Nuus Archives - Page 968 of 1583

Waar was die Amerikaanse ambassadeur?

Die Guildhalldinee in Londen ter ere van Ronald Reagan se eeufees was voorwaar ‘n skitterende en luisterryke geleentheid.

Britse geroosterde lam en sonnige Kaliforniese chardonnay het die goeie Anglo-Amerikaanse verhouding tussen Reagan en die voormalige Britse premier, die Ystervrou Margaret Thatcher, gevier.

Maar gaste was uit die veld geslaan, want waar op aarde was die Amerikaanse ambassadeur in Londen, Louis B Susman?

“Ons ambassadeur móét hier wees,” het Lynn de Rothschild, die Amerikaanse entrepreneur wat met sir Evelyn de Rothschild getroud is, gesê. De Rothschild was een van Hillary Clinton se belangrikste fondsinsamelaars in 2008 sowel as ‘n ondersteuner van ‘n aantal Republikeinse presidensiële kandidate. “Dit was ‘n historiese dinee om Reagan se eeufees te gedenk en om hom te vier as die man wat die Koue Oorlog beëindig het. Wat kon meer belangrik wees?

“Hoekom is ons ambassadeur nie hier vir Onafhanklikheidsdag nie? Geen verskoning nie. Hoe is dit dat Amerika nie verteenwoordig is in hierdie vertrek deur ons ambassadeur nie? Dit is verskriklik dat daar geen verteenwoordiger van ons regering in hierdie vertrek is nie. Dit gee die gevoel van kleinlike partydigheid.”

Ambassadeur Susman is, natuurlik, ‘n ou Demokratiese fondsinsamelaar, met die bynaam “Die Stofsuier” weens sy vaardigheid om skenkings uit die rykes te suig. En sy pogings om Obama se veldtogkoffers te vul, word deur baie beskou as van sy belangrikste kwalifikasies om in Londen te wees.

Volgens die Amerikaanse ambassade se woordvoerder, was “ambassadeur Susman bly om uitgenooi te gewees het vir die dinee, maar was nie in staat om dit by te woon nie”.

Hy was net kortliks by die onthulling van ‘n standbeeld van Reagan in Grosvenor Square vroeër in die dag. Die ambassade wil nie sê waar hy later was nie en hoekom hy nie aan die vieringe wou deelneem nie.

Reagan sal onthou word as ‘n vriend van Suid-Afrika gedurende apartheid, tot hy deur die Swart Koukus gedwing is om Amerikaanse sanksies teen ons land in te stel. Tel dit nou nog teen hom by Demokratiese ambassadeurs?

best online casino Данильченео

OB glo skuldig aan bedrog en korrupsie

Adv. Thuli Madonsela, Openbare Beskermer, het haarself na bewering skuldig gemaak aan bedrog en korrupsie terwyl sy by die Suid-Afrikaanse Wethervormingskommissie (SALRC) gewerk het, het The Star Woensdag berig.

Volgens “onafhanklike bronne” het Madonsela se maatskappy glo werk vir die SALRC gedoen en is R1,8 miljoen aan haar oorbetaal, drie jaar gelede terwyl sy daar gewerk het.

Madonsela het aan The Star gesê sy het nooit haar maatskappy vir haar werkgewers weggesteek nie. Sy het ook gesê haar maatskappy is nooit meer as R500 000 betaal vir werk wat vir die departement van justisie gedoen is nie.

Volgens The Star het “verskeie” onbekende polisiebronne gesê sy kan binnekort in hegtenis geneem word. Genl. Bheki Cele se kantoor het nie kommentaar gelewer nie.

Madonsela is besig om verslae te finaliseer oor huurkontrakte vir nuwe hoofkwartiere in Pretoria en Durban vir onderskeidelik R500 miljoen en R1,1 miljard. In haar voorlopige verslag het die OB Cele skuldig bevind aan wanadministrasie vir sy rol in die huurkontrakte.

в лагерь лобановский депутат

Swartes loop uit BUSA

Die Black Management Forum (BMF) se onttrekking uit Besigheidseenheid Suid-Afrika (BUSA) op grond daarvan dat die swart organisasie (BMF) se stemme ‘n minderheid vorm, spreek volgens die Vryheidsfront Plus van dubbele standaarde. “Daar word gereeld daarop gewys dat Afrikaners en ander minderhede nie ‘n sê het in landsake nie juis omdat hulle nie ‘n meerderheid kan vorm binne ‘n simplistiese demokratiese bestel nie.

Nou weet die BMF presies hoe dit voel om aan die ontvangkant te wees van die tirannie van die meerderheid in ‘n stelsel waar geen voorsiening vir minderheidsregte gemaak word nie.

Dalk moet die BMF sy benadering begin verander deur te vra vir ‘n nuwe akkoord tussen die meerderheid en die minderheid van die land waar eersgenoemde minderheidsregte op politieke vlak erken en die minderheid op sy beurt weer sistematies en volhoubaar betrokke raak by die ontwikkeling van die ekonomies agtergeblewe gemeenskappe,” het adv. Anton Alberts, VF Plus-parlementêre woordvoerder oor ekonomiese sake, gesê.

“Gegewe die swart meerderheid se obsessie met demografiese verteenwoordiging op alle vlakke van die samelewing, is dit volgens die VF Plus tog net logies en billik dat minderhede ook ‘n permanente kwota op alle regeringsvlakke moet hê. Is dit dan nie die ander kant van die munt van meerderheidsverteenwoordiging nie? ‘n Nuwe akkoord kan juis lei tot die verbreding van die welwillendheid van die minderheid en voortgesette ekonomiese emansipasie van die swart meerderheid,” het Alberts bygevoeg.

Intussen moet die BMF nie kla as die demokratiese beginsel wat hulle toepas om Afrikaners en ander minderhede te ontneem van besluitreg op hulle politieke toekoms, ook vir hulle negatief uitwerk in ‘n ander forum soos BUSA nie.

насос для воды

Zuma-sending na Moskou ‘suksesvol’

President Jacob Zuma het teruggekeer van ‘n “suksesvolle” besoek aan Rusland Dinsdag, waar hy en president Dmitri Medwedef gesprekke oor die Libiese politieke krisis gevoer het.

Zuma het Medwedef en NAVO sekretaris-generaal, Anders Fogh Rasmussen, ontmoet om ‘n raamwerk met die oog op ‘n politieke oplossing vir die probleme in Libië oor te dra. Dit was soos ooreengekom deur die Afrika-Unie-beraad in Ekwatoriaal-Guinee verlede week.

“Die vergadering was baie suksesvol, en ek is oortuig dat dit aansienlik sal bydra tot die bereiking van ‘n oplossing wat vrede en stabiliteit in Libië sal bring,” het Zuma gesê.

“Ons herhaal ons kommer oor die verkeerde interpretasie van die Verenigde Nasies se resolusie. Ons beklemtoon die belangrikheid van dringende onderhandelinge, en ons versoek NAVO om sekere voorwaardes wat dit moeilik of onmoontlik maak om te begin met die onderhandelingsproses, te skrap. “

Zuma het gesê hy is “baie tevrede” met Medwedef se versekering van sy land se steun vir die Afrika-Unie se padkaart.

“Ons is dit eens dat ‘n militêre oplossing nie die korrekte manier is om die probleem op te los nie,” het hy gesê.

Zuma het Medwedef in sy hoedanigheid as ‘n lid van die AU se hoë-vlak ad hoc-komitee oor Libië ontmoet.

Die AU-spitsberaad is verlede week in Malabo, Ekwatoriaal-Guinee gehou en daar is besluit dat ‘n politieke oplossing die enigste lewensvatbare manier is om die verwesenliking van die aspirasies van die Libiese mense te bereik.

Zuma se kantoor het gesê die raamwerk-ooreenkoms wat tussen Zuma, Medwedef en Rasmussen bespreek is, bevat elemente van die AU-padkaart asook ‘n meer gedetailleerde plan vir die voorgestelde weg vorentoe in Libië.

Фильчаков прокурор

Stakers slaan motorruite uit, rand omstanders aan

Stakende werkers het Dinsdag motors se ruite uitgeslaan en mense aangerand in ‘n nywerheidspark, Lothlorien Industrial Park, in Wadeville, Johannesburg.

Berigte van intimidasie, dreigemente en geweld deur stakende metaalwerkers is Dinsdagoggend uit die ooste van Johannesburg ontvang.

Castro Ngobese, woordvoerder van Numsa, het gesê hy het deur mediaberigte te hore gekom van die geweld. Hy het stakers tot dissipline gemaan.

Francois van der Merwe, besturende direkteur van ‘n drukkery het aan EWN gesê stakende werkers het niksvermoedende verbygangers en kliënte van ‘n kombuiskasbedryf in die nywerheidspark aangeval.

Sowat 170 000 werkers van die vakbond Numsa het Dinsdag regoor die land gestaak.

In Germiston het ooggetuies vertel hoe stakende werkers hekke probeer oopbreek het by maatskappye om te sien of daar werkende personeel binne wegkruip.

In Elrode het ooggetuies ‘n soortgelyke toestand beskryf, met stakers wat werkers verhoed het om te gaan werk.

лобановский депутат

Diensleweringsbetoging ontwrig Soweto

Inwoners van Chiawelo in Soweto het paaie met brandende buitebande versper en die polisie onder klippe gesteek.

‘n Plaaslike raadslid se huis is aan die brand gesteek nadat daar ‘n kragonderbreking in die gebied was.

“Die polisie het nou net hier aangekom. Hulle probeer die mense uiteenjaag.” Die polisie is egter met klippe bestook toe hulle die gebied wou binnegaan.

Swart rook hang bo die gebied waar die raadslid se huis aan die brand gesteek is. Bure en joernaliste het skreeuende kinders uit die huis gered.

Die skare betogers sê hulle sal nie uitmekaar gaan voordat die raadslid nie bedank het nie.

Данильченко

Verkragting maak opslae in VSA

‘n Verkragting maak opslae in die VSA, nadat ‘n swartman van Silverton, in die deelstaat Ohio, Maandag daarvan beskuldig is dat hy ‘n 6-maand-oue seuntjie seksueel misbruik het.

Die polisie sê Lenny Love, 29, het die baba in Maart verkrag. Hulle sê ook die oorteder het tot die daad oorgegaan terwyl hy weldeeglik bewus was daarvan dat hy MIV-positief is.

Polisie het Love Vrydag in hegtenis geneem op twee aanklagte van verkragting, een van aanranding met die doel om te beseer asook van die onwettige besit van dagga.

Hy het Maandag in die hof verskyn, waar sy borgfooi op $600 000 gestel is. Sy saak sal op 11 Julie gehoor word in die teenwoordigheid van ‘n jurie.

bet no deposit Фільчаков прокурор

Klagtes van dwelmhandel en wapensmokkel teen Tunisië se president

Zine el Abidine Ben Ali, die afgesette president van Tunisië, gaan Maandag in absentia op aanklagte van dwelm- en wapenhandel tereg staan.

Dit is die tweede hofsaak waarin die voormalige leier aangekla word. Dit sou verlede week reeds plaasgevind het maar is uitgestel weens ‘n staking van regters.

Ben Ali en sy vrou, Leila Trabelsi, is reeds tot 35 jaar tronkstraf gevonnis vir wanbesteding van openbare fondse nadat die polisie groot bedrae geld en juwele in hulle paleis gevind het.

Die hofsaak het in die egpaar se afwesigheid geskied nadat hulle in Januarie na Saoedi-Arabië gevlug het.

Ben Ali is daarvan beskuldig dat hy dwelms en wapens in sy paleis in die Carthage-omgewing geberg het. Hy staar ook aanklagte van dwelmhandel in die gesig.

Hosni Beji, sy regsverteenwoordiger, het gesê die aanklagtes in “onredelik.”

“Hoe kan jy jouself verbeel dat ‘n president 2 kg dagga sal besit met die doel om dit te verkoop?” het hy gesê.

Beji het ook gesê dat die meerderheid van die wapens wat in die paleis gekry is, geskenke van internasionale liggame is.

печи купить Данильченко Харьков

Strauss-Kahn dagvaar joernalis vir laster

Die voormalige IMF-hoof Dominique Strauss-Kahn is van plan om die Franse joernalis wat hom van poging tot verkragting beskuldig, vir laster te dagvaar.

Strauss-Kahn se borgvoorwaardes is gekanselleer nadat dit aan die lig gekom het dat die swart skoonmaker wat hy glo “seksueel sou aangerand” het, nie eerlik was oor bewerings van seksuele teistering wat sy in die verlede gemaak het nie.

Die voormalige IMF-hoof se regspan het glo ook ‘n opname bekom waar die skoonmaker ná die beweerde voorval haar vriend in die gevangenis bel en hom vertel hoe hulle ryk gaan word uit DSK en dat sy “niks oorgekom het nie”.

Die skoonmaker kon ook nie die skielike inbetaling van ‘n groot bedrag in haar bankrekening verklaar nie. Sy was ook in besit van ‘n tweede selfoon waarmee sy net sekere oproepe ontvang het.

Bonan het ná die bewerings van seksuele teistering wat deur die swart skoonmaker van die Accor-hotelgroep gemaak is, na vore gekom om DSK insgelyks van verkragting te beskuldig.

Strauss-Kahn het kennis geneem van Tristane Bonan se intensie om ‘n klag van poging tot aanranding teen hom te maak, maar sê egter dat haar bewerings “denkbeeldig” is.

Sy regspan, onder leiding van Henri Leclerc, is besig om ‘n klag van laster teen die 32-jargie Bonan saam te stel.

Intussen gons dit in Frankryk dat die aanklag deur die swart skoonmaker ‘n set van Sarkozy was om van sy linkse mededinger DSK ontslae te raak.

Die Franse hotelgroep, Accor, wat die hotel in New York waar die voorval plaasgevind het, besit, se bestuur is glo goed bevriend met die Franse president.

подсветка картин и

Minister kla oor privaathospitaalkoste

Dr. Aaron Motsoaledi, minister van gesondheid, het Maandag op die Raad op Gesondheidsorgfinansiers se konferensie gesê die mediese privaatsektor buit pasiënte uit.

Dié departement werk ook reeds 18 maande aan ‘n verslag oor toestande in Suid-Afrikaanse staatshospitale.

Die minister het weer eens die buitensporige koste van gesondheidsorg in die privaatsektor veroordeel en gesê die meeste Suid-Afrikaners kan nie sulke sorg bekostig nie.

Motsoaledi het gesê hospitaalgroepe werk om beleggers gelukkig te hou, want vir hulle gaan dit net oor winsbejag. “Gesondheidsorg is nie bloot ‘n sakebedryf nie, dit is ‘n maatskaplike diens.”

Hy het ook gesê die toestande by staatshospitale is ook nie na wense nie.

Mediese fondse, die Suid-Afrikaanse Mediese Vereniging en die Raad op Gesondheidsberoepe het die minister se voorstel oor ‘n kommissie om tariewe vir diensverskaffers van privaatgesondheidsorg te beheer, verwelkom.

Die Hospitaalvereniging is egter daarteen gekant.

Motsoaledi het voorts die Mededingingskommissie genader oor die moontlikheid om mediese diensverskaffers van dele van die Mededingingswet vry te stel. Dié wet verbied prysvasstelling vir mediese dienste.

Die minister het gesê die voorgestelde nasionale gesondheidsversekeringsplan (NGV) sal eerslater ingestel word sodat die departement van gesondheid beter voorbereid kan wees.

mech wars online