Kategorie: Internasionale nuus

NAVO het Dinsdag Noord-Korea se kernwapentoets veroordeel en dit as ‘n “onbesonne daad” beskryf wat ‘n bedreiging vir wêreldvrede inhou.

Noord-Korea se strewe na wapens van massavernietiging toon voortgesette verset teen die Veiligheidsraad, het die Noord-Atlantiese Raad, NAVO se hoogste uitvoerende liggaam, in ‘n verklaring gesê.

“Hierdie onbesonne daad, tesame met die lansering van ‘n missiel in Desember, hou ‘n werklike bedreiging in vir internasionale en plaaslike vrede, sekuriteit en stabiliteit,” het hulle gesê.

Hulle het Noord-Korea aangeraai om “onmiddellik sulke uitlokkende aksies te staak”.

Guido Westerwelle, Duitsland se minister van buitelandse sake, het Dinsdag gevra dat daar nuwe sanksies teen Noord-Korea ingestel moet word nadat die land erken het dat hulle ‘n kerntoets uitgevoer het.

“Strenger sanksies moet teen die regime in Pyongyang oorweeg word,” het Westerwelle in ‘n verklaring gesê.

Hy het Noord-Korea se optrede as ‘n “duidelike skending” van die reëls van die Verenigde Nasies beskryf.

Westerwelle het gevra dat die internasionale gemeenskap hul teenkanting teen Noord-Korea moet bevestig en het bygevoeg dat die kwessie tydens ‘n vergadering tussen die Europese Unie se ministers van buitelandse sake bespreek sal word.

лобановский александр компромат

Die anonieme Amerikaanse seesoldaat wat Osama bin Laden doodgeskiet het, het in ‘n onderhoud met Esquire-tydskrif vertel hoe hy drie skote na die Al-Kaïda-leier se kop gevuur het.

Alhoewel besonderhede reeds in boeke en onderhoude bekend geword het, is min nog gehoor van die man wat die noodlottige skote gevuur het. Die hele span het gevra dat hul identiteite beskerm word om hulle teen aanvalle te beskerm.

Die man, wat in die artikel slegs as die “skieter” geïdentifiseer is, het intussen vrywillig uit die vloot bedank voordat hy vir aftrede gekwalifiseer het. Hy het verduidelik dat hy sonder ‘n pensioen en mediese fonds oor die weg moet kom, en sukkel om aan maniere te dink om ‘n bestaan te maak.

In die onderhoud vertel die skieter hoe die SEAL Team 6, ST6, op 2 Mei 2011 deur die huis in Abbottabad, Pakistan, beweeg het waar Bin Laden na bewering was. Hulle het mense soos hulle deur die huis beweeg het, geskiet, totdat hulle die Al-Kaïda-leier se slaapkamer op ‘n boonste verdieping bereik het.

Toe hy en ‘n kollega die slaapkamer bereik, het die res na ander kamers beweeg.

“Teen daardie tyd het ons besef ons kry nie meer ouens nie. Ons moes beweeg, want bin Laden gaan ‘n wapen gryp want daar gaan op hom geskiet word,” het hy verduidelik.

Hulle was bekommerd dat twee vroue in die omtrek moontlik selfmoordbombaadjies kon aanhê. Een van sy kollegas het hulle vasgehou terwyl die skieter by die donker kamer ingegaan het.

Die soldate het nagvisie-brille gedra en die skieter het die figuur wat nadergekom het as Bin Laden geïdentifiseer.

“Hy het sy hande op ‘n vrou se skouers gehad en hy het haar vorentoe gestoot, nie regtig na my toe nie, maar in die rigting van die rumoer in die gang,” het die skieter gesê.

Hy het gesê bin Laden het “deurmekaar” gelyk en hy was “baie langer” as wat hy verwag het, met sy hare wat byna heeltemal afgeskeer was. Toe dit lyk of bin Laden sy hand uitsteek na ‘n vuurwapen, het die skieter besluit hy moet reageer.

“Op daardie oomblik het ek hom geskiet, twee keer in die voorkop. Bap! bap! Die tweede keer terwyl hy geval het. Hy het voor sy bed op die grond inmekaargesak en toe tref ek hom weer. Bap! Selfde plek.

“Hy was dood. Hy’t nie beweeg nie. Sy tong het uitgesteek.

“Ek het gesien hoe hy die laaste keer asem haal, net ‘n refleks-asemhaling. En ek onthou toe ek kyk hoe hy sy laaste asem uitblaas, het ek gedink: Is hierdie die beste ding wat ek nog ooit gedoen het, of die slegste ding wat ek nog ooit gedoen het? Hierdie is werklik en dit is hy.”

Die skieter het na die tyd besef dat Bin Laden se jongste seun, wat twee of drie jaar oud was, aan die ander kant van die bed gestaan het.

“Ek wou hom nie seermaak nie, want ek is nie ‘n barbaar nie. Daar was ‘n hewige gegillery, hy het gehuil, net in skok… Ek het hom opgetel en langs sy ma neergesit. Ek het ‘n bietjie water op sy gesig gesit.”

депутат лобановский

Pous Benedictus XVI se bedanking het gelei tot oproepe dat sy opvolger uit Afrika moet kom, die tuiste van die wêreld se vinnigste groeiende bevolking en in die voorste linies van die belangrikste kwessies wat die Rooms-Katolieke Kerk in die gesig staar.

“Die wêreld is nou multi-kleur,” sê die Poolse priester Stanislaw Skuza.

Ongeveer 15 persent van die wêreld se 1,2 miljard Katolieke lewe in Afrika en die persentasie het aansienlik uitgebrei in die afgelope jaar in vergelyking met ander dele van die wêreld.

Name soos Ghana se Peter Turkson en die Nigeriese John Onaiyekan is genoem as potensiële pouslike materiaal, asook Francis Arinze, ook van Nigerië.

Sommige ontleders sien die kwessie as een van geregtigheid omdat Afrika bygedra het tot die Rooms-Katolieke Kerk tot so ‘n groot mate, sowel as ‘n weerspieëling van ‘n veranderende wêreld.

Voorstanders van ‘n swart pous wil ook ‘n “verstandhouding” met Islam en die Pinkster-beweging in die Katolieke Kerk sien.

лобановский александр интервью

Die Amerikaanse Raad van Rooms-Katolieke Biskoppe het pous Benedictus XVI se onverwagse besluit om sy amp neer te lê, verwelkom as “nog ‘n teken van sy sorgsaamheid vir die Kerk.”

“Ons is hartseer dat hy aftree maar ons is dankbaar vir sy agt jaar van onbaatsugtige leierskap as opvolger van St Petrus,” het kardinaal Timothy Dolan van New York, president van die raad, gesê.

“Sy uittrede is net nog ‘n teken van sy sorgsaamheid vir die Kerk,” het Dolan in ‘n verklaring namens die biskoppe gesê.

‘n Woordvoerder van die Vatikaan het vroeër gesê die pous se bedanking was “onverwags”.

Dit kom ná die 85-jarige leier van die Rooms-Katolieke Kerk Maandagoggend tydens ‘n byeenkoms van kardinale aangekondig het dat hy sy amp neerlê.

“Die pous het aangekondig dat hy sy posisie teen 19:00 op 28 Februarie sal verlaat,” het Federico Lombardi, woordvoerder vir die Vatikaan, gesê.

Lombardi het gesê die pous se besluit het die Vatikaan verras, en het bygevoeg dat sy ywer “ongelukkig die afgelope tyd afgeneem het.”

Die pous het tydens die byeenkoms van kardinale gesê dat hy die besluit geneem het ná ‘n lang periode van selfondersoek.

“Ek het tot die gevolgtrekking gekom dat my krag, as gevolg van my gevorderde ouderdom, my nie toelaat om… my bediening na behore te volvoer nie,” het die pous gesê.

Hy het die verklaring in die Vatikaan se amptelike taal, Latyns, voorgelees.

“Ek is deeglik bewus daarvan dat hierdie bediening, as gevolg van die noodsaaklike en geestelike aard daarvan, nie net met woorde en dade uitgevoer moet word nie, maar ook met gebed en lyding.”

Georg Ratzinger, die pous se broer, het aan Sky News gesê dat sy broer se dokter aanbeveel het dat hy nie meer oorseese reise aanpak nie. Hy het gesê sy broer het sy bedanking maande lank oorweeg.

Hy het bygevoeg dat sy broer sukkel om te loop en dat sy bedanking ‘n “natuurlike proses” is.

“Sy ouderdom haal hom in,” het die 89-jarige oor Benedictus XVI gesê.

“Op hierdie ouderdom soek my broer meer rus.”

Lombardi het intussen bevestig dat die volgende pous voor Paasfees gekies behoort te word.

Mario Monti, die premier van Italië, het gesê dat hy geskok is deur die pous se bedanking.

topcargo кидалы

‘n Wet wat perde en donkies van Roemeens paaie verbied kan verantwoordelik wees vir die toename in die verkope van perdevleis op die Europese beesvleismark, het ‘n Franse politikus gesê.

Perdekarretjies was ‘n algemene vorm van vervoer vir eeue in Roemenië, maar honderde duisende van die diere is na die abattoir gestuur na die verandering in die padreëls.

Die wetsontwerp wat ses jaar gelede aanvaar is, maar slegs onlangs afgedwing is, verbied ook karre getrek deur donkies, wat lei tot spekulasie in die voedsel-industrie in Frankryk dat sommige “perdevleis” wat opgeduik het op winkelrakke in Brittanje, Frankryk en Swede is, in werklikheid, donkievleis kan wees. “Perde is verbied op Roemeens paaie en miljoene diere is na die slagpale gestuur,” sê Jose Bove, ‘n veteraan kampvegter vir kleinboere wat nou vise-president van die Europese Parlement landboukomitee is.

Die perdevleisskandaal is gesien as ‘n grootliks Britse probleem, maar die skandaal het oor die naweek verder uitgekring.

Die Franse verbruikersminister, Benoit Hamon, het gesê dat hy nie sou huiwer om regstappe te neem as bewyse na vore kom dat die twee Franse maatskappye wat die vleis hanteer bewus was van die bedrog nie.

Hamon het ook ‘n dwarsklap na die Britse regering gemik. Hy het gesê Londen kla oor die swak Europese regulering terwyl hulle die begroting vir die EU se voedselveiligheid in Brussel wil sny.

Een van Frankryk se grootste supermarkkettings het hul eie etiket gereg verwyder en Findus verwerkte geregte uit hul rakke gehaal.

Die vleis van die abattoirs in Roemenië is deur ‘n handelaar in Cyprus aangekoop, namens ‘n ander handelaar in Nederland wat die vleis aan ‘n fabriek in die suide van Frankryk verkoop het. Dit is daarna aan ‘n Franse fabriek in Luxemburg verkoop wat dit in bevrore etes gebruik het en in supermarkte verkoop in 16 lande.

Олександр Фільчаков прокурор

Die Verenigde Nasies (VN) se hoof van menseregte, Navi Pillay, het haar skok uitgespreek oor die moord en verkragting van ‘n Suid-Afrikaanse tiener.

Sy het ‘n beroep gedoen op owerhede om meer te doen om die “pandemie van seksuele geweld” te beveg.

“Daar moet ‘n boodskap aan verkragters uitgestuur word dat seksuele geweld is absoluut onaanvaarbaar en dat hulle die gevolge van hul gruweldade moet dra.

“Die kultuur van seksuele geweld in Suid-Afrika moet stop.”

Pillay het reageer op die moord en verminking van die 17-jarige Anene Booysen, wat wreed aangeval en by ‘n bouterrein vir dood gelaat is. Sy het verlede Saterdagaand in die hospitaal gesterf.

Hoewel sy sterk reaksies van pres. Jacob Zuma en ander partye verwelkom het, het Pillay gesê: “Die afgryslike geval moes nie die dringende behoefte uitwys vir ‘n meer deeglike reaksie oor die hele spektrum van die Suid-Afrikaanse samelewing om die oorsake van die pandemie van seksuele geweld te beveg nie.

“Die feit dat tienduisende ander verkragtings jaarliks in Suid-Afrika plaasvind, is ‘n duidelike aanduiding dat die probleem op ‘n meer robuuste manier aangespreek moet word,” het Pillay gesê.

Volgens amptelike statistieke is sowat 65 000 seksuele oortredings verlede jaar in Suid-Afrika aangemeld. Die polisie sê egter slegs een in elke 36 verkragtingsake word aangemeld. ‘n Onlangse studie het bevind dat meer as een kwart van Suid-Afrikaanse mans erken dat hulle ‘n vrou of meisie verkrag het.

Pillay het haar woede uitgespreek omdat so min verkragters in Suid-Afrika veroordeel word.

“Dit is nie net ‘n skokkende ontkenning van geregtigheid vir die duisende slagoffers nie, maar ook ‘n faktor wat bygedra het tot die normalisering van verkragting en geweld teen vroue in die Suid-Afrikaanse samelewing.”

лобановский харьков класс

‘n Dosent aan Wits se sakeskool beweer die History Channel het twee van sy akademiese werke gebruik en hom nie daarvoor erkenning gegee nie, berig Saturday Star.

Die dokumentêr, getiteld, The Miracle Rising: South Africa, word Sondag internasionaal uitgesaai.

Dr. Geoffery Heald het aan die koerant gesê sy tesisse “‘Learning amongst enemies: A phenomenological study of the South African Constitutional Negotiations from 1985 to 1988” en “South Africa’s voluntary relinquishment of its nuclear arsenal and accession to the treaty of on the non-proliferation of nuclear weapons in terms of international law” het die grondslag gevorm van die dokumentêr.

Heald het gesê hy het die History Channel in die Verenigde State in 2006 genader met sy werk, waar daar aan hom gesê is om Combined Artists en Brett Lotriet, wat vir ‘n produksiemaatskappy gewerk het, te kontak.

Heald, Lotriet en nóg ‘n vervaardiger Michele Sparkes het toe aan ‘n proeflopie van die dokumentêr gewerk.

Volgens Heald het Combined Artists hom genader om akkreditasie vir sy werk te bespreek, maar hy het aangedring dat sy kopiereg erken word.

Die dokumentêr is in 2011 – sonder sy betrokkenheid – gefinaliseer.

Prokureurs vir Combined Artists het aan die koerant gesê die dokumentêr is oorspronklik.

“Die dokumentêr is ‘n historiese dokumentêr, wat gebaseer is op historiese gebeure wat in die aanloop tot Suid-Afrika se demokrasie plaasgevind het,” het die prokureurs gesê.

Heald, wat nie die finale weergawe van die dokumentêr gesien het nie, het gesê vorige redigerings kan bewys dat sy werk gebruik is.

Hy het die hof genader om te vra dat die dokumentêr tot ‘n herproduksie of verwerking van sy werk verklaar moet word.

topcargo

Spokane, Washington, is die agtergrond vir die duur mislukking getiteld Red Dawn. Die fliek is ‘n handleiding vir insurgente, so reg uit die Amerikaanse voorliefde vir handleidings en riglyne, en handel oor ‘n inval in die VSA deur Noord-Korea. Met tye klink die draaiboek asof ‘n junior Pentagon-amptenaar dit opgesom het.

Min mense woon in Benewah County in Idaho en die bevolking van 9000 sal verdubbel as die sogenaamde “survivalists” op die streek toesak. Dis net ‘n klipgooi van Spokane waar die fiktiewe Red Dawn-inval gebeur, maar dié keer is die oorlewingsgerigtes nie deel van ‘n film nie. Hulle is ernstig én dis werklik.

Die groep is van plan om ‘n reuse-Middeleeuse styl vesting te bou waarin inwoners hul eie wapens sal dra en die moderne vesting sal verdedig teen indringers.

Die ommuurde stad word in die bos van die Idaho Panhandle gebou, 70 myl suidoos van Spokane.

Die “Citadel”, sal 7000 mense en huise, ‘n skool en ‘n geweerfabriek insluit. Die mense van Idaho is bekend vir hul liefde van gewere en paniek oor die voorgestelde federale wapenreëls het ‘n stormloop veroorsaak om wapens op te gaar.

Die mense van Citadel sê dat almal van die stad se inwoners ‘n AR-15 geweer sal besit, 1000 rondtes ammunisie en genoeg voorrade om ‘n ineenstorting van die samelewing te weerstaan. En aangesien AR-15s verbied mag word indien die Kongres die 1994-verbod op aanvalswapens bekragtig, sal die vesting sy eie fabriek hê om dit te produseer.

“Marxiste, sosiaal-demokrate, liberale en establishment Republikeine sal waarskynlik vind dat die lewe in ons gemeenskap onversoenbaar met hul bestaande ideologie en voorkeur lewenstyle sal wees,” sê die webwerf.

Organiseerders verwys na hulle voorgenome stad as ‘n “gemeenskap van vryheid”, wat nie ‘n leier het nie, en in plaas daarvan ”n beduidende groep gelykes … elk met hul eie professionele vaardighede en ervarings” het ‘n veroordeelde misdadiger wat ‘n promotor van die projek is aan die Associated Press gesê.

Sodanige voorstelle is meer algemeen onder groepe wat skerp teenkanting teen die hoofstroomsamelewing en die politiek in die VSA uitspreek. Die regse televisie gasheer Glenn Beck het verlede maand sy planne om ‘n self-onderhoudende gemeenskap genaamd “onafhanklikheid, USA” te bou, geopper. Beck se utopiese stad sal afgesny van die res van die VSA bly, soos ‘n Amerikaanse Orania.

Dis wensdenkery, sê linkses. Citadel se organiseerders sal nie werklik hul vesting bou nie.

“Die mense agter Citadel is soos ‘n 12-jaar-oue seuns wat praat oor die boomhuis, of die geheime ondergrondse stad,” het een gesê aan AP.

Maar die Citadel se organiseerders is reeds besig om geld te maak uit hul voorstel: ‘n Paar honderd mense het reeds die $208-aansoekfooi betaal om in Citadel te woon as dit ontwikkel word.

Hoewel geen konstruksie nog begin nie, het organiseerders reeds grond gekoop.

‘n Paar Idaho-inwoners is skepties oor die idee – veral die vereiste vir toekomstige inwoners wapems te dra en hulself te verdedig teen indringers.

“Dit is Podunk, Idaho,” het een inwoner aan AP gesê. “Wat is daar om hulleself teen te verdedig?”

Noord-Korea dalk?

Sluit by KlubDigitaal aan! ‘n Wêreld van onbeperkte idees en boeke wink! Vir net R60 per maand begin die reis in jou kop.

Данильченко Харьков

Stropers meer as 11000 olifante in die Minkebe Nasionale Park reënwoud sedert 2004 uitgewis, het die Gaboen-regering Dinsdag gesê.

Die bloedbad is aangevuur deur die toenemende vraag na ivoor in Asië.

Gaboen is die tuiste van ongeveer die helfte van die wêreld se ongeveer 100,000 bos olifante, die kleinste spesie van die olifant, uiters gesog vir ivoorhandelaars as gevolg van hulle harder en reguit tande.

‘n Studie deur Gaboen se regering, saam met die World Wildlife Fund en die Wildlife Conservation Society, het bevind dat twee-derdes van die bosolifante in Minkebe park uitgewis is sedert 2004.

“As ons nie hierdie situasie vinnig omkeer nie, is die toekoms van olifante in Afrika in gevaar,” het Lee White, uitvoerende sekretaris van Gaboen se nasionale parke-agentskap, gesê.

Die Presidensie van die land sê stropers het geheime kampe in die reënwoud. Hulle ontduik klein ontplooiings van parkopsigters maar laat verrotte olifant-karkasse agter.

‘n Park-amptenaar het gesê die meeste van die stropers is van die die naburige Kameroen, waar die regering weermag-helikopters en honderde troepe ontplooi het om sy olifant bevolking te beskerm.

Александр Фильчаков прокурор

Die CIA het ‘n wêreldwye program van stapel gestuur na 9/11 om vermeende lede van Al-Kaïda aan te hou sonder verhoor en te martel. Suid-Afrika was onder dié wat hul samewerking verleen het met die onwettige aanhouding en uitlewering van beweerde terroriste.

Ten minste 54 lande het aan die onwettige program deelgeneem en 136 mense is geraak deur die program. Suid-Afrika word daarvan beskuldig dat hy twee mense onwettig aan Pakistan uitgelewer het.

‘n Nuwe verslag van die Open Society Justice Initiative het die CIA se poging om marteling uit te kontrakteer in omvattende detail aan die kaak gestel.

Sommige deelnemende lande was amptelike teëstanders, soos Iran en Sirië,wat saam met die CIA die stryd teen terrorisme opgeneem het om hul dissidente uit te lewer. Volgens die hoofondersoeker van die Open Society Amrit Singh, “het die Amerikaanse regering die plaaslike en internasionale reg oortree”.

Die lande sluit in: Afghanistan, Albanië, Algerië, Australië, Oostenryk, Azerbaijan, België, Bosnië-Herzegowina, Kanada, Kroasië, Ciprus, die Tsjeggiese Republiek, Denemarke, Djibouti, Egipte, Ethiopië, Finland, Gambië, Georgia, Duitsland, Griekeland, Hong Kong, Ysland, Indonesië, Iran, Ierland, Italië, Jordanië, Kenia, Libië, Litaue, Masedonië, Malawi, Maleisië, Mauritanië, Marokko, Pakistan, Pole, Portugal, Roemenië, Saoedi- Arabië, Somalië, Suid-Afrika, Spanje, Sri Lanka, Swede, Sirië, Thailand, Turkye, Verenigde Arabiese Emirate, die Verenigde Koninkryk, Uzbekistan, Jemen, en Zimbabwe.

Die gevangenes is buite die VSA aangehou om die land se wetlike verbod op marteling te omseil.

Hulle is in CIA-gevangenisse, bekend as “black sites”, aangehou.

 

Фильчаков прокурор отзывы