Die oorblyfsels in die kole van ‘n kampvuur kan blykbaar dié van 40-jarige Duitse maatskappyadviseur Stefan Ramin wees, sê ondersoekers.
Hy het glo gereël om ‘n tradisionele bokkejag in die bos by Nuku HIVA in Frans-Polinesië mee te maak.
Sy vriendin Heike Dorsch, 37, sê dat sy hom met ‘n plaaslike gids gesien gaan, bekend as Henri Haiti. Slegs die gids het teruggekeer, sê sy.
Voordat sy haar eggenoot kon gaan soek, is sy deur Haiti vasgeketting aan ‘n boom en seksueel misbruik.
Sy het ure later daarin geslaag om te ontsnap om owerhede te waarsku, en hulle het ‘n sewe-dag-soektog na Ramin van stapel gestuur.
Verlede week, is die as van ‘n kampvuur in ‘n vallei gevind deur ‘n groep van 22 polisiebeamptes. Onder die kole is bene van ‘n kakebeen, tande en gesmelte metaal – glo stopsels – gevind.
Ondersoekers glo ‘n “menslike liggaam is in stukkies gekap en verbrand”.
Die oorskot is na ‘n hospitaal in Papeete, die hoofstad van die Frans-Polinesië, en van daar na Parys vir DNS-analise gebring.
Dit was in 2008 dat Ramin, van Haselau Schleswig-Holstein, Noord-Duitsland, sy vaart om die wêreld in ‘n katamaran met Dorsch begin het.
Die egpaar het ‘n aanlynblog gebruik om hul vordering te rapporteer aan vriende en familie.
Verlede maand het hulle anker gegooi in Nuku HIVA, grootste van die Marquesas-eilande wat oor die eeue heen in baie verslae van kannibalisme opgeteken is.
Die Duitse koerant Bild het gesê Haiti was “vermoedelik ‘n kannibaal”.
Kannibalisme is feitlik ongehoord in die moderne wêreld. Die Korowai van Papoea-Nieu-Guinee is een van die laaste oorlewende stamme wat mense eet as ‘n kulturele praktyk.
Sowat 3 000 van hulle leef in ‘n gebied so afgesonder dat hulle onbewus van die bestaan van enigeen buiten hulself tot 1970 was.
Die Korowai eet glo die brein onmiddellik, terwyl dit nog warm is.
Maar, volgens Die Burger, het Zuma gesê die komplot is gefnuik te danke aan die lojaliteit van sy lyfwagte wat geweier het om die plan uit te voer.
Die Burger het berig dat Zuma Saterdag na die moordkomplot verwys het by die begrafnis van Patrick Maphumulo. Hy het gesê Maphumulo was een van diegene wat geweier het om in die plan in te koop.
Maphumulo, 39, is verlede Sondag in Durban oorlede. Volgens verslae het Maphumulo glo malaria opgedoen op ‘n reis na Khartoem vir die inhuldiging van die president van die nuutgestigte staat van Suid-Soedan.
Maphumulo is deel van die beskermingseenheid van Zuma sedert sy termyn as adjunk-president.
Zuma het gesê toe hy die adjunk-president was, het hy moeilike tye in die gesig gestaar toe alles en elke betroubare persoon teen hom gedraai het.
“Mashimane (Maphumulo se stamnaam) was deel van die BBP-wagte van die adjunk-president.
“In die tyd wou die troueloses inligting oor met wie ek praat of assosieer bekom. Hy en ‘n paar in die lyfwagte van die span het diep kennis van die politiek.
“Hulle het geweier om inligting te gee wanneer hulle meerderes wou weet oor my bewegings,” het Zuma gesê.
“Vir dié weiering is hulle verstoot deur hul seniors en moes sekere voorregte verbeur het, maar hulle het nie geswig nie.”
Zuma het glo in Zoeloe gesê het dat die mense agter die komplot probeer het om uit te vind hoeveel vuurwapens sy wagte het, met die oog daarop om hom dood te maak.
Volgens The Witness, het Zuma se woordvoerder, Zanele Mngadi gesê sy het nie met die president gepraat sodat hy kon verduidelik wie hom wou vermoor en wat die rede daaragter was nie.
Melumzi Hina (32), wat beskuldig word van roof met verswarende omstandighede, kon nie sy verhoor bywoon nie, want hy was vir opleiding om een van Suid-Afrika se sensusamptenare te word lui ‘n berig in The Herald.
Port Elizabeth se streekhoflanddros Kenny Cooney was geskok toe Hini se prokureur met ‘n dokument by die hof opdaag wat aandui dat Hina ‘n kursus bywoon om opgelei te word as sensusbeampte.
Cooney het sy ontsteltenis uitgespreek oor die feit dat ‘n persoon wat belas is met so ‘n ernstige oortreding, in diens geneem kan word deur die staat om huise te besoek ten einde burgers se persoonlike inligting te verkry.
Hy het ook sy kommer uitgespreek oor die siftingsproses wat betrokke is in die aanstelling van die sensusamptenare en opgemerk: “Ek persoonlik sal huiwerig wees om toe te laat dat amptenare toegang tot my huis verkry.”
Die saak is uitgestel tot 21 Februarie.
Beset LSX oftewel beset die Beurs van Londen! Dit is maar die jongste van ‘n groeiende aantal besettingbewegings regoor die wêreld, insluitend dié in New York.
“In Londen, sal ons die Effektebeurs beset. Om die finansiële stelsel oor te neem en dit gebruik om idees te skep vir hoe ons kan werk aan ‘n beter toekoms. ‘n Toekoms sonder groeiende ongelykheid, werkloosheid, belastingonreg en ‘n politieke elite wat sy burgers ignoreer.” So lui die besware van die groep betogers wat dié week die Britse hoofstad se finansiële sentrum oorgeneem het.
Beset LSX wil ook ander stede in die land teiken, insluitend Worcester, Nottingham, Edinburgh, Liverpool en Bristol.
Die Londense protes is geïnspireer deur die VSA se Occupy Wall Street en Spanje se “verontwaardigde” beweging.
Duisende mense het ook die strate oorgeneem in Sydney, Hong Kong, Tokio, en Rome.
Die organiseerders, wat swaar op Facebook en Twitter steun, sê betogings sal ook gehou word in 951 stede regoor die 82 lande in Europa, Noord-Amerika, Latyns-Amerika, Asië en Afrika.
Die “verontwaardigde” protes is vir die eerste keer in Spanje gehou, wat met ‘n werkloosheidskoers van 46,1 persent vir 16-24 jariges worstel.
Aktiviste het vir ‘n maand lank kamp in Madrid se Puerta del Sol opgeslaan. Die beweging het daarna na die VSA en Europa versprei.
Daar is baie spekulasie oor die finansiering van die protes, wat ook na die stede regoor Amerika versprei het en byna vier weke geduur het. Een naam wat veral opduik is dié van die belegger George Soros, wat in September op die top 10-lys van die rykste Amerikaners was.
Konserwatiewe kritici beweer die beweging is ‘n Trojaanse perd vir ‘n geheime Soros-agenda.
Soros en die betogers ontken enige verband. Maar Reuters het indirekte finansiële bande tussen Soros en Adbusters, ‘n anti-kapitalistiese groep in Kanada, wat die protes met ‘n vindingryke bemarkingsveldtog begin het, ontdek.
Hulle sê hulle wou ‘n Arabiese Lente-tipe opstand teen Wallstraat voer.
Soros en die protesteerders deel voorts ‘n paar ideologiese grondbeginsels.
“Ek kan hulle sentiment verstaan,” het Soros aan verslaggewers verlede week by die Verenigde Nasies oor die Occupy Wall Street-beweging gesê.
Die Amerikaanse Konserwatiewe radiopersoonlikheid Rush Limbaugh het dit opgesom toe hy sy luisteraars ook verlede week vertel het, “George Soros se geld sit agter dit.”
Soros, 81, is nr 7 op die Forbes 400-lys met ‘n fortuin van $22 miljard. Sy Open Society Foundation steun ook talle inisiatiewe in Suid-Afrika.
President Jacob Zuma moet ‘n onafhanklike kommissie van ondersoek instel na bewerings dat staatsveiligheidsagentskappe mense se selfone afluister, het die Demokratiese Alliansie-leier, Helen Zille, Sondag gesê.
Dié beswaar kom nadat die veiligheidsagentskappe begin skoonmaak het in aanloop tot die ANC se Mangaung-konferensie in 2012.
“Die Regering se agente misbruik hul mag om te spioeneer op individue sonder die toestemming van ‘n regter, soos deur die wet vereis,” sê Zille.
Volgens die verslag, kan die staat se intelligensie-agentskappe maklik selfoongesprekke, sms-boodskappe en e-posse sonder ‘n regter se toestemming onderskep.
“Dit is ‘n bedreiging vir die grondwetlike regte van elke Suid-Afrikaner,” sê Zille.
“Ons glo al lank dat kaders binne intelligensie-agentskappe ontplooi word en hul mag misbruik om eksterne en interne politieke gevegte te voer.”
Ontleders sê egter Zille se kommer spruit uit gerugte dat die DA dalk by klagtes van korrupsie betrek kan word en dat dit die party se aanspraak op sogenaamde “skoon regering” kan skaad.
Zille het gesê tydens ‘n ontmoeting met die voormalige Intelligensiehoof Ronnie Kasrils, wat minister in 2008 was, het dit duidelik geword dat haar selfoon onwettig afgeluister is.
“Kasrils het my vertel dat, hoewel daar was geen formele versoek was om my kommunikasie te onderskep nie, kon hy nie waarborg dat dit nie toevallig plaasgevind het nie.”
Sy het gesê dat ‘n polisiebeampte aan haar later die bande van haar gesprekke oorhandig het wat hulle ontleed het. Zille het geen beswaar daarteen in 2008 gemaak nie.
Zille het nie kommentaar gelewer oor die nuwe voorgestelde wetgewing wat joernaliste vir die openbaarmaking van geheime inligting aanspreeklik sal hou en waarteen sy gekant is nie.
2011 se matriekeksamen begin vandag amptelik. Leerlinge skryf hul eerste praktiese eksamens – praktiese rekenaartegnologie – vandag.
Die eksamen eindig op die eerste Desember. Die laaste vraestelle is Godsdiensstudies en Ontwerpteorie.
‘n Woordvoerder van die Gautengse departement van Onderwys, Charles Phahlane sê sy departement is gereed vir die eksamen.
Hy sê 88-duisend voltydse leerlinge sal eksamen in die provinsie skryf asook 35-duisend deeltydse studente. Volgende week skryf die meeste leerlinge Engels.
Die twee matrikulante wat intussen in Lebowakgomo in hegtenis geneem is vir bedrog en omkopery, sal vandag in die Landdroshof op die dorp verskyn.
Volgens berigte is die twee betrap toe hulle ‘n eksamenbeampte probeer omkoop het vir vanjaar se wiskunde en Wetenskap-vraestelle.
‘n Woordvoerder van die polisie in Limpopo, Ronel Otto sê die inhegtenisneming volg nadat ‘n wenk ontvang is en ‘n lokval gestel is. Die leerders wou die beampte met tweeduisend rand omkoop.
Die student deel ‘n huis in Universitas, Bloemfontein met 10 ander. Die sensusman het verlede Woensdag tot Sondag die huis nie minder nie as vier keer besoek.
Hy is aanvanklik binne die huis betrap. Nadat hy meermale besoek aan die huis gebring het, het die skootrekenaar verdwyn.
Die blinde Gavin Harding wat aan die Universiteit van die Vrystaat (UV) studeer, se skootrekenaar is uit sy slaapkamer gesteel. Harding sê hy kon voel dat die tafel waarop die rekenaar gestaan het, nog warm was nadat die sensusbeampte uit is.
Die diefstal is by die Parkwegpolisiestasie aangemeld.
Die sensustelling duur tot 31 Oktober. Beamptes is van 08:00 tot 20:00 aan diens. Beamptes word verplig om ‘n geel baadjie en identifikasiekaart te dra. Die skootrekenaardief was ook met ‘n amptelike naamplaatjie toegerus.
Lt.kol. Lesego Metsi, polisiewoordvoerder, het gesê die polisie het ‘n lokval gestel en die speurkonstabel gevang toe hy Saterdagmiddag R2 000 kontant van twee mans by ‘n vulstasie aanvaar het.
Die beampte is verbonde aan die veediefstaleengheid in Sannieshof.
Metsi het gesê die twee mans is uit op borgtog nadat hulle onlangs in Atamelang in hegtenis geneem is vir veediefstal.
“Die beampte het aanvanklik R8 000 van die beskuldigdes geëis om van die dossier ontslae te raak,” het Metsi gesê.
“Hulle het hom na bewering R6 000 op twee vorige geleenthede betaal, maar hy het nie twee ander afsprake in Ottosdal nagekom om die finale betaling te ontvang nie.”
Hulle het toe die polisie in kennis gestel.
Metsi het gesê die twee beskuldigdes kan dalk ook van bedrog aangekla word.
Die polisieman in sy 30’s, sal na verwagting van omkopery en korrupsie aangekla word. Hy verskyn Maandag in die Wolmaransstad-landdroshof.
By dié “biblioteke,” wat gratis vir algar is, kan mense enige boek neem en enige boek agterlaat vir ander om te lees.
Daar is geen registrasieproses nie, geen datum waarteen die boek teruggegee moet word nie en jy kan soveel neem of gee soos wat jy wil.
“Hierdie projek is gemik op almal wat daarvan hou om te lees, sonder beperkings op ouderdom en opleiding. Dit is oop vir almal,” het Michael Aubermann, een van die organiseerders, aan Associated Press gesê.
Die stad se jongste boekrak, wat €5 000 gekos het, is ‘n staalrak met glasdeure en is twee weke gelede langs Bayenturm, een van die stad se Middeleeuse torings, opgerig.
Dit is die vierde gratis boekrak wat Aubermann se groep, die Keulse Burgertrust, in die stad opgerig het. Twee ander is ook in Ikea-winkels geplaas.
“Ons het ons ander buitemuurse rakke verlede jaar ingesit en dit werk regtig goed,” het Aubermann, ‘n 44-jarige wat in IT-bestuur werk, gesê.
Die openbare boekrakke, wat gewoonlik deur donasies gefinansier word en deur plaaslike vrywilligergroepe bestuur word, is onafhanklik van mekaar in verskeie stede oor Duitsland opgerig, insluitende Berlyn, Hannover en Bonn.
Elke rak het sowat 200 boeke en dit neem gewoonlik sowat twee weke vir die rak om heeltemal met nuwe titels vervang te word, het hy gesê.
Mense neem dikwels meer boeke as wat hulle terugsit, maar dit lyk nie asof die uitgewers en aanlynboekverkpers gepla is nie, en hulle ondersteun die gedagte.
Daar was natuurlik al vergrype soos een lid van die publiek wat al die boeke geneem het en by ‘n vlooimark gaan verkoop het.
Uitgewers sê hulle beskou dit as ‘n promosie en nie ‘n kompetisie nie. Hulle kla egter dat godsdienstige groepe die rakke misbruik en boeke verwyder om hul eie eng godsdienstige idees te probeer versprei, maar sulke boeke word glo dadelik verwyder.
Rassistiese en prekerige boeke word ook glo afgehaal.
Fiksie, reisgidse, speurverhale en selfhelpboeke is die gewildste. Klassieke werke word ook op die rak geplaas.
