Nuus Archives - Page 914 of 1583

Godsell nie bekommerd oor nasionalisering

‘n Bekende gesig van die mynhuise en Suid-Afrikaanse sakefiguur het kommer oor die nasionalisering van die myne in Suid-Afrika Donderdag afgemaak as onnodig. Bobby Godsell het gepraat kort nadat die land se regerende party ‘n belangrike voorstander van die idee geskors het.

By ‘n geleentheid wat georganiseer is deur die Kanadese en Suid-Afrika Sakekamers, het Godsell gesê die kans dat die myne genasionaliseer word, is so onwaarskynlik as wat die Tea Party in die Verenigde State in staat sou wees om die VSA se Federal Reserve af te skaf.

Hy het gesê die jeugliga van die ANC het onrealistiese en onuitvoerbare antwoorde op sommige absoluut noodsaaklik vrae ontwikkel. Godsell is die voormalige uitvoerende hoof van AngloGold Ashanti en ‘n lid van Suid-Afrika se Nasionale Beplanningskommissie.

Hy het gesê as vergoeding vir die myne in ag geneem word, sal dit triljoene dollars wees, wat die Suid-Afrikaanse regering nie het nie.

“En om dit te doen sonder vergoeding, het jy nodig om ons Handves van Menseregte te verander, en daarvoor het jy ‘n 75% meerderheid in die Suid-Afrikaanse parlement nodig, en ek kan absoluut geen kans sien dat die meerderheid ooit behaal sal word nie.”

Suid-Afrika is een van die wêreld se top-platinum- en goudprodusente en Malema se oproepe vir die nasionalisering van die myne om armoede en ongelykheid te verminder, het die beleggers in Brittanje en Amerika ontstig.

Godsell het gesê die omvang van armoede, werkloosheid en ongelykheid in Suid-Afrika is groot, maar die antwoorde wat deur Malema en sy ondersteuners voorgehou word, is onhoudbaar.

Godsell het integrasie voorgehou as die oplossing vir Suid-Afrika.

“Dit is nie moontlik om ‘n behoorlike geïntegreerde samelewing te bou met hierdie vlakke van ekonomiese uitsluiting nie, so daar moet iets gedoen word, dis vir my heeltemal duidelik,” sê Godsell, wat steeds optimisties is oor die vooruitsigte vir groei in beide Suid-Afrika en die hele vasteland.

Данильченко

Ondersoek oor nasionalisering voltrek

‘n Span onafhanklike navorsers wat aangestel is om die lewensvatbaarheid van die nasionalisering van Suid-Afrikaanse myne te ondersoek, het sy werk voltooi en sal na verwagting die bevindinge Vrydag aan die ANC se beleidskomitee oorhandig.

Die ondersoekspan, wat onafhanklike navorser Paul Jordaan, die Universiteit van die Witwatersrand se navorser Pundy Pillay en Margaret Chitiga-Mabugu van die Raad vir Geesteswetenskaplike Navorsing, insluit, het pas teruggekeer uit China.

Keith Khoza, ANC-woordvoerder, sê die navorsers sal hul bevindings aan die ANC se beleidskomitee oorhandig, wat onder voorsitterskap van Jeff Radebe, minister van justisie en grondwetlike ontwikkeling staan.

“Hulle het hul navorsing voltooi, en sal hul bevindings aan die beleidskomitee deurgee,” het Khoza gesê.

Die ANC se sekretaris-generaal Gwede Mantashe het gesê die ondersoekspan het al die lande wat deur die party se nasionale uitvoerende komitee (NUK) geïdentifiseer is, soos Zambië, Namibië en Botswana, ondersoek. Die span het ook besoek aan Chili, Brasilië en Venezuela asook Swede, Noorweë en Finland gebring.

“In Australasië het hulle navorsing gedoen in Maleisië, Australië en China,” het Mantashe gesê.

Die navorsing is in opdrag van ‘n resolusie by die party se nasionale algemene raadsvergadering in Durban verlede jaar onderneem. Daar is ‘n mandaat deur die NUK toegestaan om navorsing te doen oor staatsbetrokkenheid in die ekonomie en “aan die beleidskonferensie te rapporteer sodat ‘n besluit by die nasionale konferensie daaroor in 2012 geneem kan word”.

Sommige teenstanders van die beleid van nasionalisering sê dit is nie ‘n resep vir ontwikkeling nie en sal broodnodige direkte buitelandse belegging afskrik.

Hoe dit ookal sy, staan Europa sowel as die VSA nou ironies genoeg bakhand vir Chinese investering, die rykste kommunistiese land in Asië, waar ‘n debat oor nasionalisering ongetwyfeld nie dieselfde beroering as in die VSA, die baken van kapitalisme, sal veroorsaak nie.

11-11-11

Vandag hou besondere belang in vir numeroloë wat daarop wys dat dit die 11de van die 11de maand 20-11 is en 11-uur kom 48 keer oor die wêreld se 24 tydsones voor.

Maar dit is ook Wapenstilstanddag, wanneer die slagoffers van veral die Eerste Wêreldoorlog in die Statebondslande in herinnering geroep word met die dra van rooi papawers.

Dié oorlog is om elfuur op 11 November 1918 beëindig. In ander lande word slagoffers van alle oorloë gedenk. In Suid-Afrika word Wapenstilstanddag Sondag met militêre parades herdenk.

SAIIR verwag nuwe Malema’s

Dit sal ‘n fout wees om te dink die skorsing van Julius Malema, leier van die ANC-Jeugliga, beteken die einde van politieke radikalisme, het die Suid-Afrikaanse Instituut vir Rasseverhoudinge (SAIRR) Donderdag gesê.

“Onvermydelik, indien die land nie daarin kan slaag om hoër vlakke van ekonomiese groei te behaal nie, sal nuwe Malemas na vore kom, van binne of buite die ANC,” het Catherine Schulze, woordvoerder, gesê.

“‘n Land met Suid-Afrika se ongelykhede sal altyd ‘n broeiplek vir politieke radikalisme wees.”

Die instituut glo die beslissing teen Malema was “ongewoon streng”.

“[Dit] was waarskynlik die enigste meganisme wat die ANC-leierskap beskikbaar gehad het om die toename van sy politieke gewildheid te verhoed,” het sy gesê.

“In die afwesigheid van sulke ystervuis-optrede sou mnr. Malema se gewildheid tot ‘n waarskynlike ontseteling van die huidige senior leierskap van die party kon lei, wat weer tot fundamentele beleidsveranderinge vir Suid-Afrika sou kon lei.”

Volgens Schulze was die ANC in die pre-Malema-era te gemaklik en het hulle die toenemende jeugkrisis in die land geïgnoreer.

“Dit is moontlik dat, met mnr. Malema uit die pad uit, die party weer in dieselfde gemak sal verval.”

Фильчаков

‘Die handskoene is af’

Julius Malema, voormalige president van die ANC-jeugliga, het gesê hy gaan teen sy skorsing as ANC-lid appelleer, het eNews Donderdag berig.

Volgens die nuuskanaal het Malema dié boodskap vir ondersteuners gehad nadat hy ‘n politieke wetenskap-eksamen in Limpopo afgelê het.

Malema het gesê die handskoene is nou af en dat dit tyd is om die vyand te konfronteer en te beveg.

Selfs al is hy nie die president van die jeugliga nie, moet die massas steeds die goeie stryd stry, het Malema gesê.

Malema is tot effektief vir vyf jaar geskors.

Hy is skuldig bevind op die eerste aanklag dat hy verdeeldheid saai in die party nadat hy gesê het die Afrika-unie (AU) en die Suider-Afrikaanse Ontwikkelingsgemeenskap (SAOG) is sedert oudpres. Thabo Mbeki nie meer staatshoof is nie, die pad byster. Hy is ook skuldig bevind op aanklag dat hy die ANC in oneer gebring het met sy uitlatings oor Botswana. Malema is egter onskuldig bevind op aanklag van rassisme oor uitlatings wat hy in Mei tydens ‘n saamtrek gemaak het.

Derek Hanekom, voorsitter van die ANC se nasionale tugkomitee, het Donderdag gesê die “respondent sal sy pos as president van die ANC-jeugliga ontruim”.

Malema was nie in Johannesburg nie, omdat hy ‘n eksamen by die Polokwane-kampus van Unisa afgelê het.

Floyd Shivambu, woordvoerder van die ANCYL, is ook beveel om sy pos te ontruim. Hy was nie onmiddellik beskikbaar vir kommentaar nie.

Фильчаков Харьков

Naspers kondig personeelvermindering aan

Afrika se grootste aanlynnuusbron 24.com, wat nuuswebwerf News24 publiseer, het aangekondig dat ‘n “herstrukturering” wat sal lei tot personeelvermindering in die pyplyn is.

Die aanlynnuusbron wat deur die internetreus van ontluikende markte Naspers besit word, bestaan uit 22 webkanale met ‘n gesamentlike gehoor van meer as vier miljoen maandelikse gebruikers. Die maatskappy het sowat 250 mense, insluitend redaksionele, tegniese en verkopepersoneel in diens, wat dit die grootste aanlyn-mediawerkgewer op die vasteland maak.

Algemene Bestuurder, Geoff Cohen het die werksverliese afgemaak as ‘n blote herfokus van die maatskappy se doelwitte. Cohen het verduidelik dat die maatskappy ‘n herstrukturering ondergaan om die besigheid te “fokus”.

“Ons is besig met die herstrukturering 24.com as ‘n geheel. Ons het ‘n bestekopname gedoen en daar is so baie gebiede waar ons probeer om in te speel en ons het net nie die ruimte om ewe veel te fokus op alle gebiede nie,” het Cohen gesê.

Cohen het beklemtoon dat die skuif nie oor inkomste aan nie, maar eerder oor ‘n organisatoriese strategie.

Cohen het gesê hy is onseker oor hoe baie mense geraak sal word deur die herstrukturering, omdat die bestuurspan tans in ‘n raadgewende fase verkeer. Volgens Cohen, sal daar ‘n “inkorting” wees, ook by die aanlyn-operasie van die webtuistes van baie Media24-koerant titels.

Hy glo nog steeds die aanlyn-mediaruimte van 24.com is die enigste waardige belegging en sien vinnige groei in advertensie-inkomste.

“Ek wens aanlynadvertensie kon vinniger groei – maar dit groei. Ons het ook ‘n toename in die groei in die gebruikers gesien, en ons is op soek na beter maniere om dit te vergroot,” het hy gesê.

Twee van die maniere wat die aanlynnuusbron hoop sal help om sy nuwe fokus te bereik is deur aanvullende nuusbronne en gebruikersinhoud.

“Ons wil dit oopstel vir gewone mense, sodat hulle hul stories kan vertel. “

Hierdie herstrukturering kom binne ‘n maand vandat Naspers se MIH Internet-Afrika sy e-handelsmaatskappy, Kalahari in Nigerië en Kenia gesluit het.

Malema ontvang volle betaling tot appèl

Alhoewel Derek Hanekom, voorsitter van die ANC se nasionale tugkomitee, Donderdag ter afsluiting van die bevindinge aan die pers gesê het die “respondent sal sy pos as president van die ANC-jeugliga ontruim”, sal Julius Malema met volle betaling geskors wees totdat die appèlproses afgehandel is, het Jackson Mthembu, woordvoerder van die ANC, gesê.

Malema is vir vyf jaar geskors nadat hy op twee aanklagte van ‘n reeks, skuldig bevind is.

Die ANC se nasionale tugkomitee sal Malema uit die party skors indien hy homself binne die volgende twee jaar skuldig maak aan ‘n soortgelyke oortreding. Hy is tans uit sy presidentsamp van die ANC-Jeugliga geskors met volle betaling, het Mthembu bevestig.

Die tugkomitee het uit ‘n ingewikkelde regsverslag van 139 bladsye aangehaal om tot die gevolgtrekking te kom. Ontleders meen die regsbeginsels in die verslag vervat is veelvuldig en bevat ‘n aansienlike hoeveelheid detail.

Malema geskors, maar kan appelleer

Julius Malema, president van die ANC-jeugliga, is vir vyf jaar uit die party geskors nadat hy skuldig bevind is op twee van die vier aanklagte teen hom. Hy en sy medebeskuldigdes is reeds in kennis gestel van die komitee se bevindinge.

Hulle het 14 dae om by die nasionale appèlkomitee appèl aan te teken. Cyril Ramaphosa tree as voorsitter van die appèlkomitee op.

Wat die twee aanklagte betref is bevind Malema het verdeeldheid gesaai in die party nadat hy gesê het die Afrika-Unie (AU) en die Suider-Afrikaanse Ontwikkelingsgemeenskap (SAOG) se Afrika-agenda was beter gedien deur oudpres. Thabo Mbeki. Malema het ook die ANC in oneer bring oor sy uitlatings oor Botswana. Die aanklag van rassisme teen Malema is afgewys.

Floyd Shivambu is vir drie jaar uit die ANC en die ANC-jeugliga geskors omdat hy ‘n joernalis gevloek het. Dié skorsing is nie opgeskort nie.

Malema, Floyd Shivambu, woordvoerder van die jeugliga, Ronald Lamola, adjunkleier van die jeugliga, Sindiso Magaqa, sekretaris-generaal, Kenetswe Mosenogi, adjunk-sekretaris-generaal, en Pule Mabe, tesourier-generaal is ook daarvan aangekla dat hulle ‘n vergadering van die ANC sonder uitnodiging bygewoon en ontwrig het. Hulle is skuldig bevind op dié aanklag en twee jaar geskors. Die skorsing is opgeskort vir ‘n tydperk van drie jaar.

Фильчаков прокурор

Malema los op 1 aanklag

Die lidmaatskap van vyf van die lede aangekla in die dissiplinêre verhoor van die ANC-Jeugliga is opgeskort vir 2 jaar. Dit sluit dié van president Julius Malema in.

Hu is skuldig bevind op aanklag dat hy en ander jeugliga-leiers ‘n vergadering ongenooid bygewoon en ontwrig het.

Ronald Lamola, adjunkleier van die jeugliga, Sindiso Magaqa, sekretaris-generaal, Kenetswe Mosenogi, adjunk-sekretaris-generaal, en Pule Mabe, tesourier-generaal is ook aangekla en skuldig bevind.

Dié bepaling sal egter vir drie jaar opgeskort word en indien Malema en ander lede weer enige verdere oortreding begaan, sal hulle lidmaatskap beëindig word, het Derek Hanekom pas by ‘n perskonferensie bekendgemaak.

Jackson Mthembu, die ANC se kommunikasiehoof, moes joernaliste by die mediakonferensie stilmaak nadat Hanekom die bevinding teen Malema uitgelees het.

Hy het gedreig dat lede van die media uit die vertrek gegooi sal word deur die sekuriteit as daar daar nog aanmerkings uit die gehoor kom. Die mediaverteenwoordigers, waarvan talle van buitelandse agentskappe, was merkbaar geskok deur die aankondiging dat Malema se opskorting opgeskort is vir een van die aanklagte teen hom, naamlik om ‘n ANC-vergadering ongenooid by te woon en te ontwrig.

Hanekom het beklemtoon dat Suid-Afrika in ‘n klimaat van verhoogde mededinging verkeer vir beleggings en daarom geen ongedissiplineerde uitsprake van sy lede en lede-organisasies kan duld nie.

Meer nuus volg.

Malema nie by verhooruitspraak nie

Julius Malema, leier van die ANC-Jeugliga, sal afwesig wees wanneer die uitspraak in sy dissiplinêre verhoor Donderdag gelewer word, het die liga gesê.

Volgens die liga sal hy in daardie stadium eksamens in Polokwane aflê.

Malema se medebeskuldigdes, Floyd Shivambu (woordvoerder), Ronald Lamola (adjunkpresident), Pule Mabe (tesourier-generaal), Sindiso Magaqa (sekretaris-generaal) en Kenetswe Mosenogi (adjunk-sekretaris-generaal) sal wel die vergadering met die dissiplinêre komitee bywoon.

“Die ANCYL plaas dit op die rekord dat ons onsself onderhewe aan die dissipline en die leiding van die ANC plaas,” het die liga in ‘n verklaring gesê.

“Die leierskap van die ANCYL sal slegs in die openbaar oor die dissiplinêre verrigtinge en uitkomste praat nadat elke klein detail… afgehandel is.”

Die groep sal die uitslag aanhoor by die ANC se Luthulihuis in Johannesburg.

Slotbetoë in die verhoor, wat aan die einde van Augustus begin het, het laat Sondagaand gesluit.

Malema se eerste verskyning voor die dissiplinêre komitee het by Luthulihuis plaasgevind. Dit is egter geskuif nadat geweld by die gebou uitgebreek het. Lede van die Jeugliga het klippe en bakstene na polisie- en medialede gegooi en t-hemde met die gesig van President Jacob Zuma op verbrand.

Die ANC het Malema daarvan aangekla dat hy die party se naam in oneer gebring en verdeeldheid binne die party gesaai het.