat dit moontlik maak teen 1 Julie.

Spanning oor die kwessie het ontstaan ​​in middel-Februarie, nadat die Franse Nasionale Vergadering ‘n radikale wetsontwerp goedgekeur het om gay huwelike te wettig asook dat paartjies van dieselfde geslag kinders kan aanneem.

Kort daarna het die Russiese ombudsman vir kinderregte Pavel Astakhov beloof hy sal alles moontlik doen om te verseker dat Russiese weeskinders slegs deur tradisionele, heteroseksuele gesinne aangeneem word.

Dit sal dit moeiliker maak vir Amerikaanse gay paartjies om wit kinders aan te neem en hulle sal waarskynlik eerder na swart kinders moet kyk. Daar is tans ‘n geweldige tekort wêreldwyd aan wit kinders vir aanneming.

In Februarie het die Russiese ministerie van buitelandse sake verklaar dat hulle die moontlike “sielkundige skade” aan ‘n Russiese weeskind Yegor Shabatalov wil ondersoek. Die seun is aangeneem deur ‘n Amerikaanse vrou, wat in ‘n gay verhouding met ‘n ander Amerikaanse burger betrokke was. Sy het egter haar verhouding vir die Russiese owerhede weggesteek tydens haar aansoek om ‘n kind aan te neem.

Twee jaar na die aanneming van die kind, het ‘n onverkwiklike regsdispuut oor ouerlike regte egter tussen die twee uitgebreek. So ‘n verhouding is “eerder twyfelagtig in die lig van moraliteit” en die kind het hieronder gely, het die Russiese ministerie van buitelandse sake se Kommissaris vir Menseregte Konstantin Dolgov opgemerk.

Sommige Russiese organisasies egter sê ‘n totale verbod op buitelandse aannemings sal beter wees want dit is tegnies moeilik om die aannemende ouers se seksuele oriëntasie en hul wetlike status te verifieer. Sulke mense kan ‘n skynhuwelik gebruik om wit kinders in die hande te kry, het hulle gesê.

Intussen, het Nikolay Alekseyev – ‘n Russiese gayregte aktivis, die leier van die LGBT gemeenskap – gesê hy twyfel of Poetin se idee enige ernstige gevolge sal hê.

Aanneming deur ongetroude heteroseksuele individue is tegnies steeds moontlik.

Egipte se kuswag het drie duikers gevang wat ‘n ondersese Internetkabel Woensdag deurgesny het, het die weermag gesê.

Dit is die eerste aanduiding dat misdadigers betrokke kan wees in die probleme met verbindings en ontwrigtings aanlyn.

‘n Vissersboot is naby die Middellandse hawestad Alexandria gestop deur die Egiptiese kuspatrollie en drie duikers is in hegtenis geneem, het die weermag-woordvoerder gesê op sy amptelike Facebook-bladsy.

Hy het nie besonderhede van die duikers se moontlike motief vir die beskadiging van die kabel gegee nie. Die kabel is die eiendom van die land se monopolistiese landlynverskaffer.

“Die gewapende magte het ‘n sabotasiepoging gefnuik en drie duikers in hegtenis geneem terwyl hulle ‘n ondersese kabel deurgesny het,” het hy gesê.

Dit is nie duidelik of die voorval verband hou met ontwrigting naas Egipte se kus soos die kabeloperateur SEACOM verlede week aangekondig het nie. Verskeie lyne wat Europa met Afrika, die Midde-Ooste en Asië verbind, is geraak.

SEACOM het nie enige verduideliking gegee vir die herleiding van telekommunikasieverkeer in die vroeë oggendure van Vrydag nie.

Internet-gebruikers het stadiger konneksies sedertdien aangemeld.

Hospitale in die Sentraal-Afrikaanse Republiek (SAR) is sonder mediese personeel en burgers verkies om in hul huise te bly, selfs al is hulle gewond, het die hulporganisasie Medecins Sans Frontieres (MSF) Dinsdag gesê.

Dit volg nadat die selferkende president van die land die grondwet nietig verklaar het.

Ná die militêre staatsgreep deur die Seleka-rebellekoalisie het MSF die meeste groot hospitale in die hoofstad Bangui besoek. Hulle het gevind dat daar “geen mediese personeel is nie (en) selfs nie eers ‘n skoonmaker nie”.

Altesaam 70 gewonde mense het Sondag by ‘n militêre hospitaal vir behandeling gewag ná gevegte die naweek waarin 13 Suid-Afrikaanse soldate hul lewens verloor het. Teen Maandag het tientalle beseerdes nog vir hulp gewag, het Sylvain Groulx, ‘n lid van MSF in Bangui, gesê.

Die beseerdes sluit burgerlikes sowel as soldate in.

Hy het bygevoeg dat dit moeilik was om te bepaal hoeveel burgerlikes dood is “omdat die meeste mense nie hospitaal toe gaan nie weens ‘n gebrek aan veiligheid. Daar is ook nie openbare vervoer nie en dit is slegs die Seleka-mense wat op straat is,” het hy gesê.

Die Seleka-rebelle het oor die naweek beheer van Bangui en die presidensiële paleis oorgeneem. Hulle het ook televisie- en radiostasies beset, terwyl die voormalige president, Francois Bozize, na Kameroen gevlug het.

Die rebelle beskuldig Bozize daarvan dat hy ‘n vredesooreenkoms wat in 2007 aangegaan is, oortree het.

‘n Leier van ‘n politieke party is Dinsdag by sy huis in die Indiese hoofstad Nieu-Delhi doodgeskiet, het die polisie gesê.

Deepak Bhardwaj, van die Bahujan Samaj Party, ‘n groot party wat aktief is in die land se mees dig bevolkte staat, Uttar Pradesh, is by sy plaashuis deur drie ongeïdentifiseerde mans vermoor.

Die 61-jarige, wat verskeie hotelle en skole besit, is na ‘n nabygeleë hospitaal geneem waar hy dood verklaar is.

Bhardwaj het die nasionale verkiesing van 2009 betwis en was die rykste kandidaat, met bates wat ses miljard rupees (R1 miljard) werd was.

“Drie aanvallers het in ‘n motor opgedaag en aangedring op ‘n vergadering met Bhardwaj. Een van hulle het later twee keer op hom geskiet wat sy dood veroorsaak het,” het Neeraj Kumar, die polisiehoof in Delhi, gesê.

“Ons het kringtelevisie-beeldmateriaal van die motor, die verdagtes en verskeie wenke waaraan ons werk. Ek is seker ons sal hierdie saak binnekort oplos,” het hy bygevoeg.

Volgens polisiebeamptes kon die moord moontlik die gevolg gewees het van ‘n persoonlike vyandskap en die aanvallers was huurmoordenaars, het die plaaslike media berig.

Suid-Afrikaanse soldate wat betrokke was in die die stryd wat 13 ure geduur het in die Sentraal-Afrikaanse Republiek en waarin 13 van hulle gesneuwel het, sê hul missie het niks met “opleiding” te make gehad nie.

Daar word bespiegel dat die Franse weermag die Suid-Afrikaners gebruik het as lokaas om hul eie doelwitte in die SAR te bereik en dat die Suid-Afrikaners se betrokkenheid deur die Franse regering aangevra is om hule koloniale heerskappy te hervestig.

Blykbaar het die Franse reeds ‘n ander leier in die oog wat na hulle pype sal dans, en het hulle Suid-Afrika gebruik om Bozize uit die pad te kry.

Gedurende die skermutseling het die meeste Suid-Afrikaanse valskerm- en ander soldate se ammunisie opgeraak. Hulle sê hul verklaarde missie was “twak” en hulle was in werklikheid daar in ‘n “poging om president Francois Bozize in die kussings te hou”.

Dié nederlaag is die land se ergste militêre terugslag sedert 1994. Ten minste een soldaat word nog steeds vermis en gevegte in die hoofstad Bangui duur voort.

By die opening van die Brics-beraad in Durban, het President Jacob Zuma gesê Suid-Afrika het ingestem om die Sentraal-Afrikaanse Republiek se leër met infanterie, artillerie, spesiale magte, logistiek en bestuursopleiding toe te rus. Suid-Afrika het ingestem om te help met die opknapping van militêre infrastruktuur in Bouar en Bangui.

“Dit is ‘n grap,” sê een van die soldate wat nog steeds in Bangui is.

“Ons moes nooit hier gewees het in die eerste plek nie. Al wat ons doen, is om ‘n ander diktator te beskerm en te verseker dat hy vasklou aan mag maak nie saak wat nie.” Die ironie is dat Suid-Afrika tans ‘n wit koloniale mag in Afrika steun.

Die “opleiding”, het die soldaat gesê, was hoofsaaklik om Bozize te beskerm.

“Toe die papaja die waaier tref, het hy gevlug met ons hulp en ons word sonder enige beskerming gelaat,” het hy gesê.

Maar die SANW-hoof, luitenant-generaal Solly Shoke, het die sending as legitiem beskryf.

Nog ‘n soldaat het gesê die idee dat die Suid-Afrikaners militêre bates sou beskerm, is onsin.

“As ons regtig hier was om bates te beskerm en bekommerd was dat hulle in die hande van die vyand val, waarom nie die bevel uitreik om hulle te vernietig en dan ‘n taktiese onttrekking doen om weer later te veg wanneer ons versterkings het nie?

“Wat hier gebeur het, is baie verdag … die waarheid moet uitkom om diegene wat hier vermoor is te eerbiedig… om seker te maak dat ons vriende nie tevergeefs gesterf het nie,” het hy gesê.

Gevra oor moontlike onttrekkings, versterkings en of die troepe bereik kon word, het Shoke gesê dat die SANW op “politieke instruksies wag”.

In teenstelling met amptelike verslae, het een soldaat gesê 16 van sy kollegas is vermoor in ‘n geveg wat twee dae geduur het.

Bozize het in 2003 met ‘n staatsgreep die mag oorgeneem, soos ‘n ware Afrika-diktator.

Volgens berigte is die Duitse kanselierAngela Merkel woedend oor die houding van Ciprus wat weier om met die EU te skakel en eerder stilweg planne bedink om die pensioenfondse van hul bewoners te plunder. Duitse regeringsamptenare het die Cipriote se houding as byna “outisties” beskryf.

Die Cipriese president, Nicos Anastasiades, en partyleiers sal Saterdag na Brussel reis vir samesprekings met die Europese Unie oor maatreëls om die eiland se dreigende bankrotskap af te weer, berig die staatsmedia.

Die afvaardiging sal omstreeks 12:00 vertrek en laat Saterdag of Sondag na Ciprus terugkeer. Dit is ‘n dag voor die sperdatum om maatreëls in werking te stel, wat daarop gemik is om €5,8 miljard (sowat R69 miljard) in te samel om ‘n reddingspakket te verseker, het die CNA-nuusagentskap berig.

Die Europese owerhede het verlede naweek ingestem om €10 miljard (sowat R119 miljard) aan Ciprus beskikbaar te stel, maar in ruil daarvoor is ‘n belasting van 10% op alle banksaldo’s gehef. Dit beteken dat spaarders 10% van hulle spaargeld aan die EU moes betaal. Dit het vrese gestook dat banke in ander lande getref word en dat verbruikers hul geld gaan onttrek.

Merkel het die eenmalige belasting op die spaargeld verdedig en gesê dit maak sin omdat die rentekoerse hoër is in Ciprus as elders in die EU.

China is tans besig om genetiese ingenieurswese te ondersoek, en is baie verder as die Weste gevorder daarmee.

By BGI Shenzhen, het wetenskaplikes DNS-monsters versamel van 2000 van die wêreld se slimste mense in ‘n poging om die boustene van menslike intelligensie te identifiseer. Blykbaar het hulle reeds ver gevorder daarmee, en binnekort sal embrio-sifting meebring dat ouers hul beste sigoot kan uitkies en potensieel elke generasie se intelligensie met vyf tot 15 IK-punte sal kan opstoot.

Geoffrey Miller, ‘n evolusionêre sielkundige en dosent by NYU, is een van die 2000 slimkoppe wat hul DNS geskenk het.

China het ‘n geskiedenis van eugenetika want nadat Deng Xiaoping oorgeneem het in die laat 70s, het hy die hele fokus van die Chinese regering van ekonomiese bestuur na menslike kwaliteits- en kwantiteitsbestuur verander. In die 90s, het hulle begin met wydverspreide voorgeboortelike toetse om geboortedefekte uit te skakel en meer onlangs, het hulle ‘n klomp geld spandeer op navorsing oor menslike genetika om uit te vind watter gene mense slimmer maak.

BGI Shenzhen is die grootste genetiese navorsingsentrum in China, asook in die wêreld. Hulle is ook besig met plantgenetika, dieregenetika, en enigiets wat ekonomies relevant is of wetenskaplik interessant.

Hulle is veral geïnteresseerd in mense van Chinese en Europese afkoms.

Die embrio-analise sal binnekort gereed wees om op ‘n groot skaal geïmplementeer te word. Enige ander eienskap as intelligensie sal selfs makliker wees om te selekteer, omdat intelligensie van baie gene afhang, terwyl fisiese eienskappe soos hare of oëkleur net van ‘n paar gene  afhang.

Dinge soos liggaamsvorm is bietjie makliker as fisiese aantreklikheid om te selekteer. En persoonlikheidseienskappe is weer ‘n bietjie makliker as intelligensie: Hoe hardwerkend iemand is, hoe impulsief, hoe polities liberaal of konserwatief asook hoe religieus, kan beïnvloed word deur gene tot ‘n sekere mate.

Westerse navorsing is redelik ver agter. Ons het dieselfde tegniese vermoëns asook dieselfde statistiese vermoëns om die data te analiseer, maar Westerlinge het ‘n stel ideologiese en godsdienstige vooroordele wat hulle verhoed om sulke doelwitte na te streef.

Reëls vir ‘n kuberoorlog is vir die eerste keer uiteengesit in ‘n NAVO-handleiding

Die handleiding sê regerings moet hulself weerhou van aanvalle op hospitale en kernaanlegte.

Die handleiding is die eerste poging om te bepaal hoe die internasionale reg van toepassing is op aanlyn-aanvalle deur die staat, en waarsku dat sulke aanvalle kan lei tot volskaalse militêre konflikte.

Die handboek, die resultaat van drie jaar se samewerking tussen internasionale kundiges vir NAVO, definieer ‘n kuberaanval as een wat “redelikerwys verwag om besering of dood te veroorsaak aan persone of skade of vernietiging aan voorwerpe.”

‘n Aanlyn-aanval op ‘n elektrisiteitsnetwerk is ‘n voorbeeld van die maniere waarop kuberoorlog werklike fisiese skade kan aanrig.

Die advieskomitee se handboek, geskryf deur 20 regskenners, sê regeringsaanvalle op burgerlikes, hospitale, kernsentrales, damme en dyke moet liefs vermy word.

“Aanvalle op die laaste drie is besonder sensitief want dit kan tot wydverspreide lewensverlies lei en moet vermy word, selfs wanneer hulle militêre doelwitte is”.

Hospitale en mediese eenhede word reeds beskerm onder die reëls van tradisionele oorlogvoering.

Die riglyne verbied ook die gebruik van kuberlokvalle en kuberaanvalle om paniek te saai onder die gewone bevolking.

Die handboek, opgestel op die uitnodiging van NAVO se Koöperatiewe Verdedigingsamewerkingsentrum van Uitnemendheid (CCDCOE) in Tallinn, Estland, sluit in ‘n voorsiening vir state om te reageer met konvensionele magte as ‘n kuberaanval tot dood of aansienlike skade aan eiendom lei.

Volskaalse oorloë kan veroorsaak word deur middel van aanlynaanvalle. Die verslag sê “kuberbedrywighede op sigself kan die potensiaal inhou om die drumpel van internasionale gewapende stryd oor te steek”.

“Hacktivists” of kraaktiviste wat deelneem aan aanlynaanvalle kan beskou word as legitieme teikens in kuberoorlog, sê die nuwe riglyne, selfs al is hulle tegnies burgerlikes.

Die CCDCOE is gestig in 2008 na aanleiding van ‘n golf van kuberaanvalle op Estland.

Die aanvalle het staatswebwerwe geteiken en die land se infrastruktuur beskadig.

Die Tallinn-handleiding, wat bestaan ​​uit 95 “swartletterreëls”, is formeel van stapel gestuur by Chatham House verlede week, volgens die Guardian.

Kolonel Kirby Abbott, ‘n assistent-regsadviseur by die NAVO, het dit beskryf as “die belangrikste dokument in kuber-oorlogvoeringwette.”

Die Stuxnetvirusaanval op Iran se kernprogram, wat fisies sensitiewe sentrifuges beskadig het, is egter deur die opstellers uitgelaat.

Die handboek lui: “Tot op datum, is geen internasionale gewapende stryd in die openbaar gekenmerk as uitsluitlik ontketen in die kuberruim nie.”

Die handleiding magtig ‘n land om “proporsionele teenmaatreëls” na ‘n aanlyn-aanval te neem, maar dit kan slegs waar dit tot die dood of ernstige skade gelei het, ‘n geweldsoplossing insluit.

Die handboek is nie ‘n amptelike NAVO-dokument of -beleid nie, maar ‘n adviserende handleiding, wat deur Cambridge University Press gepubliseer word.