Nuus Archives - Page 772 of 1583

VSA-sendings begin om geklassifiseerde materiaal te vernietig

Hoewel die optog van honderdeduisende ontstoke Moslems in Beiroet ver weg van die Amerikaanse ambassade daar gebly het, dui verslae daarop dat die Amerikaanse sending in Libanon begin het om geklassifiseerde materiaal te vernietig as ‘n sekuriteitsvoorsorgmaatreël.

Die Beiroet-ambassade het “sy noodprosedures en het begin om geklassifiseerde dokumente te vernietig,” sê ‘n State Departement-statusverslag wat verkry is deur die Associated Press.

In Washington, het amptenare gesê daar is geen onmiddellike bedreiging vir die ambassade nie. Die besluit om “geklassifiseerde dokumente te verminder” was roetine onder sulke omstandighede en deur die ambassade personeel self onderneem, het hulle bygevoeg.

Vroeër Maandag, het die State Department weereens gewaarsku dat burgers van die VSA hul reise na Libanon moet beperk aangesien die potensiaal vir ‘n “spontane toename in geweld aanwesig bly” in die land. Hulle waarsku verder dat die Libanese owerhede nie in staat is om beskerming te waarborg nie.

Die amateur-film “Onskuld van Moslems” het gelei tot verontwaardiging in die Midde-Ooste, Noord-Afrika en Asië verlede week. Baie Moslems was woedend oor die YouTube-film wat Islam se profeet Mohammed bespot.

In protes wat regoor die wêreld gevolg het, is verskeie mense reeds dood en dosyne is in hegtenis geneem terwyl hul hul woede voor Amerikaanse ambassades en konsulaatdienste uitgedruk het.

Was VSA se ambassadeur Stevens gay?

Het president Obama en Hillary Clinton ‘n gay ambassadeur na die “bevryde” Moslemland Libië gestuur, waar homoseksuele gedrag ‘n misdaad is, strafbaar met gevangenisstraf?

Die State Department ontken tans heftig dat daar ‘n intelligensielekkasie was wat gelei het tot die aanval op ambassadeur Stevens en sy lyfwagte, waarna sy lyk deur ‘n juigende skare uit sy skuilplek gesleep is.

Die vraag kom te midde van vrae in die diplomatieke gemeenskap oor J. Christopher Stevens wat in Libië wreed vermoor is op die herdenking van die September 11, 2001 se terreuraanvalle.

Dit is die eerste moord van ‘n Amerikaanse ambassadeur sedert 1979. Dit is des te meer ernstig as in ag geneem word dat in ‘n land waar die huidige sentrale regering ‘n suiwer fiksie is, is die Amerikaanse ambassadeur nie bloot ‘n diplomaat nie, maar funksioneer as die de facto hoof van die staat.

Die vraag is die moeite werd omdat die huidige Amerikaanse regering aktief die werwing vanuit homoseksuele gemeenskappe vir diplomatieke opdragte oorsee nastreef, insluitend in die Midde-Ooste.

Dit vorm deel van ‘n groter beleidsbesluit deur Obama en Clinton om diskriminasie teen homoseksuele wêreldwyd te konfronteer, selfs in Moslemlande.

Intussen het die Obama-administrasie besluit dat die dodelike aanval in Libië en die gewelddadige betogings in die Moslem-wêreld slegs ‘n reaksie op ‘n 14-minuut filmlokprent op die internet is wat die Islamitiese profeet Mohammed as ‘n pedofiel en ‘n homoseksueel uitbeeld.

Chris Stevens was ‘n 52-jaar-oue man sonder vrou of kind.

‘n Onlangse “Gay Pride” viering by ‘n Amerikaanse ambassadelid in Islamabad, Pakistan, op Junie 26, 2011, het ‘n woedende reaksie van Moslem-groepe ontketen wat na bewering die geleentheid veroordeel het as ‘n daad van “kulturele terrorisme” gemik teen die land se Islamitiese waardes.

Nog steeds beskikbaar op die Amerikaanse ambassade se webwerf in Islamabad is notas van 75 mense, insluitend missiebeamptes, Amerikaanse militêre verteenwoordigers, buitelandse diplomate en leiers van Pakistani LGBT-groepe, wat die “gay pride” gebeurtenis van 26 Junie 2011, deur die saakgelastigde Ambassadeur Richard E. Hoagland, adverteer.

‘n Naamlose State Department-woordvoerder verduidelik wat gebeur het tydens die aanval op Stevens: “Op ‘n sekere punt hiertydens – en eerlik, ons nie weet wanneer nie, maar ons glo dat ambassadeur Stevens uit die gebou en na ‘n hospitaal in Benghazi geneem is. Ons het nie enige inligting wat sy toestand was op daardie tydstip nie. Sy lyk is later teruggegee aan Amerikaanse personeel by die Benghazi-lughawe. “

‘n Berig op 12 September op die Libanese nuusagentskap se webwerf Tayyar.org het aangedui dat Stevens gesodomiseer is voordat hy vermoor is, hoewel die verslag later van die webwerf verwyder is nadat Agence France Presse beswaar gemaak het dat die bron vals was.

Sondag, het Libië se president Mohamed Yousef El-Magariaf aan CBS se “Face the Nation” gesê dat die aanval op die Amerikaanse Konsulaat in Benghazi “vooruit beplan” was en heeltemal weerspreek wat die VN se Amerikaanse ambassadeur Susan Rice beweer, naamlik dat die aanval ‘n spontane reaksie op ‘n Internet-video was.

CNN het ook Sondag ‘n verslag gepubliseer waarin ‘n plaaslike sekuriteitsbeampte Amerikaanse diplomate in die stad gewaarsku het oor verslegtende veiligheidstoestand.

Die verskriklike ironie is dat die mense van Benghazi reeds in ‘n soortgelyke voorval betrokke was. Dit is nuttig om te onthou toe die spotprente van Mohammed in September, 2005, verskyn het, is die Deense konsulaat daar aangeval. In ooreenstemming met die Weense Konvensie het die Libiese regering van Moeammar Gadaffi troepe ontplooi om die Westerse diplomate te beskerm. Die onderdrukking van die oproer het gelei tot talle sterftes. Daarna het die Weste Gadaffi daarvan beskuldig dat hy hardhandig teen sy eie mense optree!

Malema weggekeer by myn

Die Suid-Afrikaanse polisie het Julius Malema verhoed om ‘n byeenkoms van stakende mynwerkers Maandag toe te spreek, nadat president Jacob Zuma gewaarsku het dat die land nie ‘n resessie kan bekostig wens stakings nie.

Die polisie het Julius Malema, geskorste leier van die ANC se jeugliga, met vier Nyala-polisievoertuie en ‘n helikopter tot by die N4 uit Marikana in die Noordwes begelei, het RSG berig.

Zuma het by ‘n konferensie van Cosatu gesê dat R4.5 miljard verlore gegaan het in die produksie van goud en platinum hierdie jaar en ‘n verdere R118 miljoen in die steenkoolsektor.

“Die impak gaan verder as die mynbousektor,” het hy gewaarsku.

“Ons kan nie bekostig om in ‘n resessie te gaan nie, en om terug te keer na die tydperk 2008 en 2009 waar die land naby aan ‘n miljoen werkgeleenthede verloor het, waarvan ons nog sukkel om te herstel.”

Die regering het Vrydag aangekondig dat hulle nie langer die onrus sal duld nie en die veiligheidsmagte beveel om toe te slaan op onwettige byeenkomste, wapens, dreigemente en aanhitsing.

Polisie het die naweek toegeslaan op Marikana met die ondersteuning van die leër, tradisionele wapens van werkers afgeneem en die skare met rubberkoeëls en skokgranate verjaag nadat hulle sonder polisieklaring byeengekom het.

Vroeg Maandag, het die polisie 42 mense in hegtenis geneem vir ‘n onwettige staking by ‘n skag wat deel uitmaak van Royal Bafokeng Platinum.

Julius Malema is Maandag verhoed om ‘n skare toe te spreek nadat hy fisies deur gewapende polisie weggekeer is, wat hom 10 minute gegee het om te gaan by ‘n stadion waar werkers in Marikana versamel het.

Malema is na ‘n heftige woordewisseling tussen hom en sy lyfwagte en ‘n groep van minstens 20 polisielede deur sy veiligheidswagte weggelei.

Sowat 5 000 mense het die gewese Jeugligaleier ingewag onder swaar gewapende polisieteenwoordigheid by die Wonderkop-stadion, sonder wapens, maar met helderkleurige sambrele.

Minstens 30 polisievoertuie was teenwoordig. Toe die nuus hulle bereik dat Malema deur die polisie weggekeer is om hulle toe te spreek, was daar groot ontevredenheid, maar mense het kalm gebly.

Malema en sy lyfwagte het sowat 200 m van die stadioningang af met die polisie geargumenteer.

Floyd Shivambu, woordvoerder van die Economic Freedom Fighters, het in ‘n verklaring gesê Malema sal vandag tydens ‘n mediakonferensie kommentaar lewer oor onder meer dié voorval.

Suid-Afrika se Tesourie voorspel ‘n onregstreekse verlies van R3.1 miljard van die nasionale inkomste weens stakings en onderbrekings op die myne, het Zuma gesê.

Tweederdes het nie vaagste benul van hidro-breking

Soveel as tweederdes van Suid-Afrikaners het nie die vaagste benul oor wat hidrouliese breking behels nie, het Pondering Panda, ‘n verbruikersmaatskappy, bevind.

Dít kom nadat ‘n opname gedoen is kort nadat die regering ‘n moratorium op hidrouliese breking in die Karoo opgehef het.

“Uit die mense wat beweer hulle het al van hidrouliese breking gehoor, kon slegs 25% sê hulle dink dit is ‘n metode om natuurlike gasse uit die grond te onttrek,” het Pondering Panda in ‘n verklaring gesê.

“Sowat 34% het gesê dis ‘n manier om jouself van sonbrand te beskerm terwyl 26% glo dat dit ‘n seksuele aktiwiteit is.”

Sowat 84% van die mense wat bekend is met hidrouliese breking het gesê hulle is bekommerd oor die impak wat dit op die omgewing kan hê.

“Jong Suid-Afrikaners wat bewus is van hidrouliese breking het baie sterk opinies oor die saak,” het Shirley Wakefield, Pondering Panda se woordvoerder, gesê.

Sowat 3 000 mense het via Mxit aan die opname deelgeneem.

“Die regering en ondernemings moet meer doen om bewusmaking te skep oor hidrouliese breking,” het Wakefield gesê.

лобановский депутат

Amerikaners uit Tunisië ontruim

Sowat 100 Amerikaanse burgers is uit Tunisië ontruim ná ‘n aanval op die Amerikaanse ambassade waarin vier mense dood is.

“Die Amerikaanse burgers is Sondag ontruim,” het ‘n diplomatieke bron aan AFP gesê.

Washington het nie-noodsaaklike diplomatieke personeellede en hul familielede beveel om Soedan en Tunisië te verlaat nadat geweldadige betogings dié lande getref het, waarin ses mense reeds dood is

Die betogings kom uit protes teen ‘n rolprent spot met Islam.

Innocence of Muslims, wat glo in die VSA vervaardig is, het gewelddadige protesoptogte in verskeie Moslemlande en lande waar Moslems woon, veroorsaak.

Die VSA se departement van binnelandse sake het Amerikaanse burgers gewaarsku om nie na Tunisië te reis nie en het die burgers in dié land aangeraai om versigtig te wees en betogings te vermy.

Lonmin sluit skag, kanselleer arbeidskontrak

Lonmin sal voortaan slegs instandhoudingswerk by sy K4-skag doen en het ‘n kontrak met Murray & Roberts, wat aan sowat 1 200 arbeiders werk verskaf, beëindig, het die maatskappy Maandag gesê.

‘n Staking by dié myn duur steeds voort.

Die maatskappy sê hy het op 26 Julie reeds aangekondig dat hy in die lig van swak pryse ‘n deel van die kapitaalbesteding by sy K4, Hossy- en Saffy-skagte in die Rustenburg-omgewing sal opskort in ‘n poging om jaarlikse kapitaalbesteding vir 2013/14 na $250 miljoen (sowat R2 miljard) per jaar te verminder.

“Lonmin wil ook vandag aankondig dat hy sy K4-skag slegs in stand sal hou as deel van daardie hersiening van kapitaalbesteding,” het die maatskappy in ‘n verklaring gesê.

“Die maatskappy het vandag kennis gegee om sy kontrak met Murray & Roberts van 17 Oktober 2012 te beëindig. Dit is die kontrakteur wat sowat 1 200 werkers vir die K4-skag beskikbaar stel.”

Produksie het tot stilstand gekom toe werkers by Lonmin se platinummyn in Marikana op 10 Augustus begin staak het. Hulle eis ‘n maandelikse loon van R12 500.

Die staking het intussen na ander myne in die omgewing versprei.

Palestynse ambassadeur na SA oorlede

Namens van die regering en die mense van Suid-Afrika, het president Jacob Zuma ‘n boodskap van meegevoel aan die regering en die mense van Palestina gestuur, na aanleiding van die afsterwe van die Palestynse ambassadeur in Suid-Afrika, Ali Halimeh. Ambassadeur Halimeh is Sondag in Pretoria oorlede.

President Zuma het gesê: “Die Suid-Afrikaanse regering het met skok en hartseer van die nuus van die afsterwe van ambassadeur Ali Halimeh oor die naweek in Pretoria verneem. Ons gedagtes en gebede is met die familie van die ambassadeur Halimeh, sowel as met die Palestynse mense. gedurende hierdie moeilike tyd.”

Die Suid-Afrikaanse Regering herbevestig sy verbintenis om voort te gaan om sy diplomatieke betrekkinge en solidariteit met Palestina uit te bou. Suid-Afrika identifiseer met die stryd van die Palestynse volk en gaan voort om die regte van die Palestyne te ondersteun om ‘n onafhanklike en lewensvatbare staat te skep.

Reëlings word getref vir die repatriasie van Halimeh se liggaam na Palestina.

Carlton-sentrum bomplanter pleeg selfmoord

‘n Aktivis wat in 1977 ‘n bom by die Carlton-sentrum in Johannesburg geplant het, het selfmoord gepleeg, het The Star Maandag berig.

Issac Mohlolo Siko, 63, is Donderdag by sy huis in Hammanskraal deur ‘n werker dood aangetref met ‘n skietwond in sy kop.

Die werker was in die huis besig toe sy die skoot gehoor het.

Siko se tweelingsuster, Irene, het gesê die familie sukkel om sy dood te verstaan omdat hy geen selfmoordbrief agtergelaat het nie.

“Ons weet nie wat het daartoe aanleiding gegee dat hy selfmoord gepleeg het nie. Ons probeer steeds sy dood verwerk,” het sy gesê.

Siko het op die oggend van 7 Desember 1977 ‘n bom laat afgaan voor ‘n restaurant by die Carlton-sentrum.

Verskeie mense is in die aanval beseer, insluitend Siko, wie se regterhand afgeblaas is.

Siko, ‘n voormalige student van die Universiteit van die Witwatersrand, is tot 12 jaar tronkstraf op Robbeneiland gevonnis vir die aanval.

Hy het destyds aan die hof gesê hy het die aanval uitgevoer met “die hoogste patriotiese motiewe” vir die beswil van beide sy mense en “vir die beswil van wit Suid-Afrikaners”.

Voor die Carlton Sentrum se bomaanval, het Siko ook in Soweto ‘n spreekkkamer wat deur ‘n wit dokter besit is, opgeblaas.

Hy het gesê die aanval was bedoel om die doeltreffendheid van sy bomme te toets en om die owerhede te dwing om die lewensomstandighede in Soweto te verbeter.

Siko het onlangs vroeg afgetree as uitvoerende bestuurder by die Defence Science and Technology Institute.

VSA tree in tussen Japan en China om temperatuur op te jaag

‘n Territoriale dispuut tussen China en Japan kan ‘n vonk wees wat sal lei na “gewelddadige konflik,” het die Amerikaanse Sekretaris van Verdediging, Leon Panetta gesê. Die VSA het ook ‘n missielafweerverdrag met Tokio onderteken tot die ergernis van Beijing.

“Ek is bekommerd dat wanneer hierdie lande betrokke raak in ‘n woordestryd van een of ander aard oor hierdie verskillende eilande, dat dit die moontlikheid inhou van ‘n verkeerde oordeel aan die een kant of die ander en dit sal na geweld lei, wat kan lei tot konflik,” het Panetta gesê.

Die VSA se toetrede het egter tot die oplaaiende spanning bygedra.

Panetta het ook gewaarsku dat Beijing en Tokio ‘n einde moet maak aan die stryd of die risiko van ‘n konflik kan loop wat die gevaar inhou “om uit te brei”.

Na aanleiding van die diplomatieke vergadering met Panetta, het die Japannese minister van buitelandse sake Koichiro Gemba gesê dat Washington bevestig het dat die Senkaku-eilande, wat deur beide Japan en China opgeëis word, deur ‘n veiligheidsverdrag tussen die VSA en Japan beskerm word.

In die 1960-verdrag, het die VSA hulself verbind om die Japannese in die geval van ‘n aanval op die land se grondgebied te help.

Die VSA het ook ‘n ooreenkoms onderteken met Japan Maandag vir ‘n tweede missielafweerstelsel wat daarop gemik is om Noord-Korea in toom te hou. China kan die stap sien as verdere uitlokking.

Die Japannese ambassadeur in China is skielik in ‘n Tokio-hospitaal dood nadat hy drie dae vroeër opgeneem is. Sy dood val saam met ‘n toename in anti-Japanse betogings in China oor die territoriale dispuut.

Die oorsaak van ambassadeur Shinichi Nishimiya se dood word tans ondersoek, het Japan se Ministerie van Binnelandse Sake gesê. Drie dae gelede, is Nishimiya bewusteloos naby sy Tokyo-huis gevind net nadat hy vir werk vertrek het.

‘n Tweede dag van betogings het plaasgevind in China teen Japan se territoriale aanspraak op die groep betwiste eilande in die Oos-Sjinese See. China erken nie Japan se aanspraak op die eilande nie, wat bekend is aan die Japannese as Senkaku en as Diaoyu deur die Chinese.

Japannese fabrieke en winkels is afgebrand en beskadig in betogings wat in die ooste van China voorgekom het.

Spanning tussen die twee lande het Vrydag tot oproer gelei toe ses Chinese skepe Japannese waters naby die betwiste eilande binnegevaar het en die Japannese kuswag se oproepe om die waters te verlaat, geïgnoreer het.

Is die skietslagoffer André Jordaan net gelos om dood te gaan by Baragwanath-hospitaal?

Die blanke Afrikanerslagoffer van die jongste skietery in Muldersdrift, André Jordaan (50), is na Baragwanath-hospitaal vervoer, maar daar is nie op hom geopereer nie, in weerwil van die sewe koeëls in sy liggaam. Nadat hy Donderdagaand deur ‘n swerwende bende swart rowers geskiet is, het die hospitaal in Soweto belowe om teen Vrydagoggend ‘n noodoperasie uit te voer.

Die operasie is egter nie gedoen nie en Jordaan het Saterdagaan om 22.05 gesterf. Sy gesin, wat Jordaan “soos ‘n held” beskerm het deur letterlik sy ligaam as skild teen ‘n deur te gebruik, wonder nou intens wat verkeerd geloop het. Sy seun Shaun het aan Beeld gesê: “Ons wil net weet wat fout gegaan het en is desperaat om antwoorde by die hospitaal te kry. My pa was Donderdag ná die skietery tot eergistermiddag nog baie sterk.”

Blykbaar het die hoof van Baragwanath belowe om die gesin oor die saak te kontak.

Jordaan is ten minste sewe keer deur ‘n toe deur geskiet terwyl hy gepoog het om sy gesin teen ‘n tipe militêre aanval deur ten minste vier swart rowers te beskerm. Muldersdrift is al ‘n ruk lank die toneel van ‘n oorlog teen huishoudings deur misdadigers en ANC-opgeleide krygers wat as die “Task Desk” bekendstaan. Vele van die aanvallers kom ook uit Zimbabwe en het moontlik opleiding in Mugabe se weermag ondergaan.

Die hele gesin van ses het in die kamer agter die deur weggekruip terwyl die aanvallers probeer het om dit af te breek. Afgesien van mnr. Jordaan, was daar sy seun Shaun (26), sy vrou Isabel (48), nog ‘n seun Kevin (23), tesame met dié se swanger vriendin Mariska (24) en Shaun se vrou Jeanine (23).

André Jordaan is verskeie kere geskiet, maar het steeds regop bly staan om met sy lyf teen die deur te leun. Hy is drie keer in die maag, twee keer in die bors, asook in die linkerarm en regterskouer raakgeskiet.

Soos vroeër berig is, is drie van die aanvallers Vrydag in hegtenis geneem en sal vandag in die Krugersdorpse landdroshof verskyn. Die moordenaars is vermoedelik dieselfde as dié wat vir die moord op Alyssa Botha (13), ‘n leerling van Hoërskool Monument, verantwoordelik was toe haar gesin net ‘n paar huis van die Jordaans ‘n week vantevore aangeval is.

Daar heers meningsverskil oor die identiteit van die bende, aangesien sekere bronne beweer dat hulle reeds verlede week in hegtenis geneem is maar weer deur die polisie vrygelaat is.