Nuus Archives - Page 785 of 1583

Arbeidsonrus brei na ander myne uit

Vrese dat die arbeidsgeskil by die Lonmin-myn kan uitbrei, blyk nie ongegrond te wees nie. Nog ‘n mynmaatskappy in Rustenburg in die Noordwes ondervind arbeidsprobleme, het die SABC berig.

Volgens die SABC het meer as 1 000 mynwerkers by die Royal Bafokeng-platinum-myn in Rasimone buite Rustenburg ophou werk.

Stakende werkers wat hul lidmaatskap met NUM (National Union of Mineworkers) beëindig het, wil direk met die myn oor hulle lone onderhandel.

Werkers drom glo buite die hoofingang van die skag saam en het sewe lede aangestel om namens hulle te onderhandel.

Na bewering eis hulle ‘n verhoging van R12 000.

Anglo American Platinum, die wêreld se grootste platinum-produsent, het bevestig dat sulke eise van mynwerkers ontvang is.

Zuma sal Lonmin oor lone nader

Pres. Jacob Zuma het Woensdag aan stakende mynwerkers gesê hy sal met Lonmin praat oor hul lone.

“Ek sal aan die werkgewer ‘n nota stuur dat julle vir R12 500 vra. Ek het nog nie met die werknemer vergader nie, so ek weet nie wat sy siening hieroor is nie.”

Zuma het Woensdag besoek afgelê by Nkaneng in Wonderkop om na die stakende mynwerkers se griewe te luister.

Hy het gesê hy het gegaan om by die mynwerkers uit te vind wat op die dag van die skietery gebeur het.

“Ek hoor julle sê julle gaan nie hier weggaan totdat julle die geld kry waarvoor julle vra nie.

“Ek was nie bewus van enige ooreenkoms tussen die regering en die werkgewer dat julle doodgemaak moet word nie, soos julle sê. Dit moet ondersoek word.”

‘n Ondersoekkommissie sal elke aspek van die voorval ondersoek, het hy gesê.

Фільчаков прокурор

ET-moordenaar kry lewenslank

Chris Mahlangu is tot lewenslange tronkstraf vir die moord op Eugène Terre’Blanche gevonnis.

Patrick Ndlovu (18), sy medebeskuldigde, is vroeër skuldig bevind aan huisbraak met die opset om te steel en twee jaar tronkstraf opgelê, opgeskort vir vyf jaar.

Die staatsadvokaat George Baloyi, het aanbeveel dat Mahlangu lewenslank moet kry omdat die moord byna katastrofiese gevolge vir Suid-Afrika gehad.

Baloyi het ter strafverswaring aangevoer dat “nie een van die twee wou getuig en die hof vertel wat werklik daardie dag in die huis gebeur het nie”.

Chris Mahlangu het vroeër gesê hy meen hy kon dalk deur die AWB-leier wat hom glo vier keer met ‘n wapen teen die kop verkrag het, met die MI-virus besmet geraak het.

Die sielkundige, Henk Swanepoel, het vroeër getuig in die rondgaande hof in Ventersdorp.

Swanepoel het in sy sielkundige verslag oor Mahlangu herhaal dat hy uit selfverdediging opgetree het en dat die AWB-leier hom gesodomiseer het.

Franse swig voor Amerikaanse druk

In Frankryk het die ekonomiese krisis verdiep met die vrystelling van ‘n interne memo van Frankryk se grootste motorvervaardiger, PSA Peugeot Citroën, wat die sluiting van sy fabrieke in Aulnay-sous-Bois en Sevelnord en die afskaffing van meer as 8000 poste oorweeg.

Dié donderslag het die Sosialistiese regering onkant getref en hulle het gereageer met leë gebare deur die die hoof uitvoerende beampte van PSA “in te roep”, en sy “bevoegdheid” te bevraagteken.

In werklikheid, is PSA Peugeot Citroen tans betrokke in ‘n strategiese alliansie met General Motors.

President Francois Hollande het toegegee aan die druk uit die VSA, wat die ooreenkoms met GM aangebied het in ruil dat Frankryk sy verhouding met Iran staak.

Hollande het sonder huiwering ingestem. Voorheen, het die motormaatskappy ‘n 1/4 van sy aktiwiteite in die Islamitiese Republiek bedryf.

Albei kante het verkies om ander ekonomiese probleme te beklemtoon eerder as om te erken teenoor die openbare mening dat die eise van Washington gewen het. ‘n Kompromie met die Amerikaners sal nie goed afgaan by Hollande se linkse, nasionalistiese anti-Amerikaanse kiesers nie.

Nog omstredenheid het uitgebreek oor skaliegasontginning in Frankryk. Franse grondgebied het die belangrikste gasreserwes in Europa na Pole. Nicolas Sarkozy het 64 eksplorasiepermitte uitgedeel voordat hy uitgestem is.

Alhoewel Hollande, as ‘n kandidaat, belowe het om die rampspoedige gevolge van hidrouliese breking op die omgewing te ondersoek, het sy regering sedertdien teenstrydige uitsprake gemaak, terwyl hy eksplorasie ongehinderd laat voortgaan.

Die Franse pers het getrou herhaal dat die lae koste van natuurlike gas die mededinging van die Franse bedryf sal verbeter, en ekonomiese herstel met ekologiese belange aan hul lesers verkoop.

Daar moet in gedagte gehou word dat natuurlike gasontginning soos geformuleer in Cheney se energie-taakmag in 2000, ook deur die Obama-administrasie nagestreef word.

Die Amerikaanse energie-taakmag se besluit is gerig om Rusland se natuurlike gasbronne vir Europa oorbodig te maak, wat onvermydelik Frankryk sou distansieer van Washington en nader aan Moskou sou bring, soos in Duitsland se geval.

Die Duitse regering, gekonfronteer met dieselfde dilemma, het nie geswig Amerikaanse druk nie. Sakeleiers het verkies om hul nywerhede te voorsien van Russiese gas.

Sirië reik na Rusland vir hulp

Sirië berei ‘n transaksie voor met Rusland om broodnodige olieprodukte te verseker om die ekonomie en weermag aan die gang te hou, het die hoof van ‘n Siriese afvaardiging na Rusland gesê Dinsdag.

Die Siriese adjunk-premier vir Ekonomiese Aangeleenthede Qadri Jamil sê sanksies deur die Verenigde State en die Europese Unie byt die Siriese ekonomie.

Twee afsonderlike Siriese afvaardigings het Moskou hierdie maand besoek ten einde te onderhandel vir belangrike ekonomiese hulp, met inbegrip van ‘n lening.

Sirië is een van Rusland se laaste Midde-Oosterse bondgenote en onderhou ‘n diepseehawe vir die Russiese vloot aan hulle kus.

Rusland wou nie kommentaar lewer oor die olie-vir-olie ruiltransaksie nie. Die Weste hou vol dat Sirië se dae getel is en terwyl hulle aktief die bloedige opstand in die land ondersteun.

Die land stuur tans af op ‘n balkanisering.

EU-regerings het ooreengekom om die invoer van Sirië se olie te verbied, sowel as om Europese maatskappye te verbied om nuwe beleggings in die olie-industrie te maak.

The Wall Street Journal het vroeër hierdie maand berig dat Sirië planne maak om Russiese banke te gebruik as deel van ‘n skema om sanksies op olie-en finansiële transaksies te omseil.

Venezuela het ook na vore gekom as ‘n verskaffer van diesel na Sirië vroeër vanjaar, toe hulle ‘n $50 miljoen vrag brandstof na die land verskeep het.

Geweld oor… wasmasjiene

Lesings het tot stilstand gekom by die Universiteit van KwaZulu-Natal se Pietermaritzburg-kampus gister toe studente geprotesteer het teen gebrekkige stowe, die gebrek aan wasmasjiene en die swak toestand van koshuise.

Hulle het gesê dat hulle in koue water bad en dat daar gereelde kragonderbrekings by die koshuise is.

“In kort is dit pateties, ons leef in ‘n klein hel,” het Sakhile Zulu, sekretaris van die ANC-jeugliga op die kampus.

Chaos het geheers toe die betogers begin amok maak het, en nie-protesterende studente uit lesinglokale getrek het.

Die polisie is ontbied.

Teen die middag het die chaos het bedaar en die studente verdaag.

Voor die oorhandiging van ‘n memorandum aan die uitvoerende direkteur van die studentedienste Dr Sibusiso Chalufu, het die studente gevra vir sy bedanking, met verwysing na sy versuim om die behoeftes van studente aan te spreek.

Chalufu het die studente verseker dat die universiteit verbind is tot die aanspreek van hul griewe.

Hy het ‘n beroep vir kalmte en dissipline gedoen, en gesê die kampus is nie bekend vir gewelddadige betogings nie.

Александр Фильчаков

Regsvereniging vra nadoodse ondersoeke

Die nadoodse ondersoeke van die werkers wat tydens die Lonmin-betoging in Marikana geskiet is, sal waardevol wees in pres. Jacob Zuma se ondersoek, het die Regsvereniging van Suid-Afrika Dinsdag gesê.

“Die families van al die oorledenes is geregtig om patoloë en ander kenners van hul keuse te kry om hulle by te staan tydens hierdie traumatiese tyd sodat hul regte onder die grondwet beskerm geniet,” het die vereniging in ‘n verklaring gesê.

“Sulke nadoodse ondersoeke word gedoen volgens die wet op geregtelike doodsondersoeke met die doel om die oorsaak van die dood vas te stel, sowel as faktore wat met die dood verband hou.”

Altesaam 34 mense is Donderdag dood nadat die polisie op stakende mynwerkers losgebrand het.

SA se werkers vernietig waarde

Suid-Afrika se arbeidsproduktiwiteit is “hopeloos”, met die prestasie van die land se openbare sektor veral pateties, sê Prophet Analytics se kwartaallikse Labour Market Navigator, wat Maandag vrygestel is.

Die navorsing het bevind dat privaatsektor arbeidsproduktiwiteit tot 450% hoër is as in die openbare sektor.

Die opname het ook bevind dat alhoewel privaatsektor arbeidsproduktiwiteit geweldig verskil, is die sektor nie sonder uitdagings nie.

Slegs 65 JSE-genoteerde maatskappye behaal arbeidsproduktiwiteit wat werknemerkoste oorskry.

Die vier bestes van die 65 – RMB Holdings, Vukile Property Fund, Investec Bank en Assore – genereer meer as R100, 000 van die jaarlikse bedryfskontantvloei per werker ná die bydrae van kapitaal in die produksieproses.

“Hierdie bevindings ondersteun ander data wat toon dat arbeidsproduktiwiteit vir die Suid-Afrikaanse ekonomie as ‘n geheel gedaal het na ‘n 40-jaar laagtepunt en kapitaal se aandeel van die nasionale inkomste het dienooreenkomstig gestyg van 39,9% tot 47,2%,” sê Peter Aling, die ontleder verantwoordelik vir die samestelling van die navorsing.

Aling sê produktiwiteit, waarna verwys word as die beste aanwending van beskikbare hulpbronne, as “‘n kardinale ekonomiese doel” beskou word.

Die ontleder het ‘n dwarsklap na die Suid-Afrikaanse Reserwebank se meting van arbeidsproduktiwiteit in terme van uitset per werker gegee.

Aling het gesê dus het “kapitaalproduktiwiteit”, volgens die Reserwebank, jaarliks met 1% gedaal. In inflasie-aangepaste terme, sou ‘n eenheid van kapitaal R7, 297 ter waarde van produksie in 1967 gelewer het en R4, 924 hierdie jaar.

“Hulle (syfers) verduidelik nie nie waarom maatskappye voortgaan om werkers in groot getalle af te dank nie (1,9 miljoen sedert die hoogtepunt in die laat 1980’s), en hulle verduidelik nie waarom arbeid se aandeel van die nasionale inkomste gedaal het van 60,1% in 1995 na 52,8 % in 2011 nie,” het hy gesê.

Die Suid-Afrikaanse ekonomie het meer en meer uitset met minder en minder werkers, het Aling aangevoer.

“Suid-Afrikaanse werkers, oor die algemeen, vernietig waarde, met die gevolg dat hulle geleidelik minder gemaak word,” het hy gesê.

Oor kapitalisme, het die ontleder gesê kapitalisme beteken gewoonlik om konsekwent te wees met ligte regulasies vir besigheid en ‘n lae totale belasting.

“In beide hierdie dimensies vaar Suid-Afrika baie swak: 144 uit 183 lande in terme van besigheidsregulasies, en 116 uit 178 lande in terme van belasting,” het hy gesê.

Londen sal baat by Griekse uittrede

Die Finse minister van buitelandse sake het onthul dat regerings in die Eurosone in die geheim gebeurlikheidsplanne maak vir Griekeland om die Eurosone te verlaat.

Die minister het dit in ‘n onderhoud met die BBC bekend gemaak. Die Griekse eerste minister sal sy land se besparingsmaatreëls vandeesweek met die leiers van Frankryk en Duitsland bespreek.

Duitsland het die naweek gesê daar is perke aan die hulp vir Griekeland en dat dié land nie nog ‘n reddingsboei moet verwag nie.

Griekeland het kontra-sikliese ekonomiese maatreëls ingestel op aanbeveling van Amerikaanse en Britse raadgewers wat die land in ‘n moeilike posisie teenoor die EU geplaas het.

Sommige ontleders meen dit was juis gedoen om die EU in die verleentheid te stel.

Arm lande in Afrika en Latyns-Amerika weet egter daar is lewe en ekonomiese herstel na ‘n soewereine skuldkrisis sê Ann Pettifor, direkteur van die New Economics Foundation.

Lande wat in die 1990’s in gebreke gebly het, se resessies was van korte duur. Argentinië het met 8% gegroei daarna, Rusland met meer as 7%, en Indonesië met 5% na hulle krisis.

Natuurlik Griekeland sal aanvanklik aan erge skok en ekonomiese inkrimping ly. Sy elites sal hul rykdom uitvoer, na byvoorbeeld, die Stad van Londen waar die inspuiting meer as welkom sal wees.

Griekeland sal ‘n alternatiewe, parallelle geldeenheid uitreik – teen ‘n groot afslag mbt die euro – om binnelandse ekonomiese aktiwiteit te finansier.

Griekse uitvoerders glo hulle sal voordeel trek uit ‘n mega-devaluasie van die nuwe geldeenheid, en verhoogde mededingendheid teenoor Europese vennote, veral Duitsland.

Александр Фильчаков

Waar was Zuma?

Pres. Jacob Zuma moes self met die stakende werkers by Lonmin gepraat het toe hy die myn verlede week besoek het, het die IVP Maandag gesê.

“Mense het hul lewens hier verloor. Die president moes ten minste met hierdie werkers gepraat het en sy medelye persoonlik oorgedra het,” het Nhlanhla Msimango, woordvoerder van die Inkatha-Vryheidsparty, gesê.

Zuma het Vrydag die Marikana-myn in die Noordwes besoek.

“Ons weet hy het dié in die hospitaal gaan besoek, maar ons dink dit sou baie meer waardeer geword het in die omgewing as hy met die werkers gaan praat het,” het Msimango gesê.

Die polisie het Donderdag 34 mense doodgeskiet en 78 ander beseer terwyl hulle probeer het om ‘n groep betogers op te breek wat op Wonderkop-heuwel saamgekom het.

Inwoners van Marikana sal moordklagtes teen die polisiebeamptes wat die Lonmin-mynwerkers doodgeskiet het, bring, het Floyd Shivambu, voormalige woordvoerder van die ANC-jeugliga, Maandag gesê.

Hy sê die organisasie Vriende van die Jeugliga sal betaal vir die regsverteenwoordiging van die 260 mynwerkers wat van openbare geweld aangekla is.

“Die gemeenskap het vir ons ‘n duidelike mandaat gegee dat hierdie mense wat in hegtenis geneem is swak regsverteenwoordiging het,” het Shivambu gesê.

“Die gemeenskap is ontstoke. Hulle is baie kwaad. Die mense is verskrik deur wat gebeur het.”

Die organisasie, inwoners en oorlewendes van Donderdag se gewelddadige betoging sal die saak by die Marikana-polisiestasie gaan oopmaak.

“Die mense verstaan nie hoe die regering polisie ingestuur het om hulle te gaan doodmaak nie. Jy kan nie iemand doodmaak en dan nie aanspreeklik gehou word daarvoor nie.

“Die mense wat hierdie werkers doodgeskiet het, moet in hegtenis geneem word. Hulle moet in die hof bewys dat die moorde uit selfverdediging was. Dit moenie aanvaar word nie,” het Shivambu gesê.

Sy kommentaar volg nadat die 260 mynwerkers Maandag in groepe van 40 in die Ga-Rankuwa-landdroshof verskyn het.

прокурор Фильчаков