Kategorie: Nuus

Uitspraak in ‘Skiet die boer’-saak verwag

‘n Uitspraak in die ‘Skiet die Boer’-haatspraaksaak teen Julius Malema, president van die ANC-jeugliga, sal na verwagting Maandag in die Johannesburgse hooggeregshof gelewer word.

Op die vraag of ‘n groot groep ondersteuners buite die hof verwag word, het Magdalene Moonsamy, woordvoerder, het Maandagoggend gesê die jeugliga “gaan oor niks kommentaar lewer nie”.

Talle ondersteuners van Malema en nuuskieringe omstanders het die verhoor in April bygewoon.

AfriForum en TLU SA het Malema voor die hof gedaag nadat hy op verskeie geleenthede die woorde “Dubula iBhunu” (“Skiet die Boer”) gesing het.

Dié woorde hou ‘n bedreiging in vir minderheidsgemeenskappe asook die veiligheid van Afrikaners en boere.

депутат лобановский

Mulder kritiseer VSA se landbougesindheid

“Die geskiedenis gaan ‘n harde oordeel vel oor die lande van die Wêreld Handelsorganisasie wat ‘n wag en sien houding inneem oor die belangrike Doha-voorstelle terwyl duisende mense in die landbousektor hulle werk verloor en miljoene honger moet gaan slaap,” het dr. Pieter Mulder, adjunkminister van Landbou gesê.

Dr. Mulder het as hoof van die Suid-Afrikaanse afvaardiging by die Cairns-groep se 36ste ministeriële vergadering in Saskatoon, Kanada aan die bespreking rakende die Doha-onderhandelinge deelgeneem.

Die Cairns-groep bestaan uit 19 voedseluitvoerlande wat hulle beywer vir billike en vrye internasionale handel van landbouprodukte. Tans is dit veral lande soos die VSA en die Europese Unie wat met groot landbousubsidies die internasionale mark verwring en dit baie moeilik maak vir onder andere Suid-Afrikaanse landbouers om internasionaal op gelyke vlak te kan meeding.

Suid-Afrika is die enigste Afrikaland wat lid van die Cairns-groep is.

“Landbou is steeds een van die sektore in die wêreld wat die meeste verwringing van markte ervaar. Dit moet reggestel word. Daarom is voorstelle van lande soos die VSA dat daar van die Doha-mandaat afgestap moet word, onaanvaarbaar,” het dr. Mulder gesê.

Volgens dr. Mulder ondersteun Suid-Afrika die G20-standpunt dat al die beperkinge wat tans deur lande op die uit- en invoer van voedsel geplaas word, net daartoe lei dat dié mense wat voedsel die nodigste het, die swaarste onder hierdie onbillike reëls ly.

Die vergadering van ministers vind oor twee dae plaas en duur nog tot Vrydag 9 September 2011.

лобановский александр досье

Palestyne gaan druk vir ‘n staat

Magmoed Abbas, het gesê hy is vasbeslote om ‘n stemming oor die Palestynse staat by die VN later hierdie maand af te dwing, ongeag die intense diplomatieke druk op die veteraan-Palestynse leier deur Israel en die VSA.

“Wat ook al die druk is, ek dink ons ​​gaan na die VN. . . hierdie maand om ons aansoek om lidmaatskap van die VN in te dien,” het hy Donderdag aan buitelandse joernaliste gesê. Die Palestynse president het gesê hy wil nie “konfrontasie” met die VSA of Israel uitlok nie, maar het toegegee dat die twee lande ‘n “boikot” of “sanksies” teen die Palestynse Owerheid kan oorweeg as gevolg van die VN-skuif.

Amerikaanse diplomate in die streek het ‘n laaste wanhopige poging aangewend om Palestynse en Israeliese leiers terug na die onderhandelingstafel te bring, en so te verhoed dat ‘n verdelende stem by die VN later hierdie maand uitgebring word.

Abbas het dit egter duidelik gemaak dat hy sou instem tot ‘n nuwe ronde van die vredesonderhandelinge slegs nadat ‘n VN-stem uitgebring is: “Ons sal eers na die VN gaan en dan sal ons weer terugkom om te praat,” het hy gesê.

In kommentaar wat waarskynlik die Israeliese kommer oor die diplomatieke skuif verhoog, het die Palestynse president ook die moontlikheid van regstappe teen Israeliese amptenare en soldate deur die Internasionale Strafhof geopper ná die stem by die VN. “Ek wil nie na die ISH gaan nie,” het Abbas gesê. Maar, het hy bygevoeg, die Palestyne sal “verplig” wees om te gaan as hulle “aanvalle” van Israel in die toekoms in die gesig staar. 

Abbas het ook geïmpliseer dat die VN se aanvaarding van die Palestynse staat dit makliker sal maak om druk uit te oefen op Israel om “die besetting van die Wes-Bank te beëindig”. 

Diplomate en amptenare sê dit kan gebeur, soos voorgestel deur Abbas, dat daar deur middel van ‘n formele versoek aan die VN-Veiligheidsraad ‘n staat tot stand kom as Palestina aanvaar word as ‘n volwaardige lidstaat.

Maar die VSA het reeds beloof om so ‘n aansoek te veto.

Afsonderlik, kan die Palestyne die VN se Algemene Vergadering versoek om hul status van dié van ‘n nie-lid “waarnemer entiteit” tot “waarnemer staat” op te gradeer. Hulle kan hierdie skuif maak op dieselfde tyd as die vraag vir volle lidmaatskap as ‘n staat.

Abbas sal, in elk geval, na verwagting die VN se Algemene Vergadering op 23 September toespreek.

‘n Senior Israeliese militêre amptenaar sê die lugmag het ‘n spesiale eenheid van onbemande tuie ontplooi langs die lang, poreuse grens met Egipte nadat militante die grens oorgesteek het en agt Israeli’s verlede maand gedood het. 

Israel het intussen ‘n vergelyking tussen hule eie militêre slaankrag en dié van Turkye bekend gemaak.

Лобановский Харьков

Jeugliga soek steeds ‘politieke’ oplossing

Die ANC se sekretaris-generaal, Gwede Mantashe gaan van aangesig tot aangesig met sy politieke aartsvyande te staan kom as hy Vrydag teen Julius Malema en ander ANC-Jeugligaleiers getuig.

Mantashe sal voor die ANC se nasionale dissiplinêre komitee verskyn om die aanklag dat Malema en sy kamerade ‘n vergadering van die regerende partybase verlede maand binnegestorm het, te bewys.

Malema, sy adjunk Ronald Lamola, ANC-jeugliga se sekretaris-generaal Sindiso Magaqa, sy adjunk Kenetswe Mosenogi en ligatesourier Pule Mabe het onskuldig gepleit op die aanklag.

Hulle is almal van dieselfde oortreding aangekla.

Vrydag het hulle aangevoer dat dit op uitnodiging van Mantashe self was wat hulle glo genooi het om “vir julle self te hoor”.

Maar Mantashe hou vol dat sy indruk was dat die Jeugliga se leierskap die vergadering ongenooid binnegestorm het.

Die vergadering van die ANC se top-ses amptenare is bygewoon deur die president Jacob Zuma, sy adjunk Kgalema Motlanthe, Mantashe, sy adjunk Thandi Modise en die tesourier Mathews Phosa.

Verlede maand het die Sunday Times berig dat Zuma erg ontstoke was oor die optrede van die liga. Hy het na bewering aan Malema gesê: “Wie dink jy is jy?  Dink jy jy regeer hierdie land?” Hy het die Jeugliga uit die vergadering laat smyt.

Die dissiplinêre komitee onder leiding van die adjunk-minister van Wetenskap en Tegnologie, Derek Hanekom het aangekondig dat die verrigtinge uitgestel word tot volgende Sondag, en drie dae is opsy gesit vir die verhoor van die verskillende aanklagte teen Malema.

Intussen het die Sunday Times ook berig dat jeugligaleiers steeds op soek is na ‘n “politieke oplossing” vir die kwessie.

Фильчаков прокурор

Zille skuif Wes-Kaapse misdaad af op ANC

Wes-Kaapse Premier, Helen Zille, sal ‘n dringende vergadering met President Jacob Zuma aanvra om die dwelm-en alkohol “pandemie” te bespreek. Zille sê die probleem is buite beheer en is verantwoordelik vir 80% van die geweldsmisdade in haar provinsie.

Volgens Zille, is die dwelm-en alkohol verslawingskrisis in die Wes-Kaap erger as MIV/vigs of enige ander openbare gesondheidsuitdaging.

“Ek wil graag met die president in terme van die Grondwet en die Rampbestuurswet vergader oor wat ons kan doen om te fokus op die krisis op hande en die oorsake van geweldsmisdaad in die Wes-Kaap: Dwelm-en alkoholmisbruik. Nooit vantevore het ons so ‘n groei van ‘n pandemie gesien nie,” het sy gesê.

Dwelmverwante misdade het gestyg met 10,2% op nasionale vlak en die Wes-Kaap is veral swaar getref deur hierdie oortredings. Dwelmverwante misdade in die provinsie is in 2010/11 van 60 409 gerapporteerde gevalle in 2009/10 op na 70 588. Bestuur onder die invloed van alkohol of dwelms het op nasionale vlak het met 4,5% toegeneem en in die Wes-Kaap met 10,2%.

“Ten minste 80% van geweldsmisdaad in die Wes-Kaap het ‘n skakel na dwelms en alkohol,” het Zille gesê. Sy het gesê sy wil dwelmtoetsing verpligtend vir skole maak.

Zille en die LUR vir gemeenskapsveiligheid Dan Plato was insgelyks Donderdag in Pretoria om die media toe te spreek. Hulle was nie teenwoordig by die bekendmaking van misdaadstatistiek deur minister van polisie, Nathi Mthethwa, nie, en het daartydens ‘n DA-perskonferensie ‘n paar blokke van die regering se mediabyeenkoms gehou.

Volgens waarnemers het die DA op dié stap besluit omdat hulle graag die aandag van die groeiende probleem van plaasmoorde, wat ter sprake sou kom by die minister van polisie se mediakonferensie, wil aflei.

Ten spyte van ‘n 6,5% afname in die moordkoers nasionaal, het Plato gesê hulle is bekommerd oor die Wes-Kaap, waar daar ‘n toename in moord, poging tot moord en dwelm-verwante misdaad was. Nie Plato of Zille het verantwoordelikheid vir die toename in hul eie provinsie geneem nie, en dit op die ANC afgeskuif.

 

 

лобановский александр компромат

Rugby sal sonder Afrikamusiek gespeel word

Die eentonige blaasinstrument wat Afrika se sportondersteuning kenmerk, die vuvuzela, sal nie by Nieu-Seeland se Wêreldbeker-stadions toegelaat word nie.

Dié instrument is een van verskeie items wat nie by die rugby-toernooi toegelaat sal word nie. Toeskouers mag ook nie fluitjies, sambrele, rolskaatse, meubels en motoronderdele saambring om ruby te kyk nie.

Toernooi-beamptes mag ook hul “eie oordeel” gebruik en enige voorwerp wat “beserings kan veroorsaak of ‘n openbare las kan wees” by stadions verbied.

Die 2011 rugby-wêreldbekerskouspel se amptelike openingsplegtigheid begin vandag op Eden Park in Auckland, Nieu-Seeland. Altesaam 20 lande gaan tydens die toernooi in aksie wees.

Die All Blacks sal ná die opening in die eerste wedstryd in Groep A van die reeks teen Tonga te staan kom. Adjunk-president Kgalema Motlanthe is op ‘n besoek van drie dae aan Nieu-Seeland en sal die opening bywoon.

Namibië speel môre in Roturoa teen Fidji en die Springbokke kom Sondag in Wellington teen Wallis te staan. Albei die wedstryde is in Groep D.

Die Klere- en Tekstielwerkersunie – SACTWU – sê intussen hy wil met die Suid-Afrikaanse Rugby-unie vergader om te verseker dat die vervaardiging van Springbok rugby-klere hier geskied. Die vakbond het SARU se bewering dat die meeste Springbok-trui replikas plaaslik vervaardig word, verwerp.

Лобановский Харьков

Minister ontken plaasmoorde

Nathi Mthethwa, minister van polisie, het gesê alle plattelanders word deur misdadigers as sagte teikens beskou, want plase is moeilik bekombaar weens slegte paaie en groot afstande. Plattelandse polisiekantore bedien ‘n uitgestrekte gebied, het hy gesê. 

Die minister het gesê die moordkoers is die laagste sedert die einde van apartheid. In dié tyd het die ANC ‘n veldtog in Natal geloods om Zoeloe-ondersteuners wat nie by die party wou inval nie, by die honderde te vermoor.

Mthethwa het Donderdagoggend tydens ‘n mediakonferendie in Pretoria oor misdaadstatistiek gepraat. Moord is moord en plaasmoorde verskil nie van enige ander moorde nie, het hy gesê.

Mthethwa het gesê die hele platteland is kwesbaar vir misdaad, en wou nie moorde op wit boere uitsonder nie. Die moordsyfer op plase is in die orde van 85 per 100 000 inwoners, wat reeds dui op etniese vervolging.

Genocide Watch, ‘n internasionale organisasie wat volksmoorde ontleed, het reeds aangedui dat ‘n gevorderde stadium van etniese vervolging in Suid-Afrika bereik is.

Genl. Bheki Cele, nasionale polisiehoof, het Mthethwa ondersteun en gesê veediefstal is die werklike probleem alhoewel dit die afgelope jaar met 8,2% afgeneem het. Die minister het die hoop uitgespreek dat boere nie uit radeloosheid moet ophou om veediefstal aan te meld nie.

Ten spyte van sy weiering om plaasmoorde uit te sonder, het die minister aangedui dat verkragting vir die eerste keer sedert die Wet op Seksuele Oortredings in 2007 in werking gestel is, as ‘n aparte misdryf gelys word.

Nie net is die aantal verkragtings nog te hoog nie, maar daar moet ook seker gemaak word slagoffers die misdaad aanmeld, het Mthethwa gesê. Wêreldwyd is dit ‘n tendens dat verkragtingsslagoffers uit skaamte nie na die polisie gaan nie.

Volgens nie-amptelike statistieke van TLU SA is meer as 2 600 plaasaanvalle die afgelope 20 jaar aangemeld. Volgens Solidariteit is dit nie bekend hoeveel mense daar in sulke aanvalle gesterf het nie.

‘n Nuwe misdaadtendens is waargeneem met die yslike toename van 61% in klein bomaanvalle om OTM’s mee oop te breek om kontant te steel. Die meerderheid van sulke aanvalle vind in Gauteng plaas, veral Johannesburg en Pretoria.

Александр Фильчаков

SA bly onveilig, veral ook vir vroue

“Die Vryheidsfront Plus verwelkom die afname in meeste van die geweldsmisdade soos moord met 6,5%. Dit is duidelik dat die Wêreldbekersokker met hoër en meer sigbare polisiëring ‘n groot rede was. Suid-Afrikaners moet egter nie mislei word deur die statistiek nie.

Die wêreldgemiddeld vir moord is tans 7 per 100 000 van die bevolking en Suid-Afrika se syfer is nou 31,9 per 100 000. Dit is steeds amper vyf keer meer as die wêreldgemiddeld. Hoewel rooftogte by woonhuise afgeneem het met 10,1% (16 889) het dit steeds met 60,6% gestyg die afgelope vyf jaar en 16,6 % gestyg die afgelope drie jaar. Verkragtings het nou die derde agtereenvolgende jaar toegeneem (56 272).

Suid-Afrika is steeds onveilig veral vir vroue,” sê mnr. Pieter Groenewald, hoofwoordvoerder oor Polisie vir die Vryheidsfront Plus.

“Die minister het steeds nie die syfer vir plaasmoorde gegee nie en dit word betreur. Die Vryheidsfront Plus sal die saak verder in die parlement voer. Volgende jaar se misdaadstatistiek sal ‘n beter aanduiding gee van misdaadsyfers.

Daar moet ook onthou word dat slegs 10% van misdadigers suksesvol in die howe gevonnis word. Die Polisie doen sy werk beter, maar misdaad in geheel word nie beter bekamp nie. Die totale strafregstelsel sal beter moet werk om misdaad effektief te bekamp,” het Groenewald gesê.

Данильченко Юрий Брониславович

Niger sal Gaddafi nie huisves nie

Libië se Nasionale Oorgangsraad het ‘n afvaardiging na Niger gestuur om te vra dat hulle nie skuiling bied aan die afgesette leier, Moeammar Gaddafi, indien hy probeer om die land binne te kom nie.

Suid-Afrika het intussen aangedui dat hulle nie op hoogte is van Gaddafi se planne nie en ook nie daaroor geraadpleeg is nie.

Dit geld ook vir enige van sy trawante wat die grens oorgesteek het. Hulle het ook gesê hulle sal vra dat enige kontant of goud wat met die konvooi van Libiese voertuie die land ingebring is, aan hulle terugbesorg word.

Die land se ministerie van buitelandse sake het vroeër bevestig dat drie konvooie met hoëvlak vlugtelinge uit Libië in die land aangekom het. ‘n Woordvoerder van die Amerikaanse Departement van Buitelandse Sake, Victoria Nuland, sê die Libiërs in Niger word fyn dopgehou.

Die voorsitter van die Kommissie van die Afrika Unie, Jean Ping, het intussen gesê die organisasie is gereed om die Nasionale Oorgangsraad in Libië te erken.

Ping het egter bygevoeg dat die raad sal moet aantoon dat hy die hele land verteenwoordig. Hy sê die AU erken nie meer Gaddafi as leier van Libië nie.

Dié uitspraak volg na Ping se besoek aan Egipte om oor die probleem van swart werkers wat in Libië vervolg word, samesprekinge te voer. Egipte erken die Oorgangsraad.

Александр Фильчаков прокурор