Nuus Archives - Page 970 of 1583

Eskomverhogings sal soos hartaanval wees

Die VF Plus gaan Eskom se aansoek by NERSA vir verdere tariefverhogings teenstaan. Adv. Anton Alberts, VF Plus-parlementêre woordvoerder oor energie, het aangedui dat in die lig van Eskom se wins en die vorige toegestaande verhogings Eskom alreeds spasie gegee is om sy huis in orde te kry.

“Eskom wil eintlik die totale verhoging wat vroeër nie toegestaan is nie nou weer opvang deur verdere verhogings oor ‘n nuwe tydperk. Dit is onaanvaarbaar en sal die ekonomie ‘n verdere knou toedien. Die nuwe kragtarief-verhogings saam met die toltariewe in Gauteng sal soos ‘n hartaanval vir ons ekonomie wees.”

Enige verdere verhogings sal die armstes die hardste tref en daarom sal die regering moet ingryp in die bestuur van Eskom se finansies sonder dat die kragverbruiker of belastingbetaler verder belas word.

the very

Nasionalisering geniet wye steun in ANC

Die Vryheidsfront Plus het gesê dat daar toenemend tekens is dat daar sterk ondersteuning vir nasionalisering binne die ANC-alliansie bestaan. Dit volg na berigte dat Cosatu asook die ANC in die Noordwes-provinsie ‘n beleid van nasionalisering amptelik ondersteun.

Die VF Plus het ook Suid-Afrika se amptelike opposisie, die Demokratiese Alliansie, gekritiseer oor hulle stilte rakende die nasionaliseringsdebat. “Dit is uiters jammer dat die party waarop meeste opposisiekiesers onlangs hulle hoop geplaas het, daardie kiesers nou faal in ‘n tyd van krisis,” het dr. Conrad Beyers, VF Plus-woordvoerder oor finansies, gesê.

Die VF Plus het gesê dat Cosatu se ondersteuning van nasionalisering van myne en banke nie in belang van Suid-Afrikaanse werkers is nie, maar suiwer ideologies-gedrewe is. Volgens die VF Plus bestaan daar sterk aanduidings dat nasionalisering van kernbedrywe eerder werkloosheid kan vererger as verbeter en daarom is dit verbasend dat Cosatu ‘n potensieel selfvernietigende standpunt inneem.

Volgens Beyers blyk dit asof Suid-Afrikaners tans in ‘n staat van ontkenning verkeer rakende nasionalisering. “Alle belanghebbendes behoort tot die besef te kom dat die vooruitsig van nasionalisering nie maar net ‘n abstrakte droom oor die verre toekoms deur ‘n paar waansinniges in die regerende party is nie. Die VF Plus waarsku lank reeds oor die radikalisering binne die regerende party en dit is nou besig om te realiseer,” het Beyers gesê.

Volgens die VF Plus behoort belanghebbendes insluitende die mynboubedryf, bankwese, landbousektor, vakbondwese, burgerlike samelewing asook politieke partye op ‘n gekoördineerde wyse saam te werk ten einde voorbereidings te tref om die bedreiging aan te spreek.

Dit begin duidelik word dat die ANC en sy alliansievennote tans deur ekonomiese ideologie gedryf word en dat hulle nie sal skroom om die land ekonomies te vernietig in die proses nie. “As die ANC toegelaat word om die grondwetlike reg op eiendom weg te neem, sal daar geen keer wees nie. Daarna sal geen eiendom meer veilig wees nie – die gulsige elite wat voordeel uit nasionalisering trek sal nie stop voordat alle Suid-Afrikaanse hulpbronne en welvaart opgevreet is nie”.

China verwelkom Soedan se omstrede president

China het die omstrede president van Soedan, Omar al-Bashir, in die land verwelkom.

Dié besoek het opslae gemaak omdat die internasionale strafhof voorheen ‘n lasbrief uitgereik het vir al-Bashir se inhegtenisname vir volksmoord, oorlogsmisdade en misdade teen die mensdom in Darfoer.

Dis die eerste lasbrief van sy soort wat vir die inhegtenisname van ‘n president uitgereik is.

Die president het voor sy besoek ‘n onderhoud met China se Xinhua-nuusagentskap gesê: “Ons sien China as ‘n strategiese vennoot vir Soedan op verskeie gebiede. Dit sluit politieke, ekonomiese, kommersiële en kulturele samewerking in.”

Hy het China geloof omdat hulle nie inmeng in die interne handelinge van ander in nie.

games for

Maatreëls om grondhervorming te bespoedig

Pres. Jacob Zuma het op die vergadering van Cosatu se sentrale komitee maatreëls aangekondig om grondhervorming te bespoedig. Dit sluit onder meer in:

– Die aanstelling van ‘n waardeerder-generaal om die herverspreiding van grond te bespoedig;

– ‘n Grondbestuurskommissie gaan opgerig word om grondtransaksies te ondersoek en titelaktes te hersien;

– ‘n Huurpagwetsontwerp wat sal help met die oprigting van lokasies vir plaaswerkers;

– ‘n Bestuursraad vir grondregte wat die lokasies sal reguleer en regshulp aan plaaswerkers sal bied, gaan opgerig word.

– Ten minste drie maniere van herverspreiding sal aanstons in ‘n nuwe groenskrif vervat word. Ten eerste sal staatsgrond verhuur word, ten tweede sal daar vrypag ingestel word met beperkings, en ten derde sal buitelanders se reg op besit gekwalifiseer word.

Grondeienaarskap sal sodoende die staat toekom indien buitelanders nie aan vasgestelde verpligtinge voldoen nie.

Zuma het gesê omdat die regering sedert 1994 op markpryse aangewese is, is die regering aan samespanning en bedrog in die grondwaardeketting blootgestel. Hy het gesê dié gevaar moet aangespreek word.

play

PRAAG ontketen leierskapsgeveg in DA

Na aanleiding van ‘n PRAAG-aksie teen die anti-Afrikaanse uitlatings van mnr. Athol Trollip in ‘n e-pos aan mnr. Jaap Kelder, het ‘n leierskapsgeveg blykbaar in die DA ontstaan. Mnr. Athol Trollip, wat onder kritiek van dr. Dan Roodt van PRAAG deurgeloop het, word om die parlementêre leierskap van die party deur me. Lindiwe Mazibuko uitgedaag.

Trollip het vir ‘n vervroegde stemming in die koukus gevra om sy eie posisie beter te kan handhaaf. Volgens die party se koukusreëls behoort die stemming vir parlementêre leier eers in November plaas te vind.

Mev. Helen Zille, die partyleier, het intussen laat blyk dat sy haar nie by die proses gaan inmeng nie. Volgens haar is die DA ‘n “diep demokratiese party” waar sulke leierskapstryde deur middel van partyprosedures besleg word. Saterdag het sy ook gemeen dat dit “verkeerd is om te sê dat Trollip om sy politieke lewe veg. Ek het al interne verkiesings gewen en verloor. Dit het allermins die einde van enigiets beteken, wat nog te sê van my politieke lewe. Eerlikwaar, ek twyfel of daar in November mededinging gaan wees”.

Nadat PRAAG ‘n week gelede die kwessie van Trollip se anti-Afrikaanse e-pos aan mnr. Kelder aan die groot klok gehang het, het media landwyd daaroor berig, met die uitsondering van die SAUK se Afrikaanse radio en TV, asook die Nasperskoerante. Dr. Dan Roodt van PRAAG het mnr. Trollip se chauvinisme op etv, e-news, die Independent-koerante en verskeie Engelstalige radiostasies gekritiseer. Vrydagoggend tussen 10 en 11 vm. was Trollip en Roodt in ‘n vuurwarm debat op SAFM betrokke.

Trollip het Roodt met die intrapslag vir ‘n “rassis” uitgekryt vanweë Leopold Scholtz van Die Burger se uitlatings wat in 2009 in dié koerant gepubliseer is, dog laasgenoemde het hom teruggeantwoord met: “Om George Bernard Shaw te parafraseer, om iemand ‘n ‘rassis’ te noem, is die laaste toevlug van ‘n skurk.” Op die lug het dr. Dan Roodt onthul dat mev. Zille gepoog het om die blanke leier van die party in Pretoria, mnr. Brandon Topham, deur ‘n jong bruin man vanuit die Wes-Kaap te vervang. “Die DA pas interne regstellende aksie toe. Dit maak daarvan ‘n anti-wit rassistiese party,” het Roodt gesê. Trollip het teruggekap dat Topham wel tydens ‘n interne verkiesing in Pretoria oor ‘n swart kandidaat geseëvier het.

Volgens Trollip is die DA ‘n “party vir al die mense wat alle tale en kulture verwelkom’. Die leier van PRAAG het egter gemeen: “Alle tale behalwe Afrikaans, want die DA se webwerf is uitsluitlik in Engels.”

Die onderonsie met PRAAG en mnr. Jaap Kelder het die DA se parlementêre leier kennelik ongewild binne sy eie party gemaak, want hy het dit elders as ‘n “aaklige week” beskryf.

‘Lae intellektuele peil’

Dr. Dan Roodt het mnr. Trollip en die DA tot ‘n voortsetting van die debat rondom die posisie van Afrikaners in Suid-Afrika uitgedaag. “Die DA is kwansuis ‘diep demokraties’ as dit by sy interne prosedures kom, maar is veel minder demokraties as die ANC as dit by openbare debatvoering kom,” het hy gesê. “Ek gesels gereeld met ANC-lede tot op die hoogste vlak en stel my standpunt onomwonde. Moontlik vanweë die lae intellektuele peil van die party – selfs mev. Zille was bloot ‘n junior joernalis by die Rand Daily Mail voordat sy die politiek betree het – vrees die DA gesprekvoering met Afrikaanse organisasies. Die etos van kwasi-Britse chauvinisme en Afrikanerhaat wat uit mnr. Trollip se e-poskommunikasie oor mnr. Jaap Kelder spreek, is uiters kommerwekkend. Veral in die lig daarvan dat mnr. Trollip tydens die debat op SAFM erken het dat meer as die helfte van die DA se kiesers uit Afrikaners bestaan.”

play live casino online Лобановский

Peoriane leef in vrees

Paul Wilkinson, president van die Alta Mont Park Neighborhood Association, in Peoria, Illinois (VSA), het verlede week ‘n ooggetuieverslag van rasse-onmin aan die plaaslike koerant, die Peoria Chronicle deurgegee:

Omstreeks 11 uur, het ‘n groep van ten minste 60-70 Afro-Amerikaanse jeugdiges ‘n optog in een van die systrate (W. Thrush) na die 4-baan hoofaar (Sheridan) gelei. Hulle het wit inwoners skreeuend gedreig. Dinge soos dat hulle “nodig het om almal dood te maak, al die wit mense hier rond”. Hulle was fisies intimiderend teenoor enige een wat die hulp van die polisie probeer ontbied het. Hulle om motors saamgedrom. Motors op die snelweg moes hul remme aanslaan om die jeugdiges nie dood te ry nie en al vier bane is tot stilstand gedwing, asook ‘n groot deel van die systraat. Gevegte het onder die optoggangers uitgebreek. Hulle het op inwoners wat by hul deure uitgekyk het, afgestorm, voorstoepe betree, en dreigemente geskree aan mense wat die polisie vir hulp wou bel.

Karre het haastig U-draaie in dié strate gemaak net om die skare, meestal manlik, te vermy. Een jeugdige het gesê sy oupa was wit en verskeie mede-jeugdiges het hom op die plek aangerand. Een polisiebeampte het die noodoproep beantwoord. Die jeug het in twee groot groepe verdeel, een wat noordwaarts beweeg het, en die ander een suid. Hulle het ook rasse-dreigemente aan die polisiebeampte geskree, maar hy was deur hulle getalle oorweldig. ‘n Polisiemotor het eers opdaag nadat die jeugdiges uiteindelik uitmekaar gegaan het en die vangwa het ook uiteindelik laat opgedaag.

Inwoners is baie onthuts, beide swart en wit. Dit is die vyfde groot massabetoging binne ‘n maand met kleiner groepe van 10-12 wat tussendeur kinders en volwassenes op straat dreig op sekere weeksaande of later in die nag. Die tye wissel, selfs gedurende die dag vind sulke insidente plaas. Uit ‘n gesprek met ‘n polisie-offisier blyk dit hulle is onderbeman. Inwoners is aangeraai om bloot binne te bly en hul deure te sluit. Met ander woorde, wees waaksaam, dit is nie eens veilig om op jou stoep te sit of in jou tuin nie.

topcargo отзыв

Swaziland vra R10 miljard van SA

Suid-Afrika se adjunkminister van finansies, Nhlanhla Nene, het Vrydag aan Reuters gesê die R10 miljard-versoek vir ‘n lening van Swaziland is verregaande.

Swaziland se koning Mswati III, bekend vir sy uitspattige leefstyl, het Donderdag ‘n versoek vir dié lening aan Suid-Afrika gerig.

Mswati word egter beskuldig daarvan dat hy menseregte in sy land misken en pro-demokrasie-aktiviste aanhou. Hy onderhou12 vroue in weelde en het ‘n persoonlike fortuin van sowat R1,3 miljard bymekaargemaak.

Die Afrika-Ontwikkelingsbank het Vrydag ‘n aansoek van Swaziland om ‘n lening van R1 miljard afgewys omdat die land nie aan die vereistes van die Internasionale Monetêre Fonds (IMF) voldoen nie.

Suid-Afrika se departement van internasionale betrekkinge en samewerking het die aansoek bevestig.

Die IMF het vroeër gewaarsku dat die land met sy 1,2 miljoen inwoners enige tyd finansieel in duie kan stort.

Lucky Lukhele van die Swaziland Mass Democratic Movement, wat vakbonde in Swaziland insluit, het die beoogde lening veroordeel en gesê Suid-Afrika behoort dit nie goed te keur nie.

Die beweging sê die finansiële krisis in Swaziland is ‘n regstreekse gevolg van die algehele ineenstorting van die regering.

Volgens Lukhele sal ‘n lening aan die huidige regime “net ‘n belegging in korrupsie wees”.

Bongani Masuku van Cosatu sê: “Dit is ‘n ramp wat deur ‘n paar koninklikes veroorsaak is wat die land deur die jare ondergrawe het deur spandabelrigheid, korrupsie, parasitisme en swak bestuur.”

для девочек игра

Agtien vas vir openbare geweld

Agttien mense is in Motherwell in die Oos-Kaap in hegtenis geneem op aanklagte van openbare geweld nadat hulle na bewering die polisie met klippe bestook het omdat hulle ongelukkig is oor behuising, het die Oos-Kaapse polisie Sondag gesê.

Inwoners het Sondagmiddag ‘n onwettige byeenkoms gehou by ‘n stadion, het ao. Dumile Gwavu gesê.

Hulle het beweer huise waarvoor hulle gewag het, word aan mense gegee wat nie op lyste is nie.

“Die leiers (van die byeenkoms) is eenkant geroep om die probleem aan te spreek… hulle het die gemeenskap aangemoedig om inwoners uit sekere huise te verwyder.

“Ná onderhandelinge met die polisie het hulle nie gehoor gegee aan bevele nie en hulle [die leiers] en hulle volgelinge het die polisie onder klippe gesteek.”

липецк техно прокурор Фильчаков

Zuma kasty NAVO

President Jacob Zuma het Sondag gesê die VN-resolusie wat NAVO voorhou om sy aanvalle in Libië te regverdig, laat nie “bewindsverandering [regime change] of die polititieke moord” van Moeammar Gaddafi toe nie.

“Die voortslepende bomaanvalle deur NAVO en sy bondgenote is ‘n bekommernis wat deur ons komitee en deur die Afrika Unie-vergadering geopper is, want die bedoeling van Resolusie 1973 was om die Libiese bevolking te beskerm en om die humanitêre poging te fasiliteer,” het Zuma gesê.

“Die bedoeling was nie om ‘n veldtog goed te keur vir ‘n regeringsverandering of politieke moord nie,” het hy in openingsgesprekke van die Afrika Unie se paneel oor Libië gesê.

bridal head accessories

VSA: Wit geboortes nou in die minderheid

Vir die eerste keer in die geskiedenis is die meerderheid babas wat in die VSA gebore word, nie meer wit nie. Dit maak deel uit van ‘n radikale verandering in rassamestelling, ook van ouderdomsgroepe in dié land.

Daar is ‘n groeiende kloof tussen meestal wit, ouer Amerikaners en oorwegend swart jeugdiges wat regeringsbeleid in die toekoms ernstig kan beïnvloed.

Voorlopige sensusramings toon ook dat van Afro-Amerikaanse huishoudings onder leiding van die vroue – wat uit meestal enkelmoeders bestaan – nou meer is as Afro-Amerikaanse huishoudings met getroude paartjies. Ontleders waarsku dat dit voortgesette uitdagings vir swart jeugdiges sonder betrokke vaders, kan inhou.

Die bevindinge, wat op die jongste regeringsdata gegrond is, bied ‘n oorsig van die finale 2010-sensusresultate.

Demograwe sê die uitslag is die duidelikste bevestiging nog van ‘n veranderende sosiale orde, een waarin rasse-en etniese minderhede Amerika teen die middel van die eeu sal bevolk.

“Ons beweeg na ‘n erkenning dat ons in ‘n ander wêreld as die 1950’s lewe, waar huwelike of twee-ouer- heteroseksuele paartjies nou nie meer die norm is nie, na veral kinders van kleur,” sê Laura Speer , koördineerder van die Kids Tel-projek vir Annie E. Casey Foundation.

“Dit is duidelik dat die jonger geslag baie demografies verskil van die bejaardes, iets om in gedagte te hou as politiek uitspeel,” het sy gesê. “Dit is belangrik dat kinders in staat is om te groei om internasionaal mee te ding.”

William H. Frey, ‘n demograaf by die Brookings Institution wat die data ontleed het, sê swart/bruin geboortes oortref blanke geboortes in die groep onder die ouderdom van 2.

Twaalf deelstate asook DC het tans ‘n wit bevolking onder 50 persent van kinders onder die ouderdom van 5. Dit sluit Hawaïi, Kalifornië, Nieu-Meksiko, Texas, Arizona, Nevada, Florida, Maryland, Georgia, New Jersey, New York en Mississippi in. Dit het van ses state en die Distrik van Columbia in 2000 toegeneem.

Teen die huidige groeikoers, kan nog sewe state binne ‘n dekade draai: Illinois, Noord-Carolina, Virginië, Colorado, Connecticut, Suid-Carolina en Delaware.

In teenstelling hiermee, is die oorgrote meerderheid van die ouer Amerikaners – 80 persent van die seniors 65 en ouer en ongeveer 73 persent van die mense tussen 45 en 64 – wit.