Kategorie: Suider-Afrika

Die Vryheidsfront Plus het die wrede en onverdiende aanval Saterdagoggend op die tagtigjarige mnr Jan du Toit, van die Kameeldrift-wes hoewes, ten sterkste veroordeel.

Die verteenwoordiger van die VF Plus in die Wesmoot, Philip van Staden, het in reaksie op die aanval gesê dat die regering direk verantwoordelik gehou moet word vir hierdie dade. Hy het bygevoeg dat die lied “skiet die boer” wat deur Julius Malema van die ANC gesing is, nie net gelei het tot die moord van Mnr Eugene Terre’blanche nie maar dat inwoners op landelike sowel as stedelike gebiede ook aangeval en vermoor word.

Van Staden het ook bygevoeg dat sy gesprek met die Staatspresident, Jacob Zuma, tydens sy besoek aan die Wesmoot aan die begin van April 2010 egter geen vrugte afgewerp het nie en dat die President nooit sy beloftes teenoor die gemeenskap nagekom het nie.

So ook het die Burgemeester van Tshwane Metroraad ook nog nie haar beloftes rondom dringende samesprekings nagekom nie.  Van Staden voorspel dat die aanvalle in die Wesmoot drasties gaan styg indien die 17000 plakkers vanaf Atteridgeville na die Wesmoot verskuif gaan word.  Hy het ook beklemtoon dat die misdaadsyfer in die gebied, wat tans baie hoog is, toegeskryf kan word aan die feit dat daar verskeie plakkerskampe in die Wesmoot opgeskiet het en dat die regering niks daaraan doen om die plakkers te verwyder nie.

Van Staden gaan dringende samesprekings met verskillende gemeenskapsleiers in die Wesmoot aanvra om die veiligheidsituasie in die Wesmoot te bespreek.  Na die afhandeling van hierdie samesprekings sal daar dan ‘n deurdagte veiligheidsplan bekend gemaak word. Samesprekings het reeds met verskillende Afrikaner organisasies plaasgevind.

‘n Pretoriase polisieman wat  na bewering met ‘n gewapende roof verbind word, is terug in sy pos ten spyte daarvan dat hy gearresteer is.

Joshua Raboshaba, 50, skofbevelvoerder by die Boskoppolisiestasie, is onlangs deur Helmoet de Graaf geëien as een van die gewapende rowers by een van de Graaf se sakeondernemings.

Raboshaba is geïdentifiseer as een van die ses mans wat de Graaf in Augustus aangeval het toe hy dokumente by die polisiestasie wou laat sertifiseer.

Volgens die polisie het “probleme” daartoe gelei dat Raboshaba nie geskors is nie en terug is by die werk.

‘n Sakeman van Gauteng wat probeer het om ‘n misdaad te rapporteer, is na bewering aangerand en vir agt ure aangehou.

Charl Wessels (30) van Meyerton, het Maandag by ‘n Durbanse hotel ingeteken. Hy is kort na sy aankoms deur vyf mans op die hoek van Dr. Pixley ka Seme- en Gillespiestraat aangeval en beroof.

Sy horlosie, beursie, selfoon en ID-boek is gesteel. Wessels het na ‘n polisievoertuig oorkant die pad gehardloop na afloop van die aanval om hulp te kry.

Die Mercury  berig dat Wessels daarna aangerand en opgesluit is. Volgens die polisie word die saak ondersoek.

“Hy het gesê ek moet fokof en dat dit nie sy werk is om my te help nie. Ek het vir hom gesê dit is sy werk. Hy het geantwoord dat ek hom nie moet vertel hoe om sy werk te doen nie,” het Wessels gesê.

Die drie beamptes het uitgespring en hom aangerand nadat hy die polisievoertuig se registrasienommer afgeneem het toe hy hulp geweier is.

Hy is deur die polisiebeamptes geslaan en met ‘n knie in die ribbes gestamp. Die bestuurder het hom ook aangerand. Hy is daarna hardhandig in die polisievoertuig gestamp.

Hy is na die Boscombe polisiestasie geneem, waar twee beamptes hom in ‘n polisietrok toegesluit het en rassistiese skeltaal toegesnou het. Hulle het Wessels ‘n “wit vark” en ‘n “baster” genoem.

Hy het ook gesien hoe polisielede sonder uniform omkoopgeld van aangehoudenes eis. Die polisielid wat hom uiteindelik vrygelaat het, het aan hom gesê: “Ek het jou nou net gered.”

Wessels het ‘n saak van aanranding en roof teen die oortreders aanhangig gemaak.

Vier mense is gedurende ’n betoging oor swak dienslewering in Leandra, Mpumalanga vir openbare geweld in hegtenis geneem, het die polisie gesê.

Kons. Thabo Lekete het gesê die mans is Woensdag gedurende ‘n betoging wat gewelddadig begin raak het, in hegtenis geneem.

Die betogers het die R29 en die R50 met brandende bande versper in ‘n poging om reaksie uit die Govan Mbeki-munisipaliteit te kry nadat daar ‘n memorandum op 10 Maart aan hulle oorhandig is.

“Hulle het alle deeurgang versper en het gesê niemand sal toegelaat word om te gaan werk nie,” het hy gesê.

Twee winkels is afgebrand en twee vragmotors is op die R50 beskadig toe die betogers motoriste met klippe bestook het.

“Die situasie is vandag weer onder beheer. Mense is toegelaat om na hul werk terug te keer.”

Talle polisiebeamptes is na die gebied ontbied om die situasie onder beheer te hou.

Meer as 30 mense is weens openbare geweld tydens betogings in hegtenis geneem sedert oproer op 19 Maart begin het, het Lekete gesê.

Die top Suid-Afrikaanse Wêreldbekerorganiseerder, sê die land is gereed om President Barack Obama te ontvang vir die toernooi. 

Obama het verlede somer in die Wit Huis met FIFA-president Sepp Blatter vergader, en Suid-Afrikaanse amptenare sê Obama het aangedui dat hy ook sal probeer om die geleentheid by te woon indien sy skedule dit toelaat. 

“Dit sou wonderlik wees, indien hy kom,” sê Danny Jordaan, die Suid-Afrikaanse organiseringskomitee se hoofuitvoerendebeampte. Hy het Woensdag tydens ‘n onderhoud met The Associated Press dié hoop uitgespreek. “Ons verwag ‘n groot aantal staatshoofde tydens die Wêreldbeker-sokkertoernooi. ” 

“Ons gaan baie hoë-profiel mense te kry,” het hy gesê.

“Die regering sal die nodige veiligheidsvoorsorgmaatreëls tref.” Blatter en Jordaan hoop dat die voormalige Suid-Afrikaanse president Nelson Mandela ook kan kom. Die Nobelpryswenner word deesdae selde in die openbaar gesien.

“Natuurlik is Mandela 91 jaar oud,” sê Jordaan. “Dit is iets waar ons moet wag en sien.”

Jordaan het gesê dit is moeilik om ‘n beweerde dreigement deur te evalueer wat deur Al-Kaida gerig is op die hoë-profiel VSA-Engeland-wedstryd op 12 Junie. Jordaan het gesê die “egtheid van daardie ding” is nog nie bepaal nie. 

FIFA se Jerome Valcke, algemene sekretaris, het gesê Suid-Afrika het versuim om die 450 000 internasionale besoekers te trek soos dit eers geprojekteer was vir die toernooi, en Suid-Afrikaanse Toerisme Minister Marthinus van Schalkwyk het hierdie maand gesê die syfer kan so laag as 300 000 wees.

Jordaan meen 373 000 internasionale besoekers sal opdaag, waarvan 100 000 van buurlande in Afrika sal kom. Daar is nog tussen 120 000 en 140 000 onverkoopte kaartjies. Deel van die probleem word veroorsaak deur die wêreldwye resessie.

“Dit krisis raak baie van die lande in Europa, insluitende Engeland en Duitsland, wat toevallig die groot markte is,” het hy gesê. “En selfs nou sien jy die krisis in Griekeland. En die mense in 2010, wat die vermoë gehad het om te reis in 2004 en ’05 kan dit nou nie bekostig nie.”

Desnieteenstaande is die VSA die voorloper van buitelandse belangstelling met 160 000 kaartjies aangekoop, ten spyte van die hoë pryse vir lugtariewe en hotelle.

“Dit lyk asof die herstel is goed in die Verenigde State,” het hy gesê.

“En vir seker volg ondersteuners die spanne waarin hulle glo. En ons het gesien nadat die Verenigde State tot die eindstryd van die Konfederasiebeker deurgedring het en voor was teen Brasilië met 2-0 teen halftyd, het aanhangers in die VSA besluit dat dié ‘n span is wat ‘n kans in hierdie Wêreldbeker staan. En as die spanne tot in die tweede rondte vorder in die laaste fases, sal daar ‘n verdere invloei van ondersteuners in die land wees.” 

Jordaan hoop dat die Wêreldbeker-sokkertoernooi sal ‘n volhoubare hupstoot aan toerisme sal verleen. Suid-Afrika het net meer as 10 miljoen internasionale besoekers verlede jaar gehad en hoop om die syfer te verhoog tot 15 miljoen jaarliks teen 2014. 

Suid-Afrika kan probeer om die Wêreldbeker-sokkertoernooi op te volg deur die Olimpiese Spele in Afrika vir die eerste keer in 2020 aan te bied. Jordaan het gesê hy kan Johannesburg, Kaapstad of Durban as gasheer voorstel. 

“As jy gasheer van die Wêreldbeker-sokkertoernooi kan wees en as ons die infrastruktuur het, waarom nie die Olimpiese Spele nie? Dit is die voor die hand liggende vraag wat geopper gaan word,” het hy gesê.

“Dit is die laaste van die mega-gebeure wat nog uitstaande is vir die kontinent.”

Die voormalige president Nelson Mandela gaan dalk nie die openingseremonie van die Wêreldbeker-sokkertoernooi, wat in Junie afskop, bywoon nie.

Hy beplan glo om die toernooi tuis te geniet, het sy kleinseun Woensdag aan AFP gesê.

Die nuus is vir sy aanhangers en vir Fifa, die organiseerders van die toernooi,’n teleurstelling, omdat hulle op sy glorieryke teenwoordigheid gehoop het.

“Vir seker nie. My oupa is op die stadium baie oud en ons probeer hom nie uitput nie,” het Mandla Mandela gesê.

“Hy het gesê hy verkies dit om die toernooi op die plaas in die platteland vanaf sy huis te geniet,” het Mandela gesê, wat tans ‘n lid van die parlement is.

“Hy sal gedurende die Wêreldbeker die geleentheid kry om by sy huis in Qunu in die Oos-Kaap te rus.”

’n Amptelike besluit sal deur sy familie en die Nelson Mandela Stigting geneem word kort voor die geleentheid.

Sepp Blatter, die president van Fifa, het verlede Vrydag gesê hy hou duim vas dat Mandela sterk genoeg sal wees om die eregas by die openingseremonie te wees.

Sy kleinseun het bygevoeg dat sy oupa steeds gesond is en dat hy tans slegs met sy knieë sukkel weens drukking op sy gewrigte.