Opkoms van nuwe terreurnetwerk in Afrika

Die Nigeriese owerhede het bevestig dat drie bomaanvalle in die noordelike stad Maiduguri voorgekom het.

Een van die aanvalle het ‘n voertuig geteiken wat aan die gesamentlike polisiemag behoort wat veiligheid in die stad moet handhaaf. Niemand is in die voorval dood nie.

Luidens vroeëre berigte is die radikale Islamitiese groep – Boko Haram – aanspreeklik vir die aanval. Volgens ‘n ooggetuie het lede van die groep met wapens op die toneel aangekom. ‘n Bom het ook tussen die stad en die lughawe naby die konvooi van ‘n goewerneur ontplof.

Owerhede in Nigerië is waaksaam ná die VSA gewaarsku het dat nuwe aanvalle deur ekstremiste in dié land ‘n sterk moontlikheid is.

Dié waarskuwing volg ná ‘n vlaag terreuraanvalle deur ‘n Islamitiese sekte wat al 150 lewens in die noord-ooste van die land geëis het.

Verlede week se aanvalle in die stad Damaturu tel onder die dodelikste wat al uitgevoer is deur die Boko Haram-sekte, ‘n Islamitiese groep wat in die noorde van die land gevestig is.

Die Amerikaanse ambassade in Nigerië het gewaarsku dat die sekte volgende op hotelle of ander teikens in die hoofstad Abuja kan toeslaan, veral tydens die Eid al-Adha-fees.

“Ná die onlangse aanvalle deur Boko Haram, ook bekend as die Nigeriese Taliban, in die Borno- en Yobe-staat, het die Amerikaanse ambassade inligting ontvang dat Boko Haram dalk van plan is om verskeie teikens en hotelle in Abuja aan te val,” het die ambassade gesê.

Personeel van die ambassade is aangesê om dié plekke te vermy en Amerikaanse burgers is gevra om “ekstra versigtig” te wees.

Algerië het intussen ook gewaarsku dat ‘n terroriste-alliansie op die kontinent bestaan. “Ons het geen twyfel dat daar koördinasie bestaan ​​tussen die Boko-Haram en al-Kaida nie,” het die Algerynse adjunk-minister van buitelandse sake Abdel Messahel aan verslaggewers gesê. “Die wyse waarop beide groepe werk en intelligensieverslae toon daar is samewerking.”

Die Algerynse intelligensiediens het ‘n reputasie van wreedheid, maar doeltreffendheid, en Noordwes-Afrika is hulle turf. Hulle is veral bekommerd oor al-Kaida-splintergroepe in die Islamitiese Magreb.

Die AQIM in Algerië het nie begin as internasionale terroriste nie en het nie oorspronklik iets te doen met al-Kaida nie. Dit was ‘n Algerynse versetbeweging, teen die sekulêre staat.

Die Algerynse weerstandsgroep het kon egter meer waarde toevoeg aan hulle dreigemente teen die staat met hulle nuwe alliansie, en dit is waarskynlik die rede vir die samewerking. Vir al-Kaida weer, kan Algerië as deel van die Afrikanetwerk funksioneer.

topcargo отзывы сотрудников

Nog ‘n dienste-opstand

Woedende inwoners van wyk 27 by die Rooigrond-gevangenis buite Mahikeng in Noordwes het in ‘n optog na die provinsiale regeringsgeboue beter dienslewering en onmiddellike optrede geëis.

Die inwoners het steeds nie water, elektrisiteit, of die huise wat twee jaar gelede aan hulle beloof is nie. Hulle eis dat die provinsiale regering ingryp omdat hulle nie meer vertroue het in die plaaslike munisipaliteit nie.

Die LUR vir Onderwys het hulle klagtes aangehoor en onderneem om hulle griewe aan die kantoor van die LUR vir plaaslike regering oor te dra. Die inwoners eis optrede binne sewe dae.

Александр Фильчаков прокурор

Ontevredenheid oor swak dienste slaan oral uit

Meer as 50 inwoners van informele nedersettings op Vryburg in Noordwes het hulle intrek, sonder magtiging, in HOP-huise geneem omdat hulle sê hul geduld opgeraak het.

Hulle sê hulle wag te lank vir die voltooiing van die huise. Die projek van 86 miljoen rand sluit die bou van 500 huise in en het vier jaar gelede begin.

Die huise loop erg onder vandale deur, met toilette, wasbakke en vensterrame wat reeds gesteel is. Inwoners sê die halfklaar huise is beter om in te woon as die pondokke waaraan hulle gewoond is.

Die Oudtshoorn Burgerlike beweging het Dinsdag ook ‘n optog na die dorp se munisipale kantoor hou oor gebrekkige dienslewering. Die beweging het inwoners uitgenooi om by hulle aan te sluit.

Hulle eis dat daar aandag geskenk word aan sekere kwessies. Volgens die organiseerders van die optog, is daar voortslepende spanning tussen die munisipaliteit en inwoners, wat die amptenare onder meer beskuldig van korrupsie, nepotisme, wanbestuur en swak dienslewering.

Na verwagting sal ‘n griefskrif aan die burgemeester, Gordon April oorhandig word.

Данильченко Юрий Брониславович компромат

SA se belastinginvordering eersteklas

Suid-Afrika se belastingstelsel is nommer een op die ranglys vir opkomende ekonomieë vir sy doeltreffendheid en die maklike wyse waarop belastingbetalers hul opgawes kan indien.

Die ranglys is vervat in ‘n verslag van die Wêreldbank, die Internasionale Korporasie oor Finansies en die ouditeursfirma, Price Waterhouse Cooper.

Volgens die verslag is Suid-Afrika die leier op dié gebied bo ander BRICS-ekonomieë weens die gebruik van eerstewêreldinisiatiewe soos rekenaar-indiening.

Suid-Afrika het sy belastingstelsel meer vaartbelyn gemaak, gebruik doeltreffende tegnologie en ‘n vereenvoudigde belastingsstelsel. Rekenaar-indiening en uitbetaling verminder die hoeveelheid papierwerk en maak voorsiening vir ‘n meer teiken-gerigte benadering.

Suid-Afrika se belastingstelsel het egter op die wêreldranglys met 12 plekke gedaal.

Фільчаков прокурор

Drie polisielede oor k-woord geskors

Drie polisiemanne wat daarvan beskuldig word dat hulle ‘n prokureur van Vereeniging aangerand en die k-woord toegesnou het, is met onmiddellike effek geskors.

Die luitenant-kolonel en twee reserviste is geskors nadat hulle tydens ‘n interne dissiplinêre proses skuldig bevind is op aanklag van wangedrag, het sers. Teboho Lephoto gesê.

Thomas Mahlobogoane het gesê hy het in Junie huis toe gery toe hy deur twee polisiemanne en ‘n polisievrou afgetrek is. Hulle het aan hom gesê sy motor se ligte is af.

“Hulle het my gevra hoekom my hoofligte afgeskakel is. Ek het aan hulle gesê hulle is verkeerd, my ligte was aangeskakel. Een van hulle het my hande geboei en toe het alle hel losgebars.”

“Ek was weerloos met my hande wat agter my vasgeboei was. Hulle het my gevloek, geskop en geslaan. Hulle het my selfs ‘n k–r genoem,” het Mahlobogoane gesê.

Een van die polisiebeamptes het Mahlobogoane se motor tydens die aanval deursoek en sy besigheidskaartjies gevind.

“Hy het my gevra of ek ‘n prokureur is. Hy het toe probeer om verskoning vra en gesê ek moet aan die dokter wat my gaan ondersoek, sê ek het op die grond geval.”

Die Onafhanklike Klagtedirektoraat (OKD) ondersoek die saak.

Фильчаков прокурор харькова

Swart Piete kla oor Zwarte Piet

Vier betogers is in Dordrecht vasgevat omdat hulle tydens ‘n Kersprogram vir kinders wou beswaar maak teen die Nederlandse kultuurinstelling van Zwarte Piet, die swart handlanger van Sinterklaas.

Hulle het aan die optog deelgeneem met ‘n banier en t-hemde waarop ‘Zwarte Piet is rassisme’ gedruk was. Na herhaaldelike versoeke deur die polisie is die banier verwyder, maar die betogers wou nie opgee nie, en is in hegtenis geneem omdat hulle nie toestemming gehad het om te betoog nie.

Lees die berig hieronder:
Curaçao ziedend: Racistische agent vernederde betogers tegen Zwarte Piet
Vernederend, onacceptabel, racistisch. De regering van Curaçao haalt hard uit naar de politie in Dordrecht, vanwege de arrestatie van vier demonstranten tijdens de intocht van Sinterklaas, afgelopen zaterdag.

De gevolmachtigde minister Sheldry Osepa, die in Den Haag zetelt, rept in een verklaring consequent over ‘blanke agenten’ die de aanhoudingen hebben verricht. De betogers droegen T-shirts met het opschrift ‘Zwarte Piet is racisme’. Een van hen is de Curaçaose dichter Quincy Gario. Op een YouTube-filmpje is te zien dat hij door agenten tegen de grond wordt gewerkt en afgevoerd.

Osepa zegt dat hij ‘verontrust en met gevoel van boosheid’ naar het filmpje heeft gekeken. “Een skinhead-achtige kaalgeschoren agent, samen met andere collega’s, heeft gemeend de pacifistische Quincy Gario te moeten aanhouden.” Volgens de minister handelde de politie vanuit ‘een diepgewortelde motief dat herleidbaar is tot racisme’. Osepa: “Het fundamentele recht van burgers op vrijheid van meningsuiting en het erkend recht tot vergaderen en betoging dient te worden gerespecteerd. De overheid moet hiervoor garant staan. De mishandeling van Quincy Gario is een klap in het ongeschminkte gezicht van onze zwarte kunstenaars.”

De politie noch de gemeente Dordrecht wil inhoudelijk reageren op de beschuldigingen van de minister. Een gemeentewoordvoerder zegt wel dat de betoging in strijd was met de regels. “Het was ontzettend druk in de stad, met een kwetsbaar publiek. Dan nemen we geen enkel risico. Vandaar dat demonstratieverbod.”

De vier betogers zijn volgens de woordvoerder vijf keer gesommeerd hun protesten te stoppen. “Agenten hebben ze verteld dat het een kinderfeest is en dat de teksten op hun spandoek en T-shirts niet leuk zijn.” Later die dag “zochten zij nog steeds een platform voor hun mening”, vertelt de woordvoerder. Het spandoek was verdwenen, maar de T-shirts niet. Daarop greep de politie in.

Bart Zuidervaart

топкарго отзывы

ANC gaan Inligtingswet deurdruk

Die ANC het genoeg van ‘n meerderheid om die Wetsontwerp op die Beskerming van Inligting deur te stoomroller, sonder verdere konsultasie met die “linkse demokrate”, soos teenstanders van die wetsontwerp graag na hulself verwys.

Die regerende party het die wetsontwerp in September onttrek om buite die parlement met mediabelangegroepe daaroor te onderhandel.

Die Nasionale Vergadering (NV) sal egter volgende week oor die wetsontwerp stem sonder dat ‘n ad hoc-komitee sekere aspekte van die wetsontwerp kon wysig. Drukgroepe soos Right2Know, het gehoop dat konsultasie sou lei na die oprigiting van so ‘n ad hoc-komitee.

Murray Hunter, nasionale koördineerder van die organisasie, het Maandag aan Die Burger gesê hulle is ongelukkig omdat “die wet terug is sonder dat enige veranderings aangebring is.”

Die Mail & Guardian se redakteur Nic Dawes het ook sy kommer uitgespreek oor die wetsontwerp wat terug is na die Nasionale Vergadering. “Dit is verbasend, want die ANC het gesê daar gaan ‘n verdere konsultasieproses buite die parlement wees, wat duidelik nie gebeur het nie,” het hy gesê.

Hy het egter bygevoeg: “Om eerlik te wees, dink ek baie van ons was ambivalent oor daardie proses omdat ons … wou hê dat meer mense se stemme oor die wetsontwerp gehoor word, maar dit was ongemaklik om dit buite die parlementêre proses te doen en in iets wat nie noodwendig die graad van strengheid en openheid van die parlementêre proses thet nie.”

Die hoofbeswaar is dat joernaliste wat geklassifiseerde staatsinligting openbaar maak, geen beskerming onder die wet het nie en dat dit daarom ongrondwetlik is.

Volgens die nuwe wet kan diegene wat in besit is van geklassifiseerde staatsinligting dit wel vóór publikasie aan ‘n regter voorlê om te besluit of die bekendmaking in openbare belang is.

Фильчаков Александр Васильевич

Sarkozy se diversiteit ‘n fiasko

Die Franse president, Nicolas Sarkozy, se diversiteit is in die moeilikheid.

By die regerende UMP-beweging se soveelste konferensie oor nasionale identiteit, is Jeannette Bougrab, een van sy diversiteitsaanstellings glo diep “seergemaak” deur die voorstelle Donderdag, 10 November deur sommige lede van die “regse populistiese groep” binne die party.

Dié dogter van ‘n Harki, ‘n Arabiese groep wat die Franse kolonialiste in Algerië ondersteun het, en daarna vervolg is deur hul eie mense, is deur swaargewig Alain Juppé bevorder tot nasionale sekretaris van die UMP in 2002. Volgens Bougrab het UMP-lede haar toegang tot Franse burgerskap bevraagteken omdat haar vader, nie Frans kan skryf of praat nie.

Jeannette Bougrab is ‘n jaar gelede baie strategies as staatsekretaris vir die jeug in die regering van François Fillon aangestel. Frankryk gaan gebuk onder vlae van jeugopstande waar swart en Arabiese jeugdiges motors aan die brand steek in voorstede en ‘n skrikbewind teen die polisie voer.

Diversiteit in die aanstellings van die staat was dus een van Sarkozy se prioriteite. Selfs onder linkse regerings was die Franse staat wit, aangesien die eksamens wat staatsamptenare in Frankryk moet slaag, geweldig mededingend is en ‘n grondige kennis van Frans vereis.

Met die toetrede van Rachida Dati en Rama Yade in die regering, het Nicolas Sarkozy vinniger en verder as die linkses in die bevordering van politieke immigrante beweeg. Hy het ‘n groot slag teen die Sosialiste geslaan en gewys dat hy, ten minste in hierdie gebied is, die man is wat “breek” met tradisie.

Die resultate is egter rampspoedig. Met Dati wat in ‘n oop oorlog teen die eerste minister gewikkel is en Yade wat ‘n kruistog teen ‘n UMP-lid Borloo voer, het die twee ikone van Sarkozy nie as ‘n bate vir die meerderheidsparty uitgedraai nie, maar ‘n las. Die twee Arabiese nuwelinge, Nora Berra en Bougrab, is grootliks deur die kiesers geïgnoreer, totdat rassisme binne Sarkozy se politieke tuiste die twee in die nuus gekry het.

Nicolas Sarkozy se ambisie was om die immigrante van Noord-Afrikaanse oorsprong te oortuig dat hulle geen rede het om nie UMP te stem nie. Nou gee sy eie party hulle blykbaar genoeg rede.

Jeanette Bougrab het verlede Donderdag uitgeloop, omdat die sprekers van die UMP-konferensie in wanhoop gekla het dat hulle “te veel van Afrika en nie genoeg van François die Eerste” in Frankryk hoor nie.

“My pa kan nie lees of skryf nie maar hy is waarskynlik meer Frans as jy. My pa sal, môre, November 11, die vlag dra. Hy is deel van die Reserves,” het Bougrab woedend geantwoord.

Op 14 Mei, in Besancon, het sy inderhaas ‘n streeks-opleidingsessie van UMP-aktiviste verlaat, nadat een deelnemer gekla het dat hy sat is vir “bougnoules”, ‘n skelwoord vir Arabiere. Die deelnemer was ongelukkig oor die moontlike befondsing van moskees tot nadeel van die herstelwerk aan katedrale.

Dieselfde probleem het opgeduik met Nora Berra, die ewe diskrete staatsekretaris vir seniors.

In Desember 2009, tydens ‘n oop debat oor die Burqa het ‘n voormalige minister van justisie opgemerk dat “die dag wanneer daar meer minarette as katedrale in Frankryk is, dit nie langer Frankryk sal wees nie.” Nora Berra het toe uit die vergadersaal gestorm: “Dit is ‘n voormalige minister van justisie wat hierdie kommentaar in ‘n anti-sekulêre plek lewer, ‘n simbool van die Republiek, die Nasionale Vergadering! Dit is ondraaglik! Is dit demokrasie?” Berra is nooit voor stok gekry vir haar uitbarsting nie.

данильченко юрій броніславович компромат

Nuwe handelsblok wat EU verdwerg

Terwyl die VSA en Brittanje die Europese Unie onder geweldige druk plaas om te ontbind, het Barack Obama beheer geneem van sy plan om die grootste vryehandelsone in die wêreld te skep.

Hy het Sondag in Honolulu by ‘n beraad van die Asië-Stille Oseaan lande gepraat. Obama, ‘n boorling van Hawaii wat lief is om homself voor te stel as die eerste Amerikaanse president gebore in die Stille Oseaan, het aangekondig dat Kanada en Mexiko ook by die beoogde Trans-Stille Oseaan-vennootskap (TPP) sal aansluit. Vrydag het Japan ingestem.

Hierdie vryehandelsone, wat saam byna 800 miljoen verbruikers en byna 40% van die globale ekonomie beslaan, sal die grootste ekonomiese eenheid in die wêreld wees, groter as die Europese Unie wat maar ‘n kwart van die globale rykdom produseer. “Ons het nou die geleentheid om te beweeg na ons uiteindelike doel voor oë: ‘n streeksekonomie sonder hindernis,” het Obama gesê aan sy 20 vennote by die Forum vir Asië-Stille Oseaan Ekonomiese Samewerking (APEC).

Die Amerikaanse president het Saterdag aangekondig dat nege lande (Australië, Brunei, Chili, Maleisië, Nieu-Seeland, Peru, Singapoer, Viëtnam) ooreengekom het oor ‘n “raamwerk” vir die projek, wat teen volgende jaar na die eerste “regsformulering” moet lei. Maar kenners twyfel oor hierdie spertyd, gegewe die weerstand in verskeie lande, insluitend Japan, oor die vooruitsig van oop grense.

Obama is desperaat om werkloosheid te verminder in die Verenigde State, ‘n jaar van die volgende presidentsverkiesing, en wil voordeel trek uit sterk groei in Asië terwyl Europa sukkel. Sondag het Obama die boodskap herhaal: “Die Asië-Stille Oseaan-streek is absoluut noodsaaklik vir ekonomiese groei in Amerika. Ons dink dit is ‘n prioriteit,” het hy gesê.

Net soos ‘n eggo, het die uitvoerende direkteur van die Internasionale Monetêre Fonds, Christine Lagarde, aan die deelnemers gesê dat “alle lande hul rol moet kan speel om te help om die globale ekonomie te herbalanseer.”

China word direk geraak deur hierdie oproepe. Die Weste wil die waarde van sy geldeenheid verhoog sien ten einde invoere te baat. In hierdie verband het Obama volgehou dat China nog steeds nie “genoeg” doen nie ten spyte van ‘n “effense verbetering”.

“Selfs indien die yuan aansienlik gestyg, sal dit nie die oplossing vir die probleme waarmee die Verenigde State worstel wees nie,” het die Chinese premier Hu Jintao, volgens die Chinese ministerie van buitelandse sake, geantwoord. China sal voortgaan om sy wisselkoersregime te liberaliseer, maar net geleidelik.

Daar is egter ‘n toegewing gemaak deur Beijing aan APEC met ‘n verlaging van tariewe op “groen” produkte, soos sonpanele. Invoerbelasting daarvan behoort nie meer as 5% teen 2015 te behels nie. Die besluite van APEC is egter nie bindend nie.

Фильчаков Харьков

ANC kla oor ‘vals’ nuus

Die ANC se nasionale woordvoerder, Jackson Mthembu, sê die party sal waarskynlik die persombudsman sowel as die mediaraad raadpleeg oor wat hy “valse berigte” in ‘n Sondagkoerant noem.

Volgens die berigte het die ANC se nasionale tugkomtee ‘n lid van die Nasionale Uitvoerende Komitee, Tokyo Sexwale, oor die vingers getik oor getuienis wat op hoorsê gegrond is en ‘n gebrek aan begrip vir die ANC se grondwet.

Daar word ook beweer dat senior ANC-amptenare ongelukkig is oor ‘n aankondiging deur die voorsitter van die party, Baleka Mbete, dat meer as 100-miljoen rand vir die ANC se 100-jarige bestaansviering bestee gaan word.

Mthembu sê die party glo dat die berigte nie die waarheid is nie.

Фильчаков