Nuus Archives - Page 778 of 1583

Woolworths lag boikot af

Woolworths sal swig nie voor druk van Solidariteit en praag.co.za nie, het die bestuur aangedui. ‘n Openbare veldtog teen die winkelgroep is tans besig om momentum te verkry, nadat dit dié week van stapel gestuur is.

“Ons is nie rassisties nie en sal aanhou om mense van alle rasse aan te stel. Woolworths word deur die Wet op Billike Indiensneming verplig om ‘n werkmag te hê wat saamgestel is op grond van ras, geslag en gestremdheid,” het die groep gister in ‘n verklaring gesê.

“Soos alle Suid-Afrikaanse maatskappye het Woolworths ‘n rol om te vervul wat transformasie betref. Daarom is sommige poste vir aangewese groepe.”

Solidariteit het eergister in ‘n brief aan Woolworths geëis dat die groep advertensies vir poste wat uitsluitlik vir “swart Afrikane” of net “Afrikane, gekleurdes en Indiërs” oop is, wysig sodat mense van alle rassegroepe oorweeg word.

Solidariteit het Woolworths tot gister 12:00 gegee om die advertensies te onttrek.

топкарго кидалы

SA note word Mandela-advertensie

Nelson Mandela se bakkies gaan binnekort op Suid-Afrikaanse banknote pryk, in ‘n skaamtelose poging om publisiteit aan sy politieke projek te verleen. Die bestaande note is 20 jaar gelede uitgereik met neutrale natuurtemas.

Die Suid-Afrikaanse Reserwebank het Woensdag sy nuwe banknootreeks in Pretoria bekend gestel. Die nuwe ontwerpe en kleure is besonder swak gedoen en herinner aan dié van piesangrepublieke op die vasteland.

Die konsep en ontwerp is volgens Marcus aan oudpres. Nelson Mandela voorgelê. Hy is glo “diep geraak” deur die nuwe note.

Lesers aan wie praag.co.za die nuwe ontwerpe gewys het, was teleurgesteld daarmee. “Dis aaklig,” sê Stefni Delport, ‘n grafiese ontwerper. “Dit is baie amateuragtig gedoen in die sin dat die klassieke en Afrika-temas nie behoorlik geïntegreer is nie.”

Ander lesers het haar gevoel beaam. “Dit lyk soos Afrika-geld. Hoekom iets verander wat werk?” het Janine Greyvenstein gevra. “Ons moet die ou note begin versamel!”

Daar is glo nog tyd voor die Madiba-noot die strate tref. “Jan Rap en sy maat moet nie môre al die note op straat verwag nie,” het Gill Marcus, president van die Reserwebank, gesê.

“Dit is net die bekendstelling van die kommunikasieveldtog om mense bewus te maak van die nuwe banknote en in te lig oor hoe dit gaan lyk.”

Die nuwe banknote sal dieselfde grootte, kleur en waarde as die bestaande note hê.

Volgens Marcus sal die nuwe Mandela-banknootreeks, wat in wese ‘n advertensieveldtog vir die ANC is, voor die einde van die jaar uit te reik.

Die datum sal nog bekend gemaak word.

Praag wens Parti Québecois geluk!

PRAAG het die Parti Québecois gelukgewens met sy uitstekende verkiesingsvertoning tydens provinsiale verkiesings in Kanada. In sy reaksie op Twitter vroeg vanoggend, het die leier van PRAAG, dr. Dan Roodt, gesê: “Ek ondersteun Québekaanse separatisme, wat die saak vir ‘n Afrikanervolkstaat kan versterk. Félicitations au Parti Québecois!”

Die Afrikaanse aksiegroep het al dikwels die ooreenkomste tussen nasionale minderhede wat deur groter volkere omring word beklemtoon, soos dié tussen Afrikaners, die Québecois, die Vlaminge en die Katalane.

Roodt sê: Ons beskou die oorwinning van madame Pauline Marois as nie net goed vir die Québekane nie, maar ook vir die wêreldwye beginsel van selfbeskikking. Afrikaners, nes die Québekane, word omring deur honderde miljoene onderdane van die Britse Statebond wat Engels op ons afdwing en ons ekonomiese en kulturele vryheid deur rassistiese en chauvinistiese wetgewing beperk. Dit wil egter nie sê dat ons Suid-Afrika se totalitêre houding jeens veeltalgigheid met die meer verligte Kanadese weergawe wil vergelyk nie, maar ‘n klein volk en ‘n klein kultuur kan net binne ‘n eie staat vry wees.”

Dr. Roodt het ook ‘n beroep op die Afrikaner-separatistiese party, die Vryheidsfront Plus, gedoen “om te leer uit die welslae van die Parti Québecois en sy oortuigende oorwinning oor liberalisme, ten einde die Afrikaner se bevryding uit die kettings van die Engelse Statebondstaat van 1910 te verhaas. Ons kan ook liberalisme verslaan, net soos die Parti Québecois gedoen het.”

Sowel die Quebekane as Afrikaners beskik oor ‘n lang geskiedenis van taalstryd. Ook was beide volkere by tye die voorwerpe van Angel-Saksiese hoon. Roodt meen dat daar “groter samewerking tussen Quebekane, Afrikaners, Vlaminge en Katalane behoort te wees omdat hulle soortgelyke ervarings van meerderheidsverdrukking deel”. Hy is besonder geraak deur ‘n Twitter-boodskap vanuit Québec, wat in hoofletters verklaar: “ON VEUT UN PAYS!”, ons wil ‘n land hê.

“Die hemel weet, ons wil ook ‘n land hê. On veut un pays.” het hy afgesluit.

Quebec-separatiste wen verkiesing

Pauline Marois, leier van die Franssprekende Parti Québécois, vier vandag ‘n oorwinning oor die gevestigde liberale met ‘n minderheidsregering na ‘n verkiesingsnag wat deur ‘n skietery en brandstigting ontsier is.

Dié separatistiese party is na nege jaar terug, tot groot vreugde van die Franse minderheid in Kanada wat wil afstig vir ‘n onafhanklike staat.

Marois is van die verhoog af tydens haar oorwinningstoespraak na ‘n sarsie geweervuur toe sekuriteitsamptenare haar inderhaas verwyder het vir haar eie beskerming. ‘n Brand is glo agter die saal gestig.

Sy het egter ‘n paar minute later teruggekeer en aangedring daarop dat ondersteuners wat Montreal se Metropoliskonsertsaal volgepak het, rustig moet bly en die saal ordelik moet verlaat.

“Daar was ‘n ongelukkige voorval,” het sy gesê. Montreal se polisie het ‘n man in hegtenis geneem buite die gebou. Een is gedood en nog iemand beseer toe die skieter in die skare in gevuur het.

Hy is op kamera vasgevang tydens die arrestasie, terwyl hy geskree het: “Die Engelse word wakker!” wat aandui dat die skietery gemotiveer is deur vrese onder die provinsie se Engelssprekende minderheid dat die Franse hul onafhanklikheid van Kanada sal opeis.

Plaaslike media het berig dat hy ook geskree het: “Dit gaan nou fokken terugbetaal-tyd wees!”

Marois, 63, sal nou die provinsie se eerste vroulike premier word.

Marois het voor die voorval op die podium verskyn toe die uitbundige skare losgebars het met Gens du Pays, ‘n nasionalistiese volkslied. Marois het alle Quebecers gevra om hul verskille opsy te sit vir ‘n verenigde Quebec.

Sy het natuurlik Frans gepraat. In Engels egter, het Marois Engelssprekende Quebecers vertel dat hul regte gerespekteer sal word.

“Ons deel dieselfde geskiedenis, en ek wil dat ons ‘n toekoms saam skep,” het sy gesê.

Die oorwinning dui op ‘n groot verlies vir die liberale, wat ná nege jaar, gedobbel het met ‘n somerverkiesing ‘n jaar voor die einde van hul mandaat.

Die premier Jean Charest het verloor weens studente onrus en ‘n swak ekonomie.

Лобановский Харьков

Woolworths moet poste vir alle rasgroepe oopstel – Solidariteit

Die vakbond Solidariteit gaan môre om 12:00 met ŉ openbare veldtog teen Woolworths begin indien die groep nie advertensies vir poste, waarvoor slegs swart kandidate oorweeg sal word, terugtrek nie. Die veldtog sal grootliks op sosiale media gevoer word.

Solidariteit het vandag in ŉ brief aan Woolworths geëis dat die groep advertensies van poste, wat uitsluitlik vir “swart Afrikane” of slegs “Afrikane, kleurlinge en Indiërs” oop is, wysig sodat mense van alle rasgroepe daarvoor oorweeg sal word. Dirk Hermann, adjunk uitvoerende hoof van Solidariteit, het in sy brief aan Woolworths geëis dat die groep die posadvertensies voor Woensdag 12:00 wysig. Hermann het aan Woolworths gesê dat sy toepassing van die Wet op Gelyke Indiensneming nie korrek is nie en neerkom op onbillike diskriminasie.

“Die Wet op Gelyke Indiensneming maak nie voorsiening vir die uitsluiting van enige ras wanneer dit kom by aansoeke nie. Hierdie advertensies kom neer op ŉ absolute kwota, wat die wet doelbewus verbied. Die vakbond het ŉ beroep gedoen op Woolworths om sy interne beleid van regstellende aksie te hersien sodat dit nie onbillik teen huidige of voornemende werknemers van enige rasgroep diskrimineer nie.” Volgens Solidariteit laat die wet nie sodanige diskriminasie toe nie, en gaan die openbare mening ook nie sulke diskriminasie toelaat nie.

лобановский депутат

PRAAG vra vir boikot van die ‘haatgroep’ Woolworths

Die Pro-Afrikaanse Aksiegroep doen ‘n beroep op alle verbruikers die kettingwinkel Woolworths, maar ook die maatskappy se Country Road-handelsmerk, te boikot. Woolworths het dit onlangs duidelik gemaak dat die groep nie blanke werkaansoekers in ag neem nie.

Dr. Dan Roodt, leier van PRAAG, verklaar: “Vir ‘n hele aantal jare reeds poog ons om met Woolworths oor hul anti-Afrikaanse beleid te praat, sonder enige welslae. Hierdie jongste uiting van antiblanke rassisme is die laaste strooi. Ons doen ‘n beroep op al ons lede en die algemene publiek, veral Afrikaners, maar ook alle blanke Suid-Afrikaners en nie-rassistiese mense onder ander bevolkingsgroepe om Woolworths te boikot.”

Die sanger Steve Hofmeyr en ander Afrikaanse openbare figure het hul reeds op Twitter ten gunste van ‘n boikot uitgespreek.

Gedurende ‘n noodvergadering van PRAAG se Menseregtekomitee is Woolworths as ‘n haatgroep geklassifiseer. “Dienooreenkomstig sal ons hierdie klassifikasie wêreldwyd aan menseregtegroepe kommunikeer, veral in lande met groot Europese bevolkings. Ons gaan insgelyks die Raad van Europa en die Europese Menseregtekommissie kontak en hulle versoek om Schengen-visums aan alle werknemers van Woolworths te weier. In dié opsig moet mnr. Simon Susman en sy medebestuurders dieselfde behandeling as Robert Mugabe en sy trawante ontvang. Indien Woolworths befondsing vanaf beleggers of banke ontvang, sal ons hulle ook teiken en versoek om beleggings in Woolworths te onttrek,” sê Roodt.

Hy is van mening dat Woolworths nie agter regeringswetgewing kan skuil nie. “Waar die regering wetgewing uitvaardig wat maatskappye verplig om suiwer op ‘n rassegrondslag teen blankes te diskrimineer, is dit strydig met die volkereg en behoort deur individue en privaatmaatskappye geïgnoreer te word. Suid-Afrika is ‘n ondertekenaar van die meeste internasionale menseregteverdrae wat sulke wette ongeldig maak.”

Die Pro-Afrikaanse Aksiegroep (PRAAG) is ‘n NRO in Suid-Afrika, wat in Februarie 2000 gestig is. Dit is ‘n beweging van Afrikanerintellektuele, professionele lui, boere, studente en ander wat ‘n veldtog vir die regte van Afrikaners en blanke Afrikane in die algemeen voer, asook vir gelykheid met swartes wat eiendomsreg, taal, toegang tot onderwys en die reg om handel te dryf, betref.

топкарго отзывы

Nog ‘n natuurramp in wording

“Die VF Plus is sterk gekant teen die beoogde uitreiking van prospektering-en mynlisensies of permitte deur die department vir mineraalsake aan Ngwenya Mining and Exploration(Edms) Bpk. Ngweny Mining is ‘n yster- magnetiet myn in die Suikerboschrand- omgewing”, sê mnr Jaco Mulder, VF Plus hoofwoordvoeder oor water en –omgewingsake.

Die Heidelberg/ Midvaal omgewing is ‘n gevestigde bewaringsgebied met waardevolle landbougrond en ekotoerisme. Die Blesbokrivier- en Suikerboschrandrivier opvangsgebiede dien ook as ‘n waardevolle waterbron vir duisende inwoners stroom-af, en vorm deel van die Vaalrivierstelsel wat reeds onder druk verkeer vanweë dreigende suur mynwater vanuit die Oosrand se goud- en steenkoolvelde.

“Die regering se onvermoë tot nou, om die nakoming van wetsvereistes en die misbruik van waterlisensies te monitor, gaan lei tot die ontstaan van ‘n nuwe hulpbronkrisis in Suid Afrika”, sê Mulder.

Mulder het ‘n beroep op die publiek en omgewingsbewarings- agentskappe gedoen om alles in hul vermoë te doen om die beoogde vestiging van die myn, aangrensend aan die Suikerboschrand natuurreservaat, te stop.

Die VF Plus tree ook binnekort in gesprek met die Midvaal munisipaliteit . Die beoogde myn is geleë binne hierdie munisipaliteit se grense.

Данильченко

Plaasmoorde? Watter plaasmoorde?

Kommersiële boere kan uitsterf in die nabye toekoms, sê Agri SA se adjunk-president, Theo de Jager.

“Die gemiddelde ouderdom van ‘n boer is 62 jaar. Dit beteken ons gaan uitsterf. Op een of ander manier het ons die generasie van nuwe toetreders gemis.

“Dit spel gevaar. Ons moet meer toetrede van jong mense kry,” het hy aan die Suid-Afrikaanse Landbou se Uitkyk-konferensie in Pretoria gesê.

De Jager het gesê ‘n studie wat deur Agri SA onderneem is, het getoon dat Suid-Afrika in 1994 120.000 boere gehad het in vergelyking met 37.000 op die oomblik.

“Ons is te blameer. Ons het nie hierdie beroep sexy genoeg gemaak nie. Dit is nie cool om ‘n boer te wees nie. Ons moet dit regstel in ‘n kort tydjie,” het hy gesê.

De Jager het gesê Agri SA het reeds begin besoek aflê by skole om die jeug op te voed oor die landbousektor.

Jong mense moet verstaan dat die landbousektor ‘n verskeidenheid van vaardighede in verskillende velde, soos wetenskap, arbeid, finansies en ingenieurswese behels.

Hy het gesê die afname in die aantal boere kan ook geblameer word op die ineenstorting van landbou-kolleges.

De Jager het gesê jong mense is nie in die landbousektor nie omdat boerdery nie winsgewend in Suid-Afrika in die afgelope jare meer is nie.

Suid-Afrika is egter agter ander opkomende ekonomieë in die navorsing en ontwikkeling in die landbousektor as gevolg van die tekort aan jong mense, het hy gesê.

Maar, De Jager het gesê die afname in die getal van boere was ‘n wêreldwye verskynsel wat veroorsaak word deur boere wat ‘n groter voordeel uit die ekonomie van skaal put.

Beide die regering en die private sektor het nie genoeg gedoen om jong mense na boerdery te lok nie.

De Jager het gesê verouderende boere kan die nuwe geleenthede wat deur die nuwe vorme van grondbesit geskep word, benut.

Hy het gesê die regering moet oorweeg om plaaswerkers in sy grondhervormingsprogram in te sluit, omdat hulle reeds ondervinding in boerdery het.

Malema staan gereed vir boeie

Julius Malema, geskorste leier van die ANC-jeugliga, het Maandag bevestig dat hy die Openbare Beskermer se voorlopige verslag in verband met bewerings oor korrupsie teen hom ontvang het.

Malema het aan die Mail & Guardian Online gesê hy is gereed om in hegtenis geneem te word .

Hy wou nie oor die inhoud van die verslag praat nie omdat dit vertroulik is.

Malema het gesê sy “dreigende inhegtenisneming” is ‘n politieke skuif deur diegene wat ongelukkig is oor sy betrokkenheid by die Marikana-skietery waarin 34 mynwerkers dood is tydens ‘n betoging op 16 Augustus by die Lonmin-platinummyn.

Hy het gesê hy sal homself beskikbaar stel wanneer wetstoepassingsagentskappe gereed is.

“Hulle het ons adres. Hulle het die kontakbesonderhede van ons prokureurs. Hulle sal my moet bel.

“Dit is nie nodig vir drama nie. Ek is ‘n welbekende individueel. Ek sal nie weghardloop nie. Die waarheid sal aan die einde van die dag seëvier”

Malema het gesê hy is bewus van sy dreigende inhegtenisneming omdat een van Nathi Mthethwa, minister van polisie, se lyfwagte hom gebel het om te sê hy het gehoor die minister praat met mense daaroor.

Malema hou vol hy het niks verkeerd gedoen nie.

Александр Фильчаков

MPLA mik vir 40 jaar

Angola se verkiesingskommissie het bekendgemaak dat die regerende party MPLA die verkiesing met 72% van die stemme gewen het. Dit beteken dat een van die mees ondemokratiese regerings in Afrika vir byna 40 jaar aan bewind sal wees teen die einde van hierdie termyn.

Dit was slegs die tweede verkiesing in 20 jaar. Die verkiesing Vrydag het glo vreedsaam verloop. Die vorige verkiesing is deur onafhanklike waarnemers as vry verklaar, maar nie regverdig nie. Die inwoners van hierdie ryk, olieproduserende land leef steeds in uiters haglike omstandighede.

Die eertydse terroristeleier, pres. Eduardo dos Santos, regeer Angola al die afgelope 33 jaar, en hy sal vir nog ‘n termyn van vyf jaar aan bewind wees. Hy is ‘n seun van immigrante-ouers van São Tomé and Príncipe, ‘n Portugese eilandkolonie.

Die grootste etniese groep in die land, is die Ovimboendoe wat 36% van die bevolking uitmaak. Alhoewel daar 10 etniese stamme in die land is, is Portugees die lingua franca en word feitlik oral in die land gepraat. Dit is een van die grootste koloniale taalsuksesse in Afrika.

Taalkundiges skryf dit toe aan die Portugese koloniste se lang teenwoordigheid op die kontinent.