Dr. Dan Roodt van PRAAG vra dat Julius Malema in terme van die Roomse statuut vervolg word op die klag wat verlede jaar deur dr. Pieter Mulder van die VF+ en adjunkminister van landbou by die Brooklyn-polisiestasie gelê is.
Dié versoek van Roodt geskied in reaksie op ontkennings deur die nasionale vervolgingsgesag aan Sapa dat Malema ondersoek word ná sy herhaalde gesing van die “Skiet die Boer”-liedjie. Aanvanklik het die vervolgingsgesag ontken dat hy hoegenaamd ‘n skrywe van dr. Roodt of PRAAG in dié verband ontvang het.
In reaksie het Roodt intussen die korrespondensie in PDF-formaat vrygestel. (Klik hier om af te laai.) “Óf die linkerhand weet nie wat die regterhand doen by die vervolgingsgesag nie, óf ons het hier te make met pogings om Malema te beskerm of om hom straffeloos te verklaar.”
Volgens Roodt beskik amptenare van die staat, soos veral die Nasionale Vervolgingsgesag, oor die verantwoordelikheid om toe te sien dat die internasionale verdrae wat die land oor menseregte gesluit het, nagekom word. “Daar bestaan ‘n prima facie-saak van aanhitsing tot volksmoord teen Julius Malema. Verlede jaar op 10 Maart het dr. Pieter Mulder van die Vryheidsfront Plus ‘n strafsaak teen Malema by die Brooklyn-polisiestasie geopen. Wat het intussen van dié klag geword? Ons is van mening dat Malema hiermee die volkereg oortree het en daarom internasionaal strafbaar is. Maar sowel die polisie as die nasionale vervolgingsgesag moet nou wet 27 van 2002 toepas en Malema vir aanhitsing tot volksmoord op Afrikaners vervolg. Die betrokke wet het die Roomse statuut by Suid-Afrikaanse wetgewing ingelyf, daarom is aanhitsing tot volksmoord ‘n misdaad in ons land.”
Dr. Roodt poog tans om die saaknommer van die Vryheidsfrontklag teen Malema te bekom. Dr. Pieter Mulder was gisteraand laat onbereikbaar omdat hy ‘n regeringslekgotla bywoon. “Sodra ek die saaknommer verkry het, sal ek weer met die vervolgingsgesag in verbinding tree en dit aan hulle oordra, asook ‘n skrywe aan die minister van polisie rig. Indien die Suid-Afrikaanse owerheid nie optree nie, sal ons genoodsaak wees om ons na die internasionale strafhof in Den Haag en die Verenigde Nasies te wend waar volksmoord en aanhitsing tot volksmoord wel as ernstige misdade beskou word,” het Roodt gesê.
Chinese president Hu Jintao, moes ‘n tweede keer oor menseregte tydens ‘n nuuskonferensie Washington uitgevra word.
Hu het nie Woensdag gereageer op ‘n aanvanklike vraag oor menseregte gedurende die Withuis-nuuskonferensie met die Amerikaanse president Barack Obama nie. Hy het die tolke en tegniese probleme blameer vir sy versuim om te antwoord.
Hu het gesê: “Baie moet nog gedoen word” in China aangaande regte terwyl hy aangedring het daarop dat enorme vordering reeds gemaak is.
“China bly voortdurend verbind tot die beskerming en bevordering van menseregte,” Hu gesê.
Hu is gevra oor die onderwerp nadat Obama tydens sy openingsverklaring by die nuuskonferensie gesê het die Verenigde State ondersteun dialoog tussen China en verteenwoordigers van die Dalai Lama en wil sien dat Beijing die godsdiensregte van die Tibetaanse volk respekteer.
Hu gesê China respekteer die “universaliteit van menseregte,” en het gesê dat hy reeds talle kere openlik met Obama oor die onderwerp gepraat het.
Hy het gesê: “Baie moet nog gedoen word” oor menseregte in China en hy het gesê China is bereid om ‘n dialoog oor die kwessie op die basis van wedersydse respek en nie-inmenging in China se interne sake aan te knoop.
China verwerp dikwels kritiek van sy menseregterekord as inmenging in sy interne sake.
Rukoro het gesê hy skaar hom by die Gladiators se tegniese span en glo dat hulle geldige redes het vir hul aantygings teen sekere spelers van die Angolese span wat die naweek in Luanda met 2-2 teen Namibië gelykop gespeel het.
Rukoro het ook die Gladiators se kommer gedeel dat die drie Angolese spelers onder verdenking – Patricia Seteco, Flora Lacho en Veronica José – se paspoorte eers drie dae voor die eerste kwalifiserende wedstryd vir die 2012 Olimpiese Spele uitgereik is.
“‘n Soortgelyke voorval was die Nigeriese Sokkervereniging wat verlede jaar ‘n protes oor die geslag van een van die spelers van Ekwatoriale Guinee in die sewende Afrika Vrouekampioenskap in Suid-Afrika ingedien het,” het Jacky Gertze, uitvoerende raadslid van die NSV gesê.
Lees die berig hier.
“Dit is duidelik uit die verslag dat ondersoekbeamptes nie die nodige kennis het om hierdie tipe misdade behoorlik te ondersoek nie en dat die sake spesialisopleiding vereis van ondersoekers. Hoewel kommissaris Bheki Cele gesê het daar moet weer gekyk word na spesialiseenhede, gebeur dit nie in praktyk nie. Die hoë misdaadvlakke in Suid-Afrika vereis spesialiseenhede om te verseker misdadigers word suksesvol opgespoor en vervolg. Spesiale eenhede, soos die destydse moord- en roofafdeling het verseker dat misdadigers suksesvol vervolg word omdat die ondersoek behoorlik was. Te veel misdadigers in Suid-Afrika loop vry rond en pleeg meer misdaad as gevolg van gebrekkige polisie-ondersoeke wat nie die toets in die howe slag nie,” het Groenewald gesê.
Die Polisie se Nasionale Sielkundige Ondersoekeenheid het ‘n verslag saamgestel en aan verskeie polisie kommissarisse gestuur. Gauteng se kommissaris, lt.genl. Mzwandile Petros, het ook die verslag ontvang. Die verslag verwys na 160 sake die afgelope drie jaar in Gauteng en vra dat die ondersoeke bespoedig moet word. Dit verwys na patetiese ondersoeke en waarsku dat dit ‘n verleentheid vir die Polisie kan word.
Praag wil van 2011 ‘n waterskeidingsjaar maak, waarin die Afrikaner in massas gemobiliseer moet word om op te staan vir hulle regte, en elke se volk se reg tot selfbeskikking tot sy volle potensiaal te dryf.
In dié verband het ons tot die besluit gekom om op 25 en 26 Februarie ‘n kongres te hou in Centurion, wat sal strek vanaf die Vrydag tot die volgende Saterdagoggend om 12h00. Alle ondersteuners is welkom, en dit sal verwag word van elke persoon wat vir bywoning registreer om met registrasie formeel by Praag aan te sluit, en ‘n registrasiefooi te betaal ter bestryding van die kostes.
Items op die sakelys is soos volg:
a) Praag se pad vorentoe, en ‘n finansiële verslag;
b) Die Afrikaner in die nuwe Suid-Afrika;
c) Die ANC se ooglopende agenda vir Suid-Afrika;
d) Praag se voorgestelde struktuur;
e) Verkiesing van ‘n nuwe bestuur;
f) Afrikaner, staan op en veg vir jou reg tot vryheid, en
g) Vryheid of slawerny, ‘n keuse vir die toekoms.
Op die vergadering sal daar ook verslag gedoen word oor die plan om eie Afrikanergebiede te bekom en te ontwikkel.
Vir meer inligting en hoe om die kongres by te woon, klik hier.
Advokaat Gerrie Nel van die Nasionale Vervolgingsgesag het gister in ‘n brief wat aan dr. Dan Roodt van PRAAG gerig is, bevestig dat die direkteur van openbare vervolgings vir die Noord-Gauteng-afdeling ‘n ondersoek geloods het “rakende die toepassing van die volkereg en wet 27 van 2002”. Die betrokke wet het die Roomse statuut, wat onder andere volksmoord en die aanhitsing tot volksmoord verbied, by Suid-Afrikaanse wetgewing ingelyf. Onlangs is ‘n Rwandese popsanger, Simon Bikindi, tot vyftien jaar tronkstraf gevonnis omdat hy in 1994 liedjies gesing het waarin Hoetoes aangemoedig is om Toetsi’s dood te maak.
Volgens dr. Dan Roodt van PRAAG, “sien ons uit na die toepassing van die volkereg in Suid-Afrika omdat plaaslike wetgewing of die owerheid aan bewind oënskynlik nie meer gemeenskappe en veral ‘n nasionale minderheid soos die Afrikanervolk teen dié vorme van aanhitsing beskerm nie. Daar vind ‘n groot aantal etniese en rassemoorde in Suid-Afrika plaas en is dit noodsaaklik dat daar so gou moontlik teen aanhitsing opgetree word. Gegewe die wetteloosheid in Suid-Afrika, kan massagruweldade in die nabye toekoms nie uitgesluit word nie indien aanhitsing tot volksmoord langer geduld word.”
PRAAG het 2011 tot die jaar van “stop Afrikanervolksmoord” verklaar. Op sy Facebook-blad het dr. Dan Roodt te kenne gegee dat plaasmoorde binne ses maande beëindig kan word indien die internasionale gemeenskap daartoe saamwerk en die volkereg in Suid-Afrika afgedwing word. Roodt vertrek binnekort na die VSA waar hy met Amerikaanse senatore, asook die Verenigde State se Vredesinstuut en ander betrokkenes oor die rasgebaseerde moorde in Suid-Afrika gaan gesels.
“Dis vir ons onbegryplik dat politieke partye wat minderheidskiesers en veral Afrikaners verteenwoordig, nie lankal reeds die hulp van die Verenigde Nasies, die VSA en ander grootmoondhede ingeroep het om ‘n einde aan die geweld in ons land te maak nie,” het Roodt gesê. “Ons hou ons dikwels egter met naeltjiekykery besig en besef nie dat sowel gesonde verstand as die volkereg geweld op die huidige skaal teen ons volk verbied en tot misdaad verklaar het nie.”
“Die gedagte dat Tzipi Livni ‘n oorlogsmisdadiger sou wees en hier in hegtenis geneem moet word, is eenvoudig belaglik. Veel eerder behoort daar gekyk te word na die werklike oorlogsmisdade en gruweldade wat daar tans in ons land plaasvind, in die vorm van plaasmoorde en die aanhitsing van volksmoord deur ampsdraers van die regerende party soos Julius Malema.”
Volgens Roodt is “Israel ‘n demokratiese land waarvan die verbintenis tot demokrasie en menseregte nog nooit onder verdenking was nie. Israelse burgerlikes word egter deur radikale Palestynse groepe geteiken met selfmoordbomaanvalle en vuurpyle, wat die owerheid in ‘n onhoudbare posisie plaas, want hy moet sy burgers teen aanvalle beskerm terwyl die internasionale media van die Palestyne martelaars gemaak het. In enige konflik is daar egter altyd twee of meer kante. Dit is onvanpas van plaaslike groepe en veral die Valke en Nasionale Vervolgingsgesag om ‘n besoeker en ‘n gas in ons land selfs net met vervolging te dreig.”
PRAAG wil die publiek maan om meer ingelig oor die konflik in die Midde-Ooste te raak sodat blatante propaganda en manipulasie soos wat daar tans rondom Livni se besoek gepleeg word, aan die kaak gestel kan word. “Israel was nog altyd ‘n vriend van Suid-Afrika, totdat die ANC besluit het om eerder met ekstremistiese bewinde soos dié van Kuba en Libië of radikale Moslem-terroriste te assosieer. Nie net verteenwoordig die huidige dreigemente teen Tzipi Livni ‘n morele laagtepunt in ons land se geskiedenis nie, maar ook ‘n laagtepunt in diplomasie en goeie maniere. Gegewe die menseregteskendings en die reg op lewe wat daagliks in ons land verkrag word, het ons geen lesse aan Israel te leer nie.”
“Die syfers is ‘n bewys dat grensbeheer, veral met Zimbabwe en Mosambiek, opgeskerp en strenger toegepas moet word. Die pogings van Binnelandse Sake om veral Zimbabwiërs se dokumentasie in orde te kry, of anders word hulle gedeporteer, moet in die praktyk toegepas word,” sê Pieter Groenewald (LP), hoofwoordvoerder van Polisie vir die Vryheidsfront Plus.
Op ‘n vorige vraag van Groenewald het die minister bevestig daar is tans 8 580 buitelanders wat in Suid-Afrikaanse tronke aangehou word. Hiervan is 4 868 reeds gevonnis en 3 712 is verhoorafwagtend. Die meeste is Zimbabwiërs (3 712) en Mosambiekers (2 337). Buitelanders uit Afrika is verreweg die meeste met 8 011 uit 36 Afrika-lande.
Van die buitelanders vorm Zimbabwiërs en Mosambiekers die meeste vir moord (73,3%), roof met verswarend omstandighede (86,02%), roof gewoon (85,5%), poging tot moord (75,5%), ernstige aanranding (80,9%), huisbraak (75,6%) en verkragting (70,5%) van buitelanders in ons tronke. (Volledige lys hieronder)
Gevangenes van 99 lande word in SA-tronke aangehou. Van die VSA en Brittanje word elk sewe burgers aangehou.
Skole kry al jare ekstra geld vir kinders wat met ‘n agterstand hul skoolloopbaan begin. Tot 2006 het ‘n skool ekstra vir leerlinge met laagopgeleide ouers gekry, en nog ‘n bykomende bedrag as laaggeskoolde ouers ook immigrante was.
Volgens die destydse onderwysminister is dit uitsluitlik die opleidingsvlak van ouers wat bepaal of ‘n kind skool met ‘n agterstand begin, en speel sy etniese afkoms daar geen rol in nie. Daarom is besluit om eweveel geld te gee vir sowel inheemse as immigranteleerlinge met laaggeskoolde ouers.
Maar die uitgangspunt van die maatreël klop nie, blyk uit navorsing van die Kohnstamm Instituut aan die Universiteit van Amsterdam. Byna alle immigrantekinders loop aan die begin van die laerskool agter gemeet teenoor hul inheemse klasmaats. Selfs die swart kinders met die hoogste opgeleide ouers doen net effens beter as die wit kinders met die laagste opgeleide ouers. “Dit is dus nie waar dat etniese afkoms geen rol speel by skoolagterstand nie”, sê navorser Jaap Roeleveld.
Die nuwe beleid is stapsgewys ingevoer en is sedert verlede jaar volledig van krag. Daardeur kry skole met baie inheemse leerlinge met laagopgeleide ouers deesdae meer geld. Swart skole kry vir ‘n deel van hul vroeëre agterstandsleerlinge geen geld meer en moet dus met minder klaarkom.
