Nuus Archives - Page 1183 of 1583

Guinee kry ligte skrobering van VSA

Die VSA het sy “diep teleurstelling” met Guinee se militêre leier, Dadis Camara, en sy minister van buitelandse sake uitgespreek ná massamoorde deur die Afrikaland se weermag.

Amptenare van die Verenigde Nasies, VN, en menseregtegroepe sê meer as 150 mense is op 28 September tydens ’n protesoptog in Conakry, die Guinese hoofstad, deur die weermag doodgeskiet.

Betogers was opstandig oor die moontlikheid dat Camara volgende jaar ’n presidensiële kandidaat kan wees.

“VSA-amptenare het hul diepe teleurstelling aan die hoogste range van die Guinese regering te kenne gegee oor die wreedaardige voorval op 28 September,” het ’n woordvoerder, Ian Kelly, Dinsdag aan verslaggewers gesê.

Die VSA het daarop aangedring dat die militêre leier vrede handhaaf, soldate beter beheer en ’n internasionale ondersoek na die voorval toelaat.

Meer as 1 000 mense is glo tydens die skietery beseer en talle vroue en jong meisies is deur soldate verkrag.

“Die VN en die internasionale gemeenskap moet nou optree om hierdie krisis te beëindig,” het Kelly gesê.

Op ’n vraag wat die konkrete stappe wat Amerika sal volg om die Camara-regime voor stok te kry, sal behels, kon Kelly slegs antwoord dat die land beplan om saam met ander lande, insluitende Frankryk en Boerkina Faso, te werk.

Данильченко

Tshwane en Pretoria sal op borde verskyn

Die naamborde wat die Tshwane-metroraad wil oprig by sy hoofingang sal nie die bestaande aanwysingsborde vervang nie, het die hooggeregshof in Pretoria Dinsdag gehoor.

Volgens adv. Vincent Malekala, wat die Tshwane-metroraad verteenwoordig, is die stad deur Fifa verplig om borde op te sit wat die Wêreldbeker in 2010 bemark.

Luidens die ooreenkoms sal beide Tshwane en Pretoria op die borde verskyn wat tydens die internasionale bemarkingsveldtog gebruik sal word.

Die metroraad beplan om nege borde op te rig by sy hoofingange.

Die VF+ en AfriForum het in 2007 ‘n interdik teen die metroraad gekry om hulle te verhoed om enige borde met die naam Pretoria of Tshwane op te rig. Die raad het nou weer aansoek gedoen om die interdik teen te staan.

Volgens Conrad Beyers, raadslid van die VF+, besef hulle hoe belangrik dit is om 2010 te bemark. “Ons wil die naamborde by die ingange hê, maar dan moet die naam van Pretoria daarop aangebring word,” het hy gesê.

demo slots online

Suid-Afrikaner sterf in Suidpool

Die 25-jarige weerkundige Johann Jamneck is dood in ‘n klimongeluk by die Suid-Afrikaanse Suidpoolstasie, het die departement van omgewingsake Dinsdag gesê.

“Spanlede het hul reddingstegnieke binne ‘n skeur geoefen toe die ongeluk (Sondag) plaasgevind het,” het die departement in ‘n verklaring gesê.

Die oefeninge het ingesluit dat hulle by toue op- en afklim en katrolstelsels opstel om mense mee op te trek.

Sy lyk sal in November met ‘n huurvlug teruggebring word na Suid-Afrika.

Dit is die vroegste geleentheid, aangesien Antarktika nie toeganklik is hierdie tyd van die jaar nie.

Jamneck het 2007 op Marioneiland deurgebring en dit so baie geniet dat hy aansoek gedoen het vir die pos as weerkundige op die Antarktika-ekspedisie.

Hy het Kaapstad op 23 Desember 2008 op die SA Agulhas verlaat as deel van die 48ste Suidpool-span wat deur die winter daar bly. Hy sou in Februarie 2010 terugkeer.

“Die direktoraat van Antarktika en eilande van die departement van omgewingsake wat verantwoordelik is vir die Suid-Afrikaanse Nasionale Antarktiese program, is baie jammer oor die ongeluk.”

“Buyelwa Sonjica, minister van water en omgewingsake, het haar medelye aan Jamneck se familie oorgedra.”

fun gladiator games

80 ambulanse kry voete

Die bestuurder en hoof van administrasie van Limpopo se nooddienste word ondersoek vir finansiële wanbestuur, het die provinsie se departement van gesondheid en sosiale ontwikkeling Dinsdag gesê.

Volgens woordvoerder Selby Makgotho is Bim Kerupashad, die bestuurder, en Herbert Phaahla, administratiewe hoof, drie maande gelede geskors “op grond van aantygings van wanbestuur van finansies.”

“Die departement is besig om in verskeie aspekte in te kyk. Die hele saak word nog ondersoek. Ek kan nie meer inligting op hierdie stadium verskaf nie,” het hy gesê.

The Sowetan het Dinsdag berig dat 80 van die nooddienste se 100 ambulanse wat in 2007 deur die departement gekoop is, spoorloos verdwyn het.

Berigte dat Kerupashad en Phaahla die 80 voertuie, ter waarde van R48 miljoen, verkoop en die geld in hul eie sak gesteek het, gaan deel vorm van die ondersoek.

Die departement van gesondheid het versoek dat dié nooddienste ‘n dringende verslag oor die saak indien.

Makgotho wou nie bevestig dat die voertuie verdwyn het nie en het gesê dat dit deel uitmaak van die ondersoek en dus kan hy nie kommentaar lewer nie.

“Ons kan in die stadium niks hieroor sê nie, aangesien die ondersoek aan die gang is,” het hy gesê.

Die twee is geskors om te verseker dat die ondersoek kan plaasvind sonder inmenging.

Makgotho het gesê dat die ondersoek binne enkele maande voltooi sal wees.

‘n Waarnemende bestuurder en hoof van administrasie is aangestel om die twee se werk te doen, het Makgotho gesê.

топкарго кидалы

Eskom wil meer gratis elektrisiteit uitdeel

Eskom wil volgende jaar die basiese gratis-elektrisiteitstoelaag aan arm huishoudings van 50 kW tot tussen 70 en 100 kW verhoog, het mnr. Jacob Maroga, uitvoerende beampte van Eskom, vandag gesê.

“Die huidige gesprekke gaan oor ’n verhoging van tot 70 of 100 kW,” het Maroga gesê.

Hy het gesê dat Eskom dié voorstel in sy tariefverhogingsaansoek vir aanstaande jaar ingesluit het, wat hy by die Nasionale Energiereguleerder (Nersa) aan die einde van September ingehandig het.

Maroga het geweier om die tariefverhoging waarvoor Eskom aansoek gedoen het vir volgende jaar bekend te maak, en gesê dat dit slegs openbaar gemaak sal word sodra die land se 283 munisipaliteite oor die aansoek kommentaar gelewer het.

Cholera tref Tanzanië

’n Cholera-epidemie het 12 lewens die afgelope week in Tanzanië geëis.

Dit is volgens ‘n woordvoerder van dié land se gesondheidsdepartement, Nsachris Mwamaja.

Die afgelope sewe dae is 600 cholera-gevalle in die Afrikaland aangemeld.

Meeste van die gevalle is in Tanga, wat in die noordoostelike deel van die land lê, met 511 siekes.

Mwamaja het die media verseker dat die regering alles moontlik doen om die verspreiding van die siekte onder beheer te bring.

Skole in die areas wat die ergste geraak is, sal tot 1 November gesluit wees.

Cholera word deur water versprei en kan oorgedra word deur kos wat in aanraking was met rioolwater.

Die siekte veroorsaak ernstige diarree en braking, wat tot algehele ontwatering lei.

Dit het ook ‘n baie kort inkubasietydperk, en is dodelik indien dit nie vinnig genoeg behandel word nie.

части к

Geld kon nie IOK ‘koop’ nie

Die Internationale Olimpiese Komittee, IOK, se president Jacques Rogge het Maandag gesê die bewys dat geld nie alles kan koop nie, is dat die keuse op Rio vir die 2016 Olimpiese Spele geval het.

As geld ‘n kwessie was, het hy gesê, sou Chicago loshande gewen het.

“As ons gedink het daaraan om ‘n klomp geld te maak, sou ons Chicago gekies het,” het Rogge gesê by die Olimpiese beweging se XIIIde kongres.

“Geld is nie wat die IOK se lede dryf as dit by die keuse van ‘n wensstad kom nie,” het hy afgesluit.

Rio het Vrydag se stemmery gewen, terwyl Chicago ten spyte van President Barack Obama se persoonlike optrede, in die laaste plek geëindig het.

камин в частном доме

Wêreldbank se geld raak op

Die Wêreldbank, wat gewoonlik steun aan arm lande verleen, moes soveel kontant uitdeel ná die globale finansiële krisis dat dit ‘n tekort vir nuwe projekte oor die volgende 12 maande ondervind.

“Teen die middel van aanstaande jaar gaan ons ernstige beperkinge ervaar,” het die voorsitter van die Wêreldbank, Robert Zoellick, gesê tydens die loodsing van ‘n groot veldtog om ryk lande te oortuig om nog meer geld aan die instelling in Washington oor te betaal.

Hy het toegegee dat so ‘n taak baie moeilik is, gegewe die probleme wat lande tydens die ontwikkelde wêreld se grootste resessie sedert die Tweede Wêreldoorlog in die gesig staar.

Hoewel die bank oor genoeg kontant beskik om bestaande projekte en daaglikse bedryfsuitgawes te befonds, het die globale ressessie soveel ekstra behoeftes van die arm lande geskep dat dit moontlik ekstra bydraes van ryk lande nodig gaan hê om sy balansstaat te verstewig en om aan sulke behoeftes te voldoen.

Mnr. Zoellick, wat by die IMF en die Wêreldbank se jaarvergaderings in Istanboel gepraat het, het gesê die bank het ‘n kapitaalvermeerdering van $3 tot $6 miljard nodig, hoewel sommiges die uiteindelike kapitaalbehoefte nog hoër beraam.

Hy het die hoop uitgespreek dat aandeelhouers, waaronder Brittanje en ander nywerheidslande, ‘n besluit sou neem voor die Wêreldbank se vergadering aanstaande jaar in April.

Die geld sal verdeel word tussen die Internasionale bank vir heropbou en ontwikkeling – die sleutelgedeelte van die bank wat aan arm lande geld leen – en die Internasionale finansieringskorporasie (Engelse afkorting IFC), wat aan maatskappye leen.

Mnr. Zoellick het gesê: “Ons erken dat alle lande onder begrotingsdruk verkeer en dat dit nie ‘n maklike tyd is om vir dié dinge te vra nie.” Hy het gesê dat die tekort aan kontant vir die IFC veral kommer wek en het bygevoeg: “Want een van die kwessies tydens dié ekonomiese herstelproses is die oordrag van regeringstimuleringsprogramme na privaatsektorontwikkeling.”

Tekenend van die Wêreldbank se probleme is dat sy driejaarbestedingsprogram van $100 miljard, waartoe hy hom verlede jaar verbind het, nie toereikend gaan wees om in die vraag van sukkelende ekonomieë te voldoen nie. Die grootste gedeelte van dié geld is reeds uitgegee om die oorlewing van die “mees kwesbare lande” te verseker.

зарядное устройство

Chuene-ondersteuner skree ook ‘rassisme’

Hendrick Mokganyetsi, die hoof van Atletiek Suid-Afrika, ASA, se atletekommissie, het Maandag sy steun vir ASA se beleerde president, Leonard Chuene, uitgespreek.

“Chuene is en bly die president van ASA, waarvan ek ’n raadslid is. Natuurlik ondersteun ek hom.”

Mokganyetsi het verder in ’n verklaring gesê dat hy gekant is teen ’n wegbreekkommissie binne die nasionale atletiekliggaam.

Mokganyetsi vaar in sy verklaring uit teen aantygings dat hy verlede naweek ’n atletevergadering in Pretoria ontwrig het.

Hy sê die aantygings is gemaak omdat hy Chuene ondersteun.

Die atleet is deur ’n voormalige mede-atleet daarvan beskuldig dat hy en ’n groep pandoere Saterdag ’n vergadering in Pretoria ontwrig het.

Volgens Geraldine Pillay was sommige van die groep onder die invloed van alkohol toe hulle ’n vergadering, wat sy gereël as ’n spreekgeleentheid vir atlete om hul bekommernisse oor die sport en die nasionale atletiekliggaam te bespreek, in chaos laat ontaard het.

Mokganyetsi sê in sy verklaring dat die aantygings rassisties is en dat hy nie die vergadering ontwrig het nie.

Volgens die SA-atleet het die byeenkoms in chaos ontaard omdat die organiseerders nie ’n behoorlike agenda kon voorsien nie.

“Ek het geen dronkaards gesien nie, behalwe as ons ‘dronkaards vol alkoholwalms’ was bloot omdat ons swart atlete is,” het hy in sy verklaring gesê.

Soektog na slagoffers afgelas

Die soektog na aardbewing-slagoffers in die verwoeste Indonesiese stad Padang is ná ‘n soektog van vyf dae afgelas.

Priyadi Kardono, woordvoerder van Indonesië se rampbestuuragentskap, het Maandag bevestig dat die soektog na oorlewendes afgelas is.

‘n Aardbewing wat 7.6 op die Richterskaal registreer, het vyf dae gelede die Soematra-eiland geruk.

“‘n Poging om oorlewendes te soek, is Sondag afgelas, maar buite Padang gaan die soektog voort,” het Kardono gesê.

Die Verenigde Nasies het gesê minstens 1100 mense is dood in dié ramp, maar skat dat die finale dodetal tot 5000 kan styg.

free online