Nuus Archives - Page 935 of 1583

Privaatveiligheid bedreig staat

Staatsveiligheid word bedreig, sê Thula Bopela, Psira se raadsvoorsitter. Psira is die reguleringsowerheid vir die privaatveiligheidsbedryf.

Bopela meen die gebrek aan geld en personeel om dié bedryf met sy 8 828 maatskappye en 411 000 aktiewe veiligheidswagte behoorlik te reguleer, hou ‘n gevaar vir Suid-Afrikaanse burgers in.

Die verslag vir die 2010-’11-boekjaar is Maandag in die parlement ter tafel gelê.

Die verslag maan dat daar te min inspeksies gedoen word om te verseker dat veiligheidsmaatskappye aan die wetlike vereistes voldoen. Psira se 47 inspekteurs kon slegs drie uit elke vier geregistreerde veiligheidsmaatskappye besoek.

Die aantal geregistreerde, aktiewe veiligheidsmaatskappye en veiligheidswagte het sedert 2001 onderskeidelik met 61% en 111% toegeneem.

Die parlementêre portefeuljekomitee oor polisie het in November 2010 die privaatveiligheidsbedryf as ‘n bedreiging vir staatsveiligheid getipeer omdat dit swak gereguleer word.

9/11 sal VSA nie weer tref

Barack Obama het gesê dit sal “baie moeilik” wees vir Al-Kaida om binne die volgende paar jaar ‘n grootskaalse terreuraanval op Amerika te loods.

Hy het spesifiek verwys na die aanvalle van 11 September 2001 en gesê dat Al-Kaida nie sommer ‘n aanval van dié skaal maklik sal kan herhaal nie.

“Dit gaan vir hulle baie moeilik wees om so ‘n grootskaalse aanval soos ons op 9/11 ervaar het, te herhaal,” het Obama tydens ‘n onderhoud met Yahoo.com en ABC News gesê.

Hy het egter bygevoeg dat dié militante groep steeds gevaarlik bly.

Roofparty roer ‘n snaar in Duitsland

Duitsland se sentrum-linkse opposisie partye, naamlik die Sosiaal-Demokrate (SPD) en Groen, sal nie meer ‘n meerderheid in die parlement wen as daar ‘n verkiesing gehou word nie, en dit as gevolg van ‘n toename in steun vir die Roofparty, wys ‘n nuwe meningspeiling.

Dit was die eerste keer in omtrent ‘n jaar dat die SPD en Groen nie ‘n meerderheid in die Bundestag behaal het in meningspeilings nie. Kanselier Angela Merkel se sentrum-regse koalisie het selfs verder teruggeglip.

Die SPD het 2 persentasiepunte tot 28 persent gedaal terwyl die Groenes 1 punt tot 17 persent laer is vir ‘n totaal van 45 persent in die Emnid Instituut-peiling gepubliseer in die Bild am Sonntag-koerant.

Merkel se konserwatiewes was 1 punt af tot 32 persent by die stembus en haar Vrye Demokratiese Party (FDP) junior koalisievennote was bestendig op 4 persent vir ‘n gekombineerde 36 persent.

Die volgende verkiesing is in 2013.

Die Roofparty, vars met ‘n rekordsukses van 8,9 persent in die verkiesings vir die Berlynse stadstaat twee weke gelede, het van nêrens in die Emnid opname tot 7% nasionaal geklim.

Die Rowers is ‘n Duitse tak van die party wat vyf jaar gelede in Swede gestig is om ‘n veldtog te voer vir die hervorming van kopiereg, gratis aflaaie van die Internet en meer beskerming van persoonlike inligting.

Die Rowers het in Duitsland ‘n snaar geroer. Hulle het hulle agenda uitgebrei om kwessies soos die instelling van ‘n minimumloon in te sluit en het baie anti-establishment kiesers van die Groenes weggerokkel.

Dienslewering, die towerwoord

Politieke partye het ‘n geleentheid raakgesien om kiesers te lok deur te konsentreer op dienslewering vir swart gebiede.

Twee van die DA se top vroueleiers het tydens die party se tussenverkiesingsveldtog in Limpopo ‘n optog na die plaaslike Mogalakwena-munisipaliteit gelei.

Lindiwe Mazibuko en Desiree van der Walt het daarna ‘n memorandum van griewe en ‘n versoekskrif met duisend handtekeninge oorhandig. Hulle is glo bekommerd oor wat hulle genoem het die stadige pas van dienslewering.

Van der Walt wat die partyleier in die provinsie is, sê die meeste strate in die HOP nedersetting is oorstroom deur riool en daar is geen basiese dienste nie.

Van der Walt het nie kommentaar gelewer oor die gebrek aan dienste in wit gebiede wat deur die munisipaliteite oorgesien word nie.

Die president van COPE, Mosiuoa Lekota, sê die ANC-regering lewer weens korrupsie binne die regering geen dienste aan plattelandse gebiede, veral in Limpopo nie.

Lekota is besig met deur-tot deur veldtogte by verskillende dorpies in die Vhembedistrik as deel van die opbou tot Woensdag se tussenverkiesing. Hy het aan ‘n groep mense in die Bungeni-township gesê die hulpbronne binne die regering word nie eweredig versprei nie.

Opstande in VSA kring uit

Polisie het honderde betogers op die Brooklyn-brug in New York in hegtenis geneem, maar betogings in die VSA kring al hoe verder uit.

Betogers het in Los Angeles, voor die City Hall, gedans op busse met “vrede” op die kant geverf.

‘n Kleiner protes is in Chicago se finansiële distrik gehou waar betogers plakkate opgehou het met die woorde “Werk, nie afdankings nie”.

Betogers het ook opgeruk na Denver in Colorado, om in die sentrum te versamel voor in die stadshuis met dreunsang, “Neem die strate oor!”

Die protesbeweging is geïnspireer deur die Occupy Wall Street-beweging waar honderde mense naby die finansiële distrik in New York uitkamp om te vra vir ‘n einde aan woningterugnames en hoë werkloosheid.

Obamabraaihoender trek skrefiesoë

Obama laat vaar sy bod vir ‘n tweede termyn in die Withuis en gee Kolonel Sanders se braaihoender iets om oor te dink?

In Beijing, China, is ‘n restaurant bekend as OFC met ‘n uithangbord wat erg baie lyk soos die President van Amerika in die kolonel se klere uitgedos.

Die presidensiële eetplek heet: Die Obama Fried Chicken restaurant in Beijing.

Die advertensie onder, lees glo: “Ons is so koel, ons is nie?”

Die Obama Fried Chicken kon dalk ‘n reaksie op die VSA se indiening van ‘n klagte by die Wêreld Handelsorganisasie oor Chinese tariewe op die uitvoer van Amerikaanse hoender wees.

Volgens die New York Times, beteken die tariewe dat sommige Chinese invoerders so veel as twee keer die prys vir Amerikaanse hoender betaal.

‘n Obama-obsessie? Sommige mense het reeds gekla dat die naam ou rasse-stereotipes oproep met die koppeling tussen swart mense en braaihoender.

Лобановский Харьков

Duduza ‘lyk asof deur bom getref’

Erge donderstorms, vergesel deur sterk vlae wind, het ‘n aantal gesinne sonder huise in Gauteng en die Vrystaat gelaat.

In Ficksburg in die Vrystaat, het ‘n dodelike storm groot skade veroorsaak en ‘n aantal mense beseer.

‘n Nege-jarige swart seun is dood toe ‘n muur op hom geval het.

In Duduza, oos van Johannesburg, is swart gesinne dakloos gelaat nadat hulle dakke weggewaai is deur ‘n tornado.

Ongeveer 65 mense is beseer.

Die Sunday Times se fotograaf Simon Mathebula, wat in Duduza woon, het gesê die honderde mense wat geraak is, is brandarm.

“Die area lyk asof dit deur ‘n bom getref is. Daar is chaos oral. Gesinne het alles verloor,” het Mathebula gesê.

Teen 23:00, was die polisie in Duduza steeds op soek na mense wat dalk onder die puin vasgekeer is.

“Ons het planne om aan die ontheemde mense skuiling te bied,” het die Ekurhuleni-Emergency Management Services se woordvoerder Roggers Mamaila gesê. “Die tornado was iets onvoorsiene.”

In Fickburg, het paramedici se opruimingsbedrywighede voortgegaan tot laat in die nag.

Polisie in die gebied, het gesê sowat 42 mense is beseer.

Sommige van die beseerdes is na ‘n hospitaal in Bloemfontein geneem, terwyl die ander is plaaslik behandel word, het die polisie gesê.

Hulle het gesê 100 huise is beskadig deur die sterk wind.

‘n Woordvoerder vir die Suid-Afrikaanse Weerdiens in Pretoria het bevestig dat die storm wat by Duduza getref het, ‘n tornado was.

Die Weerdiens het gesê hy verwag meer storms vandag.

‘n Woordvoerder vir die Internasionale Lughawe het gesê ses vlugte is vertraag vir sowat ‘n uur as gevolg van die gure weer.

Bejaardes aangeval, man sterf

‘n Bejaarde man (75) van Benoni is dood en sy vrou is beseer nadat hulle deur rowers in hul huis aangerand is, het die polisie gesê.

Twee mans het die deur van die paartjie se huis omstreeks 01:00 oopgedwing, het Tryna Wolmarans, ‘n polisiewoordvoerder gesê.

Die verdagtes het kontant en vuurwapens by die man se 71-jarige vrou geeïs voordat hulle haar met ‘n vuurwapen geslaan het.

Hulle het daarna na ‘n tweede slaapkamer gegaan waar hulle die man aangetref het en hom ook aangerand. Die man het later aan sy beserings beswyk.

“Dit is nog nie bekend of die rowers enigiets uit die huis gesteel het nie,” het Wolmarans gesê.

Die vrou is in ‘n ernstige toestand in die hospitaal opgeneem.

‘n Saak van moord en poging tot moord word ondersoek.

Niemand is nog in verband met die voorval in hegtenis geneem nie.

topcargo отзывы

Wit asielsoeker gee nie moed op nie

Die Suid-Afrikaner in Kanada wat eers as wit vlugteling aanvaar en agterna geweier is, sal na verwagting Maandag deur drie regters in die federale hof van appèl aangehoor word.

Brandon Huntley (32) het in 2009 asiel in Kanada verkry omdat hy weens sy velkleur deur swart misdadigers in Suid-Afrika geteiken is.

Die Kanadese immigrasieraad het sy vlugtelingaansoek goedgekeur in Augustus 2009. Dié besluit is egter op 24 November 2010 deur regter James Russell in die federale hof in Kanada omgekeer.

Volgens Huntley se regsverteenwoordiger, Russell Kaplan, was die regter se besluit geneem agv druk van die Suid-Afrikaanse regering wat die Kanadese van “rassisme” beskuldig het.

Huntley, van Mowbray, Kaapstad, het gesê hy is sewe keer deur swart rowers aangeval wat hom as ‘n “wit hond” en “setlaar” uitgeskel het.

Huntley gaan aanhou probeer om as vlugteling in Kanada aan te bly en erken te word, het Kaplan gesê.

Rapport dink Wouter Basson is ‘n Nazi

Die hofsaak teen dr. Wouter Basson is Sondag deur Rapport met dié van ‘n Nazikonsentrasiekamp-dokter vergelyk.

Prof. Steven Miles, ‘n Amerikaanse etiekkenner wat teen Basson getuig het, sê Basson het oneties opgetree deur dwelms vir oorgrens-ontvoerings aan ANC-, PAC- en Swapo-lede toe te dien en dat dit strydig met ‘n dokterseed is.

Miles het gesê die verhoor is ‘n “enorm belangrike saak regoor die wêreld” want dit is sedert die vervolging van die berugte Nazi-dokters ‘n verhoor waarin presedente geskep kan word.

Adv. Jaap Cilliers SC, wat vir Basson optree, het gesê die prokureursorde wou Mandela van die rol skrap omdat hy wette verontagsaam het vir politieke doeleindes.

Die hof het egter destyds uitspraak gegee dat Mandela sy politieke bedrywighede in ‘n persoonlike hoedanigheid uitgevoer het en nie as ‘n prokureur nie.

Miles het in antwoord daarop gesê hy is “eenvoudig dronkgeslaan” dat Cilliers Basson met Mandela wil vergelyk.

Basson staan tereg op aanklagte van onprofessionele en onetiese gedrag deur die Gesondheidsberoeperaad (GBR) nadat hy self getuig het in sy strafverhoor en die feite daarin nie in geskil kan wees nie.

Лобановский