Suider-Afrika Archives - Page 718 of 888

SA vroue slagoffers van intieme geweld

'n Vrou in Suid-Afrika is ses keer meer aan die dood blootgestel as op enige ander plek ter wêreld, danksy geweld deur 'n persoon waarmee sy 'n intieme verhouding het.

Tydens 'n konferensie oor die onderwerp van seksuele geweld het professor Rachel Jewkes van die Sexual Violence Research Initiative gesê, is "vyf-en-twintig persent van vroue oor die algemeen en tussen 40 en 50 persent in teikengroepondersoeke slagoffers van intieme geweld."

Die konferensie is daarop gemik om oplossings te vind om sulke geweld te kan verhoed. Sy het gesê meer as 40% van mans is gewelddadig teenoor vroue.

Daarbenewens is daar geloofwaardige getuienis wat daarop dui dat vroue wat mishandel word en mans wat dit aan hulle doen, meer geneig is om MIV-positief te wees.

"Mans wat geweld teenoor vroue pleeg is meer as twee keer meer geneig om MIV-positief te wees," het sy gesê.

Suid-Afrika het daarbenewens die hoogste alkoholgebruik per capita ter wêreld, het die konferensiegangers gehoor. Daders is dikwels onder die invloed en vroue die slagoffers. "In tweederdes van die gevalle waar vroue deur 'n intieme eggenoot vermoor word in die Wes-Kaap, is die bloedalkoholvlak twee keer hoër as wat 'n bestuurder wettig mag inneem."

детский хоккей игра

Boereorkes vermaak Vrystaatse wetgewerlede

Honderde gaste het reeds aangekom by die Mangaungsportsentrum in Bloemfontein Woensdagoggend om die inhuldiging van lede van die Vrystaatse wetgewer by te woon.

Die sportsentrum is opgetooi met volvloermatte en swart en goue behangsels vir die geleentheid. 'n Rooi tapyt van die sportsaal se ingangsportaal strek voorts tot by die ingang van die nuutopgerigte kantore.

Buite staan groepe opgewonde gaste en gesels terwyl Greykollege se Boereorkes die wagtendes vermaak.

Sowat 29 nuwe lede sal ingehuldig word. Die ANC het 22 lede, die KVP (Cope) het drie, die DA drie en die VF+ een.

Ace Magashule, die ANC se provinsiale voorsitter, sal later vandag by 'n ander geleentheid as premier van die Vrystaat ingesweer word.

promoted posts

Eskom gaan tariewe moet opskuif

Eskom het 'n alternatiewe befondsingsmodel nodig om R130 miljard vir beplande projekte te vind, volgens Beeld se Sake24.

Die koerant het Woensdag berig dat hulle in die besit van dokumente is wat toon dat Eskom die bedrag oor die volgende drie jaar benodig. Fanie Zulu, segsman, het dit bevestig.

"Eskom moet R274 miljard oor die volgende drie jaar bestee. Daarvan is R141 miljard gewaarborg deur 'n regeringslening en R91 miljard in die vorm van skuld wat deur die regering gewaarborg word," het Zulu gesê.

Hy het gesê Eskom se befondsingsmodel moet "grondig aangepas" word, omdat hulle nie geld kan invorder deur tariewe nie. Tariewe word hoofsaaklik aangewend om lopende uitgawes te dek.

with bonus

Belastingkantoor brand

'n Brand het op die vierde vloer van Germiston se belastingkantoor uitgebreek Woensdagoggend.

'n Segspersoon vir die betrokke nooddienste sê brandweerpersoneel is op die toneel.

Roggers Mamaile sê daar is geen beserings en sterftes aangemeld nie.

Die brand is glo onder beheer in die gebou op hoek van Plantation en Victoriastraat.

Die oorsaak van die brand is nie bekend nie.

Suid-Afrikaner vas in Mosambiek vir sabotasie

’n Woordvoerder van die Mosambiekse polisie, Pedro Cossa, het gister gesê 'n Suid-Afrikaner, ’n Duitser, ’n Portugees en ’n burger van Botswana is betrap toe hulle ’n bytmiddel in die elektriese turbines van die Cahora Bassadam wou gooi.

Hy sê die polisie het op 500 kg van die bytmiddel, wat nog nie geïdentifiseer is nie, beslag gelê. Die name van die aangehoudenes is nie bekend gemaak nie.

Volgens die polisie is die Suid-Afrikaner 21 jaar oud en die Duitser, ’n oudsoldaat, 50 jaar oud. Die Portugese burger is ’n 30-jarige hotelwerker en die burger van Botswana ’n 28-jarige vlieënier.

Hulle word almal in Tete aangehou en sal na verwagting na Maputo geneem word vir verdere ondervraging.

Die Cahora Bassadam in die Zambezirivier, verskaf 1 500 megawatt krag aan Suid-Afrika, sowat 4,2% van die land se verbruik, en voorsien ook krag aan Mosambiek en Malawi.

Die dam is deur die Portugese regering in 1974 gebou en in 2007 aan Mosambiek oorgedra.

MDC-ondersteuners weer aangehou

Agtien MDC-ondersteuners is weer in hegtenis geneem, onder wie me. Justina Mukoko, gerespekteerde menseregte-aktivis, asook vakbond- en studenteleiers. Haar ondersteuners het in trane uitgebars. Sy is voorheen in aanhouding gemartel.

Al 18 was vry op borgtog, maar is gister by hul herverskyning voor ’n hof in opdrag van landdros Catherine Chimanda in Harare weer opgesluit. Hulle word aangekla van onder meer boewery en terrorisme.

Amnestie Internasionaal het in New York gesê die stap kaats 'n ernstige skadu oor die Zimbabwiese regering se bereidwilligheid om die vervolging van politieke opponente te staak.

“Die hof besluit is ’n ernstige bedreiging vir die lewe, gesondheid en volhoubaarheid van die eenheidsregering. Dis ’n flagrante miskenning van die beginsels waarop die regering tot stand gekom het,” het Tsvangirai se Beweging vir Demokratiese Verandering in ’n verklaring gesê.

Tsvangirai is onder druk van Zanu-PF om die internasionale gemeenskap te oortuig om Zimbabwe van geldhulp te voorsien.

Die VSA, Brittanje, die Europese Unie en verskeie internasionale instellings weier om Zimbabwe te ondersteun totdat daar sekere hervormings onderneem is. Brittanje en die VSA beskou die voortgesette aanhouding en teistering van Mugabe se politieke opponente as die grootste struikelblok om hulp te ontset.

Zimbabwe het sover R3,4 miljard se kredietfinansiering van SAOG-lande teen gewone bankkoerse te bekom.в ландшафтном

Zambi? teken eerste varkgriepgeval aan

Afrikalande spook om varkgriep uit 'n kontinent te hou wat alreeds swaar gebuk gaan onder Vigs en malaria. Hulle vrees dat 'n uitbraak veel erger gevolge sal inhou as wat in Noord-Amerika en Europa die geval is.

Daar is tans net een aangemelde geval van die griepvirus in Afrika, en mediese personeel het toesig by lughawens en grensposte opgeskerp, maar fondse bly 'n tameletjie. Indien die virus posvat, vrees kenners dat dit 'n katastrofe vir die reeds gebrekkige gesondheidsdienste kan inhou en 'n aansienlike aantal menselewens kan eis.

Zambië se openbare uitsaaier het bekend gemaak dat een geval, 'n reisiger uit Suid-Afrika, in Ndola, geïsoleer is.

Daar is 22 miljoen mense in Afrika suid van die Sahara wat net MIV/VIGS besmet is en hulle verswakte immuunstelsels maak hulle besonder vatbaar vir varkgriep, veral in landelike gebiede wat nie sondermeer toegang tot dienste het nie.

Die winterseisoen het ook aangebreek en selfs gewone griep kan 'n ernstige gevaar inhou in omstandighede waar armoede, 'n gebrek aan toepaslike behuising, voedsel en oorbevolking heers.

Varkgriep het reeds die lewens van 26 mense in Meksiko geëis en 2 in die VSA. Alhoewel relatief min ongevalle in dié lande aangemeld is, kan die virus nog in 'n meer gevaarlike mutasie omsit wat 'n tweede meer dodelike golf van die griep kan beteken.

Die wêreld se aandag is op varkgriep gespits, maar daagliks sterf daar duisende Afrikane aan siektes wat verhoed of behandel kon word. David Sanders, professor aan die universiteit van die Wes-Kaap, meen die reaksie op varkgriep is "oordrewe histeries" en is verbaas dat die 2,5 miljoen swart kinders wat sterf aan diarrhiale siektes nie dieselfde aandag geniet nie.

под ключ Лобановский Харьков

Zim het dringend voedselhulp nodig

Sewentig persent van Zimbabwe se bevolking het voedselhulp nodig. Dit het die Internationale Monetêre Fonds (IMF)
Maandag bereken.

"Die armoede en werkloosheid in Zimbabwe het tot 'n katastrofale vlak gestyg. Dat is die gevolg van slegte beleid en swak owerheid."

Die Fonds het die land tussen 9 en 24 Maart besoek. Die organisasie meen dat Zimbabwe 200 miljoen dollar (151 miljoen euro) begrotingsondersteuning en tussen 200 en 300 dollar (151 en 227 miljoen euro) vir voeding, gesondheid en onderwys benodig.

Zimbabwe word daarnaas nog steeds bedreig deur 'n cholera-epidemie wat nie onder beheer is nie omdat die land nie daarin slaag om water te suiwer nie. Die siekte het al meer as vierduisend lewens geëis.

Die IMF meen voorts dat "politieke meningsverskille kan lei tot nog groter sosiale onrus." Zimbabwe se skuld beloop 5,1 miljard dollar (3,9 miljard euro).

игрушки купить киев

Onderwyser vas vir moetiemoord

'n Onderwyser van Mpumalanga (47) word daarvan verdink dat hy 'n sesjarige dogtertjie vir moetie vermoor het. Die polisie in Tonga het gesê hy sal tot Donderdag moet wag voordat hy vir borg sal kan aansoek doen.

Kaptein Amos Mashele sê die onderwyser, John Ndlovu, en sy medeaangeklaagde Thabile Msini, 29, het Maandag vlugtig voor die hof verskyn op aanklag van moord.

Hulle word daarvan verdink dat hulle Dimakatso Mahlalela vir moetie doodgemaak het. 'n Nadoodse ondersoek het bevind dat die kind se ingewande, privaatdele, lippe en vingers verwyder is.

Haar liggaam is op 26 April drywend in die Nkomazirivier gevind. Die aangeklaagde verkeer steeds in aanhouding.

прокурор Фильчаков

VSA stuur Kirk na inhuldiging

Die VSA sal 'n hoëvlakafvaardiging gelei deur handelsverteenwoordiger Ron Kirk na die inhuldiging van Jacob Zuma as president van Suid-Afrika stuur, het die Withuis Maandag in 'n verklaring gesê.

Kirk sal op 9 Mei na Pretoria vergesel word deur senior lede van Barack Obama se administrasie. Die name van die lede in die groep is nie in die verklaring bekend gemaak nie.

Zuma sal op Woensdag amptelik in die parlement aangewys word as president nadat sy party, die ANC, met 'n 66% meerderheid in die vierde demokratiese verkiesing gewen het.

"Die VSA wens die mense van Suid-Afrika geluk met nog 'n suksesvolle verkiesing – die vierde ná apartheid – en sien uit daarna om nou saam te werk met die nuwe administrasie in Suid-Afrika," het die Withuis bygevoeg.

casino no прокурор Фильчаков