Suider-Afrika Archives - Page 636 of 888

FIFA boelie Kulula

Fifa het die lugredery Kulula beveel om ‘n advertensie wat sê dat hulle die “nie-amptelike lugredery vir die jy-weet-wat” is terug te trek, het The Star Vrydag berig.

Die lugredery het op Twitter gesê: “O gats, ‘n brief van Fifa se prokureurs sê dat ons hulle handelsmerk met die gebruik van ‘Suid-Afrika’ verbreek het en hulle dink ons nie-WB advertensie was oor sokker…

“Selfs die gebruik van ons nasionale vlag was ‘n kwessie. Dit is absoluut verregaande. Ons het ons land, sy simbole en ons ekonomie aan Sepp Blatter afgeteken.”

Amptelik het die lugredery gesê dat hulle “verras” was om ‘n brief van die sokker-beheerliggaam te ontvang wat daarop aandring dat hulle die advertensies terugtrek.

“Hulle het gesê ons kan nie die Kaapstad-stadion gebruik nie, ons mag nie sokkerballe of ‘Suid-Afrika’ gebruik nie. Die gebruik van die nasionale vlag word ook nie toegelaat nie,” het Nadine Damen, Kulula se bemarkingsbestuurder, gesê.

“Ons kan geen verwysing maak na die Wêreldbeker-sokkertoernooi nie. Hulle het ook vir ons gesê dat ons nie die vuvuzela, wat uit ons oogpunt ‘n verteenwoordiging van die mense van Suid-Afrika is, gebruik nie. “

мультики игрушки

Gewapende rowers oorval prof en personeel by UV

Drie gewapende rowers het Donderdag op ’n departementshoof se kantoor toegeslaan by die Universiteit van die Vrystaat.

Die gewapende rowers het die hoof van die departement dierkunde en entomologie, prof. Jo van As, ’n meestersgraadstudent en ’n tegniese assistent oorrompel.

Twee van die drie rowers het glo reeds Woensdagmiddag in die gebou rondgedwaal en gemaak of hulle studente is.

Van As het hulle onmiddellik herken. Toe hy probeer weerstand bied, is ‘n vuurwapen teen sy kop gedruk met die woorde “don’t try to be a hero, Prof”.

Die rowers het duidelik Woensdag kom ondersoek instel by die departement.

‘n Ontstelde vader wie se seun aan die departement verbonde is, het Praag Donderdag direk na die aanval gekontak. Hy wou weet of dit Jonathan Jansen, die rektor, se planne vir transformasie van die universiteit is.

Selfone, beursies en rekenaars is gebuit en die drie het vermoedelik met ’n grys Isuzu-dubbelkajuitbakkie wat vroeër die dag op die kampus gesteel is, gevlug.

Die bakkie se registrasienommer is DNS 546 FS.

free deposit casino uk

Oproerige skoolkinders maak amok buite landdroshof

Oproerige skoolkinders het die vensters van ‘n Galitos-restaurant naby die Protea-landroshof in Soweto gebreek.

Omtrent 50 studente het by die restaurant probeer instorm, maar die eienaar het vinnig genoeg gereageer, die deure gesluit en die oproerige jongmense uit dié populêre restaurant gehou.

“Die studente het die vensters gebreek en gevra: ‘Wat’s vir middagete?’,” het, Dimpho Mokotgo, ‘n werknemer, gesê.

Die restaurant was Donderdag gesluit vir middagete.

Gebreekte vensters getuig van die studente se poging om die gebou te plunder.

Polisiebeamptes en verslaggewers het vroeg Donderdagoggend vir die tweede dag van die Survivor-man, Molemo Maarohanye en sy vriend se borgtog-verhoor buite die Protea-landdroshof in Soweto saamgedrom.

Die hekke na die hof-terrein is vroegoggend reeds gesluit en slegs polisievoertuie en dié van verslaggewers was binne toegelaat.

Die twee beskuldigdes is hip hop-musikant, Jub Jub en Themba Tshabalala. Talle polisiebeamptes moes die terrein monitor om die situasie onder beheer te hou.

Die skare, insluitend hoërskoolleerlinge het Woensdag met stokke, boomtakke en ANC-vlae buite die hof betoog en gewaarsku dat hulle Jub Jub sal “verwoes” indien hy borgtog toegestaan word.

Hulle het Donderdag weer gewapen by die hof opgedaag.

“Indien die polisie die studente aanval, sal ons met bakstene en klippe gewapen en gereed wees,” het Kenneth Mbatha van Congress of SA Students (Cosas) gesê.

’n Graad 10-leerling is vroeër deur ’n vragmotor doodgery toe hy na die landdroshof op pad was om te betoog, het die Gautengse departement van onderwys gesê.

Charles Phahlane, die woordvoerder van die departement, het gesê die voorval het Woensdag plaasgevind.

Die leerlinge het glo pas die Thutolore-Sekondêre Hoërskool verlaat toe die voorval plaasgevind het.

“Hulle was glo na die hof op pad om teen die mede-beskuldigdes, Jub Jub en Themba Tshabalala se borgaansoek te betoog,” het Phahlane aan Sapa gesê.

“Die leerling het na bewering op die vragmotor gespring, maar gegly en geval.” Die seun was ‘n leerling aan die Hoërskool Anker in Meadowlands.

“Die departement is bewus van die situasie waar sommige leerlinge aan die betoging buite die hof deelneem en ons is besig om dit te hanteer.”

Jub Jub en sy vriend staar vier aanklagtes van moord in die gesig nadat hulle glo verlede week vier kinders gedurende ‘n jaagtog doodgery het.

Intussen beplan Jub Jub om onskuldig te pleit op vier aanklagte van moord.

“Die Almagtige Here kyk nou na my. Ek voel nie goed nie,” het ’n huilende Maarohanye gesê.

“Ek het nooit ‘n misdaad gepleeg nie. Ek het dit nie bedoel nie.”

Hy het sy gevoel van medelye teenoor die families van die vier kinders wat op 8 Maart gesterf het, uitgespreek.

Jub Jub, wat baie sag gepraat het, het gesê hy kan nie sê of hy borgtog kan bekostig nie.

“Ek sal enigiets doen om my lewe terug te kry,” het hy gesê.

“Ek was nie onder die invloed van enige drank of dwelms nie en ek was nie besig om ‘n straatresies te jaag nie,” het hy verder gesê.

кардиганы

Totale wanorde heers in SAPD

‘n Verslag van die polisie se nasionale inspektoraat wat van April tot Desember 2009 strek, is onlangs op versoek van die parlementêre portefeuljekomitee oor polisie vrygestel.

Uit die verslag blyk die algehele verval van die toesig en beheer wat by 733 van die land se 1 116 polisiestasies aan die orde van die dag is.

Die mees basiese beheer en toesig oor beamptes, dossiere, wapens en voertuie ontbreek. Weeklikse inspeksies word “oor die algemeen geminag” en nasionale opdragte word gewoon verontagsaam.

In Kwa-Zulu Natal word daar uit pligsversuim geen dossiere bygehou nie en klaers dus nie op hoogte van vordering indien enige, gehou nie.

Daarbenewens toon bevelvoerders ’n “ernstige gebrek” aan vaardighede en opleiding.

Die inspeksies is onderneem om te bepaal of bevelvoerders dissipline handhaaf en polisiekantore na behore bestuur.

Die ondersoek het hoofsaaklik op polisiekantore in Gauteng, Mpumalanga en die Vrystaat gekonsentreer.

топкарго

Moenie getroue belastingbetalers harder slaan nie

Die Vryheidsfront Plus het gesê dat die ANC-beheerde Tshwane-metroraad ‘n ernstige fout maak deur getroue belastingbetalers te teiken om hoër belastings te betaal vir die munisipaliteit se swak bestuur.

Volgens berigte het talle eienaars van kleinhoewes in Raslouw, Andeon, Montana en elders skerp stygings in hul rekeninge vir eiendomsbelasting ervaar. Daar word ook reuse agterstallige bedrae van die inwoners gehef sonder dat hulle ooit gereelde maandelikse rekeninge daarvoor ontvang het. Sommige inwoners het rapporteer dat hulle eiendomsbelasting met tot 400% gestyg het.

Volgens dr. Conrad Beyers, VF Plus-raadslid, gaan die VF Plus die kwessie dringend ondersoek en die metroraad probeer oortuig om die inwoners tegemoet te kom. Die VF Plus het reeds die metroraad se burgemeesterskomiteelid vir finansies, dr. Ernie Jacobson, hieroor gekontak en hy het onderneem om teen more (Vrydag) hieroor verslag te doen.

“Dit is nie net by die kleinhoewes waar daar problem met eiendomsbelasting is nie. Talle inwoners van deeltitel- en ander eiendomme het nog nooit enige rekeninge vir eiendomsbelasting ontvang nie. Hierdie mense kontak die munisipaliteit hieroor, maar kry nie enige reaksie nie. Die inwoners is bekommerd dat hulle op ‘n stadium reuse “agterstallige” rekeninge gaan ontvang sonder dat individuele rekeninge ooit aan hulle gestuur is,” het Beyers gesê.

Indien die metroraad die saak nie op ‘n billike wyse wil oplos nie kan inwoners hulle na die howe wend. Elke burger het die reg op billike administratiewe prosesse. Indien die metroraad vir ‘n baie lang tyd geen rekeninge aan inwoners stuur nie vanweë swak administrasie en indien inwoners gewillig is om te betaal en vra vir gereelde rekeninge, dan is dit onbillik en onwettig om die inwoners skielik met reuse bedrae te konfronteer wat hulle finansieel kan knak.

Die nuutste verslag van die Ouditeur-Generaal het juis gemeld dat probleme met die metroraad se hantering van eiendomsbelasting een van die redes is waarom die metroraad ‘n gekwalifiseerde ouditverslag ontvang het.

play crown

Twee anti-Malema veldtogte skop af

Die Vryheidsfront Plus se Federale Dagbestuur het verlede week Vrydag formeel besluit om ‘n anti-Malema veldtog in die belang van alle Suid-Afrikaners in die algemeen en Afrikaners en minderhede in die besonder, te loods.

“Die veldtog skop hierdie week af onder die tema ‘Vervolg Malema’. Dit spruit voort uit die strafregtelike klagte wat die party se leier, dr. Pieter Mulder, verlede week teen Malema gelê het na aanleiding van sy haatspraak teen boere.

Dit is van kardinale belang vir ons toekomstige veiligheid en ekonomiese integriteit om die Malema-trein te stuit. Plaasmoorde moet stop en voedselsekuriteit moet verseker word,” het adv. Anton Alberts, VF Plus-parlementêre woordvoerder vir Ekonomie gesê.

Die veldtog bestaan uit die werf van handtekeninge per e-pos asook by wyse van ‘n nuwe aktivisme-webwerf waar ‘n protesbrief, gerig aan president Zuma, onderteken kan word. Hierdie briewe sal aan Zuma voorgelê word om die publiek se misnoeë oor Malema te kenne te gee en druk op die ANC te plaas om dissiplinêre stappe teen hom te neem.

Dis ook belangrik dat die ANC duidelik moet kan sien dat die publiek se geduld op is met roekelose leiers soos Malema. Die ANC verstaan net een taal en dit is ferm demonstrasie. Daarom is hierdie aksie van kardinale belang en ondersteunend tot die verskeie klagtes wat alreeds teen die ANC-jeugleier gelê is.

Die VF Plus vra daarom dat die publiek ons sal ondersteun deur die volgende webwerf te besoek: www.vervolgmalema.co.za.

Die naasbestaandes en vriende van vermoordes, Steve Hofmeyr, Sean Else, lede van die publiek en ander bekende kunstenaars soos Gerrie Pretorius, Sunette Bridges en ŉ lid van die groep Klopjag, gaan Vrydag, 19 Maart 2010 saam met AfriForum Jeug ’n memorandum en ’n lys van 1600 slagoffers van plaasaanvalle aan die ANC Jeugliga oorhandig uit protes teen Julius Malema se “Skiet die Boer”-uitsprake.

Die oorhandiging vorm deel van AfriForum Jeug se “Stop Malema”-veldtog. Die veldtog behels onder meer:

· ‘n saak teen Malema wat reeds deur AfriForum Jeug by die Gelykheidshof in Johannesburg aanhangig gemaak is,

· ‘n petisieveldtog,

· ‘n www.stopmalema.co.za webwerf, en

· ‘n Stop Malema-Facebookgroep. Die Facebookgroep het vanoggend om 11:00 reeds 9300 lede gehad.

Die besonderhede van die memorandum oorhandiging is:

Datum: 19 Maart 2010.

Tyd: 10:00.

Plek: Vergader by Mary Fitzgerald Square (hoek van Bree- en Henry Nxumalostraat), Johannesburg.

Cope en VF+ ondersteun mosie van wantroue

Dr Corné Mulder, hoofsweep van die VF+, het vandag tydens die wantrouedebat in die parlement gesê dit is altyd beter in die politiek om die bal eerder as die man te speel. Dit is nie wat te siene was nie. Die agbare President is ‘n baie lojale partyman. Alle besluite word gesamentlik geneem, of dit nou deur die NUK of die NWK of die top ses geneem word.

Dit is egter mnr. Zuma wat verkies is deur hierdie Huis om President te wees. Hy is die President van die Republiek en niemand anders nie en dit plaas daarom ‘n aantal verantwoordelikhede op hom.

Artikel 83(b) van die Grondwet gee die President opdrag om die Grondwet na te kom, te verdedig en te respekteer. Die President moet dit doen en nie die NUK of die top ses in die ANC nie. Dit skryf voor dat die President, ongeag van party lojaliteite die land en die Grondwet moet verdedig.

Zuma moet die voorbeeld stel en moet daarom die eerste een wees om Malema in die openbaar te berispe vir sy aanstigting tot geweld en die propageer van haatspraak. Maar Zuma het stil gebly, sê Mulder. Die VF Plus het daarom hierdie mosie van wantroue ondersteun.

Die belangrike ding van die debat was egter nie die feit dat die mosie deur die meerderheid verslaan sal word nie, maar die feit dat dit deur COPE en nie die DA gebring is nie, het hy onderstreep. Hy het gesê dit is die werklike belangrike gebeurtenis. Want indien so ‘n mosie ooit in die toekoms sou slaag, sal dit gebring word deur ‘n COPE-soort van party en nie die DA nie, het Mulder afgesluit.

free slot machine sites

VF+ verwelkom nasionale taalwet

“Die Vryheidsfront Plus verwelkom die uitspraak van die Pretoria Hooggeregshof waarin die regering gelas word om binne twee jaar sy grondwetlike plig na te kom in terme van die daarstelling van regulasies wat die gebruik van amptelike tale vasstel. Dit dien as baken vir die bevordering van die regverdige hantering van amptelike tale in Suid-Afrika,” het adv. Anton Alberts, VF Plus-parlementêre woordvoerder oor Kuns en Kultuur, gesê in reaksie op die uitspraak van regter Du Plessis.

“Die party wens mnr. Cerneels Lourens geluk met sy aansoek waarin hy die hof versoek het om die regering te dwing om ‘n nasionale taalwet op te stel. Die party vind dit egter jammerlik dat die hof nie die regering gelas het om ‘n nasionale taalwet op te stel nie, maar slegs bepaal het dat die regering sy grondwetlike plig moet nakom en reëls vasstel wat die gebruik van tale reguleer en monitor. Die verpligting wat die hof op die regering plaas is egter ‘n groot stap om te verseker dat alle tale gelyke behandeling kry,” het adv. Alberts bygevoeg.

“Die VF Plus gaan die regering monitor om te verseker dat die regering sy verpligting soos vervat in art. 6(4) van die Grondwet, wat die regering tot op hede geïgnoreer het, voortaan na te kom. Die party sal die regering voortdurend herinner om die nodige stappe te neem in terme van die hofbevel om veeltaligheid in die staatsdiens te verseker. Die party sal ook sy veldtog deur middel van parlementêre vrae en gesprekke met die ANC-regering voortsit om die regering te dwing om ‘n nasionale taalwet op te stel.”

‘SA is teelaarde vir mensehandel’

Suid-Afrika se oop, kosmopolitiese samelewing is ‘n teelaarde vir mensehandel, het die Verenigde Nasies (VN) Woensdag gesê.

“Suid-Afrika word vir mensehandel gebruik weens die land se (tegniese en reis-) infrastruktuur.

“Die land se kosmopolitiese samelewing word gebruik om misdaad te fasiliteer,” het Johan Kruger, die VN se kantoor oor dwelms en misdaad (UNODC) se nasionale projekkoördineerder, gesê.

Volgens Kruger word Suid-Afrika se liberale, demokratiese omgewing en ekonomiese mag gebruik om winsgewende mensehandelprojekte te ondersteun.

Kruger het dié opmerkings by ‘n werkswinkel oor internasionale samewerking in mensehandel en -smokkelary in Johannesburg gemaak.

Produktiewe landbougrond in die ANC se visier

Sogenaamde grondhervorming wat gelei het tot die ineenstorting van Zimbabwe, is besig om vorm aan te neem in die nuutste verklarings van die ANC.

Dr. Joe Phaahla, adjunkminister van landelike ontwikkeling en grondhervorming, en Thozi Gwanya, direkteur-generaal, het Woensdag gesê dit is immoreel dat mense wat grondloos is moet toekyk hoe sommiges met duisende hektaar sit.

Phaahla meen die regering moet toegang tot grond met eiendomsreg versoen. Daar word volgens hom reeds te veel klem gelê word op eiendomsreg. Daarom sal art. 25 aangepas moet word, het hy gesê.

Dit is duidelik dat die ANC eiendomsreg in die visier het eerder as voedselsekuriteit. Die fokus van die regering is uitsluitlik op produktiewe landbougrond en nie op die mislukte landboubedrywighede van swart grondeienaars nie.

Die ANC wil grond glo “optimaal” benut deur dit aan grondhonger mense te oorhandig omdat só ‘n stap volgens Phaala “moreel” regverdigbaar is.

Phaala het aan Beeld gesê ’n presedent oor die voogdyskap van natuurlike hulpbronne is met die wet op ontwikkeling van minerale en petroleum-hulpbronne geskep waarvolgens die staat sy regte op hulpbronne behou het. Hy het gesê dit het mynhuise nie afgeskrik nie.