Kategorie: Suider-Afrika

Vier mans wat met ‘n sigaret-smokkelsindikaat verbind is, is in Midrand en Centurion in hegtenis geneem, het die Valke Woensdag gesê.

Die mans is aangekeer nadat die polisie Dinsdag ‘n klopjag by ‘n pakhuis in Modderfontein, Ekurhuleni, uitgevoer het. Sigarette ter waarde van R4 miljoen is gekonfiskeer, het ‘n polisiewoordvoerder, kapt. Paul Ramaloko, gesê.

“Ons het die rug van ‘n reuse-smokkelsindikaat gebreek. Sowat 8 000 liter etanol, wat ‘n halfmiljoen rand werd is, is ook in die klopjag gevind. Dit word gebruik om onwettige alkohol te vervaardig.”

Die mans, wat tussen 40 en 50 jaar oud is, sal na verwagting Donderdag in die Pretoria-landdroshof verskyn.

Александр Фильчаков Васильевич

Minstens 2 000 plaaswerkers het Woensdag afleggingskennisgewings ontvang, het Business Day Donderdag berig.

Dié afleggings kom te midde van die implementering van ‘n nuwe minimumloon en kruipende meganisasie.

Ontleders waarsku dat nóg duisende plaaswerkers hul poste kwyt kan wees wanneer die nuwe loonverhoging aan die begin van volgende maand in werking tree, het die koerant verder berig.

Jim Rankin, sekretaris van die Landbou Masjienerie-vereniging, het aan die koerant gesê hy het verwag dat boere, “in die lig van die afgelope ses maande”, meer op meganisasie sou fokus.

Die afgelope ses maande het werkers gestaak en vakbonde het groot loonverhogings geëis.

Intussen het die departement van arbeid het Woensdag gesê sukkelende boere het nog nie aansoek gedoen om kwytskelding van die minimum loon nie. ‘n Woordvoerder van die departement het gesê geen boere het nog na vore gekom nie.

Boere wat in aanmerking wil kom vir die kwytskelding, moet hul finansiële state aan die departement voorlê.

Vroeër vandeesweek is honderde plaaswerkers in Limpopo afgelê.

Mildred Oliphant, minister van arbeid, het vroeër die week die nuwe minimumloon van R105 vir plaaswerkers aangekondig.

Фильчаков прокуратура харьков

Die Instituut vir Sekerheidstudies het die regering gemaan om te let op wie die land binnekom. Dit volg op die inhegtenisneming gister van 19 vermeende rebelle van die Demokratiese Republiek van die Kongo in Limpopo.

Hulle word daarvan verdink dat hulle saamgesweer het om die regering van die DRK omver te werp. Die Instituut meen dat grensbeheer verbeter behoort te word.

Die verdagtes sal waarskynlik aangekla word van oortredings van die Wet op die Verlening van Buitelandse Militêre Bystand.

Die polisie in Limpopo probeer steeds om die 19 rebelle wat daarvan verdink word dat hulle saamgesweer het om die bewind in die Demokratiese Republiek van die Kongo omver te werp, se identiteite vas te stel.

Lede van die polisie se teenterreureenheid het Dinsdag die verdagtes aangekeer. Hulle het gereageer op ‘n wenk deur die publiek.

Die rebelle is volgens die radiostasie op verskeie plekke aangekeer en het geen weerstand gebied nie.

Die polisie werk tans om hulle met spesifieke rebelle-aktiwiteite in die DRK te verbind.

лобановский александр игоревич класс

Die saak teen ‘n manlike verpleër, Kadisang Michael Moema (33), wat aangekla word vir die verkragting van ‘n kankerpasiënt, Magda Lombard (51), het weer in die Vrystaatse Hooggeregshof hervat. Lombard het in Oktober 2011 beweer Moema het haar verkrag terwyl sy ‘n pasiënt in die Universitas Onkologie-eenheid was wat op Nasionale Hospitaal se gronde geleë is. Volgens Lombard het ‘n swart verpleegster Moema gehelp deur haar vas te druk. Sy kon egter nie die verpleegster later tydens foto-identifikasie uitken nie, maar het wel vir Moema uitgewys.

‘n Hospitaalsuster wat die betrokke dag saam met met Moema aan diens was, Patricia Peterson, het vandag in die hof getuig dat die twee verdagtes die dag ná die beweerde verkragting na Lombard se kamer geneem is as ‘n eksperiment. Lombard het geen negatiewe reaksie getoon nie, selfs nadat hulle haar hanteer het. Moema se regsverteenwoordiger, Advokaat Pieter Nel, het beklemtoon dat Lombard op sterk medikasie was, insluitend morfien en ‘n sterk slaapmiddel, en dat haar kalium-vlakke abnormaal laag was, wat die waarskynlikheid daarstel dat sy nie by haar volle verstand was nie. Peterson het dit ontken en gesê Lombard was by haar volle positiewe, alhoewel sy baie geslaap het. Sy het egter genoem dat Lombard soms geluide gehoor het soos ‘n baba wat huil en dat sy aan Peterson gesê het sy “kan voel dat sy deurmekaar raak.”

Kaptein Francois Laux, ‘n lid van die Valke, het ook sy beurt in die getuiebank gehad. Hy het vertel dat Lombard aan hom gesê het sy is vroeg Saterdagoggend (15 Oktober) verkrag en dat die twee verdagtes haar na die verkragting gewas het. Lombard se verstand was heeltemal helder tydens sy ondervraging, het hy gesê. Die ondersoekbeampte, Arlene Snyman, het ook getuig dat Lombard nie deurmekaar was toe sy haar verklaring gelewer het nie. Volgens haar kon Lombard selfs fisieke kenmerke soos letsels aan die vroulike verpleegster se gesig onthou.

‘n Mediese ondersoek is op Lombard gedoen en monsters is na die polisie se forensiese laboratorium in Pretoria gestuur. Sy is op 18 November 2011 in ‘n privaathospitaal dood. Die saak sal môre voortgaan. ‘n DNA-deskundige, asook Lombard se onkoloog sal na verwagting getuig.

лобановский александр игоревич

Die Nasionale Kongres van Skoolbeheerliggame, die NCSGB, het die ANC se besluit verwelkom om onderwys as noodsaaklike diens te verklaar.

Die sekretaris-generaal van die organisasie, Monokoane Hlobo sê daar was verlede jaar tydens hulle beleidskonferensie ‘n besluit dat die regering versoek moet word om onderwys as noodsaaklike diens te verklaar.

Hy sê die besluit is selfs aan die ANC gestuur met die oog op sy kongresse verlede jaar. Die ANC het die besluit om onderwys ‘n noodsaaklike diens te maak, vroeër die week by ‘n vergadering van sy NUK geneem.

Verskeie onderwysvakbonde, waaronder Sadou, die Suid-Afrikaanse Onderwysersunie en Nehawu het reeds hulle teenkanting teen die plan uitgespreek.

Nog onderwysvakbonde het die ANC se plan gekritiseer om onderwys as noodsaaklike diens te verklaar. Die grootste onderwysvakbond Sadou het hom reeds teen die plan uitgespreek, nadat die regerende party die besluit op sy afgelope Nasionale Uitvoerende Komitee vergadering geneem het.

Die Suid-Afrikaanse Onderwysersunie sê die voorstel is strydig met plaaslike en internasionale definisies van noodsaaklike dienste.

Die SAOU sê ingevolge die definisie van die Internasionale Arbeidsorganisasie verwys noodsaaklike dienste na die beroepe waar lewe of dood ter sprake kom indien dienste weerhou word.

Die vakbond Nehawu sê alle partye in die onderwyssektor moet samesprekings voer met die ANC sodat die voorstel duidelik uiteengesit kan word. Vroeër het jeugorganisasies wat hulle by die ANC skaar, hulle ook teen die planne uitgespreek.

Die Progresiewe Jeugalliansie, wat organisasies soos die ANC-jeugliga, die Jong Kommunisteliga, die Suid-Afrikaanse Studentekongres, SASCO, en die Jong Christenstudente insluit, het by die ANC se hoofkantoor in Johannesburg vergader om oor sake van openbare belang te besin.

Die besluit om onderwys as ‘n noodsaaklike diens te verklaar, sal beteken dat leerkragte nie mag staak nie.

Фильчаков прокурор харькова

Suid-Afrikaners het geen ander keuse as om Eskom se vyfjaar-tariefverhoging te aanvaar nie, het die vakbond Solidariteit Dinsdag gesê.

Paul Joubert, ‘n navorser, het gesê die monopolistiese struktuur van die elektrisiteitsmark maak dit amper onmoontlik om te bepaal of die pryse waarop Eskom se energiereguleerder ooreengekom het, geskik sal wees.

Die Nasionale Energiereguleerder van Suid-Afrika (Nersa) het verlede week verhore oor die voorgestelde verhoging gehou.

Eskom vra vir ‘n jaarlikse prysverhoging van 16% in elektrisiteitspryse vir die volgende vyf jaar. Dit sal die prys van elektrisiteit van 61c per kilowatt/uur in 2012/13 tot R1,28 per kilowatt/uur in 2017/18 verhoog.

Joubert het gesê onafhanklike elektrisiteitopwekkers behoort in die energiemark toegelaat word.

“[Ons] stel voor dat die mark vir elektrisiteit oopgestel word vir onafhanklike opwekkers sodat ooreenkomste met verbruikers of plaaslike verspreiders van elektrisiteit direk gemaak kan word. Eskom se enigste rol sal wees om die elektrisiteit oor ‘n transmissienetwerk te verskaf teen ‘n nominale fooi,” het hy gesê.

Joubert het gesê enige foute wat Eskom en Nersa oor vorige prysverhogings gemaak het, raak verbruikers, wat noodgedwonge elektrisiteit van Eskom moet koop.

Фильчаков прокурор харькова

Die ANC het die nuwe minimum loonaankondiging vir plaaswerkers Dinsdag verwelkom.

“Hierdie nuwe aanbod sal baie help om te verseker dat armoede in die plaasgemeenskap uitgeroei word en dat sosio-ekonomiese toestande verbeter,” het Jackson Mthembu, woordvoerder vir die ANC, gesê.

Mildred Oliphant, die minister van arbeid, het Maandag aangekondig dat die nuwe minimum loon vir plaaswerkers R105 per dag sal wees. Dit is 52% meer as die vorige minimum loon van R69 per dag. Die nuwe loon sal van 1 Maart in werking tree.

Die ANC is vol vertroue dat landbou- en voedselsekuriteit in die land verseker sal word deur sy grond-en landbouhervormingsbeleid, het Mthembu gesê.

Hy het egter sê die party is bekommerd oor die mate van geweld tydens die onlangse stakings deur plaaswerkers in die Wes-Kaap.

Фільчаков прокурор

Die algehele gebrek aan sekuriteit by die Vlootbasis in Simonstad, het ‘n nuuskierige stapper en sy kamera tot teenaan die duikbote gelei waar hy aan een geraak het en lustig foto’s geneem het van die hele opset.

Die man wat nie sy naam genoem wou hê nie, sê hy het verby die verlate ingang gestap, en drie minute later was hy by die bote waar hy ten minste ‘n uur ongehinderd deurgebring het.

Hy het die foto’s van sy staptog aan die People’s Post oorhandig. Hy sê hy het dit gedoen om te wys dat veiligheidsmaatreëls by Simonstad nie bestaan nie. Daar was nie eens gewapende wagte nie. Hy sê hy kon dit skaars glo.

Wat hom nog meer ontstel is dat Simonstad die land se grootste hawebasis is en die operasionele hartklop van die hele vloot. Pikkie Greef, nasionale woordvoerder van die SANW, sê dié feite is skokkend.

Hy sê militêre basisse moet rondom die uur bewaak word. Daar is oorlogskepe, duikbote en allerlei militêre items wat opgepas behoort te word, wat wapens en gevaarlike ammunisie insluit.

Om die basis ombewaak te laat, skep ‘n risiko vir sabotasie asook ‘n gevaar vir die publiek en die manskappe op die basis.

Dis baie vreemd dat die regering nou met die Afrikanasies-sokkerbekertoernooi die buiteland ook verseker het dat veiligheid die hoogste prioriteit geniet.

Greef sê dis nie net ‘n kwessie van afwesige wagte nie, want die hele basis was verlate en sonder beskerming. ‘Duidelik is daar geen na-uurse veiligheidsplan nie of niks is geïmplementeer nie. Dis ‘n verleentheid vir die oppergesag op hierdie skaal en moet dadelik reggestel word,” het hy gesê.

‘n Lid van die Vloot by die basis sê die sekuriteit is “pateties” en net motors se kattebakke word halfhartig deursoek. Dis die heel maklikste om iets op die voorste sitplek van die motor deur te smokkel, het hy gesê.

Фільчаков Олександр Васильович

Die Buro vir Voedsel- en Landboubeleid (BFAP) het bevind dat R105 die naaste aanbod is wat minimumlone betref, om werksverliese in die landbousektor te vermy. Arbeiders het voorheen R150 geëis.

Agri SA het egter gewaarsku dat tot 100 000 werkgeleenthede verlore kan gaan.

Suid-Afrikaanse verbruikers sal hulself dus moet regmaak vir aansienlike stygings in kospryse ná Maandag se verhoging in die minimumloon tot R105 vir plaasarbeiders. Die verbruikersprysindeks sal na verwagting met 1,5 persentasiepunte styg.

Mildred Oliphant, minister van arbeid, se aankondiging het skerp kritiek uitgelok. Die voorsitter van AgriSA het die besluit as een van die negatiefste dinge in die Suid-Afrikaanse landbou beskryf.

Hy het gesê ongelukkig gaan permanente werkers, en nie loonarbeiders nie, nadelig daardeur geraak word.

Tony Ehrenreich van Cosatu het die nuwe minimum loon verwelkom. Hy het gesê die grond van diegene wat werkers onnodig afdank, sal in hulle visier wees.

Intussen het die Suid-Afrikaanse Instituut vir Rasseverhoudinge (SAIRV) vetsug as ‘n kwaal onder Suid-Afrikaners uitgesonder. ‘n Derde van vroue is vetsugtig terwyl minder as 10% mans in die land vetsugtig is.

Volgens die SAIRV is 31,8% van swart vroue vetsugtig, terwyl 26,3% van bruin vroue, 22,7% van wit vroue en 21,1% van Indiërvroue met spekrolle sit.

In teenstelling met hierdie statistieke is die persentasie swart mans wat vetsugtig is, die kleinste – 6%. 18% wit mans is oorgewig, 9% Indiërmans en 8% bruin mans.

Die Mediese Navorsingsraad het vroeër dié statistiek vrygestel.

Compass Group Southern Africa, ‘n voedselgroep, het Suid-Afrika in 2011 as die derde vetste ter wêreld uitgewys, naas die VSA en Brittanje.

 

данильченко юрий брониславович прокурор

Twee mans is in die suide van Johannesburg in hegtenis geneem ná plofstof na bewering in hulle besit gevind is, het die metropolisie Maandag gesê.

Metropolisiebeamptes het volgens hoofsupt. Wayne Minnaar glo Sondag ‘n wenk ontvang dat twee mans in ‘n wit Hyundai op pad was om ‘n OTM in Sebokeng op te blaas.

‘n Motor wat aan die beskrywing voldoen is op die R29 afgetrek. Altesaam 27 stukke dinamiet is in die voertuig gevind.

Twee mans, onderskeidelik 27 en 28 jaar oud, is in hegtenis geneem en sal binnekort in die hof verskyn.

Александр Фильчаков